|
حاجه تحير... كيزان جامعة الخرطوم اليوم السبت 25/11عاملين حفلة بجمال فرفور
|
اليوم السبت 25/11 أعلن تنظيم الكيزان بجامعة الخرطوم (الطلاب الإسلاميين الوطنيين) عن إقامة حفل إستقبال الطلاب الجدد(البرالمه) وشيدت الصيوانات وأعد التنظبم (عدته) في كلية الآداب إستعداداً لهذه المناسبة السعيدة... طبعاً دي بداية الحملة الإنتخابية بالجامعة... وعاوزين (يخموا البرالمة) لكن ما أعتقد قدر يجيبوا ( فرفور)!!!! حاجه تحير...
|
|
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: وائل طه محى الدين)
|
عمك كيف ؟ حاجه تحير ياعويس بالجد ... الواحد يستغرب لما كنا برالمه وإنتو قدامنا بي 4 سنه... متذكر قيقم وشنان .... وكمان كانوا حاظرين الغناء بكل أنواعه (بيفتكروا إنه خليط من المياعة ومعارضة دولة الإسلام) - مش كانوا ضربوا أو عركي في school ؟؟ السته الفاتت سموا إتحاد التحالف ب( إتحاد الفنانين) بس لأننا كنا بنعمل حفلات للطلبة... فنانين أشكال وألوان .... عركي ... ود الأمين ... فرفور زاتو لأن بعض الطلاب قالوا دايرنو طبعا نحنا نقابه فما إعترضنا على الموضوع .. أحمد بركات ... شرحبيل ... عقد الجلاد.. ساورا... و... حبنها هاجوا وماجوا.... حرام علينا وحلال عليهم ...
| |
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: وائل طه محى الدين)
|
الأخ وائل
سلاماً من الله عليك
أزمة الأسلاميين واحدة سواء في النظام او على مستوى الطلاب وطبعاً فقدانهم للمنبر النقابي بهذه الجامعة العريقة يجعلهم يتصرفون كما قريش بعد هزيمتها في بدر وكمان لعودة المنبر ممكن يستعينوا بالشيطان من أجل إستعادته ولا مجال لثوابت الدين او الأنقاذ في ذلك..
Quote: لكن ما أعتقد قدر يجيبوا ( فرفور)!!!! حاجه تحير... |
واصلوا ما تحتار لو شوفت الفرقة الأثيوبية نازلة رقيص في المينرود من أجل الحملة الأنتخابية
غايتوا ياحليل الكيزان الماتوا في الميل اربعين....
خالص الود
| |
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: مجاهد عبدالله)
|
وائل
سلام
عارف لما كانوا مانعين الحفلات في السودان والغناء , كانوا شغالين رقيص بالخارج
فرقة الفنون السودانية واليمني حفلات بالمانيا, عارف نحن دعينا ناس المساجد وريناهم كيف اسلام الجبهة
عارف مرة عاملين ندوة باسم الاسلام في السودان دعوا كل الجماعات والمراكز الاسلامية
المتحدث سفير السودان وهو دينكاوي مسيحي بس انا مشيت قلت للزول المنظم الدعوة انا بكلم
الناس بقول ليهم نحن اسلامنا اسلام التسامح دولتنا اسلامية سفيرها مسيحي كاثوليكي
والله اعلنوا الغاء الندوة
| |
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: وائل طه محى الدين)
|
وائل طـــه تحيــاتي لي متحيـــــر والبحير شنو؟؟ تعرف قبل كم سنه وفي اول انتخابات في جامعه القضارف مشينا الحمله الانتخابيه للقوي الوطنيه كانت عباره ندوات سياسيه ومخاطبات وثقافه عمل نقابي.. تعرف الكيزان جايبين الخالدي غنا ورقيص الشباب يجو يسمعوا الندوات ويمشو يهيصو علي انغام (يا سالمه يا ظالمة) وفي النهايه وعي الحركه الطلابيه هو المحرك وبعرفو حيصوتوا لمنو عشان كده مش كانو جابو فرفور ولا غيرو مافي عوده للاتحاد يشموها قدحة وتعرف هم عندهم علاقه قديمه مع الســــقوط عشان كده استمتعو يا وائل بالسقوط المتكرر للمؤتمر الوطني في الانتخابات مع مودتي
| |
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: وائل طه محى الدين)
|
نعم
في أوتاوا كا ن الويسكي من أقوي أسلحتهم
في البداية كانوا معزولين تماما
ظلوا يحاولون استدراج الناس بدعوات فطور رمضان
ولمة العيد الخ
في هذا المنعطف وصل أحد عرابيهم من الذين يقولون صراحة أنا مع النظام وعمل بكل جهده ضد المعارضة
وكان من أهم أدواته دعوة من يستجيب له للقاءات كل أسبوع أو اسبوعين كانت دعوته حرفيا "انت بس تعال لو ما بتشرب وسكي في بيرة لو ما بيرة ممكن تشرب بيبسي"
و استمرت هذه اللقاءات وكان حضورها الأساسي من مؤيدي الجبهة الدائمين وكانوا من أول من يضع زجاجته على المائدة
وهذه اللقاءات كانت المكان الأساسي الذي حشد فيه تأييد للتنظيمات الأجتماعية التى كانت المدخل الأساسي لنشاط الجبهة في أوتاوا وكسر العزلة عنهم
الباقر موسى
| |
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: وائل طه محى الدين)
|
Quote: ياجماعة الباقر بيقول في كلام خطييييييييييييييييييييير ياجماعة الباقر بيقول في كلام خطييييييييييييييييييييير ياجماعة الباقر بيقول في كلام خطييييييييييييييييييييير ياجماعة الباقر بيقول في كلام خطييييييييييييييييييييير ياجماعة الباقر بيقول في كلام خطييييييييييييييييييييير ياجماعة الباقر بيقول في كلام خطييييييييييييييييييييير ياجماعة الباقر بيقول في كلام خطييييييييييييييييييييير |
يا وائل لا خطير لا حاجة..
سامعك بتهتف ومعاك كل المناضلين بداخل جامعة الخرطوم
الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره.. الجامعة جـــامعة حرة ..والعسكر يطلع بره..
لو فرفور جـــاهم.. مفترض الطلاب تهتف ..
الجامعة جامعة حرة وفرفور الكوز يطلع بره.. الجامعة جامعة حرة وفرفور الكوز يطلع بره.. الجامعة جامعة حرة وفرفور الكوز يطلع بره.. الجامعة جامعة حرة وفرفور الكوز يطلع بره..
وبلا فرفور بلا وهم..
| |
|
|
|
|
|
|
Re: حاجه تحير... كيزان جامعة الخرطوم اليوم السبت 25/11عاملين حفلة بجمال فرفور (Re: وائل طه محى الدين)
|
Quote: عصام أحمد سلام... الجماعة ديل دايرين يطلعونا من الجامعة ويقعدوا فيها... إتخيل إنو داخلية النشر باعوها وإنقلبت مستوصف والبرالمة رحلوهم السجانة !!! والداخليات مكتظة ب(الخوارج والطيارات).... وتقول لي فرفور ؟؟؟ أطمم بطنك زيادة ؟ |
والله يا وائل طممت بطني بالجد..
الناس ديل ما حرامية..الحرامية بيسرقوا بالليل, (بالكرب)
لكن دي عصابة قتلة ولصوص أونطجية علي شعب طيب .
في شنو تاني يا وائل ؟؟
قلت لي باعوها ..لا حولا..
لكن يا وائل بترجع .. وليهم يوم قريب .
| |
|
|
|
|
|
|
|