دعواتكم لزميلنا المفكر د.الباقر العفيف بالشفاء العاجل
|
|
 الأميــر شارلــز..من..ديـانـا... الي الكركــار
|
البابا دا اتاريهو زول مو هين ومو ساهل......غايتو كترة امة جات البكا دا.....مافضل ريس ولاّ مسعول علي ضهر الدنيا ما جا....الما جا رسل لو زول ورسل معاهو حق الكشف........هميت للناس الكتار ديل.. يرقدو وين؟....البلد دي ما اظن فيها عناقريب تشيل الناس دي كلها......ومن صُحي وقت شفت ساحة القديس بطرس مليانة امه وعالمين...... اتمنيت يكون عندي كشك ليمون في نص الساحة دي..... وابيع كباية الشربات بي يورو واحد....لكن حسي يسمع بها صلاج ادريس يركب طيارتو ويمشي يشتري ساحة القديس بطرس....ويشتري القديس بطرس زاتو ويسجلو في نادي الهلال....... نحن صلاح ادريس بي يخلينا نستثمر معاهو؟؟؟؟؟؟.......لكن هو راجل طيب وعديّل......
الامير شارلز.. عرس واحدة اسمها كاميلا.....قالو كانو قاعدين يريدو بعض ليهم خمسة وتلاتين سنة.....كل زول عرس...... هي عرست لها راجل وهو عرس المرحومة ديانا....ال اتقصت واتفصت في شبابا......نان النبيح النبحوهو الناس في ديانا اصلو بي يكتل..... من يومو الشارلز جدع فوقا حبلو....والنضم شغال..... ديانا الشهر دا الدورة فطتا......ديانا حامل....ديانا رمت...ديانا ولدت...ديانا حاربت شارلز.. ديانا حردانة....... ديانا دخلت الحمام.......يوم واحد ما نامت عند اهلا خشُما كارس ومافي زول نضم فيها..... وفي النهاية ديانا ماتت سكرانة وحامل في شهرا التالت وهي مطلقة.........لكن ديانا ...... ما مرا عاد..... الرقبة.... متل رقاب النسوان البيرسموهن في فتايل الريحة......لكن انا ديانا دي مناقضا في شي.... ديمة تانيا رقبتا ومدنقرة .....ومكتلا عويناتا.......وحسب فهمي وعرفتي في الناس الشغلة دي شغلة غتاتة...كانت غتيتة. الله يرحما ويسامح لها....وغتاتا دي هي الخلت شارلس يطلقا......ويجدعا الجدعا ديك.....وبعدين الامير شارلز زاتو زول اشتر.... في بطن الواطا دي مشيتو شترا.... اكنكم كدي عاينو لو..وهو ماشي....وقت يجي يلف ما تعرفو لافي يمين.... ولاّ.... لافي شمال.....و ما بيعرف يقدل....القدلة بعرف لها انا أي والله.....علا الدنيا مقابلاني يا كافي البلا.....علي باليمين ابقى امير اقدل واكره الناس القدلان... امشي واقدل و ارفع كراعي....وانزلا..وارفع التانية... وعشان اوريهم العنطظة والفلهمة وقلة الادب ما انزلها علا بي قرار من مجلس الامني.........
مرتو الجديدة.. قالو مرا صدّافة ومرا دبّاااارة....ومرة بيت....علا ماها سمحة متل ديانا.....وفي ضُمة الناس النضمو البارح ديل في بيت العرس..... قالو كاميلا دي هي.... السوت لي شارلز عمل وخلتو يكجّن ديانا ويطلقا.......فشان كدي الملكة ام العريس شفتها خاترها ماهو طيب.....وزعلااانة ومُتنارية....... غايتو ان بقت كاميلا خاته اللوم دا....... حماتا ليها حق.....
|
|
 
|
|
|
|
|
|
|
 Re: الأميــر شارلــز..من..ديـانـا... الي الكركــار (Re: سجيمان)
|
هذه الرسالة كتبها سودانيون إلى كل من السكرتير العام للأمم المتحدة، ورئيس وأعضاء مجلس الأمن ، ورئيس المحكمة الجنائية الدولية، وهي موجودة في هذا الرابط، ويمكن لأي شخص أن يوقع إسمه ضمن الموقعين عليها.. وكما ترون فإنني قد وضعت توقيعي، وأهيب بكل المثقفين الأحرار أن يوقعوا عليها..
ياسر
http://www.sudaneseonline.com/petitions/main.html
ملحوظة توجد أخطاء طباعية سأضع تحتها خطا وسأنبه إدارة سودانيز أونلاين أن تقوم بالتصحيح..
