|
العفو و العافيه
|
العيد قالوا بعد بكره...
كل سنه وانتوا طيبين.. والعفو والعافيه...
غايتو... من هاك لي لاك... صومونا تلاتين يوم
طبعا اسلاميين زمنا ده ( مكربنها) معانا تكريب عجيب جدا...!ّ
يعني كان رمضان بقي من الشهور الافرنجيه كان تموه لينا واحد وتلاتين يوم... الحمد لله انه ما عندهم فرصه لي دي..
من المفارقات مره نميري ( ايام شريعته) عمل رمضان تمانيه وعشرين يوم... وقال اليوم الناقص اي زول يتمه بطريقته...
الخوف مع تشددهم ده قبل ما نموت يقوموا يطلعوا ليهم فتوي يقولوا ( الستوت) فرض...
جماعتنا ديل اصلهم ما سمعوا برخص إبن عباس...
كل سنه وانتو طيبين...
|
|
|
|
|
|
|
|
Re: العفو و العافيه (Re: Tumadir)
|
ياتماضر
كل سنه وانت طيبه
عليك الله مش كان ظاهر إنهم يتمحركوا عشان يصومونا تلاتين يوم...
محركتهم كانت ظاهره جدا...! انا غايتو من يوم الخميس عرفت ليك الموضوع بايظ و اتيقنت علي الاتنين... الحمد لله انهم ما يقدروا يمشوا اكتر من تلاتيين...
يا تماضر نحن بنفكر انه لو في طريقه يعملوا لينا بالاقساط... يقوموا يشدونا ليك مره واحده تلاتين يوم... ديل صعبين خالص...
| |
|
|
|
|
|
|
Re: العفو و العافيه (Re: Asskouri)
|
انا والله مقدرة شعورك
لانه مطابق لشعورى
انت عارف انا يوم الاتنين بكون شغالة وكنت مضربة للاحد ده أعمل لى أولادى عيد ونطلع و"هاجات بالشكل ده" لكن ..هيهات
لكن ما خلاص نقول فرصتهم ..يتهنوا بينا ..وينفسحوا ويقولوا الدايرنو ونحن ما علينا الا الطاعة
تانى الا السنة الجاية
| |
|
|
|
|
|
|
Re: العفو و العافيه (Re: Salwa Seyam)
|
شكرا سلوي
كل سنه وانت طيبه...
أرجو ان تكون ( عيديتي) قد جلبت لك بعض الابتسام... عيد في غربه ورمضان تلاتين يوم...غايتو! بالله في اقسي من كده... الجماعه خلينا ليهم البلد بحالها قاموا ساكننا برمضان تلاتين يوم... الله يجازيهم...!!
عيد سعيد
| |
|
|
|
|
|
|
Re: العفو و العافيه (Re: Asskouri)
|
Quote: العيد قالوا بعد بكره... |
عسكوري !!!!!!! بكرة شنو يا زول وحات الله انا هسه اتسحرت وجغمت لي كباية شاي كبيرة يا زول انحنا بكرة صايمين
| |
|
|
|
|
|
|
Re: العفو و العافيه (Re: الأمين عثمان صديق محمد)
|
يا الامين
كل سنه وانت طيب
يا اخي انت ما شفت كلمة ( بعد) انا كتبت ( بعد بكره) ... ما هو عشان كده نحن قلنا التلاتين يوم صعبه علي الناس... هسي انت بقيت مابتشوف خالص... مرات الاحباط والطشاش ما بخلي الزول يشوف...
عيد مبارك
| |
|
|
|
|
|
|
Re: العفو و العافيه (Re: Asskouri)
|
Quote: ما يهمك كلنا طششنا معاها |
انا جاي من الشغل مطشش ودخلت البورد عارف دخلة زي دي لو صادفت ليها زول بتودي التوج طوالي كل سنة وانت طيب والعيد الجاي انشاء الله مع بعض
| |
|
|
|
|
|
|
Re: العفو و العافيه (Re: الأمين عثمان صديق محمد)
|
با الامين
Quote: انا جاي من الشغل مطشش ودخلت البورد |
انت مطشش من الشغل وانا مطشش من اليوم الاخير ... انا من يوم الخميس لمان شعرت ليك بالجماعه (كاتلين) حيلهم طششت...
غايتو انا المره الجايه صايم مع مصر... ولا دي عايزه ليها فتوي برضه، المصريين فتوتهم مش كويسه، طلعوا شطار هسي صاموا 29 يوم فقط... وحايعيدوا بي مزاج معانا...
| |
|
|
|
|
|
|
Re: العفو و العافيه (Re: النذير حجازي)
|
Quote: انا من يوم الخميس لمان شعرت ليك بالجماعه (كاتلين) حيلهم طششت... |
معاي جماعة هنا فرحانين بالتلاتين دي كيف !!! بقولوا لو صاموا الاحد يبقى العيد الاتنين وبي كدا ياخدوا باقي الاسبوع كله عطلة لحدي السبت اما لو رمضان 29 معناته العيد احد يعني لازم يرجعوا الشغل الخميس التلاتين الطششت بيك دي بتديهم يومين راحة شفت كيف30 قوم عند قوم فوائد
Quote: قريبي العزيز عسكوري، |
النذير كيف حالك في البوست دا في قرايب ليك غير عسكوري ما اظنك عرفتهم كل سنة وانت طيب
| |
|
|
|
|
|
|
Re: العفو و العافيه (Re: النذير حجازي)
|
ألاخ النزير
كله سنه وانت طيب وامورك عال العال...
