|
|
 رمضان دخل العضم ...
|
غايتو سخانة الليلة دي كان مرقنا الله منها تاني عوجة تب مافي ..
تقبله الله منا ومنكم .. كل عام وانتم بالف خير ...
ود الباوقة
|
|
 
|
|
|
|
|
|
|
|
Re: رمضان دخل العضم ... (Re: Kamel mohamad)
|
ود الباوقة..
كل عام وأنتم بخير..
وتقبل الله صيامكم وقيامكم..
ـــــــــــــــــــــــــــ
ختمك عجبني لكن بتاع حاتم ده أحسن...
يا ريت اتم لو عمل واحد إسموا اللهم إني صائم..
| |
|
|
|
|
|
|
|
|
|
رمضان دخل العضم (Re: Tragie Mustafa)
|
ود الباوقة :
رمضان كريم .......
Quote: ما سخانة نصاح ..
غايتو كان فات الاسبوع دا والجاي والبعدو مرقنا تب .. |
تعرف يا ود الباوقة ذكرتني أيام عجيبة جداً صمنا فيها رمضان في أقسى مناطق السودان وفي درجة حرارة مبالغة ، والله يا ود الباوقة العمة بنخت ليها جردل موية وكل خمسة دقائق (نغمس ) العمة في الموية عشان الهواء يضربه وننوم لينا دقائق ثم نعاود الكره ( الكلام ده كلو تحت راكوبة مفتوحة من جانبين ) ...
كما ذكرتني (موية اللالوب) الفطرنا بيها في كمبو عمال على بعد 120 كيلو جنوب القضارف بعد أن تعطلت العربية ومشينا قرابة الـ 7 كيلو بناء على الضوء الرأيناه من الكمبو وعرفناإنو فطورنا بحمد الله إتدبر ، وعينك ما تشوف إلا النور بعد داك ( إسهال مزمن لمدة 3 أيام أتى على أخضر ويابس بطوننا ) .
ود الباوقة يأأأأأ أخوي صيامنا الهسه ده الله يقبلو بس .
من مكيف لي مكيف وتقول لي دخل العضم .
والله صيام البلد دي إلا نعيدو زي ما قالت واحدة من الحبوبات . 
| |
|
|
|
|
|
|
|
|
|
Re: رمضان دخل العضم (Re: عمران حسن صالح)
|
| Quote: والله صيام البلد دي إلا نعيدو زي ما قالت واحدة من الحبوبات . |
انت يا اخوي عشان الليلة مأجز ( ضارب الكندشة ) كدي باكر امرق على درب السهلة دي وكلمني )
رمضان كريم وللاسرة الكريمة التحية ..
ود الباوقة
| |
|
|
|
|
|
|
|
|
|
Re: رمضان دخل العضم ... (Re: Tragie Mustafa)
|
Quote: ود الباوقه يا جرسه
رمضان كريم
من اول يوم قلت لي دخل العضم!!!
ربنا يجعلنا واياك من عتقاء هذا الشهر.
تراجي. |
الاخت الكريمة تراجي .. تقبل الله منا ومنكم الصيام والقيام وجعلنا من عتقائه .
والله الليلة عطشت جنس عطش عشان كدا قلتا ياربي يكون دخل العضم من اول يوم . لكن وحاتك بعــــد الفطور عادت الامور الى مجاريها الحمد لله اولا واخيرا على كل شيء .
اللهم تقبله منا ... وببركة هذا الشهر الفضيل نسال الله ان يعيد الامن والامان والطمانينـــة الى اهلنا في دارفور وان يحفظهم وان يبعد الظلم والمظالم عنهم انه سميع مجيد ...
كل عام وانتم بالف خير ..
ود الباوقة
| |
|
|
|
|
|
|
|
|
|
Re: رمضان دخل العضم ... (Re: Kamel mohamad)
|
رمضان كريم
وتقبل الله منا ومنكم الصيام والقيام والطاعات
وجعلنا الله واياكم من عتقاء هذا الشهر المبارك
وكل عام وانتم بالف خير
امين يا رب العالمين ..
كل عام وانتم بالف خير اخي كامل ..
ود الباوقة
| |
|
|
|
|
|
|
|
|
|
Re: رمضان دخل العضم ... (Re: تولوس)
|
Quote: اول حاجة كدي قول بسم الله ...
يعني لو يوم الليلة ده عده علي خير يكون باقي لينا كم |
باقي 28 يوم او تسعة وعشرين يوم ...
تقبل الله منا ومنكم صالح الاعمال .. كل عام وانتم بالف خير ..
ود الباوقة
| |
|
|
|
|
|
|
|
|
|
Re: رمضان دخل العضم ... (Re: ود الباوقة)
|
| Quote: غايتو سخانة الليلة دي كان مرقنا الله منها تاني عوجة تب مافي .. |
دا شنو يا ود الباوقة؟؟
هي متين القصة بدأت!!
