كتب الكاتب الفاتح جبرا المتوفرة بمعرض الدوحة
|
بين تركيا و القاهرة ضاعت الدجتال كاميرا... عزوني عليكم الله
|
أهواك يا كاميرتي العزيزة و لا يمكن ان انساك صحيح قديمة و موديل من 2000 لكن عاشت معي الغربة و سجلت لحظات الغربة و فرحة رجوع الوطن و تبع ذلك افراح و احزان و فيما بينهما اشياء و اشياء بين الدكتوراة و وفيضان النيل و جمال مدني و فرح الاطفال في مسك الحتام و عذابات اطفال دار الامل كل ذلك شاطرتني له الكاميرا الضائعة اخر مشاهدة لها في قهوة الفيشاوي بالقاهرة و لا فول بيوت الشيراتون و لا مطار استنبول غايتو الما عزاني في كاميرتي ما عزاني كلوا كلوا و حرب القطاعة بيناتنا و يا حليلك يا كاميرتي الديجتال الصغيرة و جاهلة و انشاء اليلقاك ما يتهنا بيك و بس دعواتكم
|
|
|
|
|
|
|
|
Re: بين تركيا و القاهرة ضاعت الدجتال كاميرا... عزوني عليكم الله (Re: أحمد الشايقي)
|
Quote: تسلمي يا تراجي و رمضان كريم
القاهرة قالوا تحسب اصابعك قبل الدخول و بعد الخروج
ربنا يعوضنا و رمضان كريم |
سودانية تحياتى ورمضان كريم ربنا يعوض عليك عوض الصابرين بس انتى غلطانة معقولة بس تخشى وتمرقى وما تلاقى زول من ناس البيت وعاوزة ما يسرقوك كنتى تورينا انك جايانا فى القاهرة والله كنا عينا ليك مرافق وشيال للكمرة وعلى الاقل كان يصورك بيها وانتى بتتفسحى وتقزقزى فى فيشار الفيشاوى وينهر منك الشحادين ...انا عارف شحادين الفيشاوى ديل يسرقوا الكحل من العين غايتو امسحيها لينا فى وشناوربنا يعوضك باحسن منها وتانى رمضان كريم
| |
|
|
|
|
|
|
إليكترونيات (Re: sudania2000)
|
الأخت سودانية. بنا يجبر كسرك و يعوض عليك و يخلف ليك فى الكاميرا بتاعتك, و الحاجات دى والله فى غلاوة الضنا و عشرتها ما بتهون حتى على ود لحرام. ربنا يصبرك و يعوضك و يرزقك أفضل مها و إنشاءالله نكون أكثر ميجا بيكسيل و أكبر شاشة و أوضح ريزيلوشن, آمين يارب العالمين
| |
|
|
|
|
|
|
Re: بين تركيا و القاهرة ضاعت الدجتال كاميرا... عزوني عليكم الله (Re: شرووم)
|
الاخوة شرووم و عبدالله
تسلموا
و انشاء الله ربنا يعوضنا بالاحسن منها
بس الكاميرا موضوع و الاحباط موضوع تاني
السودان محبط جدا
كلما سافرت الي الخارج ارجع اكثر احباطا
تجد اننا نعيش خلف الشمس
لا علم بودي لقدام تلقي في المؤتمرات الناس شغلهم في وادي ونحنا في وادي اخر
و لا سياسة نافعة ترفع راسك قدام الناس
و لا تميز في اي مجال...و ياهو دا السودان
نرجع عبر بوابة السودان مطار الخرطوم قمة في التخلف و الاحباط
تعرف اخر قرار المرة دي يفتشوا اللاب توب و يدفعوك
قلت للضابط بتفتش علي شنو انت؟؟؟؟
قال لي مواد فاضحة
قلت ليك بروفسير في جامعة و راجعة من مؤتمر علمي
رفع راسه بعنجهية وقال ما بمنع
وهل اللاب توب هو الوسيلة الوحيدة لحمل ما تبحث عنه في شنطتي في مية سي دي و اربعة فلاشات
ما اجيبهم ليك برضو ؟؟؟؟؟
اهانة اكثر من كدا شنو تاني
و احباط السنين
| |
|
|
|
|
|
|
Re: بين تركيا و القاهرة ضاعت الدجتال كاميرا... عزوني عليكم الله (Re: sudania2000)
