|
|
 يا شعباً لهبك ثوريتك
|
يا شعباً لهبك ثوريتك
على أجنحة الفجر ترفرف
فوق أعلامك
ومن بينات أكمامك
تطلع شمس أعراسك
يا شعباً لهبك ثوريتك
تلقى مرادك والفى نيتك
عمق إحساسك بحريتك
يبقى ملامح في ذريتك
ماكَ هوين سهل قيادك
سّيد نفسك مين أسيادك؟
ديل أولادك
وديل أمجادك
ونيلك هيلك جري قدامك
وتحت أقدامك
رجع صداك وسجع نحاسك
إنت نسيج الفدى هندامك
وإنت نشيد الصبح كلامك
وعطر أنفاسك
أرفع صوتك هيبة وجبره
خلى نشيدك عالي النبرة
خلى جراح أولادك تبرأ
كبروا مكان الضحكة العبرة
إلاّ يقينهم فيك إتماسك
يا الإصرارك
سطراً سطراً ملا كراسك
محجوب شريف
|
|
 
|
|
|
|
hanadi yousif
عاصم ابوبكر حامد
lana mahdi
فيس بوك
تويتر
انستقرام
يوتيوب
بنتيريست