|
|
 ارفع قلمك الممسوس عن حميد يا بشاشا
|
ليس من عادتى ان اوجه بوست باسم شخصية فى المنبر
ولكن لان الموضوع هنا عام ساغير مسارى الى حين
ماذا فعل حميد
لماذا استلت عليه السكاكين
هل لاعلانه عن انتماء طبيعى ومبرر لكيان اجتماعى يدافع عن قضايا منطقته,
ان السكاكين التى اشهرت على جسد شاعرنا الرهيف الذى ظل طوال حياته مقاتلا ومنافحا عن المهمشين والفقراء يدل على اى مدى وصلت ازمة التعايش بيننا كشعب, وازمة قبول الاخر بيننا كمتقفين
ما هو كيان الشمال
هو منظمة طوعية تعمل على تبنى قضايا اهل الشمال والوقوف فى وجه السلطة ضد التغول على اراضىالشمالية
اهو كيانى جهوى؟
اااااااااااااااااااي كيان جهوى ولكن من اى منطلق اخلاقى ينطلق الذين يهاجمونه اذا كان كلهم او جلهم ينتمون او يؤازرون كيانات جهوية وصل بها الامر المطالبة بحقوقها حمل السلاح
والغريب ان هذه الحملة سار فيها اناس كنا نظنهم يقيمون الامور بميزان العدل والحق
ولكن اتضح اننا افرطنا فى التفاؤل او فى السذاجة اذ كنا نعتقد ان انتماء هؤلاء الناس لكيانات جهوية موجه ضد هيمنة المركز وبطش السلطة , لكن اتضح ان هذه الكيانات موجهة ضد اهل الشمال الذين تفتك بهم السرطانات وتصادر اراضيهم السلطة , وعندما يقف هؤلا ليفعلوا بالضبط كما فعل كل المهمشين يكون عليهم ان يجيبو على الاسئلة المرهقة لاثبات ان كيانهم غير جهوى عجبى!!!!
قاد هذه الحملة رائد الافريكانية العنصرية كمال بشاشا
فلنسال السيد كمال ماذا قدم حميد لهذا الشعب واى شى قدمته انت
قدم حميد عصارة دمه ودموعه للكادحين من الشمال والشرق والغرب والجنوب
ظل حميد يعيش التضييق والفقر بينما انت يا تولستوى السودانى ترفل فى حياتك الهادئة وترمينا بتنظيراتك السوداء
هل لك اى موقف فى مقاومة الظلم والهيمنة
هل صدحت بارائك هذه وانت فى السودان وتحملت ما تحملت كما فعل حميد,
من انت حتى تقيم حميد
حميد يؤمن بحق كل الكادحين فى العيش بكرامة شماليهم وجنوبيهم
فبماذا تؤمن انت
فى المنبر وفى الشارع هناك اناس يؤمنون بالسودان الديمقراطى العلمانى الذى تتساوى فيه الاجناس والجماعات والاديان وتصون فيه الدولة كرامة ابنائها
لكن بشاشا لا يرضيه ذلك
بشاشا يريدنا ان نكره بعضنا ونتحزب فى خندق السادة والعبيد ولا يرضى نفسه المريضة الا ان يلعب دور سبارتاكوس محرر العبيد
ويريد لسبارتاكوس ان ياتى هذه المرة من السادة انفسهم
يريد للخيط الرفيع الذى مازال يربط بين اقوام السودان ان ينقطع
يريد ان يحرر نفسه من عقدة ذنب لا نعلمها عن طريق احراق اجسادنا بالنار
يمكنك ان ترمينا نحن بكل ما تريد
لكن عندما يصل قلمك الممسوس للمناضلين الحقيقيين
قف مكانك واعلم من انت
|
|
 
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الاخ ماجد ,
التحية الكريمة لك ,
و اكرر معك حتى يتفكر اولى الالباب و يكفوا عن التغول على حميد الشاعر صاحب الحروف المفعمة وطنية و وحدة و عصية عن عقد و ترسبات العصبية و القبلية :
(ما هو كيان الشمال
هو منظمة طوعية تعمل على تبنى قضايا اهل الشمال والوقوف فى وجه السلطة ضد التغول على اراضىالشمالية
اهو كيانى جهوى؟
اااااااااااااااااااي كيان جهوى ولكن من اى منطلق اخلاقى ينطلق الذين يهاجمونه اذا كان كلهم او جلهم ينتمون او يؤازرون كيانات جهوية وصل بها الامر المطالبة بحقوقها حمل السلاح)
و اسماعين حسن ود حد الزين قال :
انا لو ما جيتا من زى ديل وا اسفاى وا مأساتى وا ذلى
تصور كيف يكون الحال لو ما كنت سودانى و اهل الحارة ما اهلى تصور كيف!
