|
|
 أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّر
|
أولاً أنا ما بحكي عن شئ شخصي حصل لي
لكن بحق دا واحد من اهم مشاكل المرة القدرا أنها تتولد في بلد زي السودان وما شابهه
دا مش معناها أنا مرة قاهرة أو ما ملتزمة بديني..والله إتربينا أحسن تربايا ودايماً شايلين أهلنا وكرامتهم في عيوننا لكن البسووا فيه الرجال آن أوان مواجهته
الواحد يجيك وانت منورة كل مكان تكوني فيه ويتودد ليك ويا أنبل من في الوجود وتصدقي إنه فعلاً شخص مختلف شخص ممكن تملكيه أغلي ما تملكي عشان تبنوا أجمل حياة
وصاحبنا ما يصدق إنه قوتك كانت وكت انت كنت حرة نفسك والآن انت ملك ثقافة بتنصبه إله علي دنيتك وإذا قصرت في العبادة والسمع والطاعة فانت في جحيم خالدين فيها أبدأ
وإذا رفضت حياة الذل ولو عشان خاطر عيون أولادك الغالين فانت قاهرة وناشذة وحتجلبي العار لأهلك وعمرك ما حتحصلي رب تاني يطلعك من الجحيم إلا راجل مرة أو زول ما عنده شخصية وما فارقه معاه عدم رضا أمه
حأحكي ليكم عن شنو ولا شنو !!! منو ولا منو !!!!
صاحبتي الدكتورة زينة البنيات وعالية الهمة
إتسلط عليها قريبها الدكتور وقبلت به متحدية الفوارق الطبقية وكل إمتيازاتها الكانت
بتقول مافي تكافؤ بينهم ودا لآنها ما بتؤمن بكذبة تكافؤ دي
تزوجته متحدية حاجات كتيرة لآنه أقنعهاإنه إنسان بيستحق يضحوا من أجلوا ويعيشوا العمر بقربه
ما عايز أقول كيف هي واسرتها بدوا درب المعاناة من أول شهر
راجل معقد ولازم أي حد في الأسرة يقنعه إنه بيحترمه ويحاسب ما يعمل أي شئ قابل لتأويلين
أي زاير ما لازم يكون صديق عزيز لكل الأسرة ويستحق ونسة وإكرام من الأسرة بما فيها زوجته
إهانات حتي وسط زميلاتها وزملائها لو وقفت تتونس معاهم خمسة دقايق
ثم زواج من وراها
وعندما رفضت عند هذا الحد الأستمرار معه
وجدت عقد في السعودية وقررت الهجرة بمعية ولديها وأخوها
ما كان منه إلا أن فاجأها بالبوليس في المطار ومعه أمر بعدم سفر أطفاله
من يوميها داك (من سبعة سنة) هي زي ما هي في بيتهم عايشة تربي في الولدين وعشان خاطرهم ضحت بالدنيا وما فيها
أنا قلت ليها أجدعيهم ليه يا شيخة وشوفي حياتك! العويرة ابت!!!!!!!!!!!!!!
|
|
 
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
إزيك يا صبوحـة..
موضـوعك حي ومهم ..وأمثلة زي مثلك ده في كتير..وكتير لامن يغطي علي الرجـال السـمحين!
ومقاييس الزواج صـعبة شـديـد ..صـعبة بتكافؤ ومن غير تكافؤ..لأنه التكافؤ ذاتو بالرغم من
وضـوحه لسه فيه غموض ...وبيعتمـد علي موروثات جلها ثقافي أخلاقي قـديم نوعا مازلنا في
حيرة أمامها في وقتنا الحالي..مثل الطبقة
غايتو لو قـدرتي تطولي بالك..وتتحملي بعض من الهجمات بقلب قوي وعقل مفتوح للنقاش بس..
البوست ده بيمشي كويس ويكشف حاجات كتيرة احنا نساء ورجـال إمكن ماجايبين خبرها..
ده بنمبري جـنبك ..مابزح منه الا أجي أطبخ لويلاداتي وأشـوف احتاجاتهم وبعدين أجيك صـاده..
سـلام ليك ولآلاء..
مني
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: Muna Khugali)
|
| Quote: أنا قلت ليها أجدعيهم ليه يا شيخة وشوفي حياتك! العويرة ابت |
صحي عويرة.
