|
Re: سلام علي ناس ال Ruhegebiet .... أنا قادم جديد (Re: Ridhaa)
|
الاخ نصار ربنا يتمم على خير لقد سكنت من قبل فى مدينة دسلدورف وبها شباب سودانين ممتاذين كذلك مدينة بون وكولن وكثيرآ ما كنت اذهب لاستجم فى شقة صديقى محمد مامون عوض ابوزيد فى مدينة بوخوم وم أعمدتها دكتور عبدالقادر الذبير باشا سوف احاول الاتصال عليك ان سمحت ظروفى كما سوف احاول ان احصل لك على بعض تلفونات الشباب هناك.
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: Saifeldin Gibreel)
|
العزيز سيف جبريل الف شكر نعم قريت ليك عن ذكرياتك في المانيا و الله يا ريت نتعرف علي الشباب ديل و طبعا ال NRW عامرة بالمدن الكبيرة المتداخلة في بعضها انا كنت في الشمال في هانوفر و جيت هنا جديد سامع عن بعض الاخوة لكن ما اتمكنت من معرفة وسيلة اتصال بهم ياريت تشرفنا باتصالك او ترك رقمك للاتصال بك
تحياتي
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
العزيز برير
اشواق اشواق
و الله اسكت ساكت حالي يغني عن سؤالي و اسع دخولي النت دا حراق روح مني ساكت علي وزن ان اتكومت عليك الهموم ادمدم نوم لكنها مشغوليات كويسة و ربك يهونا
غيابي الكتير الظاهر خلي الناس تنساني و كمان في شباب و شابات دخلوا في فترة غيابي عبرك اسجيهم التحايا
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
علاءالدين شخصيا
كيف دنياك
انا رحلت Bochum قريبات, والسودانين الهنا لسه بسمع بيهم سمع
عموما, انا كالعاده مفلس, حاول تضرب انت في النمره 01797011826 او
02343229628
دقيقه
قبال تضرب
ما تقول ما عرفتني غايتو للضمان انا عمرو قعدت معاكم في
Hannover قريب السنه
أتوقع تلفونك
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
الأخ الحبيب علاء الدين أهديكم أغنية مشاويرك عديلة محل ماتقبل للفنان صديق أحمد
لمن لايعرف نصار : رجل مرهف ..مخلص ..أحد مخضرمي هذا العالم السايبيري وأحد رواد البالتوك رجل موضوعي يحترم آراء الآخرين .. سلس لاتمل عندما يتحدث اليك ... همه الوطن .. الأهل وصاحب ذكريات خصبة .. أكتب وأكتب ولن أوفيه حقه ..
دعواتنا لكم بالتوفيق محل ماتقبل ..
خالص تحياتي
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
اخي نصار
شكرا لك اخي.
و لا تقلق علي:
Quote: شايف بعض التضييق الموجه لك اتمني ان تترفعي عنه و الطريق طويل و شاق فعلينا ان نركز عزمنا و نظرنا الي الامام |
في اشكال بتجي تتونس في البورد
ولما يكون في زمن بجي اتونس معاهم شويه
عشان يحسوا انهم مهمين فلا تقلق علي.
ابو جهينه عندو بوست بيسأل منك اعتقد اسمه:اين هؤلاء؟؟؟
يا ريت تطمأنوا عليك.
تراجي.
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
العزيزة تراجي
ربك يهون القواسي فالحكاية باظية جدا و عاوزه معجزية و دا بتوقف علي-- هل لدينا القدرة علي الاتيان بها؟
ابو جهينة راجل فاضل و ليس مستبعد أن يتفقد اخوته و اخواته لكن مشكلتي أن واق في ظل المطر فالسحب تدفق ماءها في اراضي اخصب يفلحها بحذق العزيز
تحياتي لكم جميعا
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
علاء الدين نصار او الديبة اخي وصديق العمر مع رفاق يطيل الحكي عنهم
منهم طارق الخير وعادل طيفور عليه الرحمة معجب بطرحك وهمك اليوماتي
علي جراحات الوطن ودخول ابليس الي سدة الحكم وطرح مشروعه القذر
احتراب وتقتيل وتشريد وتجويع واذلال لانسان السودان مع مسحه بايات
واحاديث لزوم فتح الدماغ وبعد ذلك تنزل جبهة الابالسة التي شوهت
الحياة سمومها
حللت اهلا علي مدينتك الجديدة ولك مقدرة في تحييد الاعداء وخلق
البهجة والمسرة في نفوس الاصدقاء واصل النت مليان باخوات نسيبة
واخوانها يحاولون افشال مساحة الحرية وسماحة التعبير ابقي
لكي نكشف مدي زيفهم ودجلهم وهن
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: Sabri Elshareef)
|
العزيز صبري
