|
|
 مريخ السودان ...يودع البطولة العربية...والعرجاء لي مراحها
|
وسط كل هذه الاجواء الروحانية لم استطع منع نفسي من مشاهدة مباراة المريخ ووفاق سطيف...وكالعادة لم يخزل المريخ توقعاتنا....وخرج من الادوار الاولية....كالعادة....
علما بان السودان احتل المرتبة الثالثة العام الماضي من خلال نادي الهلال...الذي حرم من تمثيل السودان بدون اي مبرر سوي جبروت الاتحاد العام وخيانته لامانة المسئولية...فليخم ويصر الاتحاد ومن اؤتمن عليه
وكل عام والكرة السودانية بخير
|
|
 
|
|
|
|
|
|
|
 Re: مريخ السودان ...يودع البطولة العربية...والعرجاء لي مراحها (Re: رشا سالم)
|
Quote: د.ياسر..
احبطتني ياخ..
بالله انتا هلالابي؟ |
د. رشا
لاحولاااااااا....بالله انتي مريخابية.....
| Quote: بدعي ليك رمضان الجايي.. |
اي دعوة بالله الا انو اقلب مريخابي. ...اصلو اليومين ديل الدعوات مستجابة
Quote: الله يهديك للطريق المستقيم ..
ويريك الحق حقا..
ويرزقك اتباعه..
ويريك الباطل باطلا..
ويرزقك اجتنابه..
آمييييييييييييييييين.. |
اميييييييييييييييييييييييييييييييين.....جمعا
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: yasir Abdelgadir)
|
الأخ / ياسر المحترم
أود هنا أن أبدأ مداخلتي لكم بتهنئة خاصة لكم وللعالم الإسلامي أجمع ولسوداننا الحبيب وأقول للكل كل عام وأنتم بخير، ويا ياسر عيد سعيد وعمر مديد.
أخي العزيز، إذا توفرت الوطنية في نفس كل سوداني لإنعدل حال كل السودان، ولكن إذا ماسادت أجواؤنا الضمور فسنظل هكذا!
وصل الهلال المباريات الختامية وجاء ثالثاً ورابعاً وقدم عروض باهرة ماقلنا شيء سوى أن لكل جواد كبوة وخيرها في غيرهافالسؤال هنا يطرح نفسه، أين كان الهلال من الكؤوس التي حصدها المريخ وكان الهلال طرف في بعض منها؟ مع تمنياتي ليس للهلال أو المريخ فقط وإنما لعامة الرياض السودانية أن ترقى وترتقي إلى المصاف العالمية وليست القارية.
وكل عام وأنتم بخير
عزالدين آدم علي
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: yasir Abdelgadir)
|
كل سنة وأنت طيب يا ياسر ..
تحدثنا عن المريخ قبل بداية المباراة ولم نشاهدها عن مستواه بعد مباراة الذهاب والتي إنتهت بفوزه 2/صفر وعن تدهوره وهزيمته بنتيجة 1/2 من جزيرة الفيل وتراجع مستواه وحتى معسكره في ليبيا لم يكن مطمن ولكن كانت قلوبنا معه بأن يتخطى هذه المرحلة ويصعد للأدوار الثانية ولكن نقول شنو في حال كورتنا التعبان ..
الرياضة يا عزيزي عندنا محتاجة للكثير حتى تنهض وما يقوم به الهلال والمريخ مجرد إجتهادات فردية دون تخطيط كامل لمسيرة الرياضة عندنا لذلك تجد نفسنا قصير في المنافسات الخارجية ..
ننادي بأهمية الرياضة وممارستها والإهتمام بها لأنها جزء مهم في الحياة وأن لا تعتبر لهو كما حاصل عندنا الآن ..
