|
Re: شركة اسمها ( الفرتيق ) تفرتق اي حاجه (Re: محمد عكاشة)
|
شكر يا عكاشة
لكن انت شركتك دي ما ما القاصدها انا انت الظاهر شركتك مشت بعيد
وانا بعاين تحت رجليني لي اخواني واولاد حلتي و المحيط الضيق بي
وكل واحد حقوا يعاين لي نفسوا شويه كده امكن يكون فرتق من حاجه سمحه
وما كان قاصد يعتزر ويرجع ما فيها حاجه
العتره بصلح المشية
وانا قاعد وراجع تاني لي قدام
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: عصام عبد الحفيظ)
|
الشركة دي مديرها اسمو قرضة مش؟؟؟؟؟ والمدير المالي اسمو سفاف مش ؟؟؟ اسف كل حاجة لمن اقعدو على الما حديدة واقوموا افرتقوا والشركة سموهوها على اسم اول سكرتيرة عملت بها البت الحاسده وراصده وجنها شمارات السجم والرماد الفرتيق كانت معجبة ببطلة مسلسل سوداني اسمها الفرهيد من فرهد الورد فقامت على وزنوسمت نفسها الفرتيق عكس الفرهيد ولايق مع الحسادة والفرتقه لكل جميل .. نعم اصبح الحسد وتقليل الشأن وعدم الثقة في انفسنا السبب في كل فرتقه كيف كده يامجدي يافنان !!!!؟؟؟؟
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: محمد سنى دفع الله)
|
الفرتقوق >>>> ايواا بالحسد ملووك <<< ايوااا انا يالحسود وين قالو لى فرتق<< الفرتقه حاصله هسه انا مفرتق لى زمن والسنى فرتق مجيد فرتق تروس سمول براكه عاصم يحي كلهم تكون دى الشركه زاتا جاابت عقود ومنح للخارج بقصد الفرتقه الاستثماريه والمشروع الحضاري ولا دى فرتقه ساكت المهم فى فرتقه(فرتقة الفرتقه المسرحيه) انت مالك مفرتق المواضيع دى (يامفرتق الجمعياات ياالله) رراجع تانى نفرتق مع بعض
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: مجدي عوض صديق)
|
.
الشقيق : مجدي
لك التحية ...
في إعتقادي ان اي شئ لم يقم على اساس صحيح مصيرة (الفرتيق) ..
فمثلا الشراكة التجارية اذا لم يتم تاسيسها على إتفاق وقانون معروف يتحمل فيها الشركاء الربح و الخسارة ..فمصيرها الحتمي (الفرتقة) عند اول (منعطف) ..
وكذلك بقية الشراكات سوى كانت اجتماعية او سياسية اوتقافية ...الخ ، وحتى الشراكة الزوجية ان لم يراعى فيها الكثير من الاشياء المهمة فحتما (مفرتقة) بابغض الحلال .
.
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: مجدي عوض صديق)
|
الفرتيق في التجارة إسمو لبع وهي كما تعرف جايه من لبع يلبع وهو لابع أو تمساح والفرتيق في الحب هو شاكوش ، وفرتيق الحفلات هو حساده ويري البعض أنها ضرب من ضروب الصعلكة. ولمن واحد يكون زهج منك شديد ويقول ليك فرتق يا أخي ، بيكون أفلس وما عارف يعمل معاك شنو – وفرتيق الراكوبة والكورة والشكلة كلها لها أسبابها ومسبباتها. والفرتيق شئ لابد منه أو قل ظاهرة صحية لأي شراكة وهي النقيض للدمج عندما تصبح الحياة والتعايش مع الآخر صعبة فتقوم تفرتق منو ويكون هناك تعايش سلمي أو سلبي لا فرق وخوه فرتق.
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: مجدي عوض صديق)
|
يا سلام ياشباب..الواحد يفرتق ويجي يلقي الناس لسة بتفرتق مرة فار تقا زعل من حسن كدسة راح مفرتق ..لي هسة الفار تقا زعلان
دايرين واحد منكم يفرتق ليه عشان يرضيه ..انا بقترح عليش ...عشان هو بيعرف يفرتق الزعل...انتو ياجماعة دحين مافي مسرحية اسمها الفرتقة؟
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: مجدي عوض صديق)
|
الاخ العزيز /مجدي عوض صديق تحية طيبة في اثناء تصفحنا في سودانيز اون لاين بمنزلنا باعالي ولاية نيويورك وكان معي الخال صبري عيسي عبدالماجد والذي طحنت الغربة ايامة فقرر ان يقرءك السلام، علي ان تصلكم وتجدكم في اتم صحة وعافية مع دوام التفوق في مجال الاخراج التلفزيوني و لك الود اخوك محمد حيدر
رسالة صبري: الابن العزيز مجدي عوض صديق من خالك الذي فرتق من السودان وغير جلده بجلد الامريكان و اخوك الذي فرتق من الاخوان إن الفرتقة تكون حارة إن كانت فرقة وتكون مؤلمة لو كانت غربة ولك كل سلامي وهو سلام جامع وليس مفرتك خالك صبري عيسي عبدالماجد
| |
|
|
|
|
|
|
Re: شركة اسمها ( الفرتيق ) تفرتق اي حاجه (Re: محمد عكاشة)
|
بالله ماسمعتو طول مفارق حيو ياخوانا كيف وازيو؟ ولا مسمعتو الدوش فى ياعبدو رووووووق لما قال لا انت قادر تلحقا ولا هي قادره علي المروووق ....باعبدو روووق. طلعت شمس من مرقده...طلت ملايين البيوت.... ابدي ليك من وين ولا ابدي ليك من وين يا مجدي نحن مرقنا عشان الشغل لانو الدوش قال.... الشغل مابفتشو.....الشفل بشتغلو,,,, وتحياتي لي عادل حربي يالله انا زاتي راجع يامجدي وما بنخليك براااك لجنس الفرتقه دي بجي صاد
| |
|
|
|
|
|
|
|