|
كم مؤلم ضياع هذه الأشياء فقدت موبايلي بتاريخ 15/9/2006 داخل الطائرة القادمة من الخرطوم / صنعاء وعند نزولي من الباص ودخولي صالة الوصول تنبهت وأخبرت الجهات الأمنية المسئولة فتقاعست بعض الشئ والإعتذار معروف بأن العمال أو الركاب الجددو قد يكونوا لفحو وتابعت امر موبايلي ولم أحصل عليه والنتيجة ليست ندما على قيمته المادية وإنما ما يحتويه من real player bluetooth كاميرا وتسجيلات فيديو وصور لأفراد عائلتي ووالدي وصور من السودان الحمد لله لم تكن مقنعة عبارات أخواننا السودانيين الجاتك في مالك سامحتك لك ولنا الله أخي الفاضلة
| |
|
|
|
|
|
|
بين تركيا و القاهرة ضاعت الدجتال كاميرا... عزوني عليكم الله (Re: sudania2000)
|
الاخت سودانيه ليك العزاء ....والله نفس الشعور القاتل مرا بى من شهر وبرضو كاميرا دجتال فيها صور جد عزيزة على نسيتها فى بص فى زيارة لى لعاصمة الضباب .. حاولت جاهدا اتذكر رقم البص الكنت فيه لما سالنى الموظف فى محطة فكتوريا لكن لم استطع اتذكره فاعتزر الموظف لى عن عدم الاستطاعة فى مساعدتى وكنت رجعتا مشوار كبير جدا عشان ارجع للمحطة الاولى املا يكون لقها ود حلال وسلمها فى المحطة... ومن ديك بقيت اركب بص تاكسى طيارة قطار اول شى افتش للنمرة واحفظا ... واستعوضتا اللة فى صورى وبينى وبينك ما كان احسن كاميرات ذمان ام 36 صورة وعلى اول استديو تحميض وطباعة ويقول ليك من ال36 صورة طلعت 12بس والباقى حرقو....
| |
|
|
|
|
|
|
Re: بين تركيا و القاهرة ضاعت الدجتال كاميرا... عزوني عليكم الله (Re: sudania2000)
|
. ازيك يا سودانية 2000 رمضان كريم وكل سنة وانتي طيبة أنا غايتو من سنة حفرو البحر بحلم بكاميرا ديجتال .. وما طلع معاي ما قادر اتخيل حالتي حتكون كيف لو امتلكت واحدة .. ..وقامت ضاعت
الحاجة المتعود علي ضياعها هي الموبايلات ما قدرت اخلق لي علاقة إلفة شديدة معاهم عشان كده تقريبا كل شهرين تلاتة بيضيع مني واحد وما بزعل شديد .. بمشي ارجع الرقم .. واجيب لي واحد تعبان .. وكأنوا حاجة ما حصلت
بالنسبة للكاميرا .. اكيد الوضع بيختلف بس ولا يهمك كل ما اتذكرتيها رددي قول الشافعي : نفسي التي تملك الأشياء ذاهبة .. فكيف أبكي على شيء أذا ذهبا وربنا يعوضك
.
| |
|
|
|
|
|
|
بين تركيا و القاهرة ضاعت الدجتال كاميرا... عزوني عليكم الله (Re: sudania2000)
|
يا سودانية, ضاع منى أشياء كثيرة, و زى ما قال الشافع (حادات و حادات) بس عارفة قبل سبعة عشرة و نيف من السنين ضاع منّا الغالى الذى لا يعوّض, والله من يومتها على رأى أهلنا المصريين ما حزّ فى نفوسنا ضياع شئ, المشكلة إحنا ما ضيّعناه, إحنا كنا مسّكناه لى واحد أخونا كده و قال سرقوه منّه, المصيبة إنّو بعرف الحرامية بس ما قدر يعمل ليهم حاجه رغم إنه كان (ينبغى) يحاسبهم, الحمدلله شايفه الأيام دى (زانقهم) بس ما زنقة (غسال) يوم الوقفة, إمكن أكعب من كده كمان و أنا عارف فى النهاية حيجيبوا السرقوه غصباً عنهم, اولاد الإيه
| |
|
|
|
|
|
|
|