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: معتصم دفع الله)
|
نعم كما ذكرت يامعتصم لسه ناقصنا كتير وكتير..لكن المشكلة كل الناس البدت وورانا بي كتير جدا وصلو.اخرها ناس توجو ومالي وصلو كاس العالم ....احنا متين نبدا وكيف نبدأ اذا كان علي رأس الهرم الرياضي ديناصور عفي عليه الزمن اسمو شداد ..وبرغم كل الاخفاقات حالف مايفكها...والمسالة اولا واخيرا مسألة تخطيط وسياسات..لانو لا اعتقد بأن نادي مثل المريخ انفق الكتير والكتير جدا من المال واخرها استجلاب مدرب مشهور جدا ومعسكرات بدءا بمصر وقطر والاسكندرية وليبيا وهلم جرا ...ولافائدة...يبقي المعضلة اكبر ياصديقي ولك الشكر علي التواصل
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: Rakoba)
|
راكوبة شخصيا ... اهلااااان وسهلاااان
...وينك ياحبيب ....كل سنة وانت طيب والسنة الجاية شايلين كأس اوربا محمولا بي سفينة فضاء...
ياخوي .شريطك دا شهر كم سنة كم ...احنا في اكتوبر...الفين وستة..
بعدين عليك الله وعشان خاطر الخوة جيب لينا الاهداف التلاتة لوفاق سطيف...والله من اجمل مارأيت من اهداف.....
بعدين سمعت لي قصة جميلة جدا ..حأحكيها ليك بكرة...
اخيرا كتر خيرك لميتني في البوست دا اصلو كان رايح علي ومالقيتو...ظنيت ظن السوء انكم غتستو حجرو...ربنا يغفر لي يوم العيد دا...
تحياتي يا شفيف
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: yasir Abdelgadir)
|
القصة السمعتها ياراكوبة ...والعهدة علي الراوي...يعني يمكن تكون صاح ويمكن غلط..النصيحة يعني....انو ناس المريخ لمن دعوهم ناس الوحدة الامارات عشان يلعبوا كم مباراة ودية...ناس المريخ وافقوا الليلة وسافروا بكرة علي طول..يعني ماصدقوا ...مش كدة وبس..قالوا والله اعلم انه الوالي اشتري الكأس وقال يلعبوا عليهو..اصلوا هم كانوا ضامنين انو حيشيلوهوا ويبقي واحد من ضمن المحمولات برا قصدي جوا...والجماعة قيل انهم كونوا لجنة للاستقبال بالامطار عشان السيناريو اياه وكدا...بس الناس ديل ماكانوا فاكرين انو ممكن نقبهم يطلع علي شونة واخر احتمالاتهم انو الوحدة يشيل الكاس
وتوتة توتة خلصت الحدوتة.....وفجأة قال لي الراوي اني صحيت من النوم وقلت اللهم اجعله خير...والحلم دا كان قبل مباراة وفاق سطيف الاخيرة بيوم...
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: yasir Abdelgadir)
|
الأخ الاكرم:
ياسر عبد القادر
مليون سلام و كل سنة و أنت بألف خير.
آلمني فعلا أن تم إقصاء المريخ و هو الذي كان قاب قوس واحد أو أدنى من التأهل. و حقيقة برغم هلاليتي، في هذا العالم الذي يصغر يوما فآخر، فإنني خارجيا أقف مع كل ناد أو منتخب يمثل السودان. بل أثناء كأس العالم الأخيرة وقفت بإخلاص مع كل الفرق الإفريقية. لم يمنعني تواجدي مع أصدقاء أميركان في بلدهم إبان مشاهدة مباريات كأس العالم و خاصة أثناء مباراة غانا و الولايات المتحدة من مؤازرة منتخب غانا الإفريقي صراحة. وجد ذلك من أصدقائي الاميركان برغم هزيمة فريقهم من المنتخب الغاني كل تقدير و إحترام. و اليوم صرنا أصدقاء أكثر. فإلام، يا صديقي الغالي، لن نتخلى عن التحيز ضد الهلال و المريخ عندما يلعبان باسم الوطن الغالي؟ أعرف أن كثيرا من الإخوة في المريخ بهذا المكان لا يرتاح لهم بال إلا و الهلال منهزم سواء ألعب خارجيا أم داخليا. لكن، هل نحن مجبرون على تبني مواقفنا ردودا على أفعالهم. نحن في الهلال الأخ الأكبر و الزعيم لكل فرق السودان، و ينبغي أن نترفع عن صغائر إخوتنا الصغار، بل أن نضرب لهم مثلا في حبنا للوطن من خلال مؤازرتنا لهم حينما يكونون بأمس الحاجة إليها. أقلها أن نغض العين عن إخفاقهم خارجيا، اللهم إلا إذا كنا نريد لهم أن يتبصروا بأخطائهم توطئة للنهوض الكبير.
