|
|
|
 Re: خبـرين جيـدين من الخرطـوم.. (Re: Elmuez)
|
Quote: الأول خاص بالتماسيح و الفساد و فوضي التعامل مع (قروش البترول) و الإثراء مقابل الإفقار .. أهو خطوة وضع يد أولي .. ما بطالة, هو إحنا لاقين ?!..
الثاني ,تاريخي, مرتبط بوحشية تعامل بعض المعلمين مع أطفال و صبية المدارس (القراية أم دق) و تفريغ الزهج و القرف في ج ع ب ا ت التلاميذ ,أو ما سمي في الغرب ب ال Child abuse و ما يترتب عليه من نتائج نفسية/شخصية مستقبلية.. أمانة ما هردوا ج ع ب ا ت ن ا !
|
حقيقة أخبار حلوة تستحق عليها الحلاوة...
لكن ما تقول لي إنت كبيِّر خلاااااااااااس...
بالله حضرت زمن القراية أُم دقْ!!!؟؟؟
كميات مودتي...
أبو الحســــــــــــــــــين...
| |
 
|
|
|
|
|
|
|
 Re: خبـرين جيـدين من الخرطـوم.. (Re: Elmuez)
|
هي القراية ام دق كان عندها زمن يا ابو الحسين يا خوي,
دي الحاجة الوحيدة المشتركة بين جميع أجيال السودان(إشتراكية سودانية) !
غايتو كان عندنا أستاذ إسمه أستاذ جعفر الله لا لمانا فوقو !
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
| Quote: بالله حضرت زمن القراية أُم دقْ!!!؟؟؟ |
Quote: هي القراية ام دق كان عندها زمن يا ابو الحسين يا خوي,
|
وحتى لو كان عندها زمن يا المعز اخوى
شوف شنب ابو الحسين دا .. باقيلك ما حضر زمنا ؟
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
| Quote: ووصف الدقير مفوضية البترول، بأنها واحدة من الركائز الاساسية لاتفاق السلام، واعتبر تفعيل اعمالها بالشكل الذي اتفق عليه، من شأنه خلق مساحات تراضٍ كبيرة، مما ينعكس ذلك خيرا وفيرا على الشعب السوداني في شماله وجنوبه، وقال ان ذلك سيكون دعامة من دعامات |
ونحن البنوبنا شنو من مساحات التراضي دي؟
كانوا متغالطين من زمان في أرقام وجابوا ليهم
مفوضية حاسبة...وحلوا المشكلة...
هسي كان ضربوا وجمعوا وطرحوا وقسموا الشايفهم منو؟
سمعت ليك بي رقم وقع من ألة حاسبة.
والله سبيل بنزين...
| |
|
|
|
|
|
|
|
|
|
Re: خبـرين جيـدين من الخرطـوم.. (Re: nazar hussien)
|
Quote: منع العقاب البدني بمدارس الخرطوم
|
وروروووووووووك ...
كدي يا جماعة خلينا جادين شوية ...
مدارسنا دي بلا خرتوش الموية الاسود ...
و سوط العنج المدفون في الميدان ...
و تسميع يوم السبت ...
و الرديف ...
و ناس فلان جلدوه في طابور الصباح ...
بلا ده كلو ..
مدارسنا دي بكون عندها طعم ...
كدي الله يكضب الشينة بس ...
| |
|
|
|
|
|
|
|
|
|
Re: خبـرين جيـدين من الخرطـوم.. (Re: nazar hussien)
|
Quote: ونحن البنوبنا شنو من مساحات التراضي دي؟
كانوا متغالطين من زمان في أرقام وجابوا ليهم
مفوضية حاسبة...وحلوا المشكلة...
هسي كان ضربوا وجمعوا وطرحوا وقسموا الشايفهم منو؟
سمعت ليك بي رقم وقع من ألة حاسبة.
والله سبيل بنزين... |
ما بعد ده يا نزار ورطو نفسهم معانا بي حكاية
( إذا إختلـف اللصـان ) !
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
Quote: شوف شنب ابو الحسين دا .. باقيلك ما حضر زمنا ؟
|
Quote: يا علي مالك علي الراجل ده,
هو باين عليه قرا في Sister school |
لوووووووووووووووووووووووووول!!!
الله يجازي محنكم...
