|
|
|
 Re: حلتكم بقت البندقيه يا تمس (Re: willeim andrea)
|
وكمان اضاءه علي الضفتين.... وقالوا قريب شديد الاسفلت والمساحات الخضراء.... جد الصوره حلوه شديد ونقله جد متقدمه واليومين ديل مع الفيضان.... ناس تسبح وناس في لنشات... وناس تصيد سمك وناس جايه من البعيد للراحه والاستجمام
| |
 
|
|
|
|
|
|
|
 Re: حلتكم بقت البندقيه يا تمس (Re: willeim andrea)
|
| Quote: غايتو تعال وشوف بعينك وبالمناسبه دي عازمك رحله بالانش وشوية تسالي كمان |
يا وليـــم..
رحلة وكمان باللنش ؟؟
يعني مراكب مافي ؟
تعرف لما تجيب سيرة البحر دي أخوك بتمسكو الحالة القديمة ولحدي الان ما عايز أتصور شكل المكان بيكون عامل كيف مع التطورات الجديدة...؟!
وما عايز اكون ضد الحداثة .. لكن انامع الراي القديم جدا من بداية فكرة المشروع ده ونحن شفع لسه بنلعب في خور ابوعنجة .. لما البحر يزيد ويتذكر كيف كنا بي حركات الشفع الصغار بنحفر للبحر من أول ما يطلع من الكبري الصغير ويوصل اول مدرسة المؤتمر لحدي ما يصل سلالم شيخ قليج .. وكنا بنقيس الارتفاع بعدد السلالم..
تعرف يا وليم الغريبة المشروع ده من أولو لاقي رفض شديد جدا من ناحية فطرية وحسب ارتباط الناس بالذكريات الجميلة .. ودعم الفكرة دي البحوث الجيلوجية الاتعملت في الوكت داك واثبتت انو المشروع ده مضر اكتر من ما هو نافع لكن ما عارف الجد شنو ..؟ والا الحصل شنـو؟
خور ابوعنجة يا وليم ذكرياتنا فيهو جميلة جدا .. وحسع لما قلت لي ( شعيب ) أخوك سرح كده لمن ( ضاق ) طعم البلطي بالشطوط  ..
بلاي يا وليم اسعفني بالصور الواضحة .. واعزم أخوك فطور سمك من شعيب ولو من على البعد ..
متابع معاك يا وليم وهنيالكم ..
| |
|
|
|
|
|
|
|
|
|
Re: حلتكم بقت البندقيه يا تمس (Re: willeim andrea)
|
في ذاك النهار الحار في اواسط اغسطس وقبل الفيضان ... كنت اتابع بنظر ذاك الفنان وهو في اعلا السقاله... وهو يطلي ماذنة المسجد في الجزء الجنوبي من الخور...... وكم كنت ادعو لهو بالتوفيق لقد كان يعمل وحيدا في ذاك الارتفاع وفي تلك السخانه الخرافيه... واليوم بعد الفيضان اصبح ذاك المسجد الابيض امتداد للروعه ...ياسلام ودي دي الوقت وفي الجانب الغربي من الخور مسجدين واحد في الجزء الجنوبي والاخر في الجزء الشمالي وكم اتوق لاراء الصوره كامله مساحات خضراء واسفلت وكباري تعبر الخور.... جد نقله نوعيه في تلك المنطقه العريقه....
| |
|
|
|
|
|
|
|
|
|
Re: حلتكم بقت البندقيه يا تمس (Re: willeim andrea)
|
اتصور معاي.... ان تمارس رياضة المشي او الجري ... حسب القدره والنشاط... حوالي الخور من من شارع المورده الي الاربعين وبالعكس... اكيد مشوار صحه وعافيه.. في دوره كامله ... مش احسن من ما تضرب مشوار الي كورنيش النيل عشان نفس الموضوع... اها بختكم ياناس العباسيه والمورده غرب بقيتو احلي من ناس قارن ستي 
| |
|
|
|
|
|
|
|
|
|
Re: حلتكم بقت البندقيه يا تمس (Re: willeim andrea)
|
يا وليم الفيكم إتعرفت ..
يعني العزومة دي ما ينوبنا منها جانب ..
التطوير شئ مهم في حياة الإنسان ودا شئ طبيعة بالنسبة للأمم ..
بس ما يكون على حساب الغلابة ولحساب المتاجرين في قوت الغلابة ..
يعني عمل كهذا وقريب من أكبر مستشفى في أم درمان كان الأولى به هذه المستشفى وهؤلاء الغلابة ..
هذه الحدائق وهذه المطاعم ليست لله ولكن بقروش وللذي يملكها فقط ..
أهلنا هناك يا وليم لا يجدون حق الدواء ويعانون الأمرين ..
لو نظرت لمشتشفى أم درمان من الخارج ولخور أبي عنجة بعد التطوير ح تحس بالفرق ظاهر ..
ح تشوف مستشفى آيل للسقوط عبارة عن خرابة ..
نتمنى معك أن يكون بلدنا كله جميل وليس خور أبو عنجة فقط ..
كن بخير ..
| |
|
|
|
|
|
|
| |
willeim andrea
عاصم ابوبكر حامد
tmbis
معتصم دفع الله
فيس بوك
تويتر
انستقرام
يوتيوب
بنتيريست