داخليا يبقى لنا أن نشمت و نفرح لهزائم المريخ، فهو منافسنا الأوحد بلا جدال. و يبقى لأخينا راكوبة و رفاقه أن يفعلوا المثل. و ما مباراتي جزيرة الفيل؛ الأولى مع الهلال و الثانية مع المريخ ببعيدتين. و الكأس( الدوري الممتاز و كأس السودان) كاسنا، و نحن أهله و بنستاهله.
لا يفوتني أن أهنئ بالعيد الاخ العزيز الفنان راكوبة، و خالد، و حاتم إبراهيم، و طارق جبريل، و رشا، و كل رياضيي المنبر و السودان . كل عيد و الوطن في رفعة، و فرقنا منتصرة، و تمضي قدما على درب البطولات في المحافل الخارجية.
دمت أخي ياسر و عشت هلاليا و وطنيا غيورا
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: ابوعسل السيد احمد)
|
أديبنا أبوعسل
كل عام وانت بخير
زعامة ودأزرق المزعومة مردود عليها بكثير من النقاط، محلياً وخارجياً..
فالهلال رائد الممارسات السالبة في تاريخ الرياضة السودانية على الدوام
تزوير
منشطات
معارك (حجرية)
وآخر عينة (تجميد) و(تسييح)
الوطنية التي يحاول بعض الأهلة لبس ثوبها يبدو أنه فضفاض ولا يليق بهم، ولا أنسى في مباراة المولودية السابقة، حين حضر الأهلة بطبولهم ودفوفهم وأعلامهم قبل المباراة وصدحوا وصفقوا وأنشدوا، وشاء القدر أن يبينهم على حقيقتهم في أول 5 دقائق من المباراة!! تناسوا كل الوطنية والشعارات وبدؤوا في (وي واي ووو إييييق) على إثر تعرض المريخ لضغط جزائري في بداية المباراة.
كيف لا نكره هذه التصرفات وهي تأتي من كيانات تمثل الهلال رسمياً.
وحتى على مستوى إدارة الهلال وتصريحات أمين خزينتكم الذي يشبه المريخ بإسرائيل!!
ويأتي يلومنا البعض لماذا تتندرون على (إنبراشة) (مرق) الأممية واكتساح (بيضوضان) للحارس والدفاعات الهلامية.
مهما تكلمنا لكرة القدم السودانية إشراقتان لا ثالث لهما
كأس الأمم الأفريقية
وكأس الكؤوس الأفريقة
وصلى الله وبارك!!
وأسلم لنا يا(زعيم)
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: yasir Abdelgadir)
|
د. ياسر
كل عام وانت بخير
بخصوص دورة الوحدة الدولية، لم يعلم حتى إداريو الفريق ليوم المباراة الختامية أن هناك كأساً من أساسه، وقام الوفد بقيادة قريش والدقير بتسجيل احتجاج رسمي لدى إدارة نادي الوحدة لعدم إبلاغهم بوجود كأس وتتويج للدورة، علماً بأن النادي الإماراتي نال الكأس بفارق الأهداف عن المريخ بفوزه بسباعية على الفريق البحريني، والذي كان من الممكن أن يغرقه المريخ خاصة وأن عدد من لاعبي المريخ لم يشاركوا في أي مباراة بالدورة، ولكن اعتبرها المريخاب اعداد و4 مثل 7 لا تفرق في شيء إلا إذا كان هناك تتويج وحساب لفارق الأهداف.
