|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: تولوس)
|
عماد العماد كل سنة و إنت طيب
Quote: تكون الكرب السادة جابتني ليك إرادة ؟؟ |
يكون توب شفون ؟ ال خلاني أكورك في المكرفون ؟
قال خواجة : التوب السوداني و الساري الهندي يعطيانك الإحساس بأن التي أمامك هي أنثى تجللها الأصالة و يكسوها الإنتماء.
إلى أي حد يا ترى سيقاوم التوب إيقاع العصر و هرولة الأيام ؟
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: علاء الدين حيموره)
|
Quote: بطل الخفة يا تمبس هبوية بتقوم تزعل ... |
يا ابوعلاء كان جابت ليها تحريض .. البرنسيسه هبوية بتضيعنــا نحن اصلو حقنــا ضايع .. .. بعدين الرباعي ده والهخماسي والسداسي .. قالبين السودان قلب شديد .. من قبل الاتفاقية والله عندي تسجيل كده في المريديان .. عالمي عديل .. ليبيا فتحت غايتو .. نلحق نجهز الترب تك .. مش يمكن كان اتاخرنــا ينكرونا بعد كده .. ونطلع من ( الجنه ) بدون حمص
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: ابو جهينة)
|
ياريس .. بالرغم من اني عايزك تنفرد لي بي العمده ده .. لكن كلام الخواجة عجبني
Quote: التوب السوداني و الساري الهندي يعطيانك الإحساس بأن التي أمامك هي أنثى تجللها الأصالة و يكسوها الإنتماء. |
.. بتذكر قبل اربعة سنوات كنت في المطار مودع زول عزيز علي .. الطيارة السودانية بتتزامن احيانا مع الرحلات الهندية .. لما شفت الزولة دي لابسه الساري الهندي على اصولو وبي لون مميز جدا .. رجعت لي وراء شوية لي ( نيتــا ) الهندية في حي الهنود بأمدرمان وهي بايعة تياب سودانية وهندية ـ واتذكرت انها كيف كانت بتتغمص التوب السوداني .. بي نفس درجة احساس الساري الهندي .. وكل واحد عندهــا ليهو قداسة محدده .. كانت بتلبس الساري في ايام محدده .. وتوبنــا السوداني في ايام محددة خلال الاسبوع .. وفي كل الاحوال هندية مع الساري .. وسودانية مية المية لما تكون داخله في توبنــا .. وفي الحالتين عفه وانوثة منقطعات النظير
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: NASERELDIN SALAH)
|
نصر الدين ما ممنوعات ياخ ولا حاجة .. كلما في الأمر المسالة كوبي وبيست الجماعة ديل نقلوهــا بي ضبانته .. كان لباس التوب وكان ( الكشف ) يعني الله بيسألك ما شفت ليك رقيص زي ده قبل كدا .. بعدين إذا اتعموقوا شوية ورجعوا بيك لي وراء .. زمن ( الجيركي ) و ( التويست ) كان عرفت حاجة .. الحاجات دي كلها اكزست يانصر الدين .. وكل يوم بيظهر فيها شكل جديد .. أنت انكرب بس .. واتمسك
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: tmbis)
|
في زمن ما وفي الوقت الغابر كنت مشهور في الحلة بي عمر (العجب حبيبي) .. الغريبة يا تمبس في اي حفلة اولاد الحلة يقولوا لي ناس الحفلة خلو عمر يغني لينا العجب حبيبي .. وانا اتشعلق الساعة 11 وخمسة بعد ما الفنان الاصلي يكون شتت واديهم ليك العجب حبيبي.. لكن للاسف شتان ما بين عجبي وعجبها .. وشتاااااااااان ما بين كربّي وكربّها .. وعييييييييييييييك ما بين النقادي بتاعنا والنقادي بتاعا.. تمبس والله بالجد الله يجازي محن محنك !!!!!!!!!!