كان تجدعهم, ليهو, وتشوف حياتها.
يعني شنو لو طلقها, هي أول وآحده تتطلق?
البلد مليانة مطلقات.
المحامية جارة ناس اب جقادو صاحبي, مطلقة
من تلاتة رجال كل واحد عندو منها إتنين,
كل واحد فيهم جدعت ليهو شفعو و إتخـارجت
تشوفيها يا صباح تقولي لا عرست لا ولدت قبل ده,
شايفا حياتها يختي, قالوا مخطوبة هسع.
هي الواحدة بتمشي تعرس تاني ليه بعد يطلقوها
طالما البلاوي كلها من ورآهم? الرجالة أولاد الهرمة
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
في الرياض يا صباح حدث وأن أحد السودانيين كان متزوجاً وله طفلان, وكان دوام هذا الرجل رهيب حيث لا وقت لديه للفسح فكان أحد أصدقائة المقربين جداً جداً جداً يأتي بعلمه عشان يفسح العيال - وبعد فترة من الزمن طلبت الزوجة من الزوج الطلاق وللتزوج صديقه بعد أن اتفقا على الزواج. رايك شنو؟؟؟
الله يهدينا جميعاً
النسوان ديل الواحد تقول ليك عاوزة اتونس مع اصدقائي وعاوزة ماعارف امشي واجي - ياخي ما تقعدن في ا########## بلا ونسة بلا كلام فارغ.
أبوفتحية
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: أبو الحسين)
|
أخي الصادق ياخي كونوا صادقين مع نفسكم ولو مرة .المهم أنا بقصد كم راجل زعل لما فلان اللهو قريبهم أو جارهم جا في وضح النهار في زيارة عادية والمرة تحملت كل السباب والظنون السيئة لمجرد فقط عاملته زي ما أي فرد في العائلتين بتعامل وفي وضح النهار. وفي المقابل كم راجل مش سلم بس بل جر النم مع القريبة أو بنت الجيران أو حتي الخطيبة السابقة دون مراعاة لإحساس زوجته المسكينة ولو فتحت فمها تطلع غيرة زايدة ونقاقة وكايسة مشاكل.
أختي مني شكراً علي كلامك الجميل لكن صدقي دا أهم موضوع مفروض الناس المتعلمين يطرقوها بصراحة علي الأقل نحل مليون مشكلة ضحيتها المرة اليوم في السودان
أخي محمد عثمان: هو الراجل ما عندكم مشكلة يتزوج أربعة مرة وحدي والمرأة اللي بتتزوج واحد فقط وتتطلق لآنها تأبي أن تزل مهما كانت العواقب هي المشكلة..المرا البتتطلق أربعة أو خمسة مرات هي إنسانة قابلة لآنها تصدق إنه في واحد صادق ممكن يقبل بيها بصورتها الما قبل بيها من هو قبله لكن بيتضح إنه 80% من الرجال مفروض يودوهم خور بكري
حلوين كلام وزايفين مشاعر ومتخلفين قيم إنسانية نبيلة
أخ أبو الحسين ليه دايماً في مجتمعاتنا المرة هي وحدها ضحية الطلاق وبحجة الوليدات تنتهي حياتها بذلك القرار اللئيم .. يعني لو كان في قوانين أو أعراف تحمل الزوجين نفس المسئولية ما كان الرجال بيستعجلوا علي الطلاق لأنه في البديل أما هي البخليها تقبل كل الزل لأنه انتو بتقولوا ليها خلاص ختمنا عليك بختم العيب إنك تسعي لحياة جديدة وحلال
طيب إذا كانت ممنوعة من الكلام مع الأغراب خوفاً من العيب طيب ليه الراجل ما بيحترم نفسه بالمثل ويلزم نفس الحدود العايز يردعها ليها
يا أخواني خليكم حقانين
كم زواج بفشلنه النسوان وكم في المية الرجال
كم راجل بعد خطيبته بتركها تكمل تعليمها أو تشتغل أو تساعد أهلها وبعد الزواج ما يخلي العراقيل إلا يضعها في دربها
كم مرة تغيرت طريقة تعاملها بعد الزواج وكم راجل تغير
كم مرة صبرت علي راجلها وكم راجل صبر
كم مرة تكلمت معاه عن حقوقها الهادرة بكسر الدال وصبرت وكم راجل قبل يتنازل عن حقوق عشان خاطر مستقبلها أو مستقبلهم
