|
ناس "القرين كارد"..واااا سجمكم و..وااا رمادكم
|
سمعت قالو ا....مجلس الشيوخ الامريكي.....والكونغرس.....وحات الله كنت قايلين شي واحد...علا في زول بارك الله فيهو جيه لي النضم....اها قالو المجلسين ديل اتبنو المثل السوداني البيقول...... "ان غلبك سدها..وسع قدها" .....قالو المجلسين وافقو علي ان يكون المثل من ضمن قانون الهجرة الامريكي.....بصراحة والنصيحة لي الله....انا خايف الخواجات ديل يكونو لمو في مترجم اشتر وترجم المثل دا غلط.....ويقومو الامريكان يلمو في المهاجرين ويسجموهم ويرمدوهم........انا قلت دا حين اخير احدس ناسي يتلملمو ويجو قوام قوام علي اهلن.....وخايف ناس السوق الاوربية يقومو يحاكوهم.....واكتر الخوف من ناس الخليج والله ديل كمان اعمى ومسكوهو عكاز..وقاعدين يحاكو امريكا دي في كل شي من غير ما يقولو بسم الله....ما يفرزو زول....حتى مواطننهم بيدوهم هبيشة.....اها امريكا و وكندا براهن فيهن فوق المليون سوداني ......شوفو لما يطبقو عليهم المثل...شفتو الخسارة البنبقا فيها قدر شنو؟؟؟.......غايتو يا ولاد الناس ان درتو نصيحتي اخير لكم تتللممو علي اهلكم....وانتو فيكم ناس ولاد قبايل.....والنضم دا ان بقى يبقى اعوج تب.....والخليج فيهو اربعة مليون...اها ديل كلهم ان قامو الناس التلاّبة ديل طبقو فيهم النضم دا....بعدين يجو بجاي نحن نقعد نضبح ونرمي في البحر....نطيرهم وين؟ ونسوي بيهم شنو؟..... بعد البقت عليهن..... انا والله لي يومين النضم دا حايص لي....وخفت اقولو ويجوني الجماعة ويقولو فيني المابتقال.....لكن من اجل الوطن يهون كل شي.... ان اصريتو تقعدو عاد اووووعكم نشوفكم حايمين بجاي.......وان اصلهم الامريكان دايرين يبدو شاحد الله يبدو من نيويورك......والناس البعاد اليشوفو جر الحبل فوق اخوانهم الفي نيويورك...ان حدسوهم....لكن دا نضمن ما بيحدسو بو....غايتو بتحت تحت سمعت انو الحكومة الامريكية اتعاقدت مع شركة فورد تنتج لها اربعين الف حفار.... شفتو؟ بالحفارات الشغلة.......... ابناء وطني..انفدو بجلدكم وتعالو بجاي انشاء الله ناكلها بملح.....انتو امة..خمسة مليون..نجيبلكم عراريق من وين بعدين؟..........
|
|
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: سجيمان)
|
هوي يا سي جي ما تخوف الناس ساكت أمريكا دي ممشنها ناس الغرين كارد , شغالين عتاله في البوسته وبوزعوا البيتزا وبحرسو المحلات بالليل وبسوقوا التاكسي والشتل والبصات وعمال نظافه وعمال مصانع وبلزوا الويلجير في المطار ويرعوا الناس العجزه وكبار السن تقولي شنو.
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: سجيمان)
|
أخوي سجيمان كلامك صح
انا ذاتي الحديث دة قاعد يحدسني
اسع لو قالوا لينا امشوا بلدكم نقوم نعمل شنو نان نمشي للبشير في القصر الجمهوري ونعمل مظاهرة ونقول ليهو نحن بتاعين الخليج الهبشتونا لحم ورمتونا عضم ولنمشي لناس الامم المتحدة ولنمشي ننضم في سودانيز اون لاين ونرفع شكوانا
وبعدين الاولاد والفتو ديل نوديهم وين
كلامك صح وانا قاعد احسب فيها وراسي يلف ويدور
وربنا يكدب الشينة
لاكن يا سجيمان ان بقيت نضيح
عندي عقاب اهل في الصعيد
مشيت اهبشهم علشان لو جات العكة اتلم معاهم هناك
وبرضو رجل هنا ورجل هناك
صلاح غريبة - مغترب 25 عام من السودان
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: Elmosley)
|
هي امريكا تشيل وتجيب في الناس لسه .... في مطار دلاس الدولي هنالك سبعمائة سائق تاكسي والله مافيهم ولا واحد امريكي بالغلط.. وبعدين الكونغرس يحاول أن يقنن وجود المهاجرين (الطفاشة) ولايسعي لتطفيشهم وهو بالمناسبة سبب اخر أدي الي اكتساح الديمقراطيين للانتخابات وفي امريكا عندما يقولوا المهاجرين يقصدوا بهم دائما اللاتيينين والسودانيين مجرد(شمار في مرقه )
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: سجيمان)
|
