|
Re: السلطات تعتبر الكارثة اكبر من امكاناتها "الشحيحة" (Re: Dina Faisal)
|
Quote: لانو عجز الميزانيه حقهم ما لقو طريقه الا ويحملوه المواطن الغلبان فما بالك بكارثه مثل هذه ... اكيد اكبر من امكاناتهم . |
يا علي
خليهم ناس الحكومة, ديل ما فاضين لينا,, لو الفيضان شال السودان كلو هم ما ح يهمهم
احنا البيهمنا وجع اهلنا,, شوفوا في كم قاريء لسودانيز اونلاين في راس كل دقيقة؟؟ في كم
بوردابي من خارج الوطن او داخله؟؟ سودانيز اونلاين ممكن تكون مؤسسة مجتمعية قادرة على المساهمة
في التخفيف, طبعا اكيد ما الحد, من معاناة وطن كامل.
ليه ما نتحول الى مواطني الحد الادنى من المسؤولية؟؟؟
| |
|
|
|
|
|
|
نفرة حقيقية (Re: Dina Faisal)
|
Quote: اكرر, يجب الا نكتفي بالحديث,, نحن مؤهلون ماديا وفكريا لمساعدة من هم بالوطن,, فلم نقف
مكتوفي الايدي؟؟؟؟؟؟؟؟؟ |
دينا الحبيبة ليكن البوست دة نفرة حقيقية مش نفراتهم إياها!(خضراء و برتقالية و مش عارف إيه!!) نعمل شنو و نبتدي من وين نساعد أهلنا الفقراء المشردين؟
| |
|
|
|
|
|
|
Re: نفرة حقيقية (Re: lana mahdi)
|
Quote: نعمل شنو و نبتدي من وين نساعد أهلنا الفقراء المشردين؟ |
يا سلام عليك يا لنا
كنت مستنية زول يسال السؤال دة عشان اقول اقتراحي
ليه ما يتفتح حساب باسم سودانيزاونلاين نحول فيهو كلنا البنقدر عليهو من مساعدات. وممكن حتى
الما اعضاء, لو احنا اتبنينا النفير لكل كارثة تحل باهلنا, انا متاكدة انو الطالب في السودان
لو فضل عندو جنيه ح يختو في الحساب عشان يشبع بيهو طفل من اخوانه الجياع.
طبعا انا عارفة العقد الممكن يجي ناطي بيها كل زول,, طيب الح يصرف القروش ويوصلها منو؟؟؟
نقول نكون لجنة, ح ندخل في ماسي مين اعضاءها وليه ده واشمعنى وووووو . ونرجع كاننا يا عمرو لا
رحنا ولا جينا. بل بالعكس احتمال بدل ما نكون ساعدنا المشردين في وطننا, نشرد الهنا كمان.
والله بالجد انا محتارة, ليه احنا شعب كدة؟؟؟ ليه ما نتكاتف ونتعاون عشان وطننا, بدل التناحر
والمشاجرات الما عندها طعم. ليه ما نضع ايدينا في ايدين بعض؟؟؟؟؟
| |
|
|
|
|
|
|
Re: السلطات تعتبر الكارثة اكبر من امكاناتها "الشحيحة" (Re: Sana Khalid)
|
Quote: أحيي فيك هذه الروح...
خليها كده عالية.. |
يا سناء احنا فترنا من الكلام,, مرة واحدة نعمل حاجة جادة نساعد بيها اهلنا
والله كدة حرام, ناكل ونشرب ونلبس ونقعد في الكمبيوترات وسايقين عربات مكيفة ومرتاحين,
ودمنا ولحمنا مشردين في الشوارع ما لاقين ياكلو او يحتموا من الحر!!!
والله حرام,, ربنا ح يسالنا منهم, اذا مات جائع وسط المسلمين ربنا ح يحاسبهم عليه,, فما بالك
بالاطفال والنساء والشيوخ؟؟؟؟؟؟؟؟؟؟؟؟
| |
|
|
|
|
|
|
Re: السلطات تعتبر الكارثة اكبر من امكاناتها "الشحيحة" (Re: jini)
|
انكشف بصورة مؤكدة اولا, اننا كمواطنون لم نستطع, حتى بالحد الادنى, ان نوجد نظاما مجتمعيا
موحدا يحمينا كلنا مما يجري حولنا امام الكوارث التي تلحقها بنا حكومة مستبدة من جهة, او
امام الكوارث الطبيعية من جهة اخرى . ثانيا, انكشف ان الذين يتضورون جوعا داخل الوطن هم في
واد وابناء ذات الوطن المنعمون, او لنقل الافضل حالا, داخله او خارجه في واد اخر. وانكشف شيء
اخر, انه امام حدث رهيب كالذي يجري في وطننا الان, بل ومنذ سنين خلت, كان هناك شلل تام وعجز,
مما يؤكد ان هناك ضعف حقيقي في وجودنا كسودانيين او في احساسنا ببعضنا البعض.
والنقطة الرابعة التي انكشفت هي ان تجمعنافي اي محفل, على ابسط تقدير المتواجدون الان ما يربو
على بضع ومائتي شخص, لم يستطع, لا ان ينظم امورنا, لا ان يرتب امورنا, لا ان ينظم اناسامنا, لا ان
يجيش اناسا منا, بحيث عندما نواجه وضع سيئ للغاية ومريب للغاية, مثل الذي نراه اليوم في
وطننا, لم تستطع ان نوجد لانفسنا مكانا, بحيث لا يكون لوجودنا مواقف اخلاقية فقط, يسقط فلان, يعيش
فلان او اننا نحتج على ما تفعله الحكومة, وانما ان تكون لنا مواقف محددة نطالب بها ونصر عليها
ونترجمها عمليا من اجل ان نساعد وطنا يحتاجنا بشدة.
| |
|
|
|
|
|
|
|