|
|
 بورداب الرياض...عاوزين معاكم دورة رمضانية..اها قولكم.شنو....!!
|
دورة رمضانية علي ارض الاسفير
ولكم ان ترشحوا لجنة التحكيم (عضوين)..
وسنرشح نحن عضوين...!!
اتوا بصديق الموج كابتنا ..سناتي بمحمد السني كابتنا لايشق له غبار
اصلوا من زمان ومن زمن قميص السني المخطط (خرت) ودالموج..
تعالوا بابوجهينة فلنا هنا عماد عبدالله له بالمرصاد
عمر فاروق ..خليل سيلعب معاهو باك لفت ورايت
تمبس ده طبعا ما من بورداب الرياض ..(وشكوتنا جاهزة في حالة مشاركته)
امكتنياته العالية...في غياب راكوبة حتبقي مشكلة كبيرة..!!
معتصم دفع الله...وثابت وحمد ..ديل ودرملية بجيب العود ..وبضايرهم
منو تاني...
رشا سالم رندوك لها بالمرصاد...وفي الاحتياطي ماهي ..ونانا
هنالك الكثير المثير الخطر
تجيبوا ظلاميين ببنجيب فنان وظلامي كمان..وهجو الاقرع قاعدددد
يعني ود الباوقة وغريبة موضوعهم خربان..
حمزاوي حنمسكوا لا بوساندرا
هناك لعيبة كبار من طرفنا علي اهبة الاستعداد
بدرالدين الامير
معنصم الطاهر
فيصل عباس (ده لو جبتو زول مرجف)
محمد عبدالرحمن
ضحية
فيصل الزبير
معاوية الطيب
صلاح عبدالله
وكريم الامين
والكثير المثير الخطر,,,
واها دايرين ..ولا كابيين الزوقة.....
ملحق...حميدة لازم يلتزم بشعار الفيفا (fair play) والا ستكون الشكوي جاهزة..
|
|
 
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
الاخ عبدالكريم الامين
كل عام وانتم بخير
تحياتي لجميع بورداب الدوحة ولرابطة اصدقاء محجوب شريف وارجو ان تبلغ الاخ معاوية الطيب بالاتصال بي لان رقمة ضاع بسبب الفيروس الذ اصاب موبايلي وتخياتي للصديق ياسر سليمان خليل .
اما ان المباراة التي تدعون اليها بورادب الرياض ستكون اجمل من كاس العام لان بورداب الرياض تمرسوا في العمل واكتسبوا خبرات كبيرة من فعاليات الرياض الثقافية والسياسية ولذلك سيكون لهم الهدف القاتل الذي يحققون بة الفوز ونعلم ان الخصم شرس وعنيدز
رمضان كريم
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: يوسف السماني يوسف)
|
مرحب يوسف السماني
وكل رمضان وانت بخير..
معاوية بالامارات وعند عودته سوف ابلغه فورا وصيتك تلك
واما صديقك وصديقي الحلفاوي الكلس..فتخيل انني اشتاق هذا الرجل كثيرا
ولم احظي بمقابلته قريبا..ولكن لو الله هون في رمضان ده بمشي بفطر معاهو فطور
يعيدنا الي الايام الخوالي...
نعلم امكانياتكم العالية وعلو كعبكم يا اهل الرياض فهذا هوالسبب الذي جعلنا
نطلب معكم هذه الدورة حتي يكون الماتش لقاء سحاب..
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
هلا هلا يا الربع
هادول ربع الدوحة يبون يبارون ربع الرياض
يبون يهاجمون ديرتنا ويفوزون علينا
وش فيكم يا ربع الدوحة؟
ما اقول إلا انكم بغيتم تنهزمون..
ترا ما تنسو ان الكترة غلبت الشجاعة
حنا ربعٍا كتار.. اي والله كتار وما ننغلب لكم بالساهل
اي نعم انتم عندكم لعيبة ما عليهم زود
والنعم.. عندكم السني وعماد والطاهر وها الشايب بركات..
بس حنا كمان ترا مان هينين ابد..
وش ما تبون عندنا تلقون..
وهلا هلا يا الربع
عبد الكريم لك التحية
وكل عام وأنتم بخير وجميع ربعك في الدوحة
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبد الله عقيد)
|
| Quote: عندكم السني وعماد والطاهر وها الشايب بركات.. |
هلا ود عقيد واش لونك
تري انا كنت مفتكرك في الدمام وما عملت حسابك خالص
لكن بوجودك في الرياض لازم التيم بتاعنا يكثف التدريبات ويمد في ايام المعسكر
..