الأخ / سجيمان لابـد من صنعـاء وإن طـال السفـر - هكذا يقـول إخوتنـا اليمنيـون نجافى الأوطان عشرات السنيـن نتذرع بالأرزاق أو بمعادات الحكومات أو أو من الأسباب ثم تلفظنا بلدان المهجر متذرعة بالتوطين تارة أو بقلة الموارد أخرى أو الشيخوخة أو المرض أو بلوغ سن المعاس ورغم اننا نلعن أوطاننا ملعون أبوك بلد الا أننا لا نجدحضنا فى آخر الأمر حضنا غيرها أو ترفض الأم عودة أبنائها سيسع السودان الجميع وسنقتسم اللقمة بيننا وستغفر الأم عقوق أبنائها
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: حمزاوي)
|
يا سى جى الخبر القلته كله صحى وفعلا ناس القرين كارد يشيلو شيلتهم .. واها انا كمان ازيد ليك حاجة انت ما ذكرتها فى معرض حديثك.. حتى الناس العندهم الجنسية الامريكية بداوا يفحصوا فى اوراقهم من جديد واى واحد يكون اخد الجنسية باللفة الضحك شرطو .. حيسحبوا منه الجنسية ويرجعو لبلده مكلبش .. واذا اى واحد كان كاسر القانون ان شاء الله يكون قطع النور الاحمر فى تقاطع يسلم جنسيته ويغادر البلد .. وعشان كده يا سجيمان وصيتك دى للناس يتلمو لاهلهم وصية لا تقدر بثمن .. وجزاك الله خير
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: السر عبدالله)
|
السر عبد الله
Quote: يا سى جى الخبر القلته كله صحى وفعلا ناس القرين كارد يشيلو شيلتهم .. واها انا كمان ازيد ليك حاجة انت ما ذكرتها فى معرض حديثك.. حتى الناس العندهم الجنسية الامريكية بداوا يفحصوا فى اوراقهم من جديد واى واحد يكون اخد الجنسية باللفة الضحك شرطو .. حيسحبوا منه الجنسية ويرجعو لبلده مكلبش .. واذا اى واحد كان كاسر القانون ان شاء الله يكون قطع النور الاحمر فى تقاطع يسلم جنسيته ويغادر البلد .. وعشان كده يا سجيمان وصيتك دى للناس يتلمو لاهلهم وصية لا تقدر بثمن .. وجزاك الله خير |
سمعتو النضم دا؟....ما تستهونو بيهو
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: سجيمان)
|
يادكتور سلامي واحترامي
Quote: انا خايف الخواجات ديل يكونو لمو في مترجم اشتر وترجم المثل دا غلط.. |
Quote: انتو امة..خمسة مليون.. نجيبلكم عراريق من وين بعدين؟ |
لكن عاد التوريه ماعندك.. والله ذكرتني الزمن السمح لمان كانت الأسر بتجيب الطباخين إياهم في مناسبات الأفراح وتلقاهم بي عراريقهم وسط النسوان والحلل وهم يحكوا والنسوان يقرقرن وسجاير البرنجي والبحاري مايديك الدرب وبالليل حقهم محفوظ من ما لذ وطاب من الشراب والذي منو.. غايتو نحنا الحمد لي الله اهلنا الكنديين ديل الله يحفظهم عندهم مشكله بتاعة فهم عشان كده نحنا ماخايفين ..هاك دي مره في هايدبارك في لندن واحد افريقي ويقال نايجيري سأل الملتفين حوله هل في واحد كندي هنا واحد قام اتشالق وقال انا قام الافريقي قال ليه تعرف انتو يالكنديين اغبى ناس تعرف ليه لانو الملكه عايشه في بريطانيا وانتو عاملين ليها حرس في كندا ..اها شفت زي جنس الفهم ده... ولك مودتي
عزالدين
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: سجيمان)
|
Quote: لابـد من صنعـاء وإن طـال السفـر - هكذا يقـول إخوتنـا اليمنيـون نجافى الأوطان عشرات السنيـن نتذرع بالأرزاق أو بمعادات الحكومات أو أو من الأسباب ثم تلفظنا بلدان المهجر متذرعة بالتوطين تارة أو بقلة الموارد أخرى أو الشيخوخة أو المرض أو بلوغ سن المعاس ورغم اننا نلعن أوطاننا ملعون أبوك بلد الا أننا لا نجدحضنا فى آخر الأمر حضنا غيرها أو ترفض الأم عودة أبنائها سيسع السودان الجميع وسنقتسم اللقمة بيننا وستغفر الأم عقوق أبنائها |
ده النضضمي السمح ياأخوانا وأنا واثق أن الوطن يسع الجميع دي مليون ميل ياأخوانا مي ساهله والله البلد ماهله ... وسينسى الجميع أحزانهم ويدفنوا الحقد والمرارات كي نبني وطناً قمه نفاخر به بين الأمم ..... أبقوا راجعين يالحبان أبقوا راجعين......
معاكم سلاااااااامه
| |
|
|
|
|
|
|
Re: ناس "القرين كارد"..واااا سجمكم و..وااا رمادكم (Re: سجيمان)
|
.. . salam ya docy ويقومو الامريكان يلمو في المهاجرين ويسجموهم ويرمدوهم. بالصورة دى حيرسلوهم لسجمور و الرمادا غايتو بتحت تحت سمعت انو الحكومة الامريكية اتعاقدت مع شركة فورد تنتج لها اربعين الف حفار.... شفتو؟ بالحفارات الشغلة.......... بالحفارات شغل نضيف باله رايك فى الفتوى دى شنو Salamoz Sorry No A.KB Cu around
| |
|
|
|
|
|
|
|