|
|
|
 Re: روح النخاس الزبير، لازالت تتقمص بعض الجلابة! (Re: Bashasha)
|
الاخت العزيزة سلوي مرحب بيكي،
عمالة النخاس ده كوسيط او "برركر" نخاسة، مادايرلو درس عصر اصلا!
صناعة الرق الاستمرت لقرون عديدة كانت صناعة ضخمة جدا جدا، وكاي صناعة او تجارة الغرب والعرب احتاجو لي وكلاء محليين يقومو بالLeg Work، اوناس الزبير اوكرم الله كركساوي الدنقلاوي قامو بالدور ده، او ديل مجرد نمازج واسماء لمعت في الشغلانة، ولكن النخاسة حينها كانت متفشية علي نطاق كبير جدا، في اوساط الجلابة، بالذات الدناقلة، الجعل، والشوايقة.
مجموعة الدناقلة كانت هي الاولي في احتضان عناصر غزو الخلافة الاسلامية العربية، بغرض استرقاقنا، حيث استقرو في الخرطوم ليتبعهم ال جعل ثم الشوايقة كباشبوزق، اي جنود مهمتم الاساسية صيد واقتناص السودانيين وتسليمهم لي نظام الخلافة، لشحنهم للخارج ثم عرضهم في اسواق معدة لبيعهم.
حتي الان، هذا الجانب غير مطروق خالص خالص، والسبب واضح!
الفي يدو القلم من احفاد الزبير اوكركساوي، ماحيكتب روحو شقي، ذي ماواضح من كتابات ناس عبدالحميد او احمد الشايقي والسجمان!
كل المتداول حتي الان لم يخرج من محيط ذات بضاعة ادب الاحتلال الثنائي في كل المجالات.
ياريت زي ناس عمر علي، يمسكو ينقبو في الشغلانة دي!
| |
 
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
طبعا مثل هذا الخزعبلات والدفاع على تاجر الرقيق المجرم الزبير باشا, لا يصدر إلا من شخص حقير مثل سيجيمان.
الذين يعرفون سيجيمان جيدا بهذا البورد يعرفون عنصريته جيدا ويعرفون أمراضه الجنسية ويعرفون تحقيره للنساء.
فهذا ليس جديد من شخص مريض مثل سيجيمان. وبالمناسبة ماذا تعني كلمة سيجيمان لبعض السودانين؟
دينق.
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
| Quote: الاخ بشاشا تحيه طالما فتح البعض جراحات الماضى نحتاج جميعا لاعاده قراءه تاريخ وطننا السودان دون الركون الى المسلمات والزيف |
احمد الامين مرحب، احي غضبك النبيل.
ياعزيزي، تاريخنا ولاسطر واحد منو ماانكتب الي اليوم، عشان مانقراهو قراءة اولي، مش نعيد القراءة للمرة الثانية!
نعم كل المتداول حتي اليوم كتاريخ للسودان، صاغو الاحتلال الثنائي، عشان كده مثقفاتية الجلابة، بلاخجلة، ويا للفضيحة، يشيلو اويتسمموا من معين امثال سلاطين!
مافي بني ادم ولاشعب في كامل قواه العقلية، يعتمد علي دعاوي غزاته، كاساس لي كتاب تاريخو!
هذا جنون والسلام!
شوف الصينين كيف تظاهرو بي مئات الالوف ضد اليابان، عشان كلام يمسهم في مقررات التاريخ، مش في الصين، وانما في اليابان!
الكوريين تظاهرو بذات الطريقة ولذات السبب ضد اليابان، اكرر عشان كلام في مقررات اليابان مش كوريا!
تخيل فقط كون اطفال الصين اوكوريا، نشاو علي هدي مقررات عن تاريخ بلادم، صاغو الغزاة اليابانيين!
طبعا ده مستحيل!
في السودان الي زمانا هذا نجد المصريين والمؤسسات المصرية التعليمية، هي البتتولا تعليم السودانيين، ابتداءا من الكتاب وحتي الجامعة، داخل السودان!
خارج السودان تظل مصر اكبر معمل تفريخ للعقول السودانية "مجازا" الحالية!