نادية السر
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الأخ العزيـز مـاجـد حسـون ..
التحـايـا والتقـديـر ..
| Quote: فلنسال السيد كمال ماذا قدم حميد لهذا الشعب واى شى قدمته انت |
Quote: ظل حميد يعيش التضييق والفقر بينما انت يا تولستوى السودانى ترفل فى حياتك الهادئة وترمينا بتنظيراتك السوداء
هل لك اى موقف فى مقاومة الظلم والهيمنة
هل صدحت بارائك هذه وانت فى السودان وتحملت ما تحملت كما فعل حميد, |
عفـوا أسـتاذ مـاجـد ..
يبـدو أنـك بتحـلم !!
المدعـو بشـاشـا أجبن مـن أن يقـرن قـوله بالفعـل !!
هـل تصـدق أن هـذا الجبـان الـرعـديـد لـم يخـرج فـي تظـاهـرة حتـى الآن
دفـاعـا عمـا يـؤمـن بـه ؟؟
هـل تصـدق أن هـذا الجبـان الـرعـديـد يـريـد أن يـرفـل فـي حيـاته الناعمـة كمـا قلت ..
ويمـوت الآخـرين بـدلا عنـه ..
ودليلـي علـى جبن هـذا البشـاشـة مـا كتبـه هـو نفسـه :
| Quote: عشان كده عمري كلو ماشاركت في مظاهرة وان كنت متواجد في البعض منها، كحب استطلاع اوغيرو، |
زول جبـان عمـرو مـا شـارك فـي مظـاهـرة حتى لو تـواجـد فيهـا ..
بـدافع حب الاسـطلاع ..
وبعـد دا كلـو عنـدو فصـاحـة يتكلـم كمـان !!؟؟
هـذا الرعـديـد أدنـى مـن أن يكـون نـدا لأي مـواطن سـوداني شـريف !!
| Quote: ولا يرضى نفسه المريضة الا ان يلعب دور سبارتاكوس محرر العبيد |
أخطـأت فـي هـذا الوصـف !!
لأن اسـارتكـوس اقتـرن عنـده القـول بالعمـل !!
وجأهـد فـي سبيـل مبادئه ، وتحمـل العـذاب !!
أمـا الجبـان بشـاشـا :
فكمـا مـاتـت فيـه قيـم المبـادئ ، مـاتـت فيـه قيـم الرجـولة ..
مـع التقـديـر ..
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الاستاذ ماجد
لم يوفق كيان الشمال في انتزاع حقوقه بهذه الكيفية
واذا اردنا ان ننزع حق لاخرين ندعوهم لتشكيل قبيلة
طيب نحن بناضل لانتزاع حق الانسان بغض النظر عن لونه ودينه
وقبيلته من الاسلم اضلاح منظمات المجتمع المدني وعلي راسها الاحزاب
طيب حميد وكدودة شيوعيين هل عجز حزبهما عن نيل المطالب لانسان
الشمال
صلاح كرار وعلب حسنين لهما احزاب ايضا عجزت عن نيل المطالب
اري ان نارا اشعلت وعلينا اطفائها
الحسرة علي حميد الشاعر بكل الام الوطن وليس كيان الشمال
الحسرة علي من كتب للنوبة والبجه والحلب
هل تغيرت الفكرة عنده ومن حقه يفكر كما يشاء
ومن حقنا نستنكر موقفه اذا لم يتسق مع الهم العام
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الاخ حسن
يبدو ان هذا الفضاء السايبيرى جعل من السهل على امثال بشاشا النيل
من المناضلين الحقيقيين
قلتا لى ما طلع فة مظاهرة
وكمان جاى يهاجم حميد
لا حولاااا
الاخ احمد
والله انا ماعندى حاجة ضدو
لكن اكضب عليك لو قلتا ليك كلام بشاشا ما اثار حفيظنى
بالحوار لو هو قبل ممكن نخلى الناس تميز الحقيقى من السفسطائى
الاخ صبرى
اقدر حسرتك تماما على تغير معادلة الانتماء والايدلوجية التى اصبحت جهوية عنصرية
لكن هذا قدرنا
اذا رفضنا كيان الشمال يجب علينا ان نرفض كل الكيانات الجهوية
الحل فى تفعيل مؤسسات المجتمع المدنى وتنشيط احزابنا الديمقراطية
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
عزيزي/ماجد
حالة التشرذم هذه مؤقتة على مفكرينا واصواتنا الوطنية الابتعاد عنها فليتركوها للساسة والانتهازيين هم اجدر بذلك.
