دعواتكم لزميلنا المفكر د.الباقر العفيف بالشفاء العاجل
|
|
 نـوال الـزُغبي... الشلوفة القديمة كانت اسمح" توجد صورة"
|
نوال الزغبي..... شفتها اول البارح..... في تفلزيون من تفلزيوناتن الكتار ومساخ ديل... وكلهن ناس سمحين.....ولومكم بي فنان زي زولنا ابقدوم داك ما بيجي يمد تلاليشو ويقعد يغني فيهو....ويتبسّم كمان... الغبا لينا.....
نوال قالت كانت مرضانة شوية...ورقدت .....علا الحمد لله حسي بقت طيبة....زمان نوال كانت ماها رضيانة من شلوفتا الفوقانية.....قالت شينة وماها سمحة ودايرة تعدلها...... عدل الشلاليف دا يطرشني..ما سمعت بو علا عند اللبنانين ديل.... والشوام....العدل قاعد اسمع بو علا في شيتات تانية...عدل السواد والرماد......نحن غايتو ان ما دخلنا الجنة نبقى اخدنا مقلب ود ابوهو.....شفتها اول البارح وشفت الشلوفة الجديدة.....الفوقانية لكن يسعلني الله الشلوفة القديمة كانت اسمح....علا يمكن الجمهور كان ما عاجباهو.. شفتها بالشلوفة القديمة زمان في غنية اسمها انت البحبو انا..معاها الزول الاتلوم في بناتنا السودانيات وقال شينات... داك.....لكن الشي المحيرني.... الشلوفة دي كبروها وجابو ليها رقعة من وين؟؟؟؟؟....... غايتو ان بقى من البكان الفي راسي.... يبقى اتلومو لوم شديد... وبشتنو وشرملو مرت الناس ...ان شاء الله يا الله ما يبقى قطعو ليها من هناك... حتى ان قطعو ليها يا ربي يكون نفس المقاس?.....غايتو ان بقى نفس المقاس ... يبقى قاااادر الله في شلاليفو.......
|
|
 
|
|
|
|
|
|
|
|
Re: نـوال الـزُغبي... الشلوفة القديمة كانت اسمح" توجد صورة" (Re: سجيمان)
|
سجيمان
رمضان كريم
والله الشلوفة الجديدة ما شوفتها علا كان عدلوها تملي الخشم تب
انا قبل فترة في قناة المانية بتجيب العديل ده كنت قاعد اتابعها , اها بجيبوا الناس عديل وبسعلوهم , بتاعت الصدر العملية تستغرق ما بين ساعة وساعتين , رقاد في الكلنك ليلة كاملة , تفيق من البنج بعد ساعتين , ثبات العملية بين 10 الي 15 سنة , علا غالية تب 5000 يرو التكلفة , والاخصائي يكون جراح له علاقة بشغل البلاستيك
شوف ليك جنس محن
اها العديل التاني غالي اسكت خليهو
| |
|
|
|
|
|
|
|
|
|
Re: نـوال الـزُغبي... الشلوفة القديمة كانت اسمح" توجد صورة" (Re: سجيمان)
|
السلام عليكم
سجيمان
أول شيْ عليك الله ما أتلومت في كلمة شلوفة دي ..
(غليظة يا زلمي )
اسمها شفة وخاصةً النوعية دي
بعدين سمعت بالنكتة حقت أخونا الأضانو اتقطعت
قاموا رقعولو من البكان الفي راسك ده
قال والله بقيت اسمع السلام عليكم ........
النقط دي حفاظاً على الشعور العام وخوفا من سواد بكري
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: نـوال الـزُغبي... الشلوفة القديمة كانت اسمح" توجد صورة" (Re: سجيمان)
|
يا سجيمان.. زي ما قالوا ليك دي شفة وليست شلوفة... الشلوفة دي للبقرة.. للحمارة.. حمارة عبد الغني.. للناقة.. الشفة في الأنثى يبدأ جمالها من سن الرابعة عشر وحتى الخامسة واربعين من العمر.. بعد كدة تبدأ تتدلدل وتتحول الى شلوفة.. وفي ناس شفتا تقعد معاها لغاية سن التمانين حسب الهبة الإلهية من جمال دي عبارة مجازاً عشان الناس الكبار ما يزعلوا....