هبشة:
نحنا السودانيين فعلاً لا نستطيع التكيف مع كل الأشياء
مقترح:
أن يكون رمضان كل سنه في دوله
كل الود،،،
عادل فايت
| |
|
|
|
|
|
|
|
|
|
Re: رمضان دخل العضم ... (Re: ADIL FAIT)
|
Quote: دا شنو يا ود الباوقة؟؟
هي متين القصة بدأت!! |
اخي عادل فايت ..
رمضان كريم..
اطمئنك انني بخير وما حدث من عطش نسال الله سبحانه وتعالى ان يحتسبه اجرا .
ود الباوقة
| |
|
|
|
|
|
|
|
|
|
Re: رمضان دخل العضم ... (Re: حمزاوي)
|
اولا كل عام وانتم بخير و تصوم و تفطر بخير و ويجعله الله لك شهر بركة و احسان على الجميع . ثانيا ياحبيب ظاهر ان ترطيبة البلد دى و المكيفات خربتك تانى ما بتقدر تصوم فى السودان .
| |
|
|
|
|
|
|
|
|
|
Re: رمضان دخل العضم ... (Re: حمزاوي)
|
جنس جرسا
بقيت ذي دكين
غايتو شهر مبارك ورمضان كريم
الخال حمزاوي ..
لا والله .. لكن صدقني كنت متوقع رمضان الاحد زي ماعارف .. يعني كانت مسالة نفسية اكثر من ان تكون عضوية وانت عارف براك اليوم الاول دا شوية صعب لكن الحمد لله الامور سارت على ما يرام ..
نسال الله ان يتقبله منا وان يجعلنا من عتقائه ..
كل عام وانت بخير يا خال ..
ود الباوقة
| |
|
|
|
|
|
|
|
|
|
هو يا أخوي دحين فضل فوقو شي؟ ... (Re: ود الباوقة)
|
ود الباوقة
ما متوقعك تقول كلام زي ده، رمضان كلو فضل فوق بس ثمانية وتلانين يوم، 29 المرتب الأصلي باضافة الستوت. و3 أبام الليالي البيض من شوال. وكان زدت بي الأثنين والخميس كتر خيرك وربنا يتقبل منك.
وكل سنة وانت طيب
وتصوم وتفطر على خير.
| |
|
|
|
|
|
|
|
|
|
Re: رمضان دخل العضم ... (Re: فيصل نوبي)
|
ود الباوقة
التركين حلال و لا حرام في رمضان !!
فيصل نوبي حــــــــــــــلال ويفضل تناوله في السحور والله اعلم ..
اسف ان اخليت بالترتيب في الردود لاستعجال الامر من قبل اخونا نوبي ..
ود الباوقة
| |
|
|
|
|
|
|
|
|
|
Re: رمضان دخل العضم ... (Re: ود الباوقة)
|
ياود الباوقة
الجرس العليك شنو؟؟؟
هسي باقي 27 يوم
اتخيل لو كنا صمنا الاحد ما السبت
كان ح يكون باقي 28 يوم 
وصية مجربة
في السحور املاها موية وامنع الحلويات
ما بتعطش
| |
|
|
|
|
|
|
|
|
|
Re: رمضان دخل العضم ... (Re: Ahmed Mohammed Osman)
|
ياود الباوقة
الجرس العليك شنو؟؟؟
هسي باقي 27 يوماتخيل لو كنا صمنا الاحد ما السبت
كان ح يكون باقي 28 يوم
وصية مجربة
في السحور املاها موية وامنع الحلويات
ما بتعطش
اخي احمد محمد عثمان لم يتبق الا ايام قلائل ونودع هذا الشهر الفضيل نسال الله ان يعيده عليـــنا اعوام عديدة وكلنا بخير ..
تصبيرة ...
اها سألتك بالله دخل العضم ولا لس ...
ود الباوقة
| |
|
|
|
|
|
|
|
|
|
Re: رمضان دخل العضم ... (Re: انعام عبد الحفيظ)
|
عارف يا ود الباوقة
كل يوم نحنا في الخرطوم بنقول الكلام ده
واي زول تسألوا اليوم كيف معاك يقول ليك
رمضان الجاي كان الله حيانا بصومو بره السودان
الاخت الكريمة انعام .
تصدقي يوم الجمعة الفات جانا واحد من السودان ووصلنا قبل الافطار بساعات وعند الاذان كبس الزول الموية وظل يشرب الكوز تلو الاخر حتى اشفقنا عليه من الانفقاع . الغريبة ظل يشرب ويردد سخانــــه شديدة خلاص في السودان ..
كل عام وانت بالف خير ..
ود الباوقة
| |
|
|
|
|
|
|
| |
ALGARADABI
تولوس
Kamel mohamad
Tragie Mustafa
عمران حسن صالح
ADIL FAIT
حاتم تاج السر المبارك
ابي عزالدين البشري
Habib_bldo
فيصل نوبي
Ahmed Mohammed Osman
انعام عبد الحفيظ
فيس بوك
تويتر
انستقرام
يوتيوب
بنتيريست