Quote: قدم حميد عصارة دمه ودموعه للكادحين من الشمال والشرق والغرب والجنوب
|
نريد هكذا حميد واخوانه من المبدعين.
تعريجة: ناس الشمالية الزول دا فات منكم من زمان عايزين ترجعوه وين تاني.
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
قلموا ممســوس , بــس ؟
هـو زاتـو ممســوس ومهـترش كمان,
عندو عقد عدائيـة إثنيـة مش قادر يطلع منهـا,
متجولـب ومتقولـب في قالـب هــلامي , وناجـر لنظريات لا يجمعها شئ سوى خيال مشـتت وغياب منهجية
بشبش دا زول لقطـة , وفرصـة بهدلتـه دائماً متوفرة
أحمـد الشايقي
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الاخ عبده
المشكلة ليست فى المثقفين بل المشكلة فى انصاف المثقفين من شذاذ الافاق
الاخ الشايقى حا اخد من ردك الاتى
| Quote: متجولـب ومتقولـب في قالـب هــلامي , وناجـر لنظريات لا يجمعها شئ سوى خيال مشـتت وغياب منهجية |
لاحظ انا اخذت الجانبى الفكرى لى نقدك ليهو
ودا البهمنا طبعا
هو كانسان انا ما بعرفو وكانسان ممكن ارتاح ليهو لو لقيتو فى مكان وانا ما عارفو
زى بشاشا بى ديماغوجيتو دى ممكن يعمل تشويش لقضية التعايش على الاقل فى داخل المنبر
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الأسـتاذ مـاجـد ..
تحياتي وتقديري ..
Quote: الاخ حسن
يبدو ان هذا الفضاء السايبيرى جعل من السهل على امثال بشاشا النيل
من المناضلين الحقيقيين
قلتا لى ما طلع فة مظاهرة
وكمان جاى يهاجم حميد
لا حولاااا |
أي والله العظيم ..
الكلام دا كتبو هو براهو ..
وأتحداهو أن ينكر ذلك ..
عشان كدا يا عزيزي ، زول جبان زي دا ما بستحق إنو يكون ند ..
زول لا يستطيع أن يدافع عما يؤمن به فائدة النقاش معاهو شنو ..
عشان كدا أنا قررت أفضحو لغاية ما يبقى راجل ..
ويعرف كيف يدافع عما يؤمن به ..
ولغاية ما يعرف أدب الحوار والاختلاف ..
مـع النقـديـر ..
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: حسين يوسف احمد)
|
كنت أتمنى أن يمر البشاشا من هنا ..لعله يبرهن هجومه غير المبرر على الشاعر الفذ محمد الحسن سالم .لكن كما نعلم هكذا البشاشا دائما يصطاد في المياه الراكده التي تكثر الطفيليات بها..ليربح صيدا يريح به ضميره المهترئ..
ايها البشاشا أرفع قلمك البذئ الذي لا يكتب إلا ناشز القول ..
فأنت أكثر من فطرت نفسه على الأهواء ...
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
| Quote: قاد هذه الحملة رائد الافريكانية العنصرية كمال بشاشا |
الجلابي المستعلواتي، ماجد حسون،
وبما انو بشاشا جلابي زيك، فكيف جاي تكسيهو كسوة العنصرية المفصلنها الجلابة علي مقاس البفتح خشمو من ضحاياهو؟
ولا قصدك مااسميتو بالافريكانية، عنصرية؟
برضو كيف يعني؟
يعني مثلا لمان تقول انا سوداني اي اسود او زنجي، فهل انت عنصري مثلا؟
ماعندك حميد شاعر الشايقية عامل فيها عربي، هل ده معناهو حميد عنصري؟
ماجمهورية السود معلنة بحد السيف عربية، قصدك دي عنصرية؟
ولا فقط لمان نرفض هوية غزاتنا النهبوها ناس حميد بي ليل، احنا نكون في نظرك عنصريين؟
جاييك لي كيانك الجهوي باعترافك.
