كتب الكاتب الفاتح جبرا المتوفرة بمعرض الدوحة
|
راســو كبير كرعينو رقاق..... شن سمو؟ سمو العولاق
|
الايام دي شايف التعليق .... شغال تش في البورد.... وبامانة الناس المعلقين ديل..... ناسا عُزاز علينا.....وخاصة عادل عبد العاطي...قلبي فرّ وجاتني خمة نفس...وعيوني زغللن..... وبطني كركبت... اول ما شفت تعليق عضوية فلان وفلان وفلان...... لكن بيني وبين نفسي قلت بكري كان باكر دي يكتبني بالبونط العريض في خشم الباب..والله اتبسط واتكيف جنس كيف....معلق ؟ مدلدل؟ ما مهم المهم اكون بالبونط العريض.....ولازم بكري يحدد المكان العلقوني منو.... ما يكتب تعليق اعضاء سجيمان وبس...... لازم يحدد الاعضاء المعلقة شنو؟.... مش ممكن في زول يكون عندو نية يشتري عضو؟....ولا يكون في زول مغروض في الاعضاء دي...و وبعدين عشان انا زول معولق وعواليق يا قول صفية الحلبية الاكانت معانا في الحلة وكانت وقت تشوفني تحرش اخوها الصغير ويقعد يغني لي راسو كبير كرعينو رقاق شنو سمو؟ سمو العولاق وينطط ويمد في لسانو لي... لكن انا بخليها؟ يوم شفتها واقفة مع عماد حلاواية ..واصلي انا مكجن عماد حلاوية دا .... عشان كان عامل فيها سمح وقيافة...والجكس بي يتكسر فيهو و بعدين ما عندو اي احترام للصعوط لما يشوفو قاعد يقول عووووووع...وحرشت عليها اخوها الكبير واداها علقة محترمة....لازم يعلقو عضوتي.... ويعلقو معاها اعضائي... عضو عضو... ويورو الناس امكانياتي العواليقية... المُعلاق دا زمان شوفتي ليهو كان بختو فيهو كادق اللبن ويرفعوهو من الكديسة .... يعلقوهو في نص الدانقة....لكن كدايس الزمن دا ما بيشربن علا لبن بي مصاصة ولازم يكون مبستر ومدة صلاحيتو سارية......قالو كديسة برجيت باردو عملت جمعية الرفق بالفئران....عشان كدايسنا يموتن بالجوع.....و ستها زعلانة عشان نحن بي نضبح الخرفان........ المرا دي جنت؟... طيب نجيب جلود نسوي بها دلاليكنا من وين؟ ولاّ دايرانا نغني بالطنبور بلا دلوكة...؟ الغبا ليكي يا يمة.... ياالكل يوم شادة جلد وشيكي.... لحدي ما خشمك جا في قفاكي...
|
|
|
|
|
|
|
|
Re: راســو كبير كرعينو رقاق..... شن سمو؟ سمو العولاق (Re: سجيمان)
|
.. . المعلاق دا المشلعيب حقنا ولا ود عمو ؟؟
طيب نجيب جلود نسوي بها دلاليكنا من وين؟ دى عجبتنى كالعادة والله الزمن دا يسلخوك بعد ما يعلقوك وياخد العضو الاسمو الجلد عشان تبقي دلوكة
عارف يا دوك موضوع كدايس الزمن دا ذكرني اخوى الشغال زى شغلتك دى امبارح جاتو واحدة معولقة اشترت منهم ببغاء ب 200 الف ريال اتصور ودا كلو كوم والعملية الجراحية العملها للبره نانسي قال شنو قال عندها احتقان فى الاوردة ؟؟ ياخى ما تبطلو البتعملو فيهو دا وابقو جزراين
يلا سلاموز
| |
|
|
|
|
|
|
Re: راســو كبير كرعينو رقاق..... شن سمو؟ سمو العولاق (Re: Tabaldina)
|
عندى "تعليقين"
واحد عن المشلعيب..وانت قايلو انقرض؟؟ الخواجات هنا عندهم بعلقوا فيه الزهور والشتلات والفواكه والبصل..
والتانى عن العضو البعلقو منو "العضو" وهو عصبتو..ما شفت المثل بقول.كل شاتن معلقه من عصبتها؟؟؟ اذن الامر محسوم..وما داير جراحة مخ..بس انت كيف يعلقوك لينا..
وما تبقى زى ديك السوق..الشالوه مدلدل وجابوه مدلدل..
لك "العولقه"
هههههههه
| |
|
|
|
|
|
|
Re: راســو كبير كرعينو رقاق..... شن سمو؟ سمو العولاق (Re: سجيمان)
|
يا زول انت جنيت و لاعضتك كديسة.. يدفعوا ليك شنو، عليك امان الله كان شاكلت و سبيت و نبذت للصباح اسمك دا ما يتعلق تقول كمان يدفعولك. يا زول كان ما مصدقنى نبذني انا و تف لى في وشي دا ما تعتر ليك قشة، و لا اقول ليك كان نبذت سيد البورد زاتو اسمك دا فوق ما بطلع، وكان عكلت و اتلايقتك برفدوك تحت تحت لا من شاف و لا من سمع... و تصبح على خير يا خوي و السلام ختام، قال يدفعولك
| |
|
|
|
|
|
|
|