تعريف اليومين ديل قاعد امارس في تمارين الذاكرة اتذكر في ناس انور هجو و اسامة الطيب ايام المذاكرة لامتحان الثانوي الكانت بتتحول كل يوم لونسه للصباح ناس طارق الخير و فرح نوري و اولاد فقيري و عصام الشيخ و ناس حافظ الشيخ مرة شفت بدر الدين اخوهو عاملين معاهو لقاء في الفضائية السودانية،، ناس ياسر كودي..شايف اخونا عصمت الدسيس ناشط و مفكر سياسي قريت عنه كتير هنا و في صفحات تانية في النت في فترة غيابي عن المنبر حاولت استحدث طريقة تتناسب مع ظروفي و تتيح لي التواصل بالتسجيل الصوتي لكن الفكرة ما لقت قبول... مرة عملت تسجيل عن ذكريات كان محورها صداح و محاولاته للدخول بنا لعالم المسرح بعمل من تأليفه لكن امير التلب ضيع علينا الفرصة، بحاول انزل التسجيل هنا...بمناسبة اخوات نسيبة اخوك زاتو بقي اخو نسيبة فالحاج بعد وفاة الوالدة رحمها الله تزوج و انجب بت سماها نسيبة.. فكرة انه عندي اخت طفلة صغيرونة عاجباني خالص مثل لو واحد سألني عمرك كم بقول ليهو اختي البعد البعدي عمها 5 سنة، شفت النعمة دي.... يا عزيزي التطورات الحاصلة في البلد اليومين ديل يا رجعتنا لاهلنا يا خلتنا باقي عمرنا نحاول نرجع بلد رايح و ربك يكضب الشينة شكرن يا حبيب لاسترجاعك لهذه السير العطرة
تحياتي لصداح
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
علاء الدين نصار او الديبة اخي وصديق العمر مع رفاق يطيل الحكي عنهم
منهم طارق الخير وعادل طيفور عليه الرحمة معجب بطرحك وهمك اليوماتي
علي جراحات الوطن ودخول ابليس الي سدة الحكم وطرح مشروعه القذر
احتراب وتقتيل وتشريد وتجويع واذلال لانسان السودان مع مسحه بايات
واحاديث لزوم فتح الدماغ وبعد ذلك تنزل جبهة الابالسة التي شوهت
الحياة سمومها
حللت اهلا علي مدينتك الجديدة ولك مقدرة في تحييد الاعداء وخلق
البهجة والمسرة في نفوس الاصدقاء واصل النت مليان باخوات نسيبة
واخوانها يحاولون افشال مساحة الحرية وسماحة التعبير ابقي
لكي نكشف مدي زيفهم ودجلهم وهن
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
الأخ نصار تحياتى و تمنياتى لك بطيب الاقامة فى حلك و ترحالك زمان كنت كل ما أشوف اسمك أتذكر الزول العلمنى أنزل الصور (او بالأصح أرفعها) هسة بقيت لما أشوف أسمك أتذكر أستاذى العزيز عثمان أحمد الطاهر أمنياتى له و لك بموفور الصحة و العافية
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: ALGARADABI)
|
العزيز القرضابي
انت زول عينك نجيضة تب اتذكر انك كنت بتقول لي انك شايفني و انا زول صيدي ناجع ضارب اركان الارض لكن ما استغربت لاني من المستحيل اقابل ناس لاول مرة ما يشبهوني علي كم زول و بعضهم بسلم علي بحرارة و يناديني باسم ثلاثي بس ما اسمي قبل فترة كنت في هولندا مع اخونا عضو المنبر ضياء الدين ميرغني كل ما نكون ماشين محل بذكرة بحكاية تشبيه الناس لي و ما حصل الحكاية جلت... لكن انت تشبيهك ما مشي بعيد فالراجل قريبي جدا
تحياتي
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
العزيز / نصار وهذا قلم صديق يفتقد نضال الصوت املى ان تجد ما تريدة وان نجدك بيننا باستمرار ما طول الغيبة الحال مائل وسلطة الجبهة توسع من حزام القهر لنكن يدا واحدة ضد التعسف ضد التجويع ضد الترويع ضد سلطة الجبهة الفاسدة معا من اجل سودان حر ديمقراطى تحياتى .... كن بخير
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
الغزيز النسر
اشواق و اشواق
ما انبل ان يجمعنا حب الوطن هذا الحب الذي يكاد ان يفني الاجساد التي تحول عوارض شتي دونها و دون الحركة في الاتجاه المطلوب،،، يا صديقي (الاشرار) يفوقون الاخرين باستخدامهم اي سلاح بدون (فرز) و لا معايير اخلاقية او غيرها لان حربهم حرب شهوات و رغائب و هي ادني و احط ما في النفس الانسانية _هذا ان كانوا ما زالوا يمتلكون من الصفات ما يبرر لنتماءهم للانسانية اصلا_........ لا اغيب عن هذا المكان العامر بكم الا اذا لم يكن لي دون ذلك خيار...
تحاتي عزيزي
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
الناصر علاء الدين
عندنا ليك(نيران صديقة)
اجمع هنا. تمم و قول لينا كنت وين؟
ولكن..