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
بشاشا مرحب بيك
انتا قلتا
Quote: الجلابي المستعلواتي، ماجد حسون،
وبما انو بشاشا جلابي زيك، فكيف جاي تكسيهو كسوة العنصرية المفصلنها الجلابة علي مقاس البفتح خشمو من ضحاياهو؟
ولا قصدك مااسميتو بالافريكانية، عنصرية؟
برضو كيف يعني؟
يعني مثلا لمان تقول انا سوداني اي اسود او زنجي، فهل انت عنصري مثلا؟ |
منو القال ليك انا معترض على انك تقول انك زنجى
انا ليبرالى جدا ومسالة الهوية دى شان شخصى جدا
وبعدين ماانا قلتا ليك انا مؤمن انو العنصر الافريقى النوبى هو السائد عرقيا
يعنى المسالة دى ما اختلفنا فيها عشان تدقق فيها
ما اقصده بالعنصرية الافريكانية هو ما يعادل العنصرية العروبية او النازية او اى فكرة بتتبنى العرق كسبب للاتحاد او بتفترض ان الاخر ماممكن التعايش معاه بسبب عرقه
انا رغم ايمانى بسيادة العنصر النوبى فى دمائنا كشماليين فما بفرض رؤيتى على غيرى
يعنى المن الجبال وبقول هو عربى او الدنقلاوى البقول هو اصلا من النوير هو حر فى تعريف هويته
يعنى الحكاية كلها سجال ثقافى
| Quote: ماجمهورية السود معلنة بحد السيف عربية، قصدك دي عنصرية؟ |
اها دى مشكلة تانية فى فهمك لمفهوم الهوية
الهوية ما اعلان سياسى
وبعدين الفايدة شنو اذا انتا عايز تشيل الدولة الاسلامو عربية وتبدل بى دولة افريكانية
| Quote: جاييك لي كيانك الجهوي باعترافك |
فى الانتظار
| |
|
|
|
|
|
|
|
|
 Re: ارفع قلمك الممسوس عن حميد يا بشاشا (Re: ماجد حسون)
|
هذه قطرة من بحر حميد دعوة للسلام قبل أن يتم توقيع إتفاقية الجنوب.
مهداة للمعوق بشاشه لعله يفهم ويعرف من هو حميد الذي يتطاول عليه.
سوقني معاك يالحمام
شعر : محمد الحسن حسن سالم (حميد)
سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيب منام في منام
... ...
سوقني محل ما المحنة
وأيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيراب النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام
درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام
إذا الإنسان ما ليهُ قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل لينا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
... ...
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام
الشايقي
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
سلام أخونا ماجد حسون وكل المتداخلين
حميد لا يحتاج دفاعنا عنه ، قصائده وكتاباته هي خير مدافع عن حميد وعن بعده عن العنصرية ،،
اهتم دوما بالغلابة والمساكين من شعب بلادي وغيرها من شعوب الدنيا ،، كتب عن كل مسكين وعن كل العمال عن الشماشة وعن وعن وعن
هذا المدعو بشاشا اكثر عضو بسودانيز اون لاين لاموضوع له سوى انتقاد الآخرين وانتقاص قدرهم والتقليل من قيمتهم خاصة ان كانوا منتمين لاحدي قبائل الشمال بغض النظر عن أراء الشخص المنتقد فقط يكفي ان تكون من قبائل (الشايقية، الدناقلة ، الجعليين علي سبيل المثال وليس ا لحصر ، ) ليسن هذا الموهوم قلمه ويصمك اولا بالجلابي المستعلي ثم بعدها يبدأ مواله الطويل من الاتهامات بالعنصرية والاستعلاء ووكل الكلمات التي هو لا يعرف حتى معناها.