الطريف بعد ده كلو احنا السذج بنصفق لي حسن صنيع مصر الخديوية المعطاءة!
الشهادة لله!
لمان نقول للعالم دي انتو مستعمرين الي هذا التاريخ، يطلعونا مجانين او مرضانين!
حسبي الله!
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
سلام يا بشاشا
| Quote: اوكرم الله كركساوي الدنقلاوي |
كرم الله الكركساوى كان احد امراء الدوله المهديه
فى منطقة بحر الغزال وبحكم وجوده فى المنطقه كامير للمهديه اظن انه وجد نفسه
جزء من شغلانه كانت مذدهره جدا وقتها ....كانت كل نشاطاته تتم تحت
سمع ونظر الحكومه المركزيه فى امدرمان ,يعنى بالعربى
كده هو كان جزء من ماكينه عملاقه تتعامل مع موضوع الرق
المجتمع نفسه(واقصد هنا مجتمع العاصمه امدرمان) كان مبارك
ومؤيد لتجاره الرقيق ..
استاذى المرحوم المستشار بشير الخواض ذكر لى مره ان كثير من مستندات المحاكم
فى بدايه القرن الماضى كان تتناول حق اﻻمه والسرايا فى الميراث وانه شاهد بنفسه مستندات
قديمه تفوح عنصريه وتقنن عمليه الرق
المهم
اللوم مافى كرم الله كركساوى ﻻنه لم ياتى بمكروه حسب مفهموم المجتمع
ولم يرتكب جريمه ولم يكن خارج عن القانون
كان امير يشار له بالبنان
اللوم بقع فى المهدى بوصفه رجل دين كان يمكنه وبسهوله نشر مفاهيم جديده
على مجتمعه..مفاهيم تدعو للمساواه والعدل بين الناس ونبذ العادات السيئه مثل
الرق والسرارى داخل البيوت
لم ياتى كرم الله بشئ من عنده ولم يخترع او يبتكر الشغلانه
ولم يجيهو زول ويقول ليهو البتعمل فيهو ده غلط الناس ديل بنى ادميين
المفاهيم السائده (المسيطره) فى امدرمان هى المسئوله وتوجيه اﻻتهام
ﻻفراد مثل جدنا كرم الله الكركساوى لن يخدم القضيه فى شئ
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: النصرى أمين)
|
الأخ بشاشا
النظرة الموضوعية تحتم علينا أن نقول أن تجارة البشر في تلك الأيام كانت من الأعمال العادية، رغم أنها كانت مُحَاربة من جهات كثيرة، منها أوربا بعد أن شبعت من تلك التجارة، لكن ما هو جوهري هو محاولة البعض بسذاجة يحسدون عليها تبرئة تجار الرقيق السودانيين من تهمة الإتجار بالناس، ولا أجد تبريراً لذلك سوي محاولتهم لتثبيت التاريخ (الرسمي)، الذي كُتِب بأيادى غير سودانية والذي بدوره يمثل (الدستور) لكل ما نشاهده من إستعلاء وعنصرية في السودان بالإضافة للإمتيازات التى يتمتع بها أحفاد طبقات تجار الرقيق والذين أوصلوا السودان لما نراه اليوم من كوارث.
الصادق
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
Quote: اللوم بقع فى المهدى بوصفه رجل دين كان يمكنه وبسهوله نشر مفاهيم جديده
على مجتمعه |
النصري امين مرحب،
يعني الثورة المهدية فعلا حسب قول غزاتنا، اندلعت ضد تحريم تجارة الرقيق، الاتفضلو بيهو علينا، اسيادنا الانجليز رسل العناية البشرية، مش كده برضو ولا انا غلطان؟
ياخي الي هذا التاريخ اوفي المنبر ده، قيم الزبير حية، بل والرق مبرر تماما، تقول لي المهدي؟
هو المهدي ده يطلع منو مثلا عشان في ظرف اعوام معدودة ينسف واقع ذهنية واسلوب معيشة امتدت لمئات السنين في بلدنا؟
يكفي انو ماكان اسمو المهدي باشا!
