دعواتكم لزميلنا المفكر د.الباقر العفيف بالشفاء العاجل
|
|
 الركشة.. الركشة..في حيّـنـا.........حكومتنا مُندهشــا زيّـنا
|
قالو" الله يكفينا شر قالو وقلنا"......والله يا اخوانا القوالة مكجنها في بلد الله......قالو كانت في مرا... جنبا وكاتالا.. وشر ..وشوم خلاص....... وعندها اختها مسيكينة وعيديّلة... الغنماية تاكل عشاها..... اها في يوم من اليومات.....المرا المسيكنة تلم فيها مرا تانية وتشاكلها......تقوم المسيكينة تجي تحدس اختها الشر...وتقولها.. والله فلانة شاكلتني..وقالت كيت وكيت وكيت........اختها الشر زعلت.. وقالت لها... شاكلتك وقالت لك النضم دا كلو وانتي سكتي لها؟............ المسيكينة دايره تثبت انها برضو شاكالا...وما بترضى الحقارة....... قالتلها ..لا ...اسكت لها كيفن.... نضمت معاها........ نضمتي معاها قلت لها شنو؟.......... قالت لها قلت لها" والله اياهو".......
دحين انا حسي......والله شي موجعني..وغايظني... قدر... نضم موسيفيني ويوغندا دا مافي.......الطيارة وقعت...والناس قالو الجو كان زي الزفت... والدنيا كانت هبوب..وكوُبت..... الطيارة ضهبت وضربت في الجبل ووقعت......تعال يا موسيفيني اخنس لك كم يوم.....وبعد داك قول الطيارة ..ما رمتا هبوب ولا ضربت في جبل ولا شيتين.....الطيارة في زول رماها...........
حكومتنا .. فتحت خشما... واندهشت في نضم موسيفيني دا.... ووقت نضمت صفقت ايدها الاتنين استعجابًا و قالت" والله اياهو"......وبس.....ووحات الله كل القنوات الفضائية شالت حالا وقالت الحكومة السودانية متمحنة ومتحنة ومندهشة في نضم موسيفيني دا.......سكتنا قلنا يمكن الحكومة اللتنا عندها رأي تاني.....وفهم آخر.... في قولت والله اياهو دي...... لكن ابدًا.. ما زادتا....... حسي البارح دي... قومي تاني يا يوغندة... قولي في جنازة لقوها في الطيارة ماها جنازة زول بي نعرفو......وبرضو حكومتنا...... تندهش وتفتح خشما...وتصفق ايديها....وتقول "و اللهِ اياهو".......يا كافي البلا... النصيبة الوقعت فوق حكومتنا شنو؟.....وخلتها بومة كدي.....وما بتقدر تنضم....... بس تفتح خشما وتندهش..قول "والله اياهو".زمان كنا قاعدين نندهش نحن ونقول " والله اياهو"...قدر ما تصوط وتسوي.....لكن حسي بقينا كلنا نندهش.....
....انا لاحظت من يوما السوت الدستور الانتقالي دا... فهما كمل عليها......وبقت بومة......الناس ضبحو بعض وكتلو بعض في الخرتوم...والحكومة واقفه فاتحة خشما مخلوعة وتعاين لهم.....وتشاور في روحا... يا ربي الناس ديل احجزهم ولاّ....يقوم واحد فيهم يعوقني؟.....حتين بعدين ادخلت وقعدت تحنس فيهم.....
النضم دا ما بيبقى.... البوامة ما بتحل مشكلة...... انا كان بكانكم.اكتب جواب لي موسيفني .. ارسل وزير الخارجية..... لي يوغندة.....واخليهو يزرزر.. ريسها.....واقول لو في الجواب...... انت تعال هنا... النضم دا شنو البتسوي فيهو دا.... نحن يا عاجبلك النضم اللعوج ما بينفع معانا.....وان قمنا خترين....وبعدينك الطيارة دي اللتك.. والسواق من عندكم......يعني ان بقى في لوم.. بي يقع فوقكم انتو.....انتو لي شنو..ما بتفتشو طيارتكم سمح قبال تقوم؟؟؟...... الزول الداير يركب فيها دا نائب رئيس.....مو تاجر شاي....."والله اياهو".......و
الركشة.. الركشة...في حيّنا
حكومتنا مندهشة....... زيّنا
|
|
 
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: سجيمان)
|
| Quote: "والله اياهو"..... |
فعلاً يا سجيمان ..