يظن نفسه اصبح محللا سياسيا وناقدا من الدرجة الاولى بعد أن اغتسل من أوساخ عرقه (كونه ينتمي لاحدي القبائل الشمالية التي يصفها بالجلابة) وبعد ان تحلل وتطهر منها انبري للهجوم عليها، وياليته كان على حق!!
| Quote: ماعندك حميد شاعر الشايقية عامل فيها عربي، هل ده معناهو حميد عنصري؟ |
حميد لم يكن في يوم من الايام شاعر للشايقية ،، بل ظل دوما شاعر للغلابة دون تحديد عرق معين او اثنية معينة ،، ولكن لأنك تريد ان تلصق به صفة العنصرية جردته من وطنيته الظاهرة لكل انسان (فيما عدا من كان بعينيه رمد) ووصمته بشاعر الشايقية ليظهر بأنه (فقط) كتب للشايقية .
شرووم
حميد بحر لا زعانف لك للعوم فيه ،، ابعد عنه ، وتفرغ لنشر تهمك وتفصيلها على من يستحقها.
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: شرووم)
|
أخ ماجد
مثلك أتساءل :
Quote: فلنسال السيد كمال ماذا قدم حميد لهذا الشعب واى شى قدمته انت ؟؟؟
قدم حميد عصارة دمه ودموعه للكادحين من الشمال والشرق والغرب والجنوب
ظل حميد يعيش التضييق والفقر بينما انت يا تولستوى السودانى ترفل فى حياتك الهادئة وترمينا بتنظيراتك السوداء !!!
هل لك اى موقف فى مقاومة الظلم والهيمنة ؟؟؟
هل صدحت بارائك هذه وانت فى السودان وتحملت ما تحملت كما فعل حميد, ؟؟؟
من انت حتى تقيم حميد ؟؟؟؟ |
ولا أجد إجابة !!!
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: بكري اسماعيل)
|
اخونا ماجد
وهل السيد بشاشا فاضي من الدعوه لخفاض البنات والتبشير به
قد يكون اخطى استاذنا حميد ... وقد لا يكون
لكنه يظل حميد ان اخطئ او لم
ومعروف حميد شنو ..!
وغير معروف من هو بشاشا ..!
عينة بشاشا ده الانترنت جاتو في صمة خشمو ، ولقي ليه حته يكتب فيها وتجدع على ناس صنعت اسماءها بمجهودها الوافر ، وسرح ومرح واعتبر نفسه خلاص ساواهم وبقى زيهم وقايله روحو قبه تحتها فكي
وما بشاشا الا نكره خارج اسوار سودانيز اون لاين
وحميد معلوم معروف لكل الشعب السوداني
ربطك الاسمين في عنوان واحد فيه اجحاف في حق شاعرنا الكبير حميد
مافي شي بلهم مع بعض حتى عنوان بوست بدافع عن حميد
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
| Quote: ما اقصده بالعنصرية الافريكانية هو ما يعادل العنصرية العروبية او النازية او اى فكرة بتتبنى العرق كسبب للاتحاد او بتفترض ان الاخر ماممكن التعايش معاه بسبب عرقه. |
الجلابي حسون،
اللعثمة بدت عليك، قبل مانبدا حتي!
لو رافض "العرق سبب للاتحاد" حسب كلامك الخارم بارم ده، فهل جامعة الدول العربية تنظيم نازي مثلا؟
ولا الاتحاد الاوربي مثلا، او جمهورية السودان اواثيوبيا؟
كلامك خارم بارم لي سبب بسيط:
انت ماقاصدو اصلا، او ده شغل استهبال منك والسلام لانك بدورك متوهم عروبة، والوجعك، والواجع الملمومين هنا معاك هو رفضنا للوهم ده واصرارنا علي ان نكون انفسنا، اي سودان، اي زنوج!
انتو ككارهين لذاتكم الذنجية، ماعايزين كده!
دي خلاصة مشكلتكم مع بشاشا، كان جلابة، ولا مجولبين، كان كيزان، بعاعيت بعث، ولا شيوعيين!
لوكنت فعلا ضد "العنصرية العروبية" ذي ما بتدعي طق حنك او ذر رماد، بوستاتك كان شفناها، مارقة في السهلة، ضد محارق تطهير كيان حميد بتاعكم، لي غير اعضاء الكيان، في الجنوب، في الجبال، والان في دارفور!
