|
كمال بطاشا
|
زول مهذب هادئ عاقل اصلو ما بعرف يشاكل غير مكرر بى جديدو هو ديمه قادل وفى الكلام بالحق يناتل
|
|
|
|
|
|
|
|
Re: كمال بطاشا (Re: osly2)
|
ولا بيدعو للخفاض والطهور ولا بشيلو موس يواسي للبظور ماالطهور عاده من اقدم عصور زيها زي المقيل او الفطور
| |
|
|
|
|
|
|
Re: كمال بطاشا (Re: Bakhaf)
|
Quote: الوجيه سيد السماحة لا مسيخ لا سيد لداحة للبلد عاوز يقسم بس مهندس في المساحة |
اصلو ما بعرف لداحه ولا عرف درب الفصاحه البلد لازم تقسم حتى لو عدمت مساحه
| |
|
|
|
|
|
|
Re: كمال بطاشا (Re: osly2)
|
Quote: المعارض والمدافع والمناضل للمخرمج والعوج دايما مكاتل الا بس شيتا بحير ديمه في الاون هو حاتل |
الولد بالجد مناضل اصلو للجلابى قاتل الامير سموهو كوشى كيف تقول يا فرده حاتل ؟؟
| |
|
|
|
|
|
|
Re: كمال بطاشا (Re: Bakhaf)
|
Quote: الولد بالجد مناضل اصلو للجلابى قاتل الامير سموهو كوشى كيف تقول يا فرده حاتل ؟؟ |
بعتزر يا اسلو والله منك انت يحلنا الحلا بله للامير الكوشه ناسف نتمنى لو يدينا طله
| |
|
|
|
|
|
|
Re: كمال بطاشا (Re: Bakhaf)
|
Quote: يا سلام يا بشاشا يالكلامك ما دراشه يالظريف زي حاجة مافي والرهيف زي الفراشة |
العيون بيقولو طاشه والمطر سموها راشه الا بس احرف اميرنا يا بخاف زى طرقه كاشه
| |
|
|
|
|
|
|
Re: كمال بطاشا (Re: osly2)
|
Quote: بعتزر يا اسلو والله منك انت يحلنا الحلا بله للامير الكوشه ناسف نتمنى لو يدينا طله |
الامير باكر بجيك تعرف البيك والعليك وانت يا جلابى ظالم يا معورب دون ايديك
| |
|
|
|
|
|
|
Re: كمال بطاشا (Re: osly2)
|
Quote: العيون بيقولو طاشه والمطر سموها راشه الا بس احرف اميرنا يا بخاف زى طرقه كاشه |
الامير زي طرقه كاشه !! الليلة سجمك حا يلحقوك للفلاشا اعتزر بسراع قوامك قبلي ما يجوك ناس نيفاشا
| |
|
|
|
|
|
|
Re: كمال بطاشا (Re: osly2)
|
Quote: اصلو ما بعرف لداحه ولا عرف درب الفصاحه البلد لازم تقسم حتى لو عدمت مساحه |
ماهي اصلآ مقسمة من زمان بس ناقصة اعلان البيان ناس بتعمل في المنابر وناس تفاصل في الكيان
| |
|
|
|
|
|
|
Re: كمال بطاشا (Re: osly2)
|
ناس تقيف وتقعد زي مادايرة ولسه طامعة وعيونها طائرة وناس في حقوقها وهي حائرة خمسين سنة و سياسة بائرة
| |
|
|
|
|
|
|
Re: كمال بطاشا (Re: osly2)
|
بشاشا قلبه حار بالزيادة داير الاصول ترجع للريادة ناس تية وخميس ماسكة القيادة وبدون فروق نشعر بالسيادة
| |
|
|
|
|
|
|
Re: كمال بطاشا (Re: osly2)
|
هي بايظة والبشير بوظها اكتر الما صبح مكتول تلقاه ابتر طالعوني قال لو انتو اقدر جاه الجواب حتشوف منو الفينا اخطر وما في زولن فر وله ادبر
| |
|
|
|
|
|
|
Re: كمال بطاشا (Re: osly2)
|
هو ديمة يحـلف بالطـــلاق وقت الجد تلقاه يقلب للرقاق كيف يحكمنا واحد بمخن معاق كلامـه دراب واشبه بالبصاق
| |
|
|
|
|
|
|
Re: كمال بطاشا (Re: osly2)
|
يا اوسلي خليك في السليم وزي زمان زولن هميـــــم داوي الجروح وحارب الظليم درب الظلام بباريه الغشيم
| |
|
|
|
|
|
|
Re: كمال بطاشا (Re: osly2)
|
شكرا عمر علي
Quote: يا اوسلي خليك في السليم وزي زمان زولن هميـــــم داوي الجروح وحارب الظليم درب الظلام بباريه الغشيم |
وياريت ينتبه اخونا كما اوسلي
لوين حتوديه الجهويه
بقيت غائب دائما يا كمال اوسلي
ما بتظهر الا في موضع جهوي
كأنه الموت و الجوع والاقصاء و التعذيب انتهى في بلادنا.
ارجع لينا كمال البنعرفه,خليك من تراجي وبشاشا.
