بشاشا ام تراجي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: ومن هو الحادب علي المصلحة الدارفورية، يامحمد ادم؟ هذا غمز من طرف خفي، همز، ولمز، احنا واعين ليهو تماما، ذي ما عملت لي تراجي، الحاولت عزلها، بحجة انها ما من دارفور! ابنوس هو الابتدع هذا التكتيك الجنجويدي المدمر تماما للقضية، بعزلها، ثم الاجهاز عليها! الغريب جدا انو الاستراتيجية دي، حارقا تش في اوساط زرقة دارفور! ياسبحانك! ولهذا لااحد منهم يتجرأ بالتصدي، للجنجويد محمد الامين، لانو من دارفور! ياالهي! طيب موسي هلال ده، امال من زحل؟ هل مجرد كون الواحد، صادف اوكان مسقط راسو في دارفور، طوالي هذا يجعل منه حادب علي المصلحة الدارفورية، حسب مكنة محمد ادم، اكثر من الخواجة، النصراني، الكافر، المضرب عن الطعام من شهور، في امريكا، مثلا؟ ده شئ عجيب فعلا او مضحك حقيقة! هل فعلا، محمد الامين هذا، قلبو علي الثورة، اكثر من تراجي، البغير منها محمد ادم، لانو محمد الامين اعرق منها، دارفورية؟ ليه؟ هذا جنون! لوما كده، لماذا الصمت او عهر المجاملة الجهوية، ياابناء دارفور؟ منو الطرش الدم هنا من اجل البموتو الان واللحظة في دياركم؟ تراجي مصطفي، ام محمد الامين محمد، وابن قبيلتو محمد ادم؟ منو الجازف بي شرفو، بي اطفالو، بيي اسرتو، صادعا بالحق، منافحا، مقاتلا، ومصادما- تراجي مصطفي، اما محمد ادم، او فردتو محمد الامين محمد، البقول علي ثواركم، الدايسين علي الجمر، قطاع طرق؟ نعم، هناك حساسية قبلية ربما لاتسمح بالكثير من حرية الحركة هنا، ولكن، كيف هذه التعقيدات لاتثقل كاهل تراجي؟ السبب بسيط جدا: انت وليس الاخر، من يعطي الانطباع عن مدي توغلك في اوحال القبلية! يعني عودك لو مافيهو شق قبلية، مابقول طق، مهما كانت ظنون الاخرين! المتحرر من اغلال القبلية المتخلفة، لايابه اطلاقا بانطباعات الاخرين عنه وعن التزامه القبلي، اذا كان واثق من نفسو! حتي اليوم، ماحصل اتهمت باني احمل جواي، جرثومة القبلية، وكذلك تراجي، لانو ليس هناك، علي مستوي الممارسة، في السلوك العام والخاص، مايرسخ انطباع كهذا في اذهان الاخرين. بعد ده كلو، شخص تراجي مابهمني كتير، بقدر مايهمني الاسلوب اوقوة الطرح، الصادق والمصادم. اذا انتو حتركنو للمجاملة، الحيجازف اويشيل وشح القباحة منو؟ لوكده، راجين منو يموت عديل، اويتوسد الطوب، في الطينة، عشان ماكلنا، ضاربين الطراوة، نقعد ننظر حول انسب الطرق لاستمالة قلوب الجلابة، اونكسب رضاهم، اوكده؟ ولا وقع ليكم اسلوب محمد ادم المخاتل، الوديع، الناعم، المسالم؟ طيب، لوفعلا اسلوب محمد ادم هو الامثل، فاين هي القضية الان، في غياب تراجي واسلوبا البطال كماحاول خمكم خط محمد ادم؟ ليه القضية تدحرجت في غياب الطرح المصادم، للصفحة الثالثة؟ حسبي الله!