البخيت المقل الحجير الأراك وبالعكـــــــــــــــس

Quote: البخيت المقل الحجير الأراك وبالعكـــــــــــــــس x

Quote: البخيت المقل الحجير الأراك وبالعكـــــــــــــــس

Quote: ولا نرجى كبري مروي لامن يتم...

Quote: كان يأتي ( الصايح ) ممتطيا حماره معلنا عن وفاة احد ما من المقل او البخيت اوالحجير كنت ارى اهل البرصة الطيبيبن يهرعون فرادا وجماعة للسفر فورا للأداء واجب العزاء لم يكن الأمر مجرد مجاملة فقط ...بل كان اهلنا يأكدون صلة القرابة والرحم القوية بين سكان تلك المناطق وبالتالي لايمكن فصل البرصة عن البخيت او المقل او الحجير او الأرائك او الكرفاب او النافعاب او جلاس فكلهم لحمة واحدة

Quote: نحن ناس شـات المركز القلعة والعسكر, شـات دي في الصعيد صحي لكن عزيزة خـلاس عند ناس السافل, مات فيها العقيد كرار ودحمـد,

Quote: عم (أحمد بخيت) المؤذن كان أكثر الناس نشاطاً في الشتاء لأنها فرصته الوحيدة التي يسمع فيها آذانه والصمت جاثمٌ على القرية وربما ليزيد عنت المحتمين بالغرف بمجرد التفكير في الوضوء والماء يمدُّ لسان ثلجه على الأرجل الباكية .. وهذا وحده ما يفسّر تكراره للآذان أحياناً .. غالباً كان يؤذن للصلاة مرتين .. كان البعض يقاوم دنياه كلها ويمسح على جروحه ويصلي ويحتمي البعض الآخر وراء ( لا ضرر ولا ضرار ) ( الله ذاتو قال ما ترموا نفسكم للتهلكة )

Quote: بالمناسبة زواجي يوم 7 ديسمبر القادم بالخرطوم وبعدها ساعود سويا مع هناء

Quote: عتاب من أهل النافعاب ============== اتصل بي اول امس هاتفيا الأستاذ/ على حسن على المقيم بدولة الإمارات ابدى اعجابه بهذا البوست الجميل ، وشكرني للأنني ذكرت في تعقيبي بلدته النافعاب ولكنه تحسر لغياب بلدته الجميلة النافعاب عن البوست واعتبرها امتداد طبيعي للبخيت والمقل والحجير والأراك اضم صوتي للأخي / على حسن ، لايمكن العودة والأياب من الأراك وننسى تلك الجيرة الجميلة : الكرفاب ، والنافعاب ، والبرصة والقلعة وجلاس ومورى ، تلك البقاع تشكل رئة الضفة الشرقية للنهر النيل ، فهي كيان واحد: سكانا وارضا ونخيلا وسع الدائرة اخي ابوعثمان ، وضم الأجنحة لقلب الجسد -- عمر عبدالسلا م - البرصاوي

Quote: يبدو ان باصات ناس عمر عبد السلام

Quote: يعدين الغنوه الحلوه دى لمحمد النصرى ما النجار وامانة فى ذمتك لو عندك شيتا للنجار الحقنا بيهو

Quote: اخى الغالى عمر عبد السلام، مساء الخير طبعا انا ادخل فى الموضع طوالى انا بعرف الشيخ نور الدائم الله يرحمه كنت فى كريمه وانا الوقت داك اعمل فى تعمير مروى الكلام ده كان سنة 80 تعرفت عليه مع اخونا بشير حسن وقيع الله ، لقيت الراجل خلق واخلاق لقيت يعرف كل اهلنا صغير وكبير، ومن قلعة بانت بنعرف ناس عثمان حامد محمد صالح كان معنا هو وابوه فى الامارات اكثر من عشرين سنه ، عم حامد توفاه الله ساكنيين فى الخرطوم جنب مقابر فاروق. طبعا ما عرفتك بى نفسى انا من مواليد النافعاب، قرات الابتدائى فى مدنى والأوسطى في مدرسة الاراك لمدة سنه دراسية ، والباقى فى مدرسة موره الثانوى صناعى مدنى. واعمل منذ 1982 فى العين البلدي بدولة الإمارات . بحب البلد جدا( النافعاب ) اى اجازه تلقانى جرى مشيت البلد. لى 4من الذريه: ولديين وبنتيين، الأبن الكبير يدرس طب اسنان والصغير يدرس في الثانوية . ا دىالاولاد كلهم مواليد الامارات معليش نبذه صغيره عنى اما بالنسبه للنافعاب ان شاءالله البريد القادم اكلمك عن اهلنا ** على حسن علي _______ _______

(عدل بواسطة omer abdelsalam on 10-17-2006, 06:14 PM)
(عدل بواسطة omer abdelsalam on 10-17-2006, 06:19 PM)
(عدل بواسطة omer abdelsalam on 10-17-2006, 06:21 PM)

Quote: النافعاب الموقع: |بداية منحنى النيل الضفه اليمنى من النيل مع العلم انو الشمس بتغرب عندنا .. وناس الغرب يقولون عنا ( الشراقه) ياعمر والسبب انو نحن نقع شرق النيل فى اتجاه تجاه الشمال البدايه حسب كلام اهلنا الكبارفي النافعاب ا لحالى ده اسمو( نافعاب كنار) واهلنا نزحو من مساوى الجزيره فى سنة سته هجريه، جزء ذهب نافعاب السعيداب والاخر ذهب الحجير ودويم ود حاج وجريف نورى وهم كلهم اهل بعض يتكون النافعاب الحالى من حوالى العشرين ساقيه وكلهم اهل بعض نجاور من قبلي : الاركى وجلاس والبار والبرصه... ومن بحرى عموديتنا عمودية كورى وهى تضم الركابيه وموره والسدر وكورى وتسمى المنطقه كلها ( كنار) وهى كانت فى الزمان السابق حوض زى السليم يجاورنا من الضفه الاخرى الجوابره ومقنارتى وجوارى وامبكول وكلنا نزرع فى جزيرة اوتد وهى من اكبر الجزر على النيل تبدأ من جلاس البار الى موره.. نبعد من كريمه حوالى 55 كيلو بحرى ناسف للاطاله.... اخوك : على حسن على