|
الــــزوجــة التــانيـة
|
قالو..... الله يكفينا شر قالو وقلنا...... واحد طوالي مربي لمرتو الزلعة..... طوالي شابكها داير اعرس تاني داير اعرس تاني....والمرا تسوي لو في امشي اعرس كان داير....وانت زاتك البترضى بك منو؟ غيري انا؟.مسوي صلعتك دي؟......الناس ديل كانو قاعدين برا السودان..وهم بيقولو في نضمهم دا....... الراجل اخد اجازة ونزل السودان....... وجاء راجع..... دق الباب.... المرا فتحت الباب... الزول دخل....ووراهو طوالي .... عروس جديدة من الورقة..... المرا شافتها.... وفتحت خشمها مخلوعة.....واردولووووووووووووب....وقعت غمرانه من طولها......العروس مسيكينة دخلت في ضفورها.....و الراجل يشيل ويصحي في المرا الغمرت دي.... شي بصل...وشي نشادر....وشي كلونيا..... المرا يا الله فتحت عويناتها.....والراجل داير يموت من الضحك..... يا وليه. استهدي بالله وقولي بسم الله. قومي غسلي وشيكي دا بموية.. ومسحي كريعاتك ديل بدهينة.. البنت دي عروس صاحبنا عثمان..... وهو حسي جايي يسوقها... كلمني وانا في السودان... قال لي جيبها معاك.....المرا عاينت لو ماها مصدقة.... عثمان جا وساق عروسو .. الولية.... تاني غمرت....المرة دي من الفرح........ دا حين ان مرتك قالت لك عرس....اوعك تصدقها... كضابات.... يقولن كدي وهن في الطراوة.... يمين كان ساكت شافتك بتنضم مع واحدة تانية...........النار تولع فيها.....وتمد قدومها وتتماسخ عليك.... الغريبة في واحدات عاملات فيها متدينات يقولن لك الراجل محللاتلو اربعة.....لكن مو راجلي
|
|
|
|
|
|
|
|
Re: الــــزوجــة التــانيـة (Re: سجيمان)
|
سجيمان
مرة فطر معاى زات جمعة واحد جلاد عناقريب والكلام جاب الكلام . قام قال لى يا ولدى انتو المرة عندكم هنا بتعزوها . قلت ليه كيف قال لى نحن عندنا هناك فى - وسمى منطقتهم- تدفع 250 ألف جنية وتسوقها وراك زى الكبش
قمت على التعترنى حكيت الكلام دا لواحدة زميلتنا . تتصور بقت تشوفنى 250 الف 250 الف
| |
|
|
|
|
|
|
Re: الــــزوجــة التــانيـة (Re: سجيمان)
|
سجيمان اخوى والله ضحكتنى الله يجازى محنك عندى واحد صاحبى اصلو ماجاب لى زوجتو سيرة انو عاوز يعرس (والنوعية ده خطرة جدا) قامو نزلو اجازة سوى ومشت تسلم على اهلا وجات راجعة لقتو معرس
والسواى ما حداث لكن ياسجيمان وحاتك بوستيك ده جكس البورد ما حايدخلو واراهن على كده
لوووول
| |
|
|
|
|
|
|
Re: الــــزوجــة التــانيـة (Re: سجيمان)
|
سـيجيمان إزيك،،
أبو جعفر المنصور كان على خلاف مع زوجته الحرة ، واراد ان يقترن بأخرى فعظم الامر عليها ولاقته ساخطة ، فأحتج عليها بأنه لا يصــدر في زواجه بثانية عن غير أمر الله ثم رأت ان تحتكم الى أبي حنيفة وحده ووافق المنصور في سهولة ظناً منه أن الحكم الشرعي من الوضوح بحيث لا يقف أمامه أبوحنيفة ذو الرأي والقياس ، وحانت ساعة الحكم ، فقال أبوجعفر : يا أبا حنيفة كم يحل للرجل أن يتزوج من النساء فيجمع بينهن؟ فقال: أربع ، فسأله ثانية وهل يجوز لأحد أن يقول خلاف ذلك؟ فقال: لا ، فنظر المنصور الى زوجته متهللاً ، وقال: قد سمعت يا هذه ... فتدارك أبوحنيفة فقال في مجابهة: إنما أحل الله هذا لأهل العدل يا أمير المؤمنين ، فمن لم يعدل أو خاف ألا يعدل ، فينبغي ألـــلا يتجاوز الواحدة فقال تعالى: "فإن خفتم ألا تعدلوا فواحدة" (النساء3 ... فينبغي أن نتأدب بأدب الله ونتعظ بمواعظه. فسكت أبو جعفر على غيظ..
فتزوجوا وأعدلوا ... وحافظوا على هيبتكم لأنه بصراحة في رجال بصيروا مسخ وبالأحري "مسخرة" بعد الزواج التاني إلا من رحم ربي.. غايتو حدثتني صديقة والعهدة عليها أن واحد فقط وعلى حسب قولها لو الرجال زيهو يتزوجو أربعة وكمان ما "ملكت إيمانهم".. أولاً اعطاه الله بسطة في العلم والرزق ثانياوفوق كل عادل وهو متزوج ياثنتين يراعي الله فيهماوإذا ذهبوا للتسوق مثلاً تجلس واحدة الى جواره ذهاباً والاخرى إياباً(هذا قليل من كثير وعليه قس)وعند حضور أمه لزيارتهم تجلس أمه الى جواره والاتنين ورا ومافي زول بقول بغم... الحايل المايل في الدنيا ما بسر والشق المايل في الاخرة عايز ليه وقفة ومراجعة
| |
|
|
|
|
|
|
Re: الــــزوجــة التــانيـة (Re: Noon3)
|
لكن ما اتقطعت فيها يا سجومي يجازي محنك
نحن واااااحدة في تلتلة انت فكرت في التانية ..ختر لكن
واحد صاحبنا مشى يعرس التانية جات المرة الاولى وهو قاعد في الكوشة مع عروستو الجديدة وجرتو من كرفتتو زي الغنماية وقالت ليهو قدامي البيت بلا مسخرة معااك
وواحدة برضو راجلا ماشي يعرس فوقا وهي عاملة روحا رياضية الراجل مارق من البيت وماشي على العقد قامت مشت على الكرسي الراقدة فوقو الكديسة وشالت الكديسة وجرت ورا الراجل
شابكاهو
ياراجل عمتك.....راجلي هووووي نسيت عمتك
| |
|
|
|
|
|
|
Re: الــــزوجــة التــانيـة (Re: سجيمان)
|
و الله يا سجيمان اي زول ناوي يعرس مرتين بحذرو عن الاقدام علي الخطوه دي لازم يفكر مليون مره ...نحنا بنات حواء ما هينات غياتو بهدي ليه بيت الشعر ده عشان يتعظ بتجارب غيره قال اعرابي
تزوجت اثنتين لفرط جهلي بما يشقي به زوج اثنتين فقلت اكون بينهما خروفا وانعم بين افضل نعجتين فبت كنعجه تضحي وتمسي تداول بين اخبث ذئبتين
اوع تكون يا سجيمان ناوي تتني فتح عينك ...لا القديمه حتسكت ولا الجديده حتكون احسن
| |
|
|
|
|
|
|
|