|
Re: كتـــاب الحــب (Re: أيمن حسين فراج)
|
يدون عنوان
انتى منقه نجضت وبدفق عسل انتى مويه فترت من شوق الينابيع وخايفه من حضن السواحل لو تصل وانا زى فنار مهجور قديم لاقدرت اهديك للضفاف لاشربت من نحلك عسل اصلو قدر البخاف رمال الطريق لون السراب يرجع يشتهيكى وما يصل وغبيت والكون بوسوس للضلام والليل محكر فى حجرو السحر يتشابا لضى الفجر وامونه زى امهات كل البيوت فى بلدنا نحلة تكل قامت فجر اتوضت وصلت صلاة البفوت فى الدنيا ما داير شكر وهزت الكانون بشيش يا الله الصبر ________________________________________
مجدي النور 24 - 6 - 2006
| |
|
|
|
|
|
|
Re: كتـــاب الحــب (Re: ناذر محمد الخليفة)
|
طلال عفيفي ..............
أهم ما فيه أنه كان منتج
هي دي (حلاته)
يزيدا بشوية لذاذة
يتمها بي موية مرح
المهم كما قلت انت يا طلال: كان(منتج)
والزول المنتج بيعرفوه بالاحصاء .. ما بالزعيق
بيعرفوه باليد ما بالحنك
الله يجعل ايدينا مع ايديه
| |
|
|
|
|
|
|
Re: كتـــاب الحــب (Re: أيمن حسين فراج)
|
الفاهم ناذر ...........
يا صديق: لكثرة ما فجعت في اصدقائي الذين يلونون الرحيل باألوانهم
لم أعد افهم هل طال بنا العمر لدرجة أن الرفاق يتساقطون أم أن الدنيا (قاصدانا)
الصورة: للفنان مجدي يعمل في احدي الورش
| |
|
|
|
|
|
|
|