على العموم الكؤوس المحمولة ليست غريبة علينا، وهي كافية لتكون كابوس للنائمين وخيالات للصاحين والهائمين ما يقارب السبعون عاماً أو تزيد..
مشاركة المريخ في دوري أبطال العرب بعدما جمد ودأزرق نفسه بقرار لا معنى له، لم يفك أسره من التجميد إلا تدخل الوالي الغالي شخصياً، وحينها رفع المريخاب شعار " المجمد لابد يسيح"!! ولم ندري أن بعد (السيحان) يتبعها (صيحان) على مافات.
هل كنتم تتوقعون أن ينتظركم الاتحاد العام والاتحاد العربي حتى تفكوا (جمدتكم) ولا شنو؟!!
وصدقني حتى الاتحاد العربي ارتاح لتسمية المريخ لتجربتهم المريرة الموسم الماضي مع الهلال و(مراحه) الأشهر والتي شهدت على البث الفضائي لراديو وتلفزيون العرب معركة "ذات المراتب" الشهيرة.
وكما المقولة القديمة والتي نحرفها قليلاً " لا يلدغ العرب مرتان من ودأزرق"
ولا إيه؟!
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: Rakoba)
|
راكوبة حبيبنا...مالك بالله...انت زعلت يادكتور طبعا دي نكتة مشهورة اكيد سمعتها..
| Quote: لم يعلم حتى إداريو الفريق ليوم المباراة الختامية أن هناك كأساً من أساسه، وقام الوفد بقيادة قريش والدقير بتسجيل احتجاج رسمي لدى إدارة نادي الوحدة لعدم إبلاغهم بوجود كأس وتتويج للدورة |
صدقناك يامان...
| Quote: علماً بأن النادي الإماراتي نال الكأس بفارق الأهداف عن المريخ |
بقارق الاهداف...بفارق الكدايس المهم هو شال الكاس
| Quote: بفوزه بسباعية على الفريق البحريني، والذي كان من الممكن أن يغرقه المريخ |
وليه ما اغرقه...ماصليتو صلاة استسقاء قبل المباراة ولا شنو
| Quote: خاصة وأن عدد من لاعبي المريخ لم يشاركوا في أي مباراة بالدورة |
ليه...وديتوهم سياحة يعني؟؟
| Quote: ولكن اعتبرها المريخاب اعداد و4 مثل 7 لا تفرق في شيء |
فعلا اعداد زي اربعة الفريق الليبي..وهذا الاعداد اثمر فعلا بأن جعلكم تخسرون بالتلاتة من الفريق الجزائري ...يعني نقصوا واحد..ودا انجاز كبير
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: yasir Abdelgadir)
|
| Quote: على العموم الكؤوس المحمولة ليست غريبة علينا، وهي كافية لتكون كابوس للنائمين وخيالات للصاحين والهائمين ما يقارب السبعون عاماً أو تزيد |
ياعمي كابوس بتاع ايه..كدي اصحو من كابوسكم دا الليهو اربعة سنوات...لابطولة محلية...وفضائح خارجية...خروج من التمهيدي لوصائف افريقيا...وماقبل التمهيدي لابطال العرب الدخلتوها جربندية من اساسو..
| Quote: هل كنتم تتوقعون أن ينتظركم الاتحاد العام والاتحاد العربي |
الاتحاد العام لعبتو مكشوفة..وعشان صراع مع شخص واحد يروح الهلال والسودان ذاتو في ستين داهية.....اما الاتحاد العربي فقد فوجئ عل لسان امينه عثمان السعد بترشيح المريخ وقال صراحة بأنه يريد الهلال لجماهيريته ولادائه القوي وطبيعي لانه احتل الموقع التالت العام الماضي....فوقو انتو واصحوا من اوهامكم دي
| |
|
|
|
|
|
|
|
|
 Re: مريخ السودان ...يودع البطولة العربية...والعرجاء لي مراحها (Re: hatim ibrahim)
|
حال الاندية و الرياضة حال بواقع بلد
لا يوجد فيها شي كامل الجمال.وفي ايامنا الاخيرة
اصبح حالنا حديث العالم.