ضحكتوني وانا مارق من المكتب أقرقر!!!
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
| Quote: ودعت الى اتباع الطرق التربوية الصحيحة في العقاب والثواب وتوجيه ادارات المدارس والمعلمين بمنع وجود الخرطوش الاسود وما يشابهه من ادوات تستعمل في العقاب البدني، مع تنبيه مديري ومديرات المدارس بأن اي عقاب بالمدرسة مسؤوليتهم وستطالهم المساءلة والمحاسبة في حالة اذى اي تلميذ او تلميذة. وقال مدير الادارة العامة للتعليم الاساسي، محمدين عتيق الله ادريس ان الحكم سيقع على من قام بالعقاب من المعلمين، واعتبر وجود الخرطوش الاسود او ادوات العقاب في أية مدرسة يعد مخالفة للوائح والقوانين التربوية ، منبها الي انه سيعرض الادارة للمحاسبة . |
ياخ دا الذ خبر و الله يا معز
حقو الواحد يرجع الابتدائية تاني من جديد
و يرجعو لينا الوسطي معاها
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
Quote: حقو الواحد يرجع الابتدائية تاني من جديد
و يرجعو لينا الوسطي معاها |
يا حمد نحن ممكن نحلها بطريقة إستثمارية أفضل,
نطالب بي سن قوانين تتيح فرص التعويض للمتضريين المهريين سابقا..
و أضرب المبلغ في تسعة سنين .. و يا بخت الناس العادت كتير!..
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
حديثكم ده ذكرني الردة الكاكي ...
و القميص الابيض ...
و الشارة في السدر ...
و شنطة القماش ام زردة من فوق ...
و سندوتش الجبنة (قمة الرفاهية)....
و تموت تخليه ... (لبستو سنة وحدة و اتحنكشت عليه)...
و الجرس ... (كنت متخصص في دق الجرس)...
لكن برضو ما هنسى الخرتوش الاسود ....!!
و بالمناسبة يا المعز ..
انا ما كنت متخصص في الرديف ..
بالعكس كان كرهتي في الدنيا ...
لأنو اليوم البكون فيه تسميع و بجي فيه مردف ...
بيلغو التسميع ...
و بكون فيه كشة رديف ...!!
فيتم على ضوء الكشة ازالة التظليل ...
و احضار الخرتوش الاسود ...
لليوم الابيض ...
| |
|
|
|
|
|
|
|
|
|
Re: خبـرين جيـدين من الخرطـوم.. (Re: Elmuez)
|
تعرف يا سوباجو
أنا كنت جني و جن ناس الخدمات
يعني الألفا
الأربعة الكبار البشيلو الزول
الزول البيمشي بيقطع النيمات و يجيب السيطان
لكن كنت بنبسط جدا من الزول البيدق الجرس زيك كده
لأنه لو ما مرقك الفطور ولا الفسحة التانية ولا البيوت
بيمرقك من زنقة
يعني مثلا الأستاذ يكون نوى يدق الفصل كله
و يبدأ بالكنبة الأولي
و أنا كنت سنويا بحبذ لو ما الكنبة التانية, التالتة
و في كل مرة أمرق من الجلد بي نفر نفرين قبل ما الدور يصلني
عندنا زول زيك كده يجي مردف , التسميع يتلغي
اليوم كلو يكون حايم في المدرسة
زي المركب إسبير فيسبا!
| |
|
|
|
|
|
|
|
|
|
Re: خبـرين جيـدين من الخرطـوم.. (Re: مرتضى الصادق)
|
الثاني الخاص بالجلد في المدارس ما جيد
نفس القرار ناقشه البرلمان البريطاني يوم ما
ثم أتخذ قرار عدم العقاب المدرسي بالمدارس
بعد ذلك ،،،،،
النتيجة كانت هبوط حاد في درجات النجاح
مما أضطر المتنفذون من إعادة الأمر ثانية
----------------------------------------
أعتقد أن منع بعض العقوبات مثل الصفع "الكف" أو "الالم- بالمصري"
من الجائز منعه لأنه محرم وفقاً لدينناالحنيف ويؤدي لمخاطر تتعلق بالسمع والنظر
----------------------------------------
وفقاً لتجربتي السابقة والبسيطة كمعلم لم أكن أميل لأسلوب العقاب ولم اصفع طالباً في حياتي
مع العلم أنني أؤمن إيماناً تاماً أن طلابنا في بعض مراحل العمر لن يحسم الكثير من مشاكلهم المتعلقة بالسلوك الردئ والجنح إلا هذا النوع من العقاب كافضل الحلول المتاحة، لأننا لم نصل بعض لدرجة النضج الذي يؤهل تلاميذنا وطلابنا لهذا النوع من التعامل
| |
|
|
|
|
|
|
|
|
|
Re: خبـرين جيـدين من الخرطـوم.. (Re: othman mohmmadien)
|
| Quote: لأننا لم نصل بعض لدرجة النضج الذي يؤهل تلاميذنا وطلابنا لهذا النوع من التعامل |
و لكن يا استاذ عثمان ربما اوصل هذا النوع من التعامل ابنائنا الي درجة النضج التي نفتقدها .