=====
السيد سكرتير عام الامم المتحدة
السيد رئيس وأعضاء مجلس الأمن الموقر
السيد رئيس المحكمة الجنائية الدولية
نحن الموقعون أدناه ، مواطنون سودانيون ، حملنا الوطن في قلوبنا وعقولنا ، دون طمع أو فزع ، بلا من ولا أذى .. واذ نراه اليوم يمر بهذه التجربة العصيبة فاننا نرى ان من واجبنا ان نسجل الموقف التالي :
1- ان ما جرى من قتل للآلاف من ابناء أقليم دارفور، واغتصاب وتشريد ، جريمة بشعة ، هزت الضمير الانساني ، ولا يقبل ديناً ، ولا عقلاً ، ان تمر هذه الجريمة الشنعاء ، دون عقاب .
كما ان تحميل مسؤوليتها ، لافراد من الشرطة ، أو الجنجويد ككبش فداء ، يهرب به المجرمون الحقيقيون ، من جريرتهم ، كما تريد الحكومة السودانية ، خدعة سافرة، لا تجوز على أحد.
2- إن الاصرار من جانب حكومة السودان ، على محاكمة مرتكبي جرائم دارفور، أمام القضاء السوداني، تحت ظل هذا النظام ، أمر مرفوض جملة وتفصيلاً . وذلك لأن القضاء السوداني قد انحرف ، ولم يعد قضاء مستقلاً عن السلطة التنفيذية . وانما اصبح اداة في يدها ، توظفه لتصفية خصومها السياسيين ، مثله مثل أجهزتها الأخرى . ويكفي في هذا الصدد ، الاشارة الى المذكرة التي رفعها اكثر من مائة قاض ، يطالبون فيها باصلاح النظام القضائي ، بعد ان فصلت الحكومة مئات القضاة الشرفاء ، من الخدمة ، واولت مناصبهم لغير المؤهلين من عناصرها.
3- إن قرار مجلس الامن رقم 1593، والقاضي بتسليم مجرمي حرب دارفور الى محكمة العدل الدولية ، قرار صائب وحكيم ، يجد منا كل التاييد ، والدعم ، والاشادة بالدول التي رفعته ، والتي ايدته . ولا يمكن الاحتجاج على هذا القرار، بانه اعتداء على سيادة الدولة السودانية . وذلك لأن سيادة الدول يجب ان تراعى ، حين تحافظ هذه الدول على أمن مواطنيها ، وممتلكاتهم ، واعراضهم . فإن فرطت دولة في هذه الحقوق الاساسية ، فكيف تدعي بعد ذلك السيادة ، وتطالب مواطنيها بالدفاع عنها؟! أن عجز الدولة عن بسط القانون ، وحماية المواطنين ، ينقل السلطة تلقائياً من يدها للقانون الدولي ، الذي يجب ان ينصف كل شخص على هذا الكوكب .
والمجتمع الدولي ، الذي هرع الى دارفور بالمعونات المختلفة ، من غذاء ، وكساء ، ودواء ، حين قصرت الحكومة السودانية ، من واجبه ان يسعى الى ايقاف هذه الحرب الجائرة ، بمعاقبة مرتكبيها ، ومن حقه علينا ، ان ندعم قراراته ، الرامية الى تحقيق الامن في ربوع دارفور.
4- إن رفض الحكومة السودانية لقرار الامم المتحدة ، وتصريحها بانها لن تسلم المتهمين، حتى قبل اعلان اسمائهم رسمياً ، جاء في عجلة مريبة ، تدل على تورطها في هذه الجرائم . أما اعلان التعبئة العامة ، وحشد المظاهرات ، واطلاق التصريحات الجوفاء ، فانه لا يعدو المحاولة اليائسة ، لطمس الحقائق ، وتضليل الشعب ، واياهمه بان هنالك خطر محدق به ، بعد ان كشفت جرائم دارفور سوأة الحكومة ، وجعلتها تحاول الآن الحفاظ على بعض اعضائها ، ولو على حساب الشعب السوداني. على ان الشعب ، الذي يعلم ان هذه الحكومة لم تحقق له طوال الستة عشر عاماً الماضية ، الا الفقر والجوع ،والقتل ، والتشريد ، والتعذيب ، لن يختلط عليه أمر دفاع هذه العصابة عن نفسه ،ا مع الدفاع عن الوطن . فانه من اجل الوطن ، يجب محاكمة هؤلاء الآثمين بما جنت ايديهم .
5- لقد فرح الشعب السوداني ، وأيد جهود المجتمع الدولي ، التي دفعت حكومة السودان ، والجيش الشعبي لتحرير السودان ، لتوقيع اتفاقية السلام ، الي اوقفت نزيف الدم في الجنوب . وبدلاً من ان نتعاون مرة أخرى ، مع المجتمع الدولي ، لايقاف نزيف الدم في دارفور، اذا بالحكومة تصر على حماية الجناة ، من مجرد المحاكمة ، التي لن تضيرهم لو كانوا أبرياء . بل صرح بعض قادتها ، بانهم سيوقفون اتفاقية السلام مع الجنوب . وبهذا ترجع الحكومة الى عهد التلويح بالعنف ، ودق طبول الحرب ، وكانها لم تستفد شيئاً من دروس السنوات الماضية .
