|
|
 اخيراً ... اليخت الرئاسي يرسوا امام القصر
|
حلت مشكلة اليخت الرئاسي ، واخيرا ابحر ليرسو اما القصر الجمهوري ، انتظرت الحكومة حتى فيضان النيل حتى تتمكن من ارسائه اما القصر
حسب علمي ان اليخت الرئاسي هو من نوعية يخوت البحار وليس يخوت الانهر ، حيث ان الاولى عميقة ومحدبة وتاخذ مساحة كبير اسفل الماء بسبب عمق المياه في البحار وهذه الميزة تزيدها سرعة وثبات ، عكس يخوت الانهر ، فهي مسطحة من الاسفل ( زي البنطون ) ولا تاخذ مساحة عميقة اسفل النهر
اها يختينا قالو بخت بحري
ما قدروا يستخدموه الا بعد ما جا الفيضان
وصار النيل عميقا
يعني مفروض يسموه اليخت الرئاسي الموسمي
|
|
 
|
|
|
|
|
|
|
 Re: اخيراً ... اليخت الرئاسي يرسوا امام القصر (Re: Bakhaf)
|
بركه الأبحر من مرساه بالوابورات إلى القصر ، يعني عبر النيل فحتى قبل أسبوع رأيته قابعاً أمام الوابورات ببحري حيث يمكنك رؤيته من شارع النيل بالخرطوم.
وعقبال الفلل الرئاسية لامن يلقوا ليها فايده ويخمو بقايا النخيل الذي أنفقوا عليه ملايين الدنانير ثم جف ومات ومازالت جذوعه الخاوية ترقد أمام الفلل من الناحية الجنوبية!!!!!!
الشايقي
_____________
فاوضني بلا زعل
| |
|
|
|
|
|
|
|
|
|
Re: اخيراً ... اليخت الرئاسي يرسوا امام القصر (Re: Al-Shaygi)
|
عارف يالشايقي المركب دي الكلام كتر فوقها
قالوا دي حاجة بتاعت ترف قلنا مالوا ما قصر جمهوري وواجهة بلد
واكلناها
قالو سعره كم دشليون دولار كده
قلنا مشوها يعني الاكلو حبه اخير الجاب المركب دي اكل 3 ارباع وجاب اليخت بالربع
برضو اكلناها
قالو البتاع ده مستعمل وما جديد
قلنا يا جماعة بكون عمروه جديد واخير القديم ده بكون مجرب
واكلناها
اها كمان يكون بتاع بحر وما بنفع للنيل الا وكت الفيضان
بتبقى تقيلة
يعني ما ممكن الزول يكون
مترف في قروش ما حقتو
وفوق ده حرامي
وحسود حتى وكت اسرقك ما عاوز يخلي لي حق الماصلات يعني سرق نص قروش المركب وما عاوز يجيبها جديده
لكن كمان يكون حمار ويعتبرنا حمير يتكون كتير
ياخ اسرقونا بي حرفنه
| |
|
|
|
|
|
|
|
|
|
Re: اخيراً ... اليخت الرئاسي يرسوا امام القصر (Re: Bakhaf)
|
..
.
سلام يا بخاف ..
عارف مع الاجازة بتاعت امبارح دى ( الاسراء والمعراج )
الواحد قال يتفسح فى العاصمة شوية من بري والى ابوروف
الجو جو ونسة وفسحة وكدا !!؟ بدون تعليق
المهم جينا مارين لقيت ليك اليخت الاسد دا واقف
بالجد دا ما يخت انهار ..
وما بستاهل الضجة الاتعملت ..صرف لاموال الشعب فى الفاضي
الناس دى لو كانت جابت ليها لنشات للوزاء وعملو سباق الوزاء
للزوارق السريعة كان احسن يمكن يطاقشو اتنين يلحقوا امات طه
نكون ارتحنا شوية ..
الغريبة العلم المعلق ما علم حكومة جنوب السودان كما عودنا اهل دينق
دوماً كان علم السودان .. يكون فكهاهو لواحد من الزملاء
| Quote: يعني مفروض يسموه اليخت الرئاسي الموسمي |
اها بعد الموسم يعملو مخزن للسكر ولا كيف ..
_____________________
سودانا تحت بسبب الناس الفوق ..
مودتى؛
| |
|
|
|
|
|
|
|
|
|
Re: اخيراً ... اليخت الرئاسي يرسوا امام القصر (Re: Tabaldina)
|
حبيبنا تبلدينا
والله وكت اقراء اسمك ده بعطش جنس عطش
هاهاهاهاهاهاها
قلت لي لنشات يتفسحو بها
اي والله
وما تقول خور ابوعنجة بقة
كورنيش ابو عنجة السياحي
يتفسحو باللنشات هناك يكونو لابسين ترنسوستات ومتجدعين
طبعا ما حا نقول لابسين الحاجات الثانية ديك
ما عشان المشروع الحضاري بمنع ده
لكن عشان الكروش الضخمة بتمنع ده
| Quote: اها بعد الموسم يعملو مخزن للسكر ولا كيف .. |
ما بنفع مخزن سكر جمب الموية
الرطوبه وكده
ممكن يعملوه مخزن سمك مجفف
عشان ما بتعبوا عشان هو اصلو بعد شوية بوقفوه في الوابورات لحدي الخريف الجاي
اها يجيو الصيادين يعدو فيه ويصتادو ويجدعو جوه
| Quote: سودانا تحت بسبب الناس الفوق .. |
اهااااااااا لو قلبت ؟!
مع الود
| |
|
|
|
|
|
|
| |
Bakhaf
Frankly
Al-Shaygi
Elawad Eltayeb
mulhim
لؤى
فيصل نوبي
فيس بوك
تويتر
انستقرام
يوتيوب
بنتيريست