يكفيهو فخر انو اوحتي بي وعي ذي داك، المهدي انجز الثورة الهزمت من اتو لاسترقاقنا، خصيصا!
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
العزيز بشاشا ..
كتبت لك في بوست د.سجيمان ..
:
صدقني أخي بشاشا ان اكبر رد علي من ينادون بوطنية الزبير (باشا)
هو هذا الارتباط الابدي بين اسمه و بلقب الباشا و الذي انعم عليه مثلما ذكرت
بسبب خدماته التي قدمها للقوي الاستعمارية ..
كلمة الباشا التي ينظر اليها كتكريم و شرف هي اكبر دليل علي ادانة الرجل
في تعاونه مع الاستعمار الاجنبي ضد بلده و أهله ..
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
| Quote: النظرة الموضوعية تحتم علينا أن نقول أن تجارة البشر في تلك الأيام كانت من الأعمال العادية، |
الصادق اسماعيل مرحبتين،
يازول تلك الايام اوبس؟
يازول اديها صنة!
الحصل لينا كسودانيين في حتة الاسترقاق دي، فيما اظن، ربما ماحصل لي مجموعة بشرية اخري في تاريخ كوكب الارض!
مملكة سنار مثلا، كان دخلها الاساسي من بيع مواطنيها في سوق النخاسة!
طبعا ده واقع اتفرض علينا، بالذات بعد انهيار اخر معاقل حضارتنا في دنقلا العجوز، السماها المناضل كانسلر وليامز، بوابة الفيضان!
وياله من فيضان!
رغم ده كلو، احنا اليوم "علي مستوي الوعي" ماعندنا ذرة احساس بي هول ماحدث لينا، وماحدث يظل اكبر عوامل تركيبتنا النفسية الحالية، الحقيقة مريضة تماما!
ليه عدم الاحساس بي تجربة استرقاقنا المهولة؟
مرة اخري، الاقلية الفي يدها القلم، اقصد احفاد النخاسة، من الجلابة!
اصدق دليل علي كلامنا ده، بوست السجمان سجيمان، البفتكر نخاسة الجلابة كان عمل جليل!
من الجانب الاخر، اوده الاخطر، متي ماجات سيرة الرق في السودان، طوالي صورة النوبة الفور الشلك، تقفز لي سطح ذاكرة الجلابي!
الجلابي الذي السجمان ده، ابدا مابخطر بي بالو، انو فعلا استعبد من قبل، بل قبل الجميع علي الاطلاق، من بين السود!
هذا الفهم المغلوط يغذي احساس مستعلواتية الجلابة، الكاذب، بالتفوق!
شفت ظاهرة الاستعلاء self feeding كيف؟
كتب التاريخ مليئة بي اوصاف النوبيات المسترقات!
طبعا حينها، الاسترقاق ماكان قاصر علي مجموعة بشرية بعينا، ولكنو بالتدريج اقتصر علي السود مؤخرا!
مهم جدا جدا، شريحة الجلابة تعرف حقيقة ماضي استرقاقا هذا!
فيما قبل القرن التاسع عشر، البقبضوهم حسب روايات بعض شهود العيان من الرحالة الغربيين، كانو شماليين لانهم جغرافيا كانو الاقرب لي مركز صناعة الاسترقاق في مصر!
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
بشاشا
أمرك غريب حقا
وأنا، ومعي آخرون، عجزنا عن فهمك تماما
مواقفك إزاء القضايا الإثنية في السودان، وهي القضايا التي تمثل الجذور الحقيقية لما يعيشه السودان حاليا، وسابقا، بل ومنذ استقلاله من بؤس وشقاء، موقف مفهوم ونتفق معك فيه، وإن اختلفنا معك في أسلوب التناول والطرح أحيانا.
الشيء الذي أعجز أنا شخصيا عن فهمه، ويعجز آخرون ممن يوافقونك الرأي في طرحك غالبا عن فهمه، هو أن بعض عداواتك الشخصية، في رأيي، مع من يشتم فيهم رائحة اليسار السوداني عموما، أو الحزب الشيوعي السوداني خاصة، تدفعك إلى ممالأة أشخاص هم أساسا، وأصلا في معسكر سجيمان المتعنصر والكاره لذاته من أمثال ملاسي!!!
