|
دعواتكم لزميلنا المفكر د.الباقر العفيف بالشفاء العاجل
|
|
 Re: العجــب العِجــاب...... العجــب حبيــبي (Re: سجيمان)
|
السيد سجيمان
تبدو القصة في شكلها الفكاهي أو قل ذلكم الأسلوب السهل الممتنع الذي تمارسه سعادتكم في كتاباتك هنا وكأنها قصة هزيلة إلا أنني نسبة إلى ولعي بالقطط والكدايس والكلاب البوليسية والكلاب الضاله وبحاستي السابعة بعد الأنف أجد أن بين السطور وميض نار أو قل موضوع هام وخطير ومثير ، يفوق خطورة قرار النذير بالزواج للمرة الثانية أو ربما الثالثة والرابعة متى توفرت السيولة لدى النذير.
موضوع الزواج والتوافق يجعل مثل زواج نذيركم هذا نذير شؤم فمفهوم نذيركم للزواج أخي سجيمان لا يتعدي مكوة جلابية أو خت صينية الغدا وربما عمل كباية شاي ووجود النذير في البيت لا يكون إلا لضرورة تتمثل في ملء كرشه أو قفل جفونه والذهاب في سبات عميق بشخير وزفير وشهيق ، إذن العيب ما في قرينة هذا النذير والتي أكاد أجزم لو كان لها الخيرة في أمرها لما تزوجت مثل هذا النذير لأن زوجها أو قل حياتها الزوجية بعد إقترانها بنذيركم لا تعني سوى أنها إنتقلت من طور الشرنقة إلى طور اليرقة إى تقهقرت وعادت إلى الخلف برغم إن ذلك مخالف لناموس الكون وقوانين الطبيعة لكن كل شئ جائز ما بقى في الدنيا رجال بعقلية هذا النذير.
| |
 
|
|
|
|
|
|
|
|
Re: العجــب العِجــاب...... العجــب حبيــبي (Re: سجيمان)
|
دكتور سجيمان آآت سودانيزأونن لاين دوت كوم
يا أخوي مرت النذير ما متيرنقه من شويه من العليها وحالة يرنقتها أتت من كونها عاشرت النذير لفترة تزيد عن الأربعين يوما ولم تفر منه خوفاً من الفضيحة ربما أو إستمرارها مع الفضيحة وقبولها لقب مدام النذير وربما يكون تشخيص هذه الحالة عائد إلى حالة تشرنق ذلكم النذير وبقاؤه على حالة كونه متشرنقاً ردحاً من الزمان بعدد سنين عمره وإلى يومنا هذا ، وحيث أنه إذا عرف السبب بطل العجب والعجب هنا هو مهاجم وهو كما تفضلتم حبيبي للمتكلم طبعاً لان الأمر لا يعنيني فأنا من بدء التكوين لا أشجع كرة القدم بوضع الحالي في السودان وأصبحت بقدرة قادر أميل لتشجيع أندية على شاكلة إنديانا بسيرز وشيكاغو بولز وميامي هيت حيث أن كرتنا تعتمد على رأس حربة - بالمناسبة توفي مخترع حلاوة حربة الأسباني فلان الفلاني عن عمر ناهز الكم وتسعين سنه له كل الذي وفره لأسرنا من صابون بعد إختراع حلاوته الحربه - على شاكلة العجب وعجبنا هذا لا يجيد` تسجيل الأهداف لا بالقديمين ولا بالرأس بالرغم من طول القوام الفارع الذي حباه الله به والعجب هو عنوان مقالك وأخيرا العجب هو رد فعل كل من سمع أو رأى تصرفات نذيركم هذا.
إن الداء في هذه المعادلة الكيمائية المعقدة هو النذير بشحمه ولحمه ولا أدري إن كان قد بقى في عروق أمثاله قطرة دم واحدة عليه فإن الدواء هو أن تعملوا جاهدين بما أوتيكم من علم وقوة وجاه ومال وفقه على إخراج النذير ومن في حكمه من هذا الطور طور الشرنقة حتى يصبح كاملاً أو شبه كامل ولو على هيئة حشرة تستطيع أن تفهم معني الحياة الزوجية ولو في حدود مملكتها المتواضعة وبفطرتها وغريزتها المحدودة والتي برغم محدوديتها لم يستطيع النذير أن يصل إلى بضع درجات في سلمها.
| |
|
|
|
|
|
|
|
|
|
Re: العجــب العِجــاب...... العجــب حبيــبي (Re: سجيمان)
|
الملا أخوي
| Quote: أجد أن بين السطور وميض نار أو قل موضوع هام وخطير ومثير |
عليك الله خلينا من البين السطور ده وإستمتع معانا بالمعنى القريب البيتبادر للنافوخ ..
سجيمان .. لكن ماقلت لينا زولك ده أول ماشافها كانت مفرودة بي مكوة سيف ولا شنو
| |
|
|
|
|
|
|
|
|
|
Re: العجــب العِجــاب...... العجــب حبيــبي (Re: سجيمان)
|
سجيمان الرمدان
كيفنك....معليش انقطعنا منك لكن متابعنك
عندنا واحد كان معرس عمة صاحبو....بعدين قام طلقها...طبعا صاحبو زعل ....كيف يطلق ليه عمتو ويرميها ليهم فى البيت....واصلو ما مشى سال صاحبو لى وفوق شنو طلق عمتو...قام الزول رسل جواب لى صاحبو ووراهو لى طلق عمتو وقال ليهو انا طلقتها لانها بتجى ترقد بالليل فى السرير بى بصلها وتومها وعجينهاوريحة ملاحهاووووو.....اها صاحبك الكلام دا بقى ليهو كضب كضب...قام لمن رجع البيت بالليل لقى عمتو نايمة فى نص الحوش وقام قرب منها لقاها نايمة بنفس المواصفات الذكرها ليهو صاحبو....قام صحاها وقال ليها صاحبى ليهو حق كان طلقك...وقام مشى خلاها....اها المسكينة لى يوم الليلة ماعارفه لى طلقوها ولى ود اخوها صحها نص الليل وقال ليها كدا....
| |
|
|
|
|
|
|
| |
سجيمان
abas
shiry
abuguta
ابو جهينة
Hussein Mallasi
Rawia
ASAAD IBRAHIM
بلدى يا حبوب
دورنقاس
Husam Hilali
almulaomar
Osman Hamad
khider
فيس بوك
تويتر
انستقرام
يوتيوب
بنتيريست