وطبعا الشيبة بركات هو راس الحربة بتاعنا..
يعني راس الحربة بتاعنا مستنير وشيبة وخبرة..
عموما لازلنا في انتظار ترشيحكم للجنة التحكيم
ورمضان كريم يا عقيد وتصوم وتفطر بخير وعافية
| |
|
|
|
|
|
|
|
|
 Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
في دي شيلو شيلتكم ساي ..
من هسي جهزوا روحكم للهزائم المحمولة جواً ..
انتو نسيتوا انو عندنا لاعبين محترفين وتدريب أجنبي (لؤي شمت) مثال ..
وحارسنا كمان العايزين تشتكو فيهو دا (تمبس) ..
أنا شايفو اليومين ديل قاعد يتدرب على الرمال وقاعد يتحلف (عضلات تبش)..
الريس أبوجهينة هو المايسترو بتاع الفريق يعني هيثم مصطفى عديل كده ..
ومجهزين ليكم باكات الموية ما تمر ..
وطريقة اللعب عندنا جديدة دي مستحدثنها برانا ..
يعني ميرسلاف في الهلال ما لعب بيها ..
وبي تحت تحت كده أخوي ودالسني في مشاورات جارية لضمه لهذه الكوكبة ..
إحتمال على سبيل الإعارة (فترة رمضان فقط)..
وفي مقولة أخرى بهاء بكري أيضاً ..
اها نحن ..
جاهزين جاهزين (دي حقتنا برانا) ..
تحياتي يا عبدالكريم ..
وكل سنة وأنت طيب يا حبيب ..
تصوم وتفطر على خير ..
تحياتي لكل بورداب الدوحة الحلوين ..
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: معتصم دفع الله)
|
مرحب معتصم وكل رمضان وانت بخير
ولك التحية والمودة في قبول هذا الشهر العظيم..
وبعد
اولا لازم تفرزوا لينا جاهزين جاهزين دي في البداية..لانو احنا شاكين فيها,,!!!!
وطبعا انت زولك ودرملية حيجي يمسك وردية بعد شوية..و(يسوي ترتيب)..
ولازلنا في انتظار لجنة التحكيم من طرفنا...
لاحظ هذه هي المفاوضات الاولية ساكت جاءيين (ماشاء الله زي المطر) امال يوم المباراة
ناسكم ديل دايرين ليهم لواري كثيرة..(ومن حسي الترحيل عليكم)
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: لؤى)
|
Quote: يا عبد الكريم
الحارس فتّة إطمئنّوا |
مرحب المدهش لوي
ونورت والله ورقم حضور الطاغي وفي الزمن الضائع..لتلكم المباراة التي (كب) اصدقائك
في الرياض الزوقة منها متعللين بمجاورة الحرم وسخانة الرمضان في صحاري الحجاز
واعتبروا مهزومين بالانسحاب زي سبعة صفر..
واما بخصوص الحارس تمبس فتاكد انو فعلا فتة..واكدت مصادرنا انها احد الاسباب
التي ادت الي الانسحاب التكتيكي لاهل الرياض....
ورغم ذلك نردد...وراكم والزمن طويل..
تحياتي لكم جميعا يا بورداب الرياض وكل اهل السعودية
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: احمد التجانى احمد)
|
Quote: ماعارف المشروب الرسمى حق الدورة دى
كان من عندكم ولا منهم ولو كانت الدورة دى
فى غير رمضان كنت بارشح فندق رمادا يكون الراعى الرسمى |
مرحب يا احمد تجاني
وحتت المشروب االرسمي دي كنا عاوزين نثيرها في الاجتماع الرسمي وبحضور وكالات الانباء
لكن ناسكم ديل ما ادونا فرصة نبرز مشاربنا الرسمية..ورمادا طبعا بقي دقة قديمة لانو
المشروب الرسمي الان بقي رسمي وشعبي ..وبانين ليهو مخزن كبير كده في حتة اسمها ابوهامور
تشيل قدر البكفيك..وتكسح...
عموما مادام وجدانك السمح ده معانا...كلو كلو ما همانا..
ولك تحياتي يا وريف..
(اسمع انت بعد ده بقيت رسمي عشان كده لازم تستعمل لينا وريف دي..)
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: Khalid Saeed)
|
Quote: الكابتن أسفيري / عبد الكريم الأمين
|
مرحب كابتن اسفيري برضو خالد سعد وحبابك ..
وناسكم ديل مافيهم فايدة..والبركة في لوي النكت لينا البوست ده ...وتخيل انا لمن شفتو
في الصفحة الاولي قلبي انقطع وقلت بكري ده (هزهز) المنبر ده تاني ولاشنو...
