|
|
 طهــارة.. العوض ود اب قـنايّـة........"ممنوع اصطحاب الاطفال"
|
الليلة غايتو.... يمرقني منك سيدي الحسن يا دا البوست......
العوض ود اب قناية.. ...صاحبنا شديد.... طويل عندو شنب كبير...ما مستعد يتنازل عنو ابدا....حتى لو بدلوهو ليهو بي بيت في المنشية....... ختب....وعرسو بعد شهرين.....جاني من دغش الرحمن.....ودق الباب فتحتو ليهو.....زولي باينة عليهو الخُلعة.....والخوف...... قعد في طرف السرير وشايل هم كبييييير...... اديتو موية شرب..... قال لي يا سجيمان اقعد انا دايرك.... قلت لو سمح...... بدأ ينضم:-
"سجيمان انا باقي لي داير انط من العرس.....وما داير اعرس تاني لي يوم القيامة...... يا سجيمان بعد الحصل لي اظني انا والعرس اتفرقنا فراق الطريفي لي جملو..... مشيت بيت البكا البارح يا سجيمان...وكنت بايت هناك..... متل ماك عارف ناس البكا بي يرقدو في الواطا....رقدت في الواطا... قريب من الادبخانة......وانا في عز نومي احلم ويجيني ابكباس.....انا بين نايم وصاحي اشوف سعد الله الطهار..... بتعرفو؟؟؟؟ سعد الله القاعد يطهر الوليدات...... اشوفو واشوف معاهو اتنين... يمسكوني من كرعي واتنين من ايديا.... وسعد الله قعد يطهر فيني. ما بي موس... بي مُنجل يا سجيمان.....وانا يا سجيمان اكورك" سعد الله..... الله يهديك.... سعد الله خاف الله... سعدالله يا زول اصبر... انت ماك مسلم يا زول؟....سعد الشي مو كدي.. الشي ما بيقطعوهو من قعرو......سعد الله خاف ربك انا قدامي عرس..... يا زول انا خاتب.....اهااااااا؟ ..ماشي لي ورا وين يا سعد الله.....؟.. النضم. دا عيب... بعد العمر دا؟.........يا سعد الله اصبر يا زول استهدي بي الله......... يا ابو مرووووووووووووا.... يا ابو مروووووووووووا..... اها مع كوراكي د ا الناس صحت....... وجو صحوني وقالوا لي يا ود ابقناية قول بسم الله........صحيت يا سجيمان لكن برضو حاسي النضم ما اياهاو... برضو في شي بي تنغمش وتصوط جوا....واجري علي الحمام..واملص الجلابية...واملص اللباس..... ويا سجيمان مرقن من اللباس جندبتين.... الجندبات اتاريهن جن من الادبخانة و دخلن في الجلابية ودخلن بي كراع اللباس......وسرحن ومشن هناااااااااك ...وانا نايم......مشن هنااااااااك ...وقعدن يصوطن في صواطتن وينغمشن..... وصادف حلمتي بي سعد الله الطهّار.. انا اشوف الطهّار شغال والجندبات اتاريهن يفرفرن وينغمشن ويصوطن..وانا قايلو سعد الله قاعد يطهر........يا سجيمان انا الفيني كملت طب......وباقي لي قعدت اباطي والنجم......وبعد البشتنة والنضم دا مافضلت فيني شي....دحين من دربك دا تقوم تمشي تكوس البت دي.... ختيبتي ....تكوسا سما واطا.......وتقول لها ود ابقناية قال لك كوسي لك عريس غيرو.......وعافي لك لله والرسول...."......مشيت كوست لي ختيبة ود ابقناية..... شافتني قالت لي" ربنا جابك يا سجيمان... تمشي لي ود ابقناية تقول لو يكوس لو مرا غيري....انا والعرس اتفرقنا"........ اتحيرت في نضم البت......وفي سري قلت يا ربي...... برضو يكونن جندبتين...... صاطن بت الناس دي ولحقنها ختيبا........الجندب دا ما شاف لو شغلة غيري ود ابقناية وختيبتو؟........