غيب و تعال تلقانا نحن يانا نحنا لا بدلتنا ظروف لا هزتنا محنة
رحم الله فنانا الكبير هاشم ميرغني.
الله يتمم عليك بالخير و السعادة و الارقام المفيدة.
التوقيع اباتشي
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
وبعدين يا ثروت انا قايل عندي اصحاب كتاااااااااااار في حوش بكري دا واحدين قبل بنايت الحوش و واحدين بعد كدا ابو القاسم محمد ابراهيم مع بدايات الانتفاضة كان في جولة في الجزيزة علي ما اعتقد لمان سمع بانه الحكاية بايظة في الخرطوم و شاف الحال في مدني.. مشي الخرطوم و عاوز يفرمل الانتفاضة قام دعي لما سماه مسير الردع علي اساس يقلب الموازين اها صاحبك لما ناش الاتحاد الاشتراكي و بدوا يهتفوا بحياة نميري و مايو و زول قاليهم عينكم في راسكم مافي صاحبك زعل بدي يبرطم.. قاليهم انت البلد دي ما فيها قوي شعب عاملة؟ و واحد فنان طشم شديد و لمان طلع المسرحة كلما يمسك المايك يقع منو و الجماعة يرفعوهوا ليهو لما الحكاية اتكررت قال للحضور بتجروا مني المايك ليه انا ما اخوكم؟؟ و نحنا كلنا اخوان موش؟
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
Quote: لما الحكاية اتكررت قال للحضور بتجروا مني المايك ليه انا ما اخوكم؟؟ و نحنا كلنا اخوان موش؟ |
الحبيب والمناضل الفاضل نصار, أمنياتنا لك بحياة كريمة وطيبة وسعيدة فى بلدتك الجديدة هذه، وسائلين المولى أن يرد غربتك و غربتنا، ونعود لوطننا الحبيب، بعد سنين الشتات التى فُرضت علينا، ونعيش فى سلام ووئام، تحت ظل حكم ديمقراطي.
ولك أجمل المنى
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
العزيز سيف جبريل
كم كانت لفته بارعة و ودودة ان تجهد نفسك باتصالات مرثونية مع الاخوة في منطقتي الجديدة و قد سعدت جدا باتصالي بي و ربنا يديم المودة و الاخاء. ان شاء الله بعد عودتي بصحبة زوجتي من فرنسا سوف اتصل بالاصدقاء الذين اعطيتني اراقم هواتفهم و نحن كسودانيين اصدقاء افتراضيين ينقصنا التلاقي لنصبح اصدقاء و اخوة...
ابقي عافية
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
نصار
كيف يازول امورك مشت, وحمد الله على السلامه "اتموسفيريا, الى حين لقاء"
انا زي ما اتفقت معاك, كان المفروض اجيك يوم السبت الصباح, لكن حصلت
ظروف واتأخرت,
ووصلت Essen أربعات وضربت ليك تلفون في البيت عشان اوريك حصلك الساعه
كم بالضبط لكن جاني الـ answer machine
عموما, سمعنا صوتك وورينا أخبارك
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
الأخ الصديق / علاء الدين نصار
ألف مبروك الزواج - لو ركزت شوية حا تعرف اخوك دا منو. كنا ساكنين سوياً في بومباي - Worli Sea Face في بيت الهندي (ساوانت) كان معانا احمد عبدالله وحمدي بولاد وابومدين عزالدين. في ليلة من الليالي جاءنا شباب من مدينة بونا وكانوا مسافرين السودان عن طريق مطار بومبي وماكان عندهم حق التاكسي ولمن انا فتشت ما لقيت حق التاكسي قمت فتشت جيوب اليناطلين المعلقة في الشماعة ولقيت 50 روبية في جيبك وشلتها واديتها لي الجماعة عشان يسافروا لي امهم وابوهم فرحين. (طبعاً كلمتك في صباح اليوم التالي)
ابوالجاز (حالياً أبوفتحية) الشوق بحر والله يا علاء
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
الأخ الصديق الحبيب علاء الدين نصار
تحياتي وأشواقي الحارة شديد كنت عاوز اتصل عليك من خلال الرقم الكاتبو في البوست دا فوق لكن اتخيل المنعني شنو (مفتاخ المانيا مالقيتو) ألف مبروك الزواج مرة تانية ورابعة والف ومليون. والله عجبني ليك جنس عجب. بالمال والبنون انشاء الله. وانشاء الله تكون المدام وصلت بالسلامة ومن دون مشاكل.
ابوفتحية
| |
|
|
|
|
|
|
Re: سلام علي ناس ال Ruhegebiet .... أنا قادم جديد (Re: نصار)
|
تحياتي يا علاء الدين والله مدينتك الذي اسم حلتي دي بقت ما معروفة عندنا هنا البقول ليك والله الا ميونخ قايتو بنعرفها بس عندي اخر محاولة انشاء الله اتوفق فيها واصلك بس يوم السبت فاصبر شوية ،،،،،،، فبكون معاك في اتصال
اخوك الامين
| |
|
|
|
|
|
|
|