المباراة يا خالد كان مقترحة ومبرمجة رسمي من الفيفا الاسفيرية لكن ناس الرياض بتاعنكم
ديل كبو الزوقة..وقالوا ماعندهم حارس زي الناس...
لكن في النهاية القرار هو فوز الدوحة بالانسحاب بتاعكم ده يا هلالاب
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
تحية مرة أخرى ياكابتن أسفيري / عبد الكريم
تعرف الجماعة بتاعننا في رمضان .. نصهم راميهم خرمة للتركين ..( ديل ناس دكين وحمزاوي .. وغير الناطقين بالأكلات الأجنبية ) ناس شعبي بس ..
والنص الباقي راميهم الصعوت والسجائر وخلافه .. والباقين رامين نفسهم براهم .. عشان كدي الجماعة في رمضان عملوا فيها مشوا عمره ...
لكين تصدق أنا أمين المال أول مره أشوف البوست ده ... خلي بالك القروش عمت عيونا ...
والله الدنيا دي مافيها خير .. أريت القروش طايره ...
لكين ماعليك في عيد الضحيه جيبوا خروفكم ونحنا بنجيب خروفنا والبفوز يشيل الخروفين .. أه قلته شنو ..
كابتن مالي / خالد الأرباب
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: Khalid Saeed)
|
| Quote: والنص الباقي راميهم الصعوت والسجائر وخلافه .. والباقين رامين نفسهم براهم |
مرحب كابتن خالد
وانتو الحمد الله الناسكم رايهم صعوت وخلافه...انا ناسي ذاتم نصهم رامياهم حاجات تاني حامياني
والحمد الله المباراة دي ذاتها ما قامت كان..الوقيع حيكون من الطرفين زي المطر..
يازول في الضحية انتو جيبو الخروف...ونحن بنجيب الشربوت والكانون بتاع الشية
والبفوز بدل يشيل خروفين يشيل الشية والشربوت...وما اتخيل لي في دافع بحفز لي ناسي للتالق
غير الشية والشربوت ..!!
| |
|
|
|
|
|
|
|
|
 Re: بورداب الرياض...عاوزين معاكم دورة رمضانية..اها قولكم.شنو....!! (Re: لؤى)
|
| Quote: بطّل خططك وخدعك الحربيّة دي ، أنا لي هسّه ما قبضت دولار واحد .. |
أبواللول سلام يا حبيب ..
دا تزوير في أوراق رسمية ..
كل العقودات موثقة لدى الفيفا ..
الحبيب عبدالكريم ..
تحياتي وسلامي ..
ياخي انتو (خرخرتو) زمان وقلتو ما دايرين ..
والله نحن تيمنا لا بتغلب ولا حاجة ..
ونحن لسه جاهزين جاهزين شيلو شيلتكم ساي ..
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
| Quote: الشية والشربوت ..!! |
ناس الدوحة شيلوا شيلتكم ... جبتو سيرت الشية والشربوت ...خلاص إتغلبتوا إتغلبتوا .. تعرف الحاجات دي هنا عشاقه خطرين خلاص ( الشربوت ده براه حافز ) تعرف لحدي أسع كم واحد إتصل عليه مما عرفوا الحكاية فيها شربوت .. أيييييييييك ... أعملوا حسابكم .. تعرف والله لمن خفت عليكم وفي ناس إضطريت أكضب عليه أقول ليهم إنتوا صدقتوا يكونوا جايبين بيره .. شربوت شنو ياناس الجننكم ده .. وفي واحد كده خطري قالي ليه يازول الشربوت ده حقنا ويوم المباره أنا حاأكسروا ( قلته ليه منوا البتكسروا ده دي مباره وديه ساكت ) قال لي ماتخاف ماواحد من اللعيبه قصدي الشربوت ( قلته ليه أكسره إنشاء الله مايجبص ذاتوا ) وإتذكرته القصه الحكاها لي أخونا مسعودية قال :
كان في مبارة بين أهل قريتهم وفريق زائر .. ناس الفريق الزائر كانوا حريفين جداً غلبولك أهل العوض 6 - صفر .. المهم الشمس قربت تغيب والجماعة شغالين ليك بهدله في أهل العوض .. أه .. الجماعه الكانوا في الزراعه بدوا يجوا على حميرهم ..
كل واحد يصل الميدان يسأل البتفرجوا ( ها جنا الكوره كم كم ) ..؟
الجماعه يقولوا ليه 6 - صفر ..
يقول ليهم : ياجانا الغالب منــــوا ؟
يقولوا ليه فريق ناس البنــدر ...