بلد محنه وحكومه تحير ..
Quote: واقول لو في الجواب...... انت تعال هنا... النضم دا شنو
البتسوي فيهو دا.... نحن يا عاجبلك النضم اللعوج ما بينفع معانا..
وان قمنا خترين....وبعدينك الطيارة دي اللتك.. والسواق من عندكم..
يعني ان بقى في لوم.. بي يقع فوقكم انتو...انتو لي شنو.. مابتفتشو
طيارتكم سمح قبال تقوم؟؟؟....الزول الداير يركب فيها دا نائب رئيس..
مو تاجر شاي.. |
لا بد من جواب .
أضم صوتي إلى صوتك .
...
طلال
| |
|
|
|
|
|
|
|
|
 Re: الركشة.. الركشة..في حيّـنـا.........حكومتنا مُندهشــا زيّـنا (Re: سجيمان)
|
سجيمان
| Quote: دحين انا حسي......والله شي موجعني..وغايظني... قدر... نضم موسيفيني ويوغندا دا مافي... |
أنا ظاتي موجع يا دكتور وممغوس ..
كمان في ناس قالو الطيارة اختطفها واحد من جيش الرب
كان كضب كان صاح ما بنعرفوا غايتو جنس هجيمة
والله يكضب الشينة وقالوا الشينة منكروه
والله يكفينا شر قالوا وقلنا يا دكتور برضو 
| |
|
|
|
|
|
|
|
|
 Re: الركشة.. الركشة..في حيّـنـا.........حكومتنا مُندهشــا زيّـنا (Re: سجيمان)
|
إنت يا سجيمان حينت بتقوم علي موسى فيني دا كدي
قايل روحك شنو
موسى فيني ينضم ويقول الداااايرو
يقول الطيارة وقّعتا الهبوب، تاني يقول لا وقعوها الروانديين
تاني يقول فيها زول زايد..
وبعدين هو حُر ينضم متى ما ينضُم.. هسي هو الطيارة زاتا ما حدثنا
بها بعد يومين..؟ دحين هسي لو سكت كان في زول بنضم معاهو..؟
أكان نكرا كلو كلو في زول بقولو السعر كمو!؟
بتنضم في الزول دا مالك.. والله ياهو..!! 
| |
|
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: سجيمان)
|
مقتل جون قرنق تدبير صهيوني، وما موسيفيني الا و ساطه، وهدف الصهاينه ان لا يعم الاستقرار منطقة الجنوب فهو رقعه يسهل التمدد منها داخل افريقيا و الانتشار إلى ما حوله من مناطق مجاورة والسيطره التامه علي منابع النيل لذا اصبحت أوغندا جسر عبور للجماعات الصهيونيه و تتمتع بموقع بؤري يجذب إليها أنظار الطامعين للسيطرة علي المنطقة، و تدفق النقد الاجنبي علي أوغندا لمدة 21 سنه مضضت، لذلك كانت مصلحة اوغندا في ان تكون حرب الجنوب مشتعله وذلك بمقتل جون قرنق ولكن قد خاب ظنهم، بحكمة الحركه الشعبيه و قولهم لا دخول للغابه مره اخري، اليوم الاول نسمع روايه من موسيفيني وخاب ظنه، و اليوم الثاني نسمع روايه اخري وخاب ظنه، واليوم الثالث نسمع روايه اخري مستفذه وذلك بوجود جثة أخري، غير معروفه، و خاب ظنه، و يستمر الاستفذاذ وزيادة عدد الجثث الي ثلاثه و إنكار السفاره الاغنديه في الخرطوم بوجود جثث، و لكن ما دام لجنة التحقيق من الحادثه فيهم امريكان النتيجه اقولها مسبقا احوال جويه وحكومتنا تتمها قضاء وقدر ويقفل الملف.
أنور أحمد
| |
|
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: فرح)
|
الحمد لله انا عندي ركشة نمرتها خضرة ........
و الله اهو.....
نحن يا سجيمان اتلطشنا جوة....
و اتلطشنا برة....
