كتب الكاتب الفاتح جبرا المتوفرة بمعرض الدوحة
|
|
 أمك... الخور بقى يقابض من طرف, ألحق يا معلم
|
يبدو أن الأحداث الأخيرة في المنبر
قد أدت إلى تجفيف منابع الخور من المواد المخالفة للائحة
فقد قلت البوستات المصنفة ب (غير صالح للنشر) بصورة ملحوظة
و يبدو أن الخور قد بان عليه الهزال وقلت سرعة جريانه
مما إستدعى تدخل تيم طوارئ بلدية BAKRI LAND
و على طريقة ناس المرور - أول الشهر - قرروا يعملوا حملات تفتيش في المداخل الرئيسية
بقى البوست طالع يادوبو لسة ما حمل ركاب, يروحوا موقفينه و نازلين تفتيش
و كل واحد منهم شايل نسخة من اللائحة, و يفسر على كيفه.
|
|
 
|
|
|
|
|
|
|
|
Re: أمك... الخور بقى يقابض من طرف, ألحق يا معلم (Re: محمد البشرى الخضر)
|
أها يبدو إن الأعضاء ملتزمين و مرخصين و رابطسن الحزام وكله تمام
بقت المشكلة إنو الربط المقدر في الميزانية ما حيجي بالطريقة دي
فإجتمعوا المسؤولين و قرروا يلجؤوا لطريقة ناس الإلزامية
يعني يعملوا كشة و بعدين يفرزوا في الخور
بقت البوستات تعيسة الحظ الماشايلة بطاقة تمشي الخور
و هناك ياعرفوهوا و فكوهوا يا سيدو قنع منو و سوى واحد تاني
يا كمان يقعد كدا زيوا وزي الخوراب الأصليين أسياد الإسم
جاييكم بالامثلة...
| |
|
|
|
|
|
|
|
|
|
Re: أمك... الخور بقى يقابض من طرف, ألحق يا معلم (Re: محمد البشرى الخضر)
|
ثانيا:
بوست المعلم كيكي عن زيارة د.بشرى الفاضل للدوحة
دا نموذج للبوستات الإتكشت من خشم الباب
و أظنوا سيدو لما فقدوا إفتكروا طش, و ما فكر يشوفوا في الخور
لأنوا واثق منو و عارفو ما بتاع خيران - لكن الله غالب
المهم إتوكل كيكي و عمل ليه واحد تاني أداه نفس العنوان - الله يغتي عليه
تانى جاييكم
| |
|
|
|
|
|
|
|
|
|
Re: أمك... الخور بقى يقابض من طرف, ألحق يا معلم (Re: محمد البشرى الخضر)
|
ثالثا:
بوست و فيديو الأستاذ عاطف عبدالله عن الراحل المعلم الكبير مصطفى سيد أحمد
أها دا بقى بعد ما كشوه ناس الإلزامية
لمو فيهو ناس المصنفات و عملوا ليه محضر بتاع ملكية فكرية
دا مشكلتوا كبيرة و داير ليهو واسطة كبيرة ما أقل من سجيمان و لا كوستاوي فرد عمك المدير
و أهو مسكين قاعد بيغادي راجي
الدورة دي جاي بصور عديل
| |
|
|
|
|
|
|
|
|
|
Re: أمك... الخور بقى يقابض من طرف, ألحق يا معلم (Re: محمد البشرى الخضر)
|
نشرة أخبار الخور....
أفادت الأنباء الواردة من الخور أن الوضع مستقر
وقد قررت البلدية إيقاف الحملات حتى إشعار آخر
و لكن أفادت المصادر أن هذا الإجراء تم لتعديل الإستراتيجية
بعد تصاعد أصوات الإحتجاج من ذوي البوستات المفقودة
و من المتوقع عودتها في شكل آخر
إذ أن أزمة تمويل الخور لا زالت قائمة إثر إيقاف بعض كبار الموردين وقيام الآخرين بالتعاقد مع
خور الحلة الجديدة
عليه نوصي بإلتزام الحذر لحين إنجلاء الموقف
نهاية النشرة
| |
|
|
|
|
|
|
|
|
|
Re: أمك... الخور بقى يقابض من طرف, ألحق يا معلم (Re: محمد البشرى الخضر)
|
الاخ محمد البشرى الخضر
كيف الحال؟
انا ذاتي لفت نظري الموضوع دا امبارح..وخصوصا موضوع الاخت سلمي سلامة..
وقمت فكرت قلت احتمال الخبر طلع ما مؤكد وتكون الاخت سلمي طلبت من بكري حذفه..
وبيني وبينك انا ما بستغرب لو الزول عمل بوست عن (المطر ومميزاته في سهول الامازون)
انه يمشي الخور..! قول لي ليه؟ لانه في ناس بيجوا يتكلموا عن حاجات
ما عندها علاقة بالموضوع الاساسي..وبعد شوية يجي زول كان عنده مشكلة مع الزول
الاول دا ويقوم ينتقده بطريقة سخيفة..وكلمة من هنا وكلمة من هناك البوست بتاع
المطرة الصابة في الامازون يبقي كله رعد وبرق وعواصف وسيول وطبيعي انه يكسر
في الخور..!
| |
|
|
|
|
|
|
|
|
|
Re: أمك... الخور بقى يقابض من طرف, ألحق يا معلم (Re: رشا سالم)
|
الأخت رشا
الحمد لله و شكرا على السؤال
| Quote: لانه في ناس بيجوا يتكلموا عن حاجات ما عندها علاقة بالموضوع الاساسي..وبعد شوية يجي زول كان عنده مشكلة مع الزول الاول دا ويقوم ينتقده بطريقة سخيفة.. |
| Quote: وطبيعي انه يكسر في الخور..! |
الكلام دا صاح في الأحوال العادية و في الحالة دي البوست بيكون أشبه بالحافلة الدورت فيها
شكلة بين الركاب بيودوها القسم رغم إنو السواق ما عندو ذنب.
لكن في الحالات الفوق دي يادوب البوست طالع الزلط , ما لحق حتى يشيل راكب واحد
خليك من إنو تقوم فيهو شكلة
الحاصل - على حد علمي - إنو وحدة طوارئ الصرف الصحي في البلدية بيطلع ليهم حافز شهري مقرون بمستوى
إرتفاع الخور, و كمية الدليفري .
و زي ماعارفة إنو في الفترة الماضية كان الموردين نشيطين و الحال عال العال
فناس الطوارئ ناموا على كدة, لدرجة إنو برز إتجاه لإحالتهم للصالح العام و خصخصة الشغلانة
أها لما حصلت الأزمةو الخور أوشك يجف ,
ناس الطوارئ جاتهم الفرصة و عاوزين يثبتوا أهميتهم و جدارتهم.
و كمان في أخبار غير أكيدة بإنوا عمك المدير ضاعف الحافز.
على العموم لغاية ما ينجلي الموقف و ترجع المياه لمجاريها
نوصي بشدة بأخذ الحذر.
لمعرفة آخر أخبار الخور ..كونوا معنا
أخت رشا
قدامك جناين الود ...
حد عينك تشوف...
ليك
| |
|
|
|
|
|
|
| |
محمد البشرى الخضر
رشا سالم
فيس بوك
تويتر
انستقرام
يوتيوب
بنتيريست