في بوست ملاسي الذي يصطاد به في الماء العكر كعادته في الخلاف بين دينا خالد وجماعة سودان للجميع، دخلت أنت لتطايب ملاسي وتشد من أزره في ذلك الصراع.
ملاسي يا بشاشا؟
ملاسي وجه السلطة اللئيم اللزج الذي يسخر من كل إشراقة أو إنجاز أو حتى احتمال لإنجاز في المعسكر المعادي للسلطة الإسلاموية الغاشمة التي تبنت طرح سجيمان الغث نفسه ومضت به إلى أقصى أقاصيه بالتقتيل والإبادة الفعلية لمن يسخر منهم سجيمان في كتاباته العنصرية البغيضة وفكاهته المتفرجخة المطعمة بالبذاءة والبهارات الجنسية لاجتذاب من يرغب في بعض الإثارة الرخيصة؟
ملاسي يا بشاشا؟؟؟؟؟؟؟؟
أغاب عنك حقا أن ملاسي هو سجيمان أو هو وجه آخر لنفس التيار؟
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
اسمحو لي بتجاوز الترتيب والرد علي اخونا محمد هواري.
محمد هواري مرحب بيك.
ماعندي عداوة شخصية مع اي فرد او جهة، علي الاطلاق، ولا باخد عداوة خصومنا لينا بي صورة شخصية، خالص.
راجع الخيط ده كنموذج:
Re: الظلامي / ود الطالب
خصومتي لي قبيلتي اليسارية، خصومة فكرية، مؤسسة علي فهم محدد، خلاصتو، انو ان اوان رحيل اليسار القديم، باعتبارو المسؤول الاول عن الكارثة الحالية الفي بلدنا، مش يمين الاسلام السياسي.
بالنسبة لي ملاسي، راي فيهو سلفا معلن، اوعلي كده دخول بوستاتو لاتعني موالاة باي حال.
بالنسبة لي منبر الكوامر، راي فيهو والناس القايمين بي امرو، اومعاملتم لي ضيوفم، ماوليد المداخلة المشار اليها، وانما موقف معلن، اوقديم. اتمني اكون اتوفقت في توضيح ماالتبس عليك.
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
| Quote: طبعا مثل هذا الخزعبلات والدفاع على تاجر الرقيق المجرم الزبير باشا, لا يصدر إلا من شخص حقير مثل سيجيمان |
الحبيب دينق،
هو ياريتو لو السجمان ده كان شخص والسلام!
وحاتك سجيمان اوذهنيتو دولة بي حالا، اودونك الوثيقة الجابا عادل عثمان لي شارع في قلب الخرطوم بي اسم النخاس ده، اكراما ليهو او عرفانا بي جليل اعمالو!
دي حكومة جمهورية السودان، افتراضا!
دي بلد يرفعو ليها علم؟
| |
|
|
|
|
|
|
|
|
|
Re: روح النخاس الزبير، لازالت تتقمص بعض الجلابة! (Re: Bashasha)
|
Quote: الحبيب دينق،
هو ياريتو لو السجمان ده كان شخص والسلام!
وحاتك سجيمان اوذهنيتو دولة بي حالا، اودونك الوثيقة الجابا عادل عثمان لي شارع في قلب الخرطوم بي اسم النخاس ده، اكراما ليهو او عرفانا بي جليل اعمالو!
دي حكومة جمهورية السودان، افتراضا!
دي بلد يرفعو ليها علم؟ |
الاخ بشاشا.
تأكيد لحديثك أعلاه بس شوف الناس الداخلين يدافعون على المريض العنصري سجيمان.
دينق.
| |
|
|
|
|
|
|
| |
Bashasha
احمد الامين احمد
Deng
الصادق اسماعيل
محمدين محمد اسحق
Adil Osman
فيس بوك
تويتر
انستقرام
يوتيوب
بنتيريست