ومع وجود الثالوث الشهير الفقر و الجهل و المرض.
تصبح الهزائم المتكررة
مجرد رتوش على خارطة اللوحة.
ويبقى المريخ عظيما.
وسنبي للنجم مجدا.وياموفق.
عزم الرجال و عشق الاصفر الوهاج
مطر لابد ان ياتي بخير و ياموفق.
د.شهاب الفاتح - كوالالمبور.
| |
|
|
|
|
|
|
|
|
 Re: مريخ السودان ...يودع البطولة العربية...والعرجاء لي مراحها (Re: محمد عادل)
|
عشت يا مريخ موفور القيم.
ويبقى المريخ عظيما.
وسنبي للنجم مجدا.وياموفق.
لا علينا معنا من معنا
ويتواطل من تقزم. لكن هيهات
ان تطال القامات النجوم.
لا نعادي احدا احتراما لاخلاق ابونا النجم
الذي ادبنا واحسن الادب
وعلمنا ان الرياضة حضارة.
عزم الرجال و عشق الاصفر الوهاج
مطر لابد ان ياتي بخير و ياموفق.
د.شهاب الفاتح - كوالالمبور
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: شهاب الفاتح عثمان)
|
Quote: عشت يا مريخ موفور القيم.
ويبقى المريخ عظيما.
وسنبي للنجم مجدا.وياموفق.
لا علينا معنا من معنا
ويتواطل من تقزم. لكن هيهات
ان تطال القامات النجوم.
لا نعادي احدا احتراما لاخلاق ابونا النجم
الذي ادبنا واحسن الادب
وعلمنا ان الرياضة حضارة.
عزم الرجال و عشق الاصفر الوهاج
مطر لابد ان ياتي بخير و ياموفق.
د.شهاب الفاتح - كوالالمبور
|
ينصر دينك يا شهاب..
ويديك العافية يا راكوبة..
ولا نامت اعين الجبناء (ماجبت سيرتك يا ياسر)..اوعك تتكلم معاي
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: hatim ibrahim)
|
Quote: د. ياسر
راكوبة ده لسع واقع تحت تأثير :
1. هزيمة البعبع الأزرق الأخيرة.
2. هزيمة جزيرة الفيل ...
3. هزيمة الجزائر ( سطيف )
4. صيام شهر رمضان في الدوحة ( درجة حرارة 96 درجة )
يعني أكيييييييييد بيهضرب ساكت .. فما تزعل منو : D
تحياتي أبوعسل الأزرق الأصيل |
معاك حق يا حاتم..توالت الضربات من كل حدب وصوب...كتيرة لكن ماتوقعت انو تأثيها يكون قدر دا علي اخونا راكوبة...هو معذور طبعا وانا مازعلان منو...
انا والله حزين لحال الرجل الرائع الوالي...المتفائل دائما ولكن تم احباطه بما يكفي..وتم انتزاع الابتسامة منو عنوة...
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: ABDELMAGID ABDELMAGID)
|
الاخ عبد الماجد
بحفرة الدخان في العرضة جنوب ..انا اقصد ستاد المريخ لانه مكان منخفض وينبعث منه الدخان والغبار عند قيام المباريات....ولم اقصد تلك التي تعنيها...
واحب ان انوه باننا في هذا الزمان والمكان نحاول ان نتسامر رياضيا وفي روح سمحة مع استعراض بعض القضايا والظواهر سالبها وموجبها ومحاولة ايجاد بعض الحلول دون الخروج عن الخلق القويم واللفظ السليم ....وذلك في الزمن القليل الذي يمكن ان نجده...لذلك ارجو الا تقودنا فيما يهدر زمننا القليل اصلا...
مع فائق ودي
اخوك د. ياسر
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: Rakoba)
|
ينصر دينك يا شهاب..
ويديك العافية يا راكوبة..
ولا نامت اعين الجبناء (ماجبت سيرتك يا ياسر)..اوعك تتكلم معاي
رشا سالم حواء الصمود و الفهم وكل ضياء النجم.