بالنسبة لنزول درجات الطلاب في الدراسة التي ذكرتها اعتقد انها ستكون في البداية فقط ، و لكن عندما تبتدع اساليب التحفيز السلبي و الايجابي فان الامر سيكون ذي جدوي .
| |
|
|
|
|
|
|
|
|
|
Re: خبـرين جيـدين من الخرطـوم.. (Re: حمد فتح الرحمن)
|
أنا مع ضرب التأديب الذي يبيحه العرف العام والقانون كما أن أشكال التربية الإيجابية وغير العنيفة تتطلب معلم يتمتع بكل المواصفات الملائكية ومحصور عمله في مجال تخصصه فقط ما بالك العلمي عندنا يدرس كل ما هو مطلوب تدريسه من علوم ورياضايات هندسه وعلوم.
اليست السيطرة على زمام الأمور أليست مطلوبة وتطبيق القانون بمعناه الديني والمتعارف عليه ثقافياً وفقاً لنص ديني " ولكم في القصاص حياة يا أولي الألباب"
كما أن العقوبة بعنف يترتب عليها آثار سيئة والعقوبة مع الغضب أيضاً ربما يقع بأثرها ظلم عنيف لدى الطالب أ والتلميذ الصغير وخاصة نحن شعب إنفعالي فمثلاً:
يبدأ التلميذ بالنفور من المادة التي يعلمها الاستاذ القاسي، مما يؤثر على تحصيله العلمي والاكاديمي. اضافة الى ما تحدثه هذه الوسائل القمعية العنيفة من تغييرات في شخصيات التلاميذ الذين ينقسمون الى قسمين في ردود فعلهم. القسم الاول يخضع، او ربما يلجأ في البداية الى تمثيل الخضوع خوفاً من الضرب او الاهانة، وسرعان ما يتحول انساناً بلا شخصية متوازنة او قوية. والقسم الاخر تكون ردة فعله عكسية، فيلجأ الى الشغب وعدم اطاعة الاوامر مهما كانت، فلا يعود احد قادراً في النهاية ان يعيده الى هدوئه، ربما يكون لذلك أثر في شخصيات من أجيالنا السودانية التي تربت على ذلك.
مع ذلك أنا مع العقوبة بقدر الذنب والمنطقية والتي لا تؤذي ولا تجرح كرامة بإهانة أو سب أ وما شابه ذلك.
مصيبتناأننا الآن نخضع لقهر وحشي ظالم على مستوى المؤسسات التي يديرها من هم ليسوا كفيلون بإدارتها بل الإنتماء السياسي هو الذي جلبهم او مستوى القهر عند الخدمة الإلزامية أو حينما يقهرك بلا وازع رجل أمن مستقلاً سلطات منحت له من قبل نظام قاهر ، يا ترى ما حجم التشويه أصلاً الذي يشملنانحن كاناس ناضجون وأليس ذلك ينعكس على أبناءنا بالتنالي تناول التدريج في الأمر في معالجة أزمات نمر بها،
فلنوسع الموضوع قليلاً وما هي الآثار التي ترتبت علي أنفسنا وفقا لهذه الظروف
شكراً لك أخي الفاضل
| |
|
|
|
|
|
|
| |
أبو الحسين
على محمد على بشير
nazar hussien
Sobajo
حمد فتح الرحمن
othman mohmmadien
فيس بوك
تويتر
انستقرام
يوتيوب
بنتيريست