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
معلمة علي حب بمعلم آخر
تقدم لها صديق أخوها الطبيب فرفضت
تجمع إخوتها معاً كيف أن ترفض دكتوووووووووووووووووور فلان
إصرت علي رفضها وأصروا علي تزويجها من الدكتووووووووووووووووووووووور
وفي النهاية حلف والدها بطلاق إمها وعدم عفوه إذا قالت لا
كتبت له خطاب تشرح له إنها ليس لها أي شئ ضده شخصياً ولكنها علي صلة حب بآخر وترجو أن يعمل فيها جميل ويتركها لحالها
ذهب بالخطاب لأخوهل صديقه
أخذت علقة مبرحة وقبلت بقدرها
صار يعلفها كل يوم بسيرة حبيبها القديم
بدأت في فقدان عقلها
وطلقها وهي حامل بتوأميها
| |
|
|
|
|
|
|
|
|
 Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
Quote: معلمة علي حب بمعلم آخر
تقدم لها صديق أخوها الطبيب فرفضت
تجمع إخوتها معاً كيف أن ترفض دكتوووووووووووووووووور فلان
إصرت علي رفضها وأصروا علي تزويجها من الدكتووووووووووووووووووووووور
وفي النهاية حلف والدها بطلاق إمها وعدم عفوه إذا قالت لا
كتبت له خطاب تشرح له إنها ليس لها أي شئ ضده شخصياً ولكنها علي صلة حب بآخر وترجو أن يعمل فيها جميل ويتركها لحالها
ذهب بالخطاب لأخوهل صديقه
أخذت علقة مبرحة وقبلت بقدرها
صار يعلفها كل يوم بسيرة حبيبها القديم
بدأت في فقدان عقلها
وطلقها وهي حامل بتوأميها |
ندين ونشجب تصرف الدكتور دا...
ودا دكتور شنو دا الماب يفهم في المشاعر دا!!! أي تُبْ!!!
وماااااااااااا تستاهلي العلقة يا معلمة الأجيال... تعيشي وتاكلي غيرها...وربنا يتم ليها الفي مرادها!!!
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
الأخت صباح دعيني أرد على صدبقتك (بإعتبار إنو صديقتك هي الإختارت العنوان
| Quote: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّر |
وحقيقه معروفه انو البيجيهو صداع بيحس انو الدنيا دي كلها عندها صداع
والمفلس بيحس انو الدنيا دي مافيها غير الفلس
وبالتالي البيقابل راجل من | Quote: الرجال ما فيهم فايدة |
بيطلق حكمو علي أغلبية الرجال وبالتالي يبقوا أغلب الرجال مافيهم فايده
أنا لا أنفي أن هناك بعض من الرجال (مافيهم فايده) ولكن لا أستطيع أن أعمم وأجعل الغالب الأعم هم كذلك، وكذلك الحال بالنسبة للنساء (بعضهن ما فيهن فايده) كما بعض الخواجات مافيهم فايده والأفارقة و العرب (حتى لا أُتَّهم بالعنصرية إذا ماقدمت العرب على الأفارقة )كذلك بعضهم مافيهم فايده
عموما نرجع لي موضوع صديقتك
يعني انا ماداير أشيل اللوم من علي زوجها الدكتور ده (الأنا علي كامل الثقة إنو - حسب وصفك ليه - إنو راجل مافيه فايده كلو كلو)
لكن كمان صديقتك دي برضو لازم تعرف إنها هي الخاطئ الأول والأخير في القصه دي
قولي كيف
اولا صديقتك دي عايزه تبني حياه زوجيه يعني ماممكن تكون بي تفكر في رباط حياتي زي كده وماتدي نفسها الوكت الكافي المن خلالو انها تدرس كل جوانب الشخصيه القدامها دي يعني ماممكن انسان لفتره طويله كافيه يستطيع انو يديك وش مزيف (المثل بيقول تستطيع ان تخدع بعض الناس بعض الوقت ولكنك لاتستطيع ان تخدع كل الناس كل الوقت) ولذلك إذا كان الوقت كافي قبل إتخاذ قرار الإرتباط بهذا الشخص فإنه لابد أن تحدث بعض الهنات من قبل هذا الشخص مهما كان حريصا تفضح معدنه الحقيقي