.................
بعدين الشفة بيكون عليها روج..دهان.. زبدة.. عسل..
أما الشلوفة بيكون فيها سـفة..
............
أرجوك ما تكرر تاني إنو نوال الزغبي عندها شلوفة.. هى شفة..
.............
والشفة السفلى لها إعتبارات في عالم الغزل أكثر من الشفة العليا.. وتظهر فيها النواحى الجمالية اكثر..
........................
قال شاعر المديح حاج الماحي في قصيدته المشهورة
القبة المفرش غوفا
شوقى متين بنشوفا
.................
الخلقي القبيل معروفة
صار جتي وبقت معيوفة
جاها الدود يـبشتـن دوفا
ياكل الكبدي والشلوفه
| |
|
|
|
|
|
|
|
|
|
Re: نـوال الـزُغبي... الشلوفة القديمة كانت اسمح" توجد صورة" (Re: منصوري)
|
أخونا سجيمان ،، سلام يا صاحبي
قال ود أبوكدر في مترادفات الأشياء
لو علاقتكم حلوة تقول شفة ولو باظت تطلق عليها الشلوفة
وكذلك الحال في مفلجة الأسنان في الاستحسان فلجة وفي التكجين شرمة
وفي الطول زي البان في الاستحسان وطويلة وعولاقة عند الكراهية
وأم نهوداً زي المدافع وأهلنا العرب هييييييع يقولو ليهاأم ضرع ووقت الكراهية يقولو عقاب الباتا
قال ود الفراش في معشوقته الدون
الدون حبابا أم شعراً متل وتر الربابة
يا محمد أخوي لو شف جعابا
تجرد الحوش تخلي الدار خرابة
قال كمان الدون يا دوني
ياراحة بدني ونوارة جفوني
وكت منكر ونكير يجوني
ويلقوني الدون معاي مابسعلوني
ولمن اتشاكلو ورقدوه قرض قال فيها
بعد ما كنت زينة وبباهي بناتاً في القطينة
كترتي المساخة وبقيتي شينة وحاكيتي العشرة وسط الجنينة
| |
|
|
|
|
|
|
|
|
|
Re: نـوال الـزُغبي... الشلوفة القديمة كانت اسمح" توجد صورة" (Re: عبدالرحمن عبدالله أبوشيبة)
|
منصـــــــــوري قال :
| Quote: يا سجيمان.. زي ما قالوا ليك دي شفة وليست شلوفة... الشلوفة دي للبقرة.. |
اها رايك الشنو في الصوره دي .... العدل اصبح في البقر كمان .... التيران ما كمان عندهم حق ولازم البقره تتجمل وتتزين عشان (خيار الوحده ) يكون جاذب ..
بالمناسبه البقره دي ماعاملة كريمات تبيض ده لونها الاصلي .. و التوضيح ده عشان ما تتشابه عليكم البقر
جمال حسين
| |
|
|
|
|
|
|
|
|
|
Re: نـوال الـزُغبي... الشلوفة القديمة كانت اسمح" توجد صورة" (Re: حمزاوي)
|
عزيزي سي جي
رمضان كريم
| Quote: العدل قاعد اسمع بو علا في شيتات تانية...عدل السواد والرماد |
 
| Quote: لكن الشي المحيرني.... الشلوفة دي كبروها وجابو ليها رقعة من وين؟؟؟؟؟....... غايتو ان بقى من البكان الفي راسي.... يبقى اتلومو لوم شديد... وبشتنو وشرملو مرت الناس ...ان شاء الله يا الله ما يبقى قطعو ليها من هناك... حتى ان قطعو ليها يا ربي يكون نفس المقاس?.....غايتو ان بقى نفس المقاس ... يبقى قاااادر الله في شلاليفو....... |
كركاسة من دقنو أفتلو .. 
| |
|
|
|
|
|
|
| |
سجيمان
فيصل نوبي
saif massad ali
Ahmed Abdallah
الزوول
abas
منصوري
عبدالرحمن عبدالله أبوشيبة
gamal elsadig
ابو جهينة
showgi idriss
هشام هباني
اشرف السر
عنيده
حبيب نورة
طارق جبريل
فيس بوك
تويتر
انستقرام
يوتيوب
بنتيريست