حكومتنا فلاحتها لمن نكورك نقول عاوزين حرية
لكن موسفيني الشين ده ما بسعلوه
هسع اكان فيه واحد ىوم الاتنين الفات داك
كورك قال تسقط الحكومة......
كان الفوضى ما بقت
و كان العشرة الف الجو من جهة الجيلي
ديل .... نحن زاتنا ما عارفنهم كان وصلوا بدري
و حفظوا النظام.... بتاعهم
.................
حاشية: نمرتها خضرة يعني مرخصة قبل قرار توقيف ترخيص الركشات
.................. والي
| |
|
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: فرح)
|
الحمد لله انا عندي ركشة نمرتها خضرة ........
و الله اهو.....
نحن يا سجيمان اتلطشنا جوة....
و اتلطشنا برة....
حكومتنا فلاحتها لمن نكورك نقول عاوزين حرية
لكن موسفيني الشين ده ما بسعلوه
هسع اكان فيه واحد ىوم الاتنين الفات داك
كورك قال تسقط الحكومة......
كان الفوضى ما بقت
و كان العشرة الف الجو من جهة الجيلي
ديل .... نحن زاتنا ما عارفنهم كان وصلوا بدري
و حفظوا النظام.... بتاعهم
.................
حاشية: نمرتها خضرة يعني مرخصة قبل قرار توقيف ترخيص الركشات
.................. والي
| |
|
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: Waly Eldin Elfakey)
|
dr. C.G
it's our pleasure to read for you. the following is completely out of context from your funny writing.. but i wanted to bring it to the table since i read some ppl in the board insist on bringing the zionists once and again..
can some one check this link?? ugandan weather on august 1
http://allafrica.com/stories/200508011234.html
"Uganda is blessed with a good climate, which if combined with hard work, could make the country progress economically," this is the israel ambassador on the august first, 2005.. they were celebrating graduation of some trainees.. this proves the wether in uganda is not to blame for the sadenning accident.. if someone can ask his excellence about the wether in sudan, or in the new sudan..
| |
|
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: Abdulla Ageed)
|
الأخ د. عادل
تحياتي صافيات
ناس الأمم المتحدة قالوا عدد الجثث التي تم إستخراجها من الطائرة 17 جثة
1 + 6 الفقيد د. جون قرنق وحرسه
7 طاقم الطائرة
3 غير معروفين
أها ناس الأمم المتحدة ديل البيقدر بيغالطهم منو ؟؟؟
مزيداً من الدهشة
حكوتنا قدمت إحتجاج للحكومة اليوغندية عن أسباب دخول السيد موسيفيني لدولة السودان
بدون إذن حكومة السودان
مزيداً من الدهشة
| |
|
|
|
|
|
|
|
|
|
Re: الركشة.. الركشة..في حيّـنـا.........حكومتنا مُندهشــا زيّـنا (Re: سجيمان)
|
| Quote: ونايبو ما بيحدسو لي شنو؟؟؟؟؟؟.......هنا باقي لي اللوم راكب قرنق |
عاد ياسجيمان يااخوى بعد ده الشغلة طلعت من يد الرئيس والمسعلة بقت فى يد الاقوى منو !!!
الله بى جلالة قدرو وعظمتو ......وربنا بكون سألو طبعا
لكن برضو موس ده عاااااااااااارف اى شئ علا غتيت ساى ..لكن على منو ؟!!!
والله نبقى ليهو فى حلقو علا يعترف بالحاصل كلووووووووووووووو!!
تخريمة خارج النص:
سى جى
انت عارفنى مابحس بى بركة بوستا لى علا تدخلو انت بروحك الطيبة دى وتحوم فوقوا زى الملاك الابيض
اها عايزاك تخش على بوست مخاض الرجال عند نادية عثمان العاملو معتصم الطاهر وتقراهو وتخت نضمك فوقو من أجل ان تحل علينا البركة ياسيدى سجيمان..
سمح ؟!!!11
| |
|
|
|
|
|
|
| |
سجيمان
طلال عفيفي
waleedi399
Abdulla Ageed
sumah
mamkouna
المكاشفي الخضر الطاهر
saif massad ali
فرح
Waly Eldin Elfakey
Abureesh
عاطف عمر
الملك
بدرالدين كاجوري
فيس بوك
تويتر
انستقرام
يوتيوب
بنتيريست