|
|
 منو الجرّح مساس الشوق؟!!!!! لك الله يا وطني
|
منو الجرح مساس الشوق
وانتي مداين الذكرى
ومنو الصحى الفجر زعلان
وخاصم يبقى لي بكره
ولو حزن الزمن وارتاح
وختى لحافو في الفكره
بدس اشواقي في عينيك
لانك انتي ما نكره
وقاسم ببقى في جواي
بيحلم لسه بالستره
وصباحك خير
وكيف قيلتا يالمريود
ونسال لينا كم فتره
ومحتاجن نفتش ليك
لانك تحفظ العشرة
وتحب الناس قدر عينيك
وما بتخونك القدرة
موسد في حشى الامات
وفي الصدفة البقت شتره
وساقت كل خطاوي هواك
وفينا هواكا بالفطرة
|
|
 
|
|
|
|
|
|
|
|
Re: منو الجرّح مساس الشوق؟!!!!! لك الله يا وطني (Re: عبدالله وداعه الامين)
|
وكل البلود نامت مقريفة ...
والربوع....
حزنت علي السفر الوقف
متمدى في جوف الحلق
وتغسل الجوف الدموع
والنيل ممحن...
في رواكيب الاسى
حضن الاسف
واتوتر الهم في الضلوع
واتوسد الوطن الضياع
رغم الشعاع
الجاي من جلد المحنة
و بقّا بينات الشموع
يا ضي مساحات الامل
ليه الغياب؟
كيفن بكون بعدك
حجاي
والجته كيف تلبس جلاليب الفرح ؟
ويلملم الشمل الصحاب
رغم الصعاب
الديمه تحرق لي الحشى
وتسكّّن الروح السحاب
وكيفن اكون حس الغنى
المجروح.....
وكيف يبدا الوتر يعزف
غنيوات التساب
بالله شن طعم الهشاب
ان كان بحندك لي الارض
واتلافى لي المدن الخراب
وبخاصم الطين البحر
والنخوه غتاها التراب
والصدق من جنس الكضب
والعزة في سطرين كتاب
كتبوهو بي دم الغبش
واللسه بحلموا بي الشباب
يا ماشي قادل في مشيك
جوانا فاتح الف باب
لي الحسرة حافر في الوجع
سلوانا مدينا الرهاب
ما كان خريفك ببقى طين
لو نحنا شدينا الرقاب
وسترنا بي ايدنا الشمس
وزرعنا في البورا الشهاب
وفتحنا في جواك سقف
لي بذرة غذاها العذاب
| |
|
|
|
|
|
|
|
|
|
Re: منو الجرّح مساس الشوق؟!!!!! لك الله يا وطني (Re: عبدالله وداعه الامين)
|
الأخ الحبيب / عبدالله
تحيه طيبه
منو الختاك في جواي معزه
وشوق . . . ورحيل جوه القلب من غرفه لي غرفه
بريدك ما فراغ مني ولاريق العشم جفه
ولافي مره إتجليت طلع مني الكلام صدفة
بريدك عن وعي وإيمان وعن تقدير وعن عرفه .
تمنياتي أن ترسل لي الإميل عن طريق الماسنجر الداخل
وإلى الملتقى يا صديقي
| |
|
|
|
|
|
|
|
|
|
Re: منو الجرّح مساس الشوق؟!!!!! لك الله يا وطني (Re: ناجي عز الدين الصديق)
|
مورفين !!
اللفظةُ طابةُ مطّاطٍ..
يقذفُها الحاكمُ من شُرفتهِ للشارعْ..
ووراءَ الطابةِ يجري الشعبُ
ويلهثُ.. كالكلبِ الجائعْ..
اللفظةُ، في الشرقِ العربيِّ
أرجوازٌ بارعْ
يتكلَّمُ سبعةَ ألسنةٍ..
ويطلُّ بقبّعةٍ حمراءْ
ويبيعُ الجنّةَ للبسطاءْ
وأساورَ من خرزٍ لامعْ
ويبيعُ لهمْ..
فئراناً بيضاً.. وضفادعْ
اللفظةُ جسدٌ مهترئٌ
ضاجعهُ كتابٌ، والصحفيُّ
وضاجعهُ شيخُ الجامعْ..
اللفظةُ إبرةُ مورفينٍ
يحقنُها الحاكمُ للجمهورِ..
منَ القرنِ السابعْ
اللفظةُ في بلدي امرأةٌ
تحترفُ الفحشَ..
منَ القرنِ السابعْ..
| |
|
|
|
|
|
|
| |
Mustafa Mahmoud
Elmosley
فيس بوك
تويتر
انستقرام
يوتيوب
بنتيريست