Quote: يا عمر تشخصينا واحد لى مرض مسك المقابد بس علاج دكتورنا بشبش بى دوايا ديمه فاسد
|
بشاشا علاجه ما ديمه فاسد
الا صدماته الكهربائيه بقت فوق طاقتكم
فقلبته عليه,وبقى يتشتم بالاشعار كمان.
ياريت لو المواهب دي ظهرت في مواضيع بتستاهل.
تراجي.
| |
|
|
|
|
|
|
Re: كمال بطاشا (Re: osly2)
|
أوسلى خلى الزول يضرى الهوا المجان وسيط يمسك البتاب يدسو يدفق العيش فى المحيط بى عصايتو خلو كان فلق المعرى الكلام لو جاب لو سيط خلو يخلع توب أمية وبرضو يمشى معاهو ميط ويفسخ الجلابى فيهو أصلو قال لازم يعرى.
| |
|
|
|
|
|
|
Re: كمال بطاشا (Re: Balla Musa)
|
لو تركنا الزول يضرى يلقى وين ريح المضره الهبوب يا بله وقفت والعيوش ما مارقه بره والتقا الهجرت طيورا ما اظن لازماها بله او بطانا فوقا يجروا يلعبوا شدت وحجله ويبدا جد نوريق بطاشا بى حمير ماسكاها محله وفى الختام منتوجنا زيرو لا فلاح لا لقينا غله
| |
|
|
|
|
|
|
Re: كمال بطاشا (Re: osly2)
|
Quote: يا تراجى وحاة قدومك بالردوم شايلنو لومك خاته دلوكة شتارتك فوق كتيف بشبوشه كومك |
الأخ كمال سلام لا تعر إهتمام لهذا المتورك أكثر من الترك
Quote: بشاشا علاجه ما ديمه فاسد
الا صدماته الكهربائيه بقت فوق طاقتكم فقلبته عليه,وبقى يتشتم بالاشعار كمان. |
الذي يغيظ تعميم الحكم واستخدام صيغ الجمع ويقولو ليك نحنا ما عنصريين
| |
|
|
|
|
|
|
Re: كمال بطاشا (Re: yasiko)
|
الاخ ياسين شكرا على الطله شائف اخونا بطاشا نزل اجازته نصف السنويه
ساعيد تثبيت هذا الكشكوش على حاحاية المنبر عند عودته
لك التحايا
| |
|
|
|
|
|
|
Re: كمال بطاشا (Re: yasiko)
|
الاخ ياسين(ياسيكو)
شكرا لتعليقك
Quote: الذي يغيظ تعميم الحكم واستخدام صيغ الجمع ويقولو ليك نحنا ما عنصريين
|
طبعا صيغة الجمع مقصوده لكل من يتواجد ببوستات مثل هذه فهي تمثل تجمع للعنصرين.
لك الود وما كنا عايزنها لك,من فتره وانت لا تعلق الا في بوستات العنصريه.
نتمنى نشوفك في حتت ثانيه .
تراجي.
| |
|
|
|
|
|
|
Re: كمال بطاشا (Re: osly2)
|
Quote: طبعا صيغة الجمع مقصوده لكل من يتواجد ببوستات مثل هذه فهي تمثل تجمع للعنصرين.
لك الود وما كنا عايزنها لك,من فتره وانت لا تعلق الا في بوستات العنصريه. نتمنى نشوفك في حتت ثانيه . |
الأخت تراجي لك السلام والاحترام أنكم لا تستخدمون الجمع لمن يهاجموكم بل تستخدموه لكل من ليس من بني جلدتكم وبشكل خاص للجعليين والشايقية ، أقري كلام "برطوش / بشاشا" دا بدقة إن كان تواجدي في هذه البوستات ، التي بدأت مؤخراً تدافع عن تطاول من يدعون النضال ويشتموننا ليل نهار، يوحي بالعنصرية فليشهد التاريخ انني عنصري ، وأنا بعلق في هذه البوستات لانو حديثكم عننا وعن أهلنا خلاس مليناهو، والحتت التانية الدايرة تشوفيني فيها ليست فرض ويكفي أنك وكل المناضلين الشرفاء تقومون بالواجب فعدم حضوري لا يعني أنني ضدها ولكن أنا ضد هذا المسخ من كتابات بشاشا وأمثاله وسأتصدى لها ليل نهار مع خالص ودي واحترامي
| |
|
|
|
|
|
|
Re: كمال بطاشا (Re: osly2)
|
سلام يا أستاذة أنا لا أعنيك أنت وانما أعني من يطلقون لفظة جلابة ويربطونهم بالحكومة في كل نقد وعلى رأسهم بشاشة الذي لم تتصدوا إليه يوماً واحداً لتقولوا له اوقف هذا العبث لانه يضر بقضيتكم أكثر مما يصحلها أنا أعتذر إن لم تكن كتابتي واضحة أعلاه ، أكرر لك عذري وتقديري
| |
|
|
|
|
|
|
Re: كمال بطاشا (Re: yasiko)
|
الليلة جاتك ستهم حا تزيد كتابتك هم في هم تمرق حروفها عليك يمين مليانه غل زي السهم ما اوسلي دي سبب النهم سبب الحقد يا زول وهم عشان في اسولي مزوع النخيل عشان شربانه مويه نيل عشان سكانها من شعبا نبيل شفت الفهم تفكير بهم
| |
|
|
|
|
|
|
|