زولك الزعل يكتله ويقول حرم مابتبقه دي .. يقوم صاحبك ينط من حماره ويربط جلابيته ويدخل الميدان .. قال ليه لمن الكوره إنتهت كان فريق ناس أهل العوض اللعيبه حوالي 50 واحد وبعد ده كله النتجه ما إتعدلت ... شفته كيف ...
أسع دي بحذركم من أسع دي .. الشربوت حقنا ونحنا حنشربه ...
والشيه حقتنا .. ومن أسع نحنا ناس ديمقراطيين .. إخترنا اللجنه المكلفه بالشية بس عليكم الله جيبوا معاكم شطه حمره ودكوه .
تحياتي ،
كابتن شربوتي / خالد الأرباب
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: Khalid Saeed)
|
Quote: الحبيب عبدالكريم ..
تحياتي وسلامي ..
ياخي انتو (خرخرتو) زمان وقلتو ما دايرين ..
والله نحن تيمنا لا بتغلب ولا حاجة ..
ونحن لسه جاهزين جاهزين شيلو شيلتكم س |
مرحب معتصم
والخرخرة يا صحبي جات منكم ..
واحنا رسلنا جاسوس كبير ..جاكم في العيد ده(السني)
وكشف لينا خطة اللعب
وعرفنا التشكيلة
وكلوا معانا ...بس انتو ارجو الراجيكم وننصح بشوالات لزوم الاقوان
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
Quote: كان في مبارة بين أهل قريتهم وفريق زائر .. ناس الفريق الزائر كانوا حريفين جداً غلبولك أهل العوض 6 - صفر .. المهم الشمس قربت تغيب والجماعة شغالين ليك بهدله في أهل العوض .. أه .. الجماعه الكانوا في الزراعه بدوا يجوا على حميرهم ..
كل واحد يصل الميدان يسأل البتفرجوا ( ها جنا الكوره كم كم ) ..؟
الجماعه يقولوا ليه 6 - صفر ..
يقول ليهم : ياجانا الغالب منــــوا ؟
يقولوا ليه فريق ناس البنــدر ...
زولك الزعل يكتله ويقول حرم مابتبقه دي .. يقوم صاحبك ينط من حماره ويربط جلابيته ويدخل الميدان .. قال ليه لمن الكوره إنتهت كان فريق ناس أهل العوض اللعيبه حوالي 50 واحد وبعد ده كله النتجه ما إتعدلت ... شفته كيف |
ياخ يديك العافية يا خالد ياخ..
وبس انا خايف تبقي عليكم البقت علي اهل العوض تخشوا 100
وياصحبي القصة فيها شربوت دي ناس بدرالدين الامير احتمال يطلعوا فيها عكاكيز
| |
|
|
|
|
|
|
|
|
|
Re: بورداب الرياض...عاوزين معاكم دورة رمضانية..اها قولكم.شنو....!! (Re: عبدالكريم الامين احمد)
|
تعرف يا كيكي
زمان كان معانا واحد في الحله لعاب جدا ومشكلتو انو مابيدخل الملعب الا وهو
موزون جدا وزنه (افيال وكده) يقوم يرص الشباب (الخصم) يمين شمال ويهدف واي
شوته منو بقونين وفي نص التمرين بيسال اقرب واحد جنبو بيقول ليهو (الغالب
منو) وبعد مايعرف انو تيمو الغالب يقول والله دي مشكله اسع يحلوها كيف
ويبدا في حصد الاقوان,,
وعند نهاية المباراه برضو بيسال الغالب منو نقول ليهو انتو يقول ليك الجاب
الاقوان منو نقول ليهو انت يقول ليك (متين )ويحلف في النهايه ما يلعب ضد الفريق الانهزم
لانو في واحد من اصحابو بيلعب فيهو...
وانا اسع بقول ليك اها الغالب منو
اوعه نكون نحن لانو عندنا حبايب هناك وحتى لو غلبناهم بيوفروا لينا المشاريب
لانها بتسوي ليهم وجع البطن,,,
ديل بيعرفو يغلبو العنب وبس ومابيقدرو على شيتن تاني
رشوا الصهانيه وخلو الرجفه
| |
|
|
|
|
|
|
| |
عبدالكريم الامين احمد
ابوبكر الامين يوسف
يوسف السماني يوسف
عبد الله عقيد
معتصم دفع الله
لؤى
احمد التجانى احمد
Khalid Saeed
khaleel
فيصل عباس
فيس بوك
تويتر
انستقرام
يوتيوب
بنتيريست