من وين ليك البتسميها، "افريكانية" بترفض التعايش مع الاخر؟
اي اخر ياهذا؟
مافي اخر في ديار الزنج ياهذا، اصلا عشان مانرفض التعايش معاهو!
شفت كيف انتو بتسقطو خزعبلاتكم، علينا؟
البنرفض التعايش معاهو، هو بالضبط وهم حميد بتاعكم ده، انو عربي!
لومصرين، فكو اسر بلدنا من اوهام عروبتكم دي، اوشوفو لوفي زول قال ليكم تلت تلاتة الوهم ده، كم؟
مكوشين علي البلد اوفارضين علينا هوية اسيادكم، بحد السيف، او بعده تسوو لينا "رفض التعايش"؟
علي منو، كلام الضحك علي الدقون ده؟
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
العزيز بشاشا.
شايف الجماعة أتلموا هنا كيف؟
بقايا البعث والناصرين والكيزان وبعض الشيوعية.
يعني في النهاية القصة عنصرية في عنصرية.أنا وأبن عمي على "الغريب"
وهناك بعض الاخوة الذين فتحوا بيت بكا عديل كده, تحسرا على الشاعر العنصري اليساري حميد.
دينق.
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
الحبيب دينق،
قريت اخر الاخبار؟ ياحبيب وشهد شاهد من مؤسسي الكيان! نعم فاروق كدودة قال كيان حميد ده، جهوي او عنصري كمان! حول ولاقوة!
خدك النص والمصدر:
فاروق كدودة ـ لا صلة لي بكيان الشمال
الخرطوم ـ مصعب محمد علي:
نفي د. فاروق كدودة عضو اللجنة المركزية بالحزب الشيوعي صلته بالتحولات التي تمت لكيان الشمال من جسم يعبر عن قضايا المنطقة إلى كيان جهوي وعنصري، كمان!
المصدر:
Re: بيان من كيان الشمال
مبروك ياحبيب، المنبر سلفا اصبح صانع وموجه للراي العام!
دي نقلة كبيرة جدا!
الباشمهندس بكري، الف مبروك!
| |
|
|
|
|
|
|
|
|
|
Re: ارفع قلمك الممسوس عن حميد يا بشاشا (Re: ماجد حسون)
|
Quote: الجلابي حسون،
اللعثمة بدت عليك، قبل مانبدا حتي!
لو رافض "العرق سبب للاتحاد" حسب كلامك الخارم بارم ده، فهل جامعة الدول العربية تنظيم نازي مثلا؟
ولا الاتحاد الاوربي مثلا، او جمهورية السودان اواثيوبيا؟ |
بالله شوفو جنس اخرمجة دى
انتا عارف كويس قصدى شنو
فى فرق بين الاعتزاز بالقومية وبين تبنى عرق معين لى مفاهيم تفوق او حق الهى او تاريخى
يعنى شوف
عبارات زى (المانيا فوق الجميع) او (ابناء الرب شعب الله المختار) او ( امة عربية واحدة ذات رسالة خالدة) وتجى انتا تقول ( دولة كوش هى اساس الحضارة)
بختك فى خانة واحدة معاهم
ما هو ما ممكن بعد دا كلو تكون ما فاهمنى
Quote: كلامك خارم بارم لي سبب بسيط:
انت ماقاصدو اصلا، او ده شغل استهبال منك والسلام لانك بدورك متوهم عروبة، والوجعك، والواجع الملمومين هنا معاك هو رفضنا للوهم ده واصرارنا علي ان نكون انفسنا، اي سودان، اي زنوج! |
يعنى احلف ليك طلاق انى ما متوهم عروبة
مشكلتك يا بشاشا انك انتا ماعارف عايز شنو ورؤيتك للحال الاجتماعى والسياسى
على الاقل انا عارف روحى عايز شنو
نظام علمانى ليبرالى يقوم على احترام التنوع وحقوق الانسان
ويقوم بتوجيه التنمية للانسان
وبعد داك ما اظن فى داعى للكيانات دى كلها
بشاشا انتا عايز شنو؟
| |
|
|
|
|
|
|
| |
ماجد حسون
Ahmed Mohammed Osman
hatim
Bashasha
Al-Shaygi
شرووم
Bakhaf
Deng
Tragie Mustafa
فيس بوك
تويتر
انستقرام
يوتيوب
بنتيريست