|
مع المـارينـز...... انـا مـا ماشي
|
حلمت اللهم اجعلو خير....... اشوف شوارع الخرتوم مليانة دياشة......مارينز....والبلد عدمانه اسم الزول الحايم..... الناس لابته في بيوتها......علا انا براي الحايم وسط الناس ديل فكرت بيني وبين نفسي........ قلت ناس المارينز ديل وقت ناسا عجم... و ما بيعرفو نضمنا اقول لهم سوني رئيس...... واحكم لكم البلد.....وعلي اليمين اخلي الناس كلها تاكل برقر.. بدل القراصة السوت لنا يابوسة دي.......وبعدين جوازنا الكلو ضرائب ومصائب دا..ما دايرنو... غيروهو لينا بجوازكم.....وجنيهنا الما منو فائدة دا سوهو لينا دولار.....جنيهنا الخلا كلام الشيخ فرح ود تكتوك يكون صحي.......زي ما قال يجي يوم الناس تشيل قروشها في قفة وتجيب الخضار في جيبها...اوعكم تفكرو الشيخ فرح دا من شيوخ البترول..... سلامتو ان شاء الله.... الاكان من شيوخ البترول الشيخ مصطفى...ود الشيخ مصطفى...... ودا السيروهو.... وجاب ارادب الغدا والعشاء..والنسوان بعدو قطعت....وكمل قماش النصارى.......لكن انت يا مارينز مالك؟ ....... ضهرك دا مليان كلو عدة.؟..... زمزميات وخوروج...وحزامات... يا زول ضهرك ما اتقصا واتفصا... يا زول نزل الهم والحمل دا من ضهرك....وبعدين بندقتك دي.. ختها في جرابها..... علي اليمين البلد دي ما فيها زول بيسعالك..... ناسها مشغولين في رقبتهم... رؤسها خاتنو قرض مع بعضهم....كل زول داير يطّير التاني....اما ناس نحن. نصنا برا البلد والنص التاني..مشغولين باكل العيش....والجري وراهو .من تشرق الشمش لمن تغيب......نسوان على رجال..على شفع........كدي قولو خير..وعينوني رئيس..... الناس كلها بقت رؤاسا علا انا.... لي حسي ما ضقتها...زماااااااااان في المدرسة بالغلط سوني الفة..... يوم واحد بس....وفي نهاية اليوم... ناس الكنبة الورا...... كسروني ودقوني دقة لحسي وقت اطراها شعرة جلدي تكلب......اوعكم تقولو لي انتخابات... وتنزل انتخابات مع الناس.... يا زول انتخابات شنو؟.... علي باليمين فرد صوت ما بلقاهو.... الصيطان فاضية لي من ولاد المهدي و ولاد الميرغني....وناس الترابي....اصلنا نحن يا مارينز... مقسومين على اتنين..... ناس تسوّّط وناس تفوز...... انا من الناس القاعدة تسوّّط...ودي وراثة من جد جد جدي... نحن نسوّّط وناس سيدي يفوزو......وناس الديش يقلبوها....ونرجع نحن البنسوّط ديل نطلع مظاهرات.... دايرين انتخابات دايرين انتخابات... عشان ناس سيدي يفوزو.... النضم دا ليهو خمسين سنة...... لكن يا مارينز انا بدور اسعالك........ انت ناس بوش ديل.....زي ناس سيدي عندنا هنا.؟..... اصلي لي كم سنة كدي كل ما تسو انتخابات مرة يفوز بوش الابو ومرة يفوز بوش الولد؟
|
|
|
|
|
|
|
|
Re: مع المـارينـز...... انـا مـا ماشي (Re: ود العجمى)
|
ود العجمي... انا سعالتك عشان انت زيهم..... لكن يا ود العجمي جيب اضانك جاي النحدسك...... علا خسمتك بالرسول ما تعقب النضم دا....و ما تقولو لي زول.........جيب اضانك..... قالو يا اخوي المارينز ديل معاهم سودانين متمرنيز...... اووسسسسسسسسسسسس
| |
|
|
|
|
|
|
Re: مع المـارينـز...... انـا مـا ماشي (Re: سجيمان)
|
سيجيمان
لك كثير الود والتقدير وانت تملء الساحة رغم قتامة الحال بالضحكة والكلمة الساخرة ويا خوي اكترمن 99,9% من الشعب السودان واقع ضمن شريحة الناس البسوطو والباقين يحكموا مع انو كان للحكام الشفناهم ديل كان خلوها امفكو ساكت بتمشي احسن من يكونو في ودايما نحنا علينا حكاية يلمها النمل ويطاها الفيل وياخوي عليك الله منو فيهم احسن منك لانو البلد الوحيدة المافيها معايير لاختيار الرئيس هي بلدنا يازول يديك العافية وشكرا ليك تاني
| |
|
|
|
|
|
|
Re: مع المـارينـز...... انـا مـا ماشي (Re: سجيمان)
|
والله يا دكتور أبدعت... الحقائق المريرة كلها .. في كبسوله من الشحك.. وبلهجة أعتقدها الشايقيي... أو لعلي لا أقوى على التأكيد... الشيخ فرح ود تكتوك صدق تب... وكلامه حكمه... الله يزيل المحن إن شاء الله....
سأقول بهذه الكلمات أني (نسبياً) عدت بعد غياب...
بنت الحسين
| |
|
|
|
|
|
|
Re: مع المـارينـز...... انـا مـا ماشي (Re: سجيمان)
|
بنت الحسين...... دي لهجة ولاد عم الشايقيي.......لك التحية ....وربنا يزيل المحن امين
بيكو......... انا حلمت.... باقي لك امريكا لحسي ما حلمت؟
بنية.......... اهلا يا مواطنة..... غيابك طال بغادي
| |
|
|
|
|
|
|
|