|
|
|
 Re: عمر خيرت -- موسيقى فارهة -- والموسيقى موية الروح (Re: Tumadir)
|
إزيك يا تماضر
كيف الأحوال
إن شاء الله تحلا ايامك
قولى آمين
| Quote: وين عمرت خيرت ده ..سمعنا |
ما سمعتينى أستغيث وأكورك للحلوين للغتيتين
Quote: كنت أتمنى أكون محيت الأمية التقنية البعانى منها هنا، عشان أنزل شوية مقطوعات لعمر خيرت، ويكون البيان بالعمل حسب الميليترى تيرمنولوجى، لكين العين والأضان بصيرة والليد قصيرة قصر شديد
يا ريت لو فى واحد من الزملاء العزاز البعرفو ينزلو حاجات الأوديو، يكون عنده عمل من عمر خيرت ويبرنا بيهو
|
تمبس وعصام جبر الله وبقية الناس الفنانين
| |
 
|
|
|
|
|
|
|
|
Re: عمر خيرت -- موسيقى فارهة -- والموسيقى موية الروح (Re: Tumadir)
|
حديقة كاملة من عمر خيرت يا تماضر
وأنا المسكين غاية طموحى كان مقطوعة أو بالكتير إتنين
قلت استنى معتصم أو تمبس يتكرمو علينا
هسه يعنى أقول ليك شنو عليك الله؟
حاجات زى شكرا وكتر خيرك دى ما بتسوى ليك أى شئ
ولا بتحوق فيك اصلا
يا زولة يا فنانة يا بديعة
لكين برضو شكرا
بس ما شكر ساى
شكرا مضروبة فى مليون نغمة معطرة
ومضاف ليها مليون مليون إنحناءة
تليق بى روحك الفنانة السخية وندية
أها رايك شنو بالله فى موسيقى الزول ده
مش فيها حاجة مميزة فعلا؟
| |
|
|
|
|
|
|
|
|
|
Re: عمر خيرت -- موسيقى فارهة -- والموسيقى موية الروح (Re: أبوذر بابكر)
|
الحبيب العزيز ابوذر
تحياتي
ثلاث شخصيات موسيقية اكن لها كثير الاحترام
عمر خيرت الفنان البديع
جمال سلامه (وهو احد الذين درسوني)
وله اعمال رائعه لكثيرين خصوصا ماجده الرومي
وعمار الشريعي الرهيب
هؤلاء يعيشون في بلد تمول الفن وبه العديد الكليات
الموسيقية وتستعين بالكثير من الخبرات التنفيذية الاجنبية
كما أن التسويق رهيب
الله يكون في عوننا
تسلم
| |
|
|
|
|
|
|
|
|
|
Re: عمر خيرت -- موسيقى فارهة -- والموسيقى موية الروح (Re: Sudnawi)
|
سودانوى
يا زول يا عجيب
أما قبل
عليك الله مش بتبالغ
زول عضو معانا هنا من سنة 2002، يعنى دفعة أو بعدنا بشوية
نحن ياخى ده الإسم التالت حاليا، وكميات مهولة من النضمى الفارغ وعكسه
و‘نت يا دوبك 193 مشاركة
عايز تثبت مقولة إنه الحلوين دائما بخلاء ولا شنو
لكين المقطوعتين بتاعة خيرت حاجة ما عادية ابدا
خاصة طعم الشيللو، شى ساحر ومدهش
أنا مرات بضوق المزيكا قبل ما اسمعها
أما بعد
شكرا ممتدة من أول الدنيا لحدى نهاية السماء
وأقول ليك
أنا مش "شاكى" أنا متيقن ومتأكد تب
إنك زول فنان وذواق
تسلم يا حلو
| |
|
|
|
|
|
|
|
|
|
Re: عمر خيرت -- موسيقى فارهة -- والموسيقى موية الروح (Re: Sudnawi)
|
Sudnawi
شكرا ياخى على تجميل اللحظة والمكان وأرواحنا
بأنامل عمر خيرت الباهرة فعلا
وإن شاء الله يوم شكرك ما يجى
على كلام أهلنا الحنان
بالمناسبة
البروناونسمنت بتاع إسمك صاح كده
"سودناوى" ولا "صدناوى" ولا "سدناوى"
صدناوى ده سلسلة محلات مشهورة فى مصر لو ما تخونى الذاكرة
وتحياتى كلها
| |
|
|
|
|
|
|
|
|
|
Re: عمر خيرت -- موسيقى فارهة -- والموسيقى موية الروح (Re: أبوذر بابكر)
|
سودناوي يا ابا ذر.. بتاعت الطيب زين العابدين دييييك (منظور سودناوي)
تعرف.. بمناسبة عمر خيرت دي... عندي تسجيل السمندل في قاعة البغدادي سنة شخته  السما سالت منه الارض.. لكن بلقاه و بجيبه انشاء الله
التسجيل فيه السرنادا، الميلاد، المسالمه،ام روبه، اهل الهوي،لابامبا،رومانزا. افتكر الفاتح حسين زاتو يكون نسي انهم نفذوا الشغل ده قبل كده.
والسلام..
| |
|
|
|
|
|
|
|
|
|
Re: عمر خيرت -- موسيقى فارهة -- والموسيقى موية الروح (Re: Sudnawi)
|
Quote: عندي تسجيل السمندل في قاعة البغدادي سنة شخته السما سالت منه الارض.. لكن بلقاه و بجيبه انشاء الله
التسجيل فيه السرنادا، الميلاد، المسالمه،ام روبه، اهل الهوي،لابامبا،رومانزا. افتكر الفاتح حسين زاتو يكون نسي انهم نفذوا الشغل ده قبل كده.
|
والله يا سودناوى لو جبتا لينا الشغل ده
الأرض والسماء الإتنين حيكونو رضيانين عليك
وأنا أكون رضيان عليك دنيا وآخرة
سمعته زمان، ايام كن "لا شايلين هم ولا عارفين بكره الجايينا"
عندى صاحبى فى مدنى زول مسلط إسمه "ابو العاص" وهو زول موسيقار وفنان وعازف إورغ نمرة واحد، كان متخصص بس "يلهط" منى الشرايط السمحة والكتب السمحة، ولما اتشاكل معاهو، يقوم يرشينى ويدينى معلومة أو معلومتين عن المزيكا، وأنا زول ضعيف، ضعيف جدا قدام المزيكا السمحة، طوالى أقوم أسكت وأرضى
أها شال منى الشريط بالتحديد ومعاهو واحد من شرايطى المفضلة الكنت بشيلها معاى فى أى مكان زى المنديل، وهو شريط خالنا بوب مارلى "بابيلون باى بص"
أقول ليك حاجة
أحبك وأحب الطيب زين العابدين ذاتو
| |
|
|
|
|
|
|
| |
أبوذر بابكر
Tumadir
Elmosley
عبد المنعم سيد احمد
bushra suleiman
الفاتح يوسف جبرا
طلال عفيفي
osama elkhawad
على عمر على
فيس بوك
تويتر
انستقرام
يوتيوب
بنتيريست