|
|
 
|
|
|
|
|
|
|
|
Re: طهــارة.. العوض ود اب قـنايّـة........"ممنوع اصطحاب الاطفال" (Re: زول ساكت)
|
سجيمان
صباح النور عليك يا زهور
انا مزاجى صاحي بيهو رايق
و لقيت بوستيك ده تم لى المقصر اضحك و ناس الشغل بيراعو فوقى
اظنهم شاكين يكون بايته فوقى بس خجلانين ما يسعلونى
و شايف واحد شوبار بتحاوم بى جنبى
ظنيتو بعد شويه بجى بيقول لى
ياخى انت كان فيها باقى يا ما تجى من الصباح
يا كان جيت و حسيت بى روجك ما تمام اخيرلك ارجع البيت
بس و حاتك ما بنضم معاهو الا اخليهو يتم شوبرتو دى
و الله يجازيك يا دكتر كان بتهبل بينا (يديك العافيه)
سلام
تحياتي ... ناصر البطل
| |
|
|
|
|
|
|
|
|
|
Re: طهــارة.. العوض ود اب قـنايّـة........"ممنوع اصطحاب الاطفال" (Re: nasiradin)
|
C-G-ME
سلامات
ود ابقنايه ... مي المحريه فيك ...أفوووووه
ما شفت
جنا ود احمر عين سوي شنو
وداحمرعين لمن عوين الحله طهرهم
وابوه اجل طهورتو للسنه الجايه (لزوم المسره تطلع زينه )((موسم الزراعه))
وداحمرعين طلعلو في شدره
وإتوهطلو في فرع
ربط طرف الحبل في فرع
والطرف التاني مكان مابصواطتن وينغمشن (جندبات سجيمان)
وقال يا شافي ياكافي
ونط من الشدره
لمن سمع طق ،،،،تل ،،،،
نواصل بعد الفاصل
تقول لي ودابقنايه تاني
،
| |
|
|
|
|
|
|
|
|
|
Re: طهــارة.. العوض ود اب قـنايّـة........"ممنوع اصطحاب الاطفال" (Re: nasiradin)
|
C-G-ME
سلامات
ود ابقنايه ... مي المحريه فيك ...أفوووووه
ما شفت
جنا ود احمر عين سوي شنو
وداحمرعين لمن عوين الحله طهرهم
وابوه اجل طهورتو للسنه الجايه (لزوم المسره تطلع زينه )((موسم الزراعه))
وداحمرعين طلعلو في شدره
وإتوهطلو في فرع
ربط طرف الحبل في فرع
والطرف التاني مكان مابصواطتن وينغمشن (جندبات سجيمان)
وقال يا شافي ياكافي
ونط من الشدره
لمن سمع طق ،،،،تل ،،،،
نواصل بعد الفاصل
تقول لي ودابقنايه تاني
،
| |
|
|
|
|
|
|
|
|
 Re: طهــارة.. العوض ود اب قـنايّـة........"ممنوع اصطحاب الاطفال" (Re: نادر)
|
سجيمان كيف حالك شايفك قلت كنت ساكن بالقرب من سينما الرابعه وفى تلك المنطقه كان يسكن المرحوم عمر زين العابدين ومحمد التاج ود الخلفاء الميرغنيه وكذلك ابوبكر صالح الملقب بالعجوز وكان محمد يس يسكن شمال شرق المستشفى وضياء وجمال عبالمطلب بالقرب من ماسورة على وكان أسعد عبدالله يسكن شرق سوق الرابعه وكذلك كنت أسكن شرق سوق الرابعه جوار ناس محمود منصور وعلى منصور وزكى وكان جوار السينما أستاذ المنصورى الموسيقار بعدين الموج دا من الهوبجى كيف صار جار ناس أستاذ محمد سيدون ودكتور عثمان سيدون ياخى الموج دا لسانو سنين......
منصور
| |
|
|
|
|
|
|
| |
سجيمان
زول ساكت
nasiradin
ود شندي
تولوس
الزنجي
المعتمد
عادل فضل المولى
jini
Adam D.El-Asha
صديق الموج
دكتاتورية
humida
خضر عطا المنان
حسام يوسف
munswor almophtah
فيس بوك
تويتر
انستقرام
يوتيوب
بنتيريست