السنه الجايه لو ضمنوا لينا التسع وعشرين يوم بكون كتر خيرهم...
تعرف .... علقوا فينا تلاتين تلاتين لمان قربنا نفقد الامل
عيد سعيد
| |
|
|
|
|
|
|
Re: العفو و العافيه (Re: عصام أحمد)
|
Quote: النذير كيف حالك في البوست دا في قرايب ليك غير عسكوري ما اظنك عرفتهم كل سنة وانت طيب |
الأمين، تحياتي، وكل سنة وإنت طيب يا أحلى قريب
والله دي أحلى عيدية، وربنا يزيد ويبارك فى الأهل، وأشكرك كثيراً على رسالتك اللطيفة، وأهديك من دكان عمنا قوقل أحلى بطاقة معايدة
| |
|
|
|
|
|
|
Re: العفو و العافيه (Re: Asskouri)
|
عسكوري .. كل عام وانتم بخير ..
Quote: غايتو... من هاك لي لاك... صومونا تلاتين يوم |
ياخوي هن 29 يوم !! يعني اليوم 29 رمضان وبكرة العيد !! .. انت قايل نفسك صمت 30 يوم واللا شنو ? .. اللهم إلا تكون صايم من الشهر الفات !! ..
| |
|
|
|
|
|
|
Re: العفو و العافيه (Re: Muna Khugali)
|
العزيزه مني
كل سنه وانت طيبه
شنو من (بيرقن) ما ظهرت... عرفت انك سافرت السودان... انشاء الله قضيت وكت ظريف.. عيد سعيد... وبنشوفك بكره انشاء الله
| |
|
|
|
|
|
|
Re: العفو و العافيه (Re: Munir)
|
يا منير كل سنه وانت طيب
Quote: انت قايل نفسك صمت 30 يوم واللا شنو ? |
يا اخي نحن صمنا السبت واليوم 30 رمضان... تعرف اهي زي الحركات دي البتخليهم يعلقوا فينا تلاتين .. تلاتين... انت يا اخي زعلان مالك يعني لو عملوه 29 يوم بطال معاك... تعرف الناس ديل لو ما احتجينا ورفعنا صوتنا والله يتلحونا ليك تلاتين يوم باقي عمرنا كله... ديل ناس صعبين... ياخي فيهم ناس صايمين الدهر هسي دي معقوله...! بعدين يا منير ما تخليك في صفنا... يعني ال 29 افتكر معقوله بتؤدي الغرض... وافتكر القصه ما بالكتره لانه التجويد مهم... اضف لذلك انه اليوم في عصرنا ده بقي طويل جدا... يعني انا بفتكر ال29 يوم بتاعتنا ديه يمكن تساوي تلاته او اربع شهور قبل 600 او 700 سنه... الجانب ده هم ما قاعدين ياخدوا في اعتبارهم... ديل لسه ما سمعوا باClimate Change}
كل سنه وانت طيب
| |
|
|
|
|
|
|
Re: العفو و العافيه (Re: Asskouri)
|
Quote: يا اخي نحن صمنا السبت واليوم 30 رمضان... |
عسكوري .. كدي قول بسم الله واحسبها من يوم السبت 24 ـ9ـ2006 لغاية يوم الليلة دا 22ـ10ـ2006 .. ديل 29 يوم .. مالك داير تلخبطنا .. برانا ملخبطين ..
| |
|
|
|
|
|
|
Re: العفو و العافيه (Re: Munir)
|
يا منير
والله انت فعلا ملخبط
لانه نحن صمنا السبت 23 سبتمبر مش 24. ماهو عشان كده قلنا التلاتين يوم كتيره علي الناس... انت تاني زول في البوست ده يتلخبط ويطشش
بتكون الان عرفت اهمية ال29 يوم...
بعدين نحن ياخي ما طالبين حاجه كتيره ... المتشددين ديل قلنا الله يهديهم ( يهاودونا) في اليوم ال30...
| |
|
|
|
|
|
|
Re: العفو و العافيه (Re: Asskouri)
|
عسكوري .. هو بالله السبت كان يوم 23 .. أهااا .. لا كان كده معليش .. وأنا اتاري حاسبه 24 وطالع بالواحد !! ..
آسف للإزعاج .. الاقوم انتح لي كوز ليمون ومعاهو جك حلومو ..
| |
|
|
|
|
|
|
Re: العفو و العافيه (Re: محمد الامين احمد)
|
الاخوه المعايدين
شكرا للمعايده وربنا يحقق امانيكم جميعا..
يا منير يا اخي كوزك بتاع الليمون ده انتحه قادي قادي مني... انا من فت السودان قاعد اشرب بصحن طلس...
عيد سعيد
| |
|
|
|
|
|
|
|