6- اننا نناشد الشعب السوداني العملاق ، في هذا المنعطف الخطير، ان يتحلى باليقظة ، ويركز على مطالبه الاساسية في اليمقراطية ، والمساواة ، وحقوق الانسان .. والا يصرفه عنها كل الاعيب الحكومة ، مهما ادعت من حرص زائف على السودان .
7- ونحن منطلق الوطنية الخالصة ، من الغرض نؤيد قرار مجلس الأمن . ونطالب السودانيين بالتعاون مع كل الاجراءات التي تقتضي تنفيذه .
صورة الى :
الحكومة الفرنسية –السفارة بواشنطن
الحكومة البريطانية – السفارة بواشنطن
الحكومة الامريكية
| |
|
|
|
|
|
|
|
|
|
Re: الأميــر شارلــز..من..ديـانـا... الي الكركــار (Re: Yasir Elsharif)
|
سي جي العزيز
| Quote: وعشان اوريهم العنطظة والفلهمة وقلة الادب ما انزلها علا بي قرار من مجلس الامني......... |
طيب يا سي جي لو الصين أو روسيا إستعملت حق الفيتو و قالت لا سجيمان ما ينزل كراعو تب .. الضحك شرطك .. و لغاية ما يجتمعوا تاني و يصوتوا تكون بقيت زى تمثال إبراهيم باشا   
| |
|
|
|
|
|
|
|
|
|
Re: الأميــر شارلــز..من..ديـانـا... الي الكركــار (Re: سجيمان)
|
تحية طيبة للجميع
د. سجيمان
انا مستغرب فى حاجة واااااااااااااحدة بس
اسه الزول السمو تشارلز ده ما بيخجل، البابا متوفى
و هو يقوم يمشى يعرس! انجليز ما عندهم احساس اصلوا
لكن تانى ما تقول لى روميو و جوليت، تانى تشارلز و كاميلا
35 سنة بيحبوا فى بعض، و اتحدوا ضد الظروف و المكلة الام
تخريمة :
د. ياسر ، جميل اسلوب الدعاية المجانية ده
| |
|
|
|
|
|
|
|
|
 Re: الأميــر شارلــز..من..ديـانـا... الي الكركــار (Re: Marouf Sanad)
|
الحبيب سجيمان ، تحياتي الحارة لك ولمن معك وفي الحقيقة ثبت بما لايدع مجال للشك أنك رجل امبريالي طفيلي وتصطاد في الماء العكر وجهز نفسك بمحامين مختصين قبل ما تلقى نفسك في ورطة وأنصحك باستشارة دور قانون عالمية حتى يمكن أن تخفف عنك بعض الأحكام التي قد تطالك و الدليل كلامك التالي
| Quote: تمنيت يكون عندي كشك ليمون في نص الساحة دي..... وابيع كباية الشربات بي يورو واحد....لكن حسي يسمع بها صلاج ادريس يركب طيارتو ويمشي يشتري ساحة القديس بطرس. |
كشك ليمون يا ............ والنقاط هذه لن تدينني أبدا والمعنى في بطن الشاعر
وبعدين الجماعة ديل عايزين يعزو والعزاء يختلف باختلاف الثقافات ، يعني جماعة قهوة وجماعة شاي , وجماعة ورود وجماعة فراولة وجماعة بدون ....
خليك في الليمو ن والله حتى قام يتعزز الليمون .........
| |
|
|
|
|
|
|
|
|
|
Re: الأميــر شارلــز..من..ديـانـا... الي الكركــار (Re: سجيمان)
|
يا سى جى .. مش قالوا كل فوله وليها كيالا .. اها كاميلا دى فولة تشارلس .. وديانا دى الله يرحمها كانت عينا زايغة يعنى طايرة وتشارلس ما عجبوا الكلام دا عشان كده طلقا ودبرست .. عموما ربنا يديك واحدة زى ديانا عشان تقد لستكك وتوريك المكشن بلا بصلة .. ولا انا نسيت انت ما مكسر فى الكوندا رايس .. ربنا يعدل ليك سبيلك
ود عابدين
| |
|
|
|
|
|
|
| |
سجيمان
Yasir Elsharif
ابو جهينة
محمد الامين احمد
ست البنات
albagir altahir
صديق الموج
Marouf Sanad
انور الطيب
wadabdean
فيس بوك
تويتر
انستقرام
يوتيوب
بنتيريست