|
|
 نازك , عماد, خضر .. وآخرون
|
فى اتصال بغرض آخر
كانت فى الخط نازك
كيفك
منو انت
ما يهمك
عرفتنى من باقى الصوت المجروش
جاية من قسم الشرطة بضمان
والمحكمة يوم السبت
بالله
خلاجنى احساس مناضل كيبوردى عجوز بتكلم مع شابة
طالعة من وسط البنبان
وحصار العسكر
معتقلة
لا مستجوبة
باعتزاز
قالت لى قاعد فى امريكا وبتسأل عن حالنا
خجلت
حاولت اغير مسار النقاش الحرج
عايز تلفون صلاح
...
وكيف حال خضر
فكوه بضمانة
وكمان عماد...
فى لحظة فقدت
اتذكرت
انتفاضة ابريل
يوم 27
28
وكنت مشارك فى اول مظاهرة
وكان لازم اسافر لمقر عملى
وكنت فى مطار الخرطوم
الطائرة التى اقلت السفاح وزوجته بثينة كانت تقف وكم من الشنط
ونشاط غير عادى
ولمن وصلت محطة عملى
كانت الخرطوم تشتعل
i missed that point
بقت عقدة
اعيش لحات المخاض
ولا اكون فى لحظة الميلاد
احساس محبط
يا ريت لو كنت معاكم
لكم جميعا حسنات النضال الحى
شكرا لمن يده فى الحارة
وكلام مغطط
فارغ وخمج
وقال انتهت المعارضة
طيب ما تستغيل يا ثقيل
وفر عرق محمد احمد
الحرب وقفت
المعارضة ماتت
بتاخد مرتب ليه
اذا مطلبات وظيفتك انتفت
كن عفيف
وقول ما فى داعى
حرام على ان اتقاضى اجر بلا عمل
اما... من يدفع لهم
اجر الملاحقة لمناضلى الكيبورد
فل يعلنوا انهم انتصروا
وانتهت مهمتهم
وليحترموا انفسهم
ولينتظروا لحظة الجزاء
من سلطة الدم
او سلطة الشعب
وما اسهل التنابذ
ومن لم يستحى فليقل ما يشاء
الكلام ما بقروش
ولكن ميزان العفة
ميزان دهب
ولكل منا لسان
وزخيرة وافرة من ساقط الكلام
ولكن ميزان الاحترام
هو الذى يعبر عن دواخلنا
ويسيطر عن تصرفاتنا
فان لم تستحى فقل ما تشاء
انه عهد ظلامى قمئ
حسبى الله ونعم الوكيل
|
|
 
|
|
|
|
|
| |
sharnobi
Mustafa Mahmoud
فيس بوك
تويتر
انستقرام
يوتيوب
بنتيريست