|
|
|
 Re: الدوحة تبهر العالم في افتتاح دورة الألعاب الآسيوية (صور) (Re: Rakoba)
|
.
سلام يا راكوبة
علك بخير
ياخي والله فعلا بهرونا الجماعة ديل
وافتتاح كان مدهش و قمة في الروعة
صراحة شعلة الاولمبياد بالغو فيها عديل
لوحة ما شفت روعة زيها قبل كده
لكن - في رأيي الخاص - كانت مغامرة كبيرة منهم
ياخي الحصان ده حسع لو كان قام ( لكج ) ووقف ليهم في نص الطريق الطالع ده وقال ليهم ابيت اطلع ..كان حيعمل شنو الشيخ الفارس؟؟
والله قعدت براي اتخيل في السيناريو ده
وما عارف هل فعلا الحصان قبل النهاية بشوية قرب يعملها ويقيف
ولا اتخيلت الحاجة دي براي من كتر ما كنت بفكر في الموضوع ده هاهاها
تحية لدولة قطر على هذا الانجاز ..
وتحية ليك يا راكوبة للصور الحلوة
واتحفنا بالمزيد .. نحن طماعين..
.
.
| |
 
|
|
|
|
|
|
|
|
Re: الدوحة تبهر العالم في افتتاح دورة الألعاب الآسيوية (صور) (Re: hatim ibrahim)
|
والله يا راكوبة انا مما الشيخ محمد جرى بالحصان على المزلقانية ديك وكان شفتناانا وامى واختى بى صوت واحد
هى يا الله .. هى الله .. الليله يار ب تسترو .. الليله يا الله تسترا معاهو..
ولما الحصان اخد ليهو وقفة صغيرة وهو مال على ضهر الحصان ورقد فيهو تعال شوفنا
والله اتجرسنا لمان وصل فوق ... والخلانا نتوتر انو كان ماسك الحصان بى يد واحده ومافى طريقة طبعا يرمى الشعله.
لكن بالجد كل شئ فى حفل الافتتاح من الالف الى الياء كان اسطورة
| |
|
|
|
|
|
|
|
|
|
Re: الدوحة تبهر العالم في افتتاح دورة الألعاب الآسيوية (صور) (Re: Rakoba)
|
اجمل ما في الحفل هو اللحظة المشوقة جداً عند إشعال الشعلة ..
مجازفة ما بعدها مجازفة ..
وفروسية قبلها الشيخ فكان عند التحدي..
نعم كانت ستكون فضيحة إن حدث اي شئ وسقط الحصان أو الفارس أو الشعلة ..
عن نفسي فكرت كثيراً في حال سقوط الفرس ولكني كنت متأكداً بأن من قام بكل هذه الترتيبات لن تفوت عليه مثل هذه وربما هم جاهزون لأي واقعة فربما كان هذا سلم كهربائي يمكن ان يتحرك الى الشعلة اتوماتيكيا لو سقط الحصان بل يمكن ان يذهبوا لأبعد من ذلك ويجيبوا ليهو الشعلة لحدددددي عندو 
تحففففففففففففففففففففففففففففففففففففففففففففففففففففففة ..
| |
|
|
|
|
|
|
|
|
|
Re: الدوحة تبهر العالم في افتتاح دورة الألعاب الآسيوية (صور) (Re: Rakoba)
|
تحياتى يا راكوبة
فعلا شى ما عادى أبدا
إبهار وإبداع مافى زيه
شفت العقول لما تكون منفتحة بتعمل شنو
لا تقول لى سيدنى ولا اثينا ولا برشلونة ولا لوس انجلوس
هسه أنا بقيت شايل هم للناس الحيعملو الدورة الجايه
الأولمبياد طبعا حيكون فى بكين فى 2008
ديل مافى خوف عليهم لأنه برضو أتوقع إنهم يخرقو العادة
شكرا ليك على اللوحات السمحة
| |
|
|
|
|
|
|
|
|
 Re: الدوحة تبهر العالم في افتتاح دورة الألعاب الآسيوية (صور) (Re: Rakoba)
|
شكرا راكوبة للصور الرائعة
وحضوراحتفال الافتتاح من داخل الاستاد لا يوصف
اما فقرة اشعال الشعلة فقد تم التدريب لها اكثر من
شهرين وبصورة يومية وبوجود تسجيل لاصوات الجماهير
ولكن يظهر ان مياة الامطار وفلاشات الكاميرات قد اثرت
بعض الشى فى العتبات الاخيرة للسلم حيث تعثر الحصان قليلا
ليحبس انفاس كل الجماهير( فما بالك بمنظمى الحفل )
ولكن خبرة الفارس وحسن التدريب وطاعة الفرس لفارسة انقذت
الموقف تماما ......
| |
|
|
|
|
|
|
|
|
|
Re: الدوحة تبهر العالم في افتتاح دورة الألعاب الآسيوية (صور) (Re: sudania2000)
|
الأعزاء المتداخلون
نعم أبهرت قطر كل الحاضرين والعالم اجمع عبر الحفل الأسطوري الذي دشن فعاليات الدوحة 2006، المدينة هذه الأيام تعيش أجمل أيامها مع اعتدال الطقس وتعدد الفعاليات الرياضية والثقافية التي تحتضنها الدوحة.
والأجمل التكاتف الشعبي بين المواطنين والمقيمين على أرض الدوحة لإنجاح هذه التظاهرة العالمية، فترى الأعلام ترفرف على السيارات والملصقات الجميلة التي تحمل شعار " كلنا قطر" تزين كل أرجاء الدوحة.
وسوف أحاول مدكم بصور وملفات ملتميديا لهذا الحدث
ودمتم
| |
|
|
|
|
|
|
| |
Rakoba
عبدالكريم الامين احمد
عمر الفاروق
أبوذر بابكر
شهاب الفاتح عثمان
-1.jpg)
معاوية الطيب
رشا سالم
altahir_2
معتصم دفع الله
Emad Abdulla
hajhamad
Alsa7afa_30
othman mohmmadien
فيس بوك
تويتر
انستقرام
يوتيوب
بنتيريست