The problem is not the Job but .....

Quote: هشــام هباني تكاسي تعبان .... وماذا يضير نضال واحمد في ذلك!!؟ بالامس سامرني صديق لي من اصدقاء العمر عزيز لدي وفي ختام( الونسة) قدم لي نصحا ان اكف عن صراحتي الشديدة عبر الانترنت ولا داعي الاشارة دوماالي مهنتي في امريكا كسائق تاكســــي..وهو يقول لي يا زول ده عيب انك انت من اسرة معروفة ومحترمة..وتقول علي نفسك انك تكاسي!!). فشكرته علي الاشادة باسرتي ولكني استنكرت عليه مناصحته وتعييري بمهنتي وانا غير ابه بها بل ابديت له رايي مؤكدا اعتزازي بمهنتي هذه وهي مهنة شريفة استرزق منها بعرقي ومشقتي بكل مخاطرها..وهي لا تنقص من قدري شيئاطالما انا مقتنع بها واقدم خدمة للمجتمع الذي اعيش فيه...وهي مهنة احببتها بكل مخاطرها فقط لقيمة الحرية فيها وايضا تمكينها لي ككائن اجتماعي جدا جدا من التعرف علي المجتمع الامريكي بكل شرائحه الاجتماعية عن قرب..وهو مالا يمكن ان توفره لي مهنة اخرى!! لكن صديقي هاجمني من جهة ما كنت احسب لهاحسابا حين قال لي ات يا زول مهود..السودان الليلة بقت بلد طبقية الان جدا جدا..والناس طاقيهابوبار شديد....يا زول كان مشيت السودان هسع دي وقلت انك شغال تكاسي في امريكا علي الطلاق البورة حتطق بتك نضال وولدك احمد مش كان اتعلموا في امريكا ولا كان جدهم هباني شيخ العرب طااااطو..طالما انتابوهم تكاسي...حقهم رااااااااح!!). (اها يا جماعة انا لي يومين ما قادر انوم من الحساسة بعد كلام الزول ده.. وبقيت هامي لنضال واحمد..اقوموا اهلهم في السودان لو رجعنااعيروهم باولاد التكاسي..والحكاية تباريهم لجنا الجنا....اها ادوني رايكم ونصيحتكم في الكلام الشين ده وانا زول بريد التكسي ده وكمان بريد وليداتي....واخوكم بقي يا التكسي يا الوليدات!!). هباني( الطكاسي) مع وقف التنفيذ