|
ضربات جزاء !
|
اقتربت مسيرة الاربعاء التى يتوعد بها معارضى الانقاذ الحكومة والتى ستخرج تحت عنوان وحجية (رفض الزيادات ) وهذا هو السبب الظاهر والمعلن بيد ان الخفى منها ان الصادق المهدى وبعد تصريحات د.نافع (الفظة ) وما بين القوسين تعبير دقيق لان تلك التصريحات وغض النظر عن اى اراء فى القوى السياسية الاخرى كانت (مستفزة ) ولا تلقى هكذا ، المهم ان الحبيب الامام وجد نفسه فى وضع حرج فاما ان يبتلع (اهانة ) نافع واما ان يرد عمليا بمظهر ومسلك لاستعراض القوة يحفظ به هيبته فى صفوف المعارضة ويجمل به صورته اما (المجتمع الدولى ) الذى صار زاهدا فى خير ياتى من (جماهيرية ) المعارضين بالخرطوم . والمعلومات المؤكدة تقول ان (سيد صادق ) نصح من بعض مساعديه بعدم الانجرار فى (فخ منصوب ) لاستفزازه مخافة ان يفشل الحزب فى حشد (محترم ) وبذا يكون قد وجه لنفسه ضربة قاضية وفى رابعة النهار ويكون الامر مثل فرص كسب مباراة بضربات الترجيح وما يصاحبها من تشنج وتوتر ، بروز هذا الهاجس حمل المهدى على الاتصال بالشعبى للتنسيق لجهة احتياج المسيرة لتنظيم فاعل ويمكن ان يسهم فى تحريك الشارع بقدر ملحوظ وهو ما يجيده حزب الترابى النشط فى تنظيم الاسر والخلايا بالاحياء الشعبية ، خطوة حزب الامة اوقعت خلافات لم يتم احتوائها حتى الان جراء احتجاج قيادات حزبية ترى ان اى نجاح تنجزه المسيرة قد ينسب للشعبى وشق الاسلاميين المناهض للسلطة وربما يقود الامر لتكرار تجربة (ابريل ) حين خرج الاسلاميين من مايو ليكسبوا الانتفاضة رغم انهم اخر الذين خرجوا على نميرى ! الحزب الشيوعى ينظر لما يجرى بفتور ولم يحسم بعد ( الى الان ) موقفه من المشاركة الفاعلة وكان اخر توجيهاته للجان العاصمة ان خيار المشاركة (شخصى ) فمن رغب فليذهب ومن ابى فلا تثريب عليه وحتى المشاركة فى (الندوة ) ثمة اقوال عن ان نقد لن يتحدث فيها بمنطق ان موضوع الندوة (الزيادات ) صار مسالة منتهية وان الحزب شرحها وقالها فى حينه ( حنقول شنو ) .. الحركة الشعبية (ناس سلفاكير ) تنظر متفرجة ولا يهمها على اى جنب انتهت المظاهرة والمسيرة المرتقبة وان كانت قد اعدت بيانا ثوريا تشجب فيه تعامل السلطات مع الحدث - فض استدعاء اعتقال - رغم ان نواب وزير الداخلية والامن من كوادرها واعضائها !
|
|
|
|
|
|
|
|
Re: ضربات جزاء ! (Re: محمد حامد جمعه)
|
Quote: بروز هذا الهاجس حمل المهدى على الاتصال بالشعبى للتنسيق لجهة احتياج المسيرة لتنظيم فاعل ويمكن ان يسهم فى تحريك الشارع بقدر ملحوظ وهو ما يجيده حزب الترابى النشط فى تنظيم الاسر والخلايا بالاحياء الشعبية |
يعنى المباراه فيها تطعيم للفريق المعارض بلاعبين محترفين .
| |
|
|
|
|
|
|
Re: ضربات جزاء ! (Re: محمد حامد جمعه)
|
Quote: وربما يقود الامر لتكرار تجربة (ابريل ) حين خرج الاسلاميين من مايو ليكسبوا الانتفاضة |
متيييييييييييييييييييييييييييييييييييييييييييين؟؟؟؟
| |
|
|
|
|
|
|
Re: ضربات جزاء ! (Re: hassan bashir)
|
الاخ محمد جمعة
أولاً المباراة ستنتهي دون ضربات جزاء بهدف يشترك فيه اكثر من لاعب
ثانياً ليس بامكان نافع مجاراة السيد الصادق في اي شيئ
لو كان للرجل اخلاق من باب اولى إحترام رغبة السيد الصادق والاخرين في التعبير عن ما يريدونه
لما الخوف والجقلبة؟
| |
|
|
|
|
|
|
Re: ضربات جزاء ! (Re: حيدر حسن ميرغني)
|
Quote: ويمكن ان يسهم فى تحريك الشارع بقدر ملحوظ وهو ما يجيده حزب الترابى النشط فى تنظيم الاسر والخلايا بالاحياء الشعبية |
الأخ محمد حامد
إنت شغال في
Congress Sugar Coating Factory
وللا أنا غلطان؟
| |
|
|
|
|
|
|
Re: ضربات جزاء ! (Re: عمر الفاروق)
|
..