قد تقولين إن معظم الناس في هذه الفترة (فلنسميها الخطوبه مثلا) يتجملون لبعضهم ويخفون عيوبهم عن الآخر (وهذا ليس حكرا على الرجل) ولكن لأن القرار ليس هينا كان لابد إن تدخل أطراف أخرى للسؤال عن الشخص المتقِّدم (أو المتقَّدم لها) عن طريق آخرين يهمهم مستقبل حياتك وبالتالي يظهر لك الجانب الأخر من ذلك الشخص قبل الإقتران به
وهنا تجديني أعترف أنه مهما كنا دقيقين في محاولة سبر غور الآخر قد تجد هناك برغم ذلك بعض الخصل والعادات السيئة في الطرف الآخر التي ربما لاتظهر فيه إلا للزوج أو الزوجه، أو بعض الخصل التي بالغ ذلك الطرف قي كتمانها عن الأخرين، ولكن حتي في هذه الحالة تكون هذه الخصال السيئة ليست هي الغالبة وبالتالي فإن الحياة لن تكون مستحيلة مع هذا الشخص خاصة إذا ما جعلنا لأنفسنا مسئولية إضافية هي محاولة تعديل الإعوجاج في الطرف الأخر بالأسلوب المناسب المبني على دراسة سايكلوجية لذلك الطرف
أما إذا مافشلنا في تحقيق كل الخطوات سابقة الذكر بما فيها ذلك التعديل المرتجى،وزد على ذلك تحدينا للأهل والآخرين عند إختيار هذا الطرف ثم إنجاب أطفال ليس لهم ذنب في كل هذه الهيلمانه(كما هو الحال بالنسبة لصديقتك) في هذه الحالة وجب علينا أن نجني حصاد زرعناونصبر ونرفع الأكف للواحد الأحد عسى أن يبدل الحال وهو القادر على ذلك (إذ أن أسوأ الأشخاص قد تحدث لهم من الأحداث ماهي كفيلة بتغييرهم بنسبة مائة وثمانين درجة)
عموماالموضوع ده طويل وانا بحاول إختصر والله
عشان كده خليني علي الأقل حاليا أقول لصديقتك الدكتورة التالي
لا تيأسي
قاومي من أجل إعادة ذلك الشخص الذي أحببتيه في زوجك
إجعلي ذلك أحد أهدافك الرئيسية
أنظري للجوانب الإيجابية فيه وتغاضي عن سلبياته ( ولو مؤقتا من أجل أبنائك)
ثم أنظري نظرة نقد ذاتية وحاولي أن تجدي ما قد تكون مسببات ومبررات لتحول زوجك والعمل على تقليلها ومحاولة تلافيها
ودعواتنا لها أن يعدل الله الحال
والله المستعان
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: كمال حسن)
|
الأخ بشير أنا ما بقصد حرفية الكلمة لكن بدعو لصدمة للرجال ممكن تودينا لحتة عدالة في الموضوع
بعد كل الطلاق معروف لو كان في أطفال بيترتب علي دا إنوا علي أحسن الفروض المرة تصبر وما تتزوج
عشان تأثير دا عليهم وبعد يكبروا تكون هي زاتها قرفت من حاجة اسمها زواج أو المجتمع يعيبها
زيادة لو إتزوجت مع إنّوا أخينا أحيانا يتزوج في نفس الشهر. يعني هي لو ما كانت مؤهلة وممكن تشتغل تترمي في البيت عالة علي أهلها البعد شوية يملوا حتي من مساعدتها ولو حاولت تخرج من كفن الموت هذا وتسك حياتها في أي حتة تسمع الكلامات والعراقيل بس تخيل لو عندك اخت في ظرف زي دا كيف حتكون حياتها وحياة كل الأسرة منكدة وكيف حتكرهوا أبوعرمرم البعد ما أديتوه زهرتكم الغالية لم يصن الأمانة وما فكر إلا في نفسه
السؤال المهم ليه المجتمع بيسامح الرجل في تحمل تبعات الطلاق وبيحملها للمرة فقط والنتيجة أن هنالك آلاف النساء المدمرات بسبب الطلاق ولآنهم ما عملوا أي مؤهل قبل الزواج تحسباًلأن يصبحوا في يوم الأم والأب.
أما موضوع إنوا المرة بعد الزواج محرم عليها الحديث مع الرجال فليه؟
إذا كان عيب كويس خلي يكون عيب علي الراجل والمرة معاً!
