في انتظار ان يتفضل بكري ابوبكر بعضوية لصديقتي مني الحسن ساشارككم بعض من ابداعها :
Quote: كلام الحيطان الاربعة
بين اللجة المابيه تقيف أصابتني رعشة الخوف الجوه والخوف الجوه ما بيغادر ..يفضل قاعد بين اللحظة واللحظة يقوم ...ينتر جوه يصبح زي جبل البركل ثابت كبير وكبير ... سألت الفقرا الوقدوا النار تقابه ما بتموت نزلوا ليهو تعويذه يغادر اصلاً ده لما يعشعش ..ويلصق فيك معناتو انت معاهو تغادر ... الغربة تموت أن شاء الله تفوت وتغادر الغربة الكتلت جوه احساس البهجة وشوق اللحظة الجاية أمان هوي يا ناس الساكنه بلاداً طيبة وشاربه موية عذبه ...تغسل الملح الغطى الجوف قوموا فجر قبال ما تصابحوا الارض البكر الخيرا وفير... ارفعوا الليد لي الله القادر الخلق الكون يكتل الغربة المرة وحارة يبشتن حالها يشتتا ضمة عشان ما ترجع ....ونحنا النرجع وكمان نتربع ونقعد تاني ..نعيد المقطع الروح وغادر.... ونغني حروف البحر الساكن ...الراوي عطشنا هبشنا هبشنا ...بحرنا امان هبشنا الكون العامر بينا حنان ..وسلام ونبقى تمام في تمام ..ونعيد المقطع المابي يروح..ويفضل جوه نردد فيهو غنانا سلام في سلام...ونبقى تمام ...يا الله القادر دبي _ 5/6/2006
صديقنا ابوبكر ... تعرف انا اكتر زول عايش سبب كلام منى مع الحيطان الاربعة ... متذكر اجازتي الاولى للسودان ؟؟ بداية يونيو ؟؟ دي الفيها كتبت حكايات من الوطن الوقفت لناس كتار في حلقهم وما قدروا يبلعوها ... خليت منى براها في دبي تصارع الوحدة وتخاطب جدران شقتنا الصغيرة ... منى اكثر مخلوق اعرفه بيكره الوحدة ... وغيابي جعلها تكتوي بنارها ولم تجد بدا من مخاطبة الجدران ... شكرا يا ابوبكر لنشرك هواجس منى الحسن ... وما زلت انتظر اذن الاخ بكري كي ترافقني هنا ... تحياتي ...
12-13-2006, 04:55 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abubakr
الطيب شيقوق
فيس بوك
تويتر
انستقرام
يوتيوب
بنتيريست