|
عمر البشير قال الماتو فى دارفور تسعة الف بس عاملين لينا لخمة ليه
|
بلاهى قالبين الدنيا, دارفور دارفور عشان تسعة الف(بس)
مالين البلد خواجات ومنظمات عشان بس تسعة الف نفر
يعنى شنو تسعة الف يسوو شنو ديل
واحد اتنيا تلاتة جك جك تسعة الف ما كتار والله
يعنى قدر سكان مربعنا والمربع الجنبنا
ولاخمين الرئيس عشان تسعة الف واحد جعان ومقطع ماتو
شوف الناس دى
ماهو لو ما ماتو بالجنجويد حا يموتو بالملاريا ولا التايفويد
الرئيس شايفهم شوية وانا ذاتى شايفهم شوية
نحنا فى حربنا الفاتت ماتو لينا اتنين مليون وقعدنا زى الحمير 50 سنة لغاية ما اكتشفنا انو الجنوبيين عندهم حقوق
جايين ياخ لاخمننا عشان تسعة الف
ماتقولو لى امريكا انفقت 500 مليار دولار فى حروبها عشان القاعدة كتلت ليها 3 الف مواطن
انتو عايزين تشيهو روحكم بالامريكان يا رعاع
ولا تقولو اسرائيل دمرت نصف لبنان عشان جنديين فى واحد فيكم يا زرق يا شينين عندو عيون زى جلعاط شاليط
بعدين رئيسنا لو ما عدد الضحايا دقة مليون ما عندو شغلة بيكم الفورة مليون
مزعجين خليتو الرئيس يحلف طلاق
يعنى اسة يطلق مرتو عشان تسعة الف لو عثرت بغلة فى الشام لخفت ان اسال عنها
اوعى تقولو كدة يعنى اى زول اسمو عمر بيبقى زى سيدنا عمر
يلا ادفنو التسعة الف قبل ما يعفنو ورئيسنا الحساس تجيهو الريحة
|
|
|
|
|
|