هي ضربات جزاء ولا ضربات ترجيحية ؟؟؟...
في مقاعد فاضية في المقصورة الرئيسية في المباراة دي :
كيف قتلوا اهلنا في أمري ... فـيديـو..
نشوف كيزان بني قريظة حيشجعوا منو ؟؟؟
بلـــــنتي :
سعادتك المباراة بين البشير وعلى عثمان وصلت الضربات الترجيحية ولامازالت في الزمن الاضافي?
ضربة ركنية :
مسيرة الحشد الحكومية و الدبابين هل منعت مجلس الامن من اصدار قرار نشر القوات الامميةفي دارفور ؟؟
..
| |
|
|
|
|
|
|
إنتباه! (Re: محمد حامد جمعه)
|
Quote: بروز هذا الهاجس حمل المهدى على الاتصال بالشعبى للتنسيق لجهة احتياج المسيرة لتنظيم فاعل ويمكن ان يسهم فى تحريك الشارع بقدر ملحوظ وهو ما يجيده حزب الترابى النشط فى تنظيم الاسر والخلايا بالاحياء الشعبية |
السيد (جمعة) ما دبج هذا المقال (المفوه) إلا ليرسو بنا على شطئان الفقرة أعلاه لتثبيط همم المساندين للمسيرة بإدعاء أن الشعبي وراءها! قديييييييييييييييييييييييييييمة!!!!!!!!
| |
|
|
|
|
|
|
Re: إنتباه! (Re: lana mahdi)
|
Quote: السيد (جمعة) ما دبج هذا المقال (المفوه) إلا ليرسو بنا على شطئان الفقرة أعلاه لتثبيط همم المساندين للمسيرة بإدعاء أن الشعبي وراءها! قديييييييييييييييييييييييييييمة!!!!!!!! |
والجديد فعلا ان مفاوضات ( مطولة ) ظلت تجرى مع (الشعبى ) ليشارك ويدعم المسيرة ، وبالمناسبة حتى الشعبى رفض بعض قادته الفكرة من جانبهم بقول شائع بين الاسلاميين مفاده ان الصادق المهدى لا يمكن الوثوق به وقد (ينط ) فى اى لحظة تاركا الاخرين فى مواجهة مصيرهم
| |
|
|
|
|
|
|
Re: إنتباه! (Re: lana mahdi)
|
غايتو يا سعادتو الايام دي كتاباتك بتذكرني بي قصة الزول المشى للجماعة البقعدوا قدام المحاكم ديك وقال لي واحد منهم أكتب لي شكوتي دي. بعد الكاتب كتبها وأداها اتنين كلتش قام قراها لصاحب الشكوى الذي انفجر باكياً. لمن الكاتب سألوا مالك يازول بتبكي ؟؟ قال ليهو والله أنا ماكنت قايل نفسي مظلوم قدر دا.
فاسي ناس صلاح قوش لمن يقروا كلامك المهبب القاعد تكتب فيهو دا حيقوموا يضحككو بالفرح باعتبار إنهم ماكانوا قايلين نفسهم قويين قدر دا.
المهم إنت عشان تخلي العداد رامي كويس وما تضيع حق الوليدات ساكت حاول أوزن الكلام. يعني ما يكون فيهو مكنات مامقسمة وعارفينها ناس قوش ذاتم. فكدي حتكون زول عبيط قدامهم وحتلقى نفسك بشلوت واحد على المؤخرة في الشارع. والله بعد داك إلا تسوق ليك ركشة.
| |
|
|
|
|
|
|
Re: ضربات جزاء ! (Re: Bakhaf)
|
يا جمعة ده اخر سلاح للمواجة منكم ان تنسبوا نجاح المسيرة في حين نجاحها للشعبي انا في دار حزب الامة الان... وما شايف اي واحد شعبي هنا و الشيوعيين موجودين بكثرة... غايتو اسلحتكم انتهت خلاص
| |
|
|
|
|
|
|
|