بخصوص صورة
الدراويش وهم يجلسون على رياض اخضر يسر الناظرين
ويمتع الجالسين. انها نعمة كبيرة لذا استوجبت من اهل الدين
اهل الحق الشكر.ورفع الايادي للمولى على كل هذا الجمال الحلم
في ازمنة القبح
لذا ترى الوجوه مبتسمة ومتالقة فالمضيف نجم النجوم.
و لا عليك يا مريخ يا عظيم ايادينا معك و كل يوم
زمانك اتي.
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: شهاب الفاتح عثمان)
|
قال راكوبة من الدوحة:
Quote: سامعين قالوا الكهرباء قاطعة ولامادافعين الفواتير بتاعت (المراح) الأصلي وجيتوا عملتوا حوليتهم في الردكاسل!
أصلوا نحن في رمضان في شهر الرحمة فاتحين شيراتون العرضة للجميع بدون فرز |
!
وقال شهاب من كوالالمبور:
Quote: الدراويش وهم يجلسون على رياض اخضر يسر الناظرين
ويمتع الجالسين |
ياخوانا اتفقوا الاول وحددوا الجماعة ديل تبعكم ولا تبعنا بعدين تعالوا لينا
بعدين انتو كوالالمبور دي بعيدة لدرجة انو نتائج المريخ الاعدادية والبطولية منها لسه ماوصلتها...
يمكن ذاتو يكونوا قايلين حامد بريمة لسة حارس المريخ
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: Rakoba)
|
Quote: دكتور
حامد بريمة القريب ده. صدقني في ناس لسه ماسكين في (لاراش) |
راكوبة العزيز: عملة لاراش ديك شهد بيها العدو قبل الصديق...بالرغم من انو بعد عملتو احتل الهلال مرتبة تاني ابطال افريقا...مش الوصايف بتاعتكم الابطال الحقيقيين...ولانو بطل حقق الانجاز دا تاني مرة بالسودان...ودا اكبر انجاز في تاريخ الكرة السودانية للان.مش زي الكاسات اليوم الواحدالبتشتروها وتجيبوها وتقولوا لينا محمولة وموضوعة وهلم جرا....ونحن مابنحكو شديد لانو انجازاتنا تتالت والعام الماضي كنا تالت اندية العرب بي كل جبروتها...ومحليا لم تتمكنوا من اضافة البطولة لاربعة سنوات متتالية يبقي يااخي الكريم مجرد النقاش في هذه المسألة ضياع وقت ليس الا...
| |
|
|
|
|
|
|
|
|
|
Re: مريخ السودان ...يودع البطولة العربية...والعرجاء لي مراحها (Re: Rakoba)
|
| Quote: عفيت منك يا (بيضوضان |
المشكلة انكم ياراكوبة حتي مرحلة بيضوضان هذه لم تستطيعوا الوصول اليها...لانكم بتتوهوا من الردمية وشارع الظلط لسه ناوصلتوهوا...وبيضان دا مكانو الهاي وي ..واكبر دليل انو مننا وطوالي اخد البطولة...يبقي كيف ييكلم عن بيضوضان وانت بعيد كل البعد عنه...ياخي خلوها مستورة...
تعرف ياراكوبة امبارح قريت في مقال في جريدة قديمة واحد كاتب عمود عن الموردة وقال انو كانت هي الضلع التالت في القمة وليها سنين ابتعدت عن المنافسة علي الكأس...اخونا دا ماعارف انو القمة بقت ضلع واح فقط..والضلع التاني ليهو اربعة سنوات بعيد جدا عن المنافسة
مالكم ومال بيضوضان...خليكم في حالكم وعالجوا مشاكلكم احسن
| |
|
|
|
|
|
|
| |
خالد عبد الله محمود
هاشم نوريت
رشا سالم
عزالدين آدم علي
معتصم دفع الله
khaleel
طارق جبريل
Rakoba
ابوعسل السيد احمد
شهاب الفاتح عثمان
محمد عادل
???? 
mekki
فيس بوك
تويتر
انستقرام
يوتيوب
بنتيريست