تخريمة : في لحظات كده وبدون ما الواحد يشعر تلقاهو بيقول : كوب كوب كوب كوب كوب كوب ... عرفتها؟
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: الملك)
|
يا تمبس
سلام .. غريبة انت موجود في رمضان وغايب بعد رمضان ما قالو بيمسكوهم في رمضان بس ؟ عموما ياخي ان بشوف القنوات الاثيوبية والاريترية زيك ولكن البرامج كلها يا زراعة يا افتتاحات لمشاريع يا مقابلات وجنس الانت بتوريهو لينا هنا مافي ؟ يعني الواحد عشان قرب يبقي زول معاشات ويادوبك برجع من الشغل بالليل يلقي كل الغنا والكشف راح "بح "
مودتي ابوبكر
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: abubakr)
|
Quote: غريبة انت موجود في رمضان وغايب بعد رمضان ما قالو بيمسكوهم في رمضان بس |
ياباشمهندس ما كمان في اقتراح اسمو ضمانة ما قبل وبعد رمضان .. علشان تديك مساحة كويسة بين العيدين تتحرك فيها كويس ..
Quote: عموما ياخي ان بشوف القنوات الاثيوبية والاريترية زيك ولكن البرامج كلها يا زراعة يا افتتاحات لمشاريع يا مقابلات |
ما تنسى الأخبار يا باشمهندس والدعايات .. لكن اريتريا مافيها حاجة وناشفه جدا .. اثيوبيا عايزه ليه قعاد بي مهلة .. بعد الساعة تلاتة بي توقيت جرينتش ولي فوق .. بالذات يوم السبت والأحد بتلقى الحاجات دي .. لكن لسه يا باشمهندس عندهم مشكلة في الصوت ويظهر ا،و امكانياتهم تعبانه .. لكن ما تقنعني وتقول لي ما حضرت حفل راس السنة الفات ده .. قبل شهرين كده ده كان مولد عديل كده .. خليني اجهز ليك حاجة منو علشان نوريك العجب زاتو
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: tmbis)
|
ياتمبس العزيز
Quote: لكن ما تقنعني وتقول لي ما حضرت حفل راس السنة الفات ده .. قبل شهرين كده |
انا بناء يعني اوقات خلق الله غير اوقاتي .. اي حاجة قبل متصف الليل( تسعة عشرة قرينتش )بتكون من المستحيلات احيانا عشان كدة بلقي النيل الازرق قفلت وكذلم الاثيوبية والاريتيرية في برامجهم التةثيقية والاخبار.. اها الا يوم جمعة او ننتظر رمضان
مودتي ابوبكر
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: tmbis)
|
تمبسكو:
Quote: انا خايفو يطلع ليك غناك زي كورة صاحبك .. مشتري ليهو كدارتين وتامي الكورة كلها كلام |
أكضب عليك ؟؟؟؟ والله نفس الملامح والشبه مع إختلاف مناطق الشترة ناس في الحلقوم وناس في الكرعين .. تخريمة : أمبارح بنحضر في كورة الحمر ضد الصفر فجأة مصعب قال لي صاحبنا: إنت السر شنو في إنو كل ما أقول لي تمبس تعال لي يقول لي خلاص ننسق انا وحميدة
| |
|
|
|
|
|
|
Re: .. تــوب ( الكرب ) الجابوك النقــاده .. وجهجهتو الزولة دي .. (Re: tmbis)
|
.. .
Quote: لكن يا تمبس ..زولاتك ديل ما حتنوا حت الضريب
وقلبنو قليب السواد والرماد.. |
ياهو زاتو يا تامبا الداير اقولو بس سيف دا سبقنى انت فى ذمتك قاصد توب الكرب ولا حاجة تانية !!؟
كل سنوة وانت طيب يا تامبا والامنيات تصحبها الدعوات لابوجهينة وسيف خليل وبقية الاخوة فى البوست ..
_____________
تعال احجز ليك شاليه على خور ابوعنجة
| |
|
|
|
|
|
|
|