الحاجة التانية لما المجتمع يؤهل المرة من خلال التعليم للمشاركة في الحياة . معلمة،محامية،مذيعة، سياسية هل ممكن تعمل دا وهي منعزلة عن المجتمع
وحتي حجة العيب هل في دراسة بتقول إنه المرأة أكثر إندفاعاً نحو المحظور أم الرجل؟؟؟
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
الأخ كمال
وليه نحن بإنسانيتنا نقيف مع البجيهوا صداع ونشوف ليه جاه الصداع وشنو الممكن نعمله من أجله؟؟
أنا يا كمال أري إنه النسبة الغالبة من الرجال في السودان هم بيجرموا في حق نسوانهم ولا يرضو إلا بالتعامل من فوق. هو سيد البيت هو الكل في الكل الكلمة الأخيرة هي كلمته وإلا فهي طالق هي اللي مفروض تضحي وهو لا (بمعني أن يتيح ليها تكمل تعليمها،،ترحل من بيت أهله ألخ)
أيوة صديقتي هي الخاطئ الأول والأخير لآنها ما عندها قدرات إلهية تكتشف الكذب والتمثيل!! يا أخ كمال المشاكل البتحدث بعد الزواج معظمها لآنوا الراجل بعد الزواج تحول لشخص آخر مختلف عن ذلك الخطيب اللطيف المعشر المبتسم دوماً المتفهم والمرن، المثقف وناكر الذات دا كله رماه وراه
ولله يا كمال المرة ما بدفعها للطلاق إلا الأمر منه لآنها عارفة هي البتتحمل كل كوارثه لكن الصبر يا أخوي ما ليه حدود عاد. بس في زمتك في كم مرة ضربت راجلها وكم راجل عمل دا عشان نحدد منو البصبر علي منو
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
الأخت صباح
صباح الخير
يا أختي أنا شخصياً أرتاح جداً لمن اتصل علي صديقي في تلفون منزله وتقابلني زوجته بطريقة رسمية جداًً تعبر عن تهذيبها علماً أن علاقتي به وبها تكون جيدة جداً جداً - فمثلاً أن تقول لي
الو مرحبا الصادق
كيفك وكيف اولادك
والله الزول دا مافيش طلع لكن لمن يجي بكلموا طيب؟
مع السلامة
لكن مافي اي داعي مثلاً ترد لي علي التلفون وتقول لي
أهلالالالالالالالالالالالالالالان ياالصادق
كيفك ياخي وكيف اولادك
وين انتو ياخي ماظاهرين شنو الحكاية
والله مشتاقين ليكم
ياخي ما تجوا نعمل لينا طلعة علي الكورنيش كدا ونفرق شوية
ياخي كلموا عليك زوجي دا واديهو الاقتراح يمكن يوافق
دا كلام فارغ يا اخت صباح
اي راجل في الدنيا لو قال ليك هو بقبل انو زوجتو تكون كدا يكون كضااااااااااااااااب
أبوفتحية
| |
|
|
|
|
|
|
|
|
|
Re: أغلب الرجال ما فيهم فايدة والطلاق صيانة لكرامة المرة وما عار إلا علي من اثبت أنه راجل مزوّ (Re: صباح حسين)
|
الاخت صباح
سلام الله يغشاك..
تجديني خارج نطاق معظم الرجال بتاعتك دي واقول اذا اردنا فعلا ان نناقش موضوع كهذا, فيفترض ان نتحري ونسمع جانب زوجها كذلك. وبدون يكون موضوعك مجرد نفحات شخصية, ومسلمة من مسلمات أخري لذلك النوع من النساء. نوع فشل في حياته الزوجية و اصبح يقضي بقية عمره في صب اللوم علي " معظم الرجال" وليس جلهم...يعني يضع موضوعية للاموضوع..واللعنات علي ذللك المجتمع الذي نشأت فيه. ودي ظاهرة احق ان تناقش بدلا عن تلك النفحات السلبية و الخصوصية والتي لا تعبر إلا عن حالات شاذة.
| |
|
|
|
|
|
|
| |
الصادق صديق سلمان
Muna Khugali
أبو الحسين
bashir adam abdalla
كمال حسن
فيس بوك
تويتر
انستقرام
يوتيوب
بنتيريست