|
|
 مبروك معتصم .. مبروك خليل .... معكم وبكم نحتفى.
|
مبروك باشمهندس معتصم
مبروك باشمهندس خليل
الف مبروك على اجتياز الامتحان وعلى ذلك الترفيع العلمى ...
بهذه المناسبه الكبيره ادعوكم على وليمه (خروف بى حالو) مع جميع مستلزماته فقط حددو الزمان والمكان .. وانا حاضر
ولاخوتى البورداب ... احبائى بحزب الحق والمحبة والجمال ... اننى اعتبر هذا الخروف عربون صداقه وصفحه جديده ... وحضوركم يشكل معيارا حقيقيا لتواجدى بينكم.
دعونا نحتفل بهاتين المناسبتين ... عسى ان تاتينا الافراح مواكب وقوافل لا حصر لها.
ذبدة كلام: اكبر خروف فى السوق مع كل مستلزماتو ... تستاهلو واكتر.
|
|
 
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: ابوعسل السيد احمد)
|
الف مبروك يا معتصم ويا خليل
والله دى دايره ليها تور عديل يا بورداب الدوحه .. تور شنو .. قطيع بتاع تيران
والله يا ود الامير قدر ما عندك خرمجات لكن عندك لفتات حلوه
والمهندسين يستاهلو المساله دى قالو كانت ما ساهله ابدا ...
تحياتى لمعتصم وخليل
تحياتى لود الامير
تحياتى لكل بورداب الدوحه ..
ومعاكم وبيكم الغربه رغم مساختها ... ليها طعم.
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: saif khalil)
|
سلامات
وعوافي
تخريمة :-
سيف باشمهندس معتصم الطاهر وباشمهندس خليل اجتازوا امتحان تقييم المهندسين بدولة قطر وبتقدير "A" وهذا الامتحان يجلس له مئات المهندسين ليخرج منهم بضع عشرات واخوانا رفعوا راسنا بنجاحهم ذلك وهاك الرابط دا خش بارك وبعدين تعال لينا "للعضة والشية"
..هندسة حديد...معتصم الطاهر وخليل...مبروك النجاح الشديد
وتسلم ياسيف ...
تخريمة اولي:-
كلام زي شية الجمر .. ورونا العضة متين والمكان وين ..
باقيليكم انا عندي فيكم باقي "حلة مدنكلة" واهو جات لي عندنا ..
حرم حلة تقول لي حلل هاشم كرار انتي شنو ..
انا الكعب ...
معتصم وخليل تبريكاتنا ياحبان وانشاء الله ديما في حالة نجاح .. ليديم الله علينا رحمته بنزول انعامه وخرافه علينا كنزول المطر الهتون ..
الف مبروك وجاهزين ..
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: أبو ساندرا)
|
البدر..سلام
وتحية عبرك لكل الجميلين في الدوحة (وجميلين دي مقصود بيها الجمال في معناهو التجريدي abstract اللامحدود)!! لما تزل أنت يا صديقي -كما عهدتك - شجرة وارفة الظل، تجمع ولا تفرق. حفظك الله أيها النبيل.
ولأني أزجيت التهنئة للمهندسين معتصم وخليل في بوست غير هذا ، فسوف اكتفي هنا بهمسة هي أقرب إلى النصح :
مهمتكما الحقيقية تبدأ حيث نلتما هذا الشرف - وأنتما جديران به. الآن يبدأ الإنتقال إلى مرحلة العمر الجديد ، فالمنظومة التي صرفت وأعدت هذا التقييم الكبير تنتظر ، وخلفها يقف الزميل والصديق و......................الحاسد!! تكلفة النجاح باهظة الثمن !
جقة نفس: يابورداب الدوحة إن شاالله.......... ينفعكم الخروف..(وجه حزين) !!!!!
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: معتز القريش)
|
مسيلمه
قول حركات منك براك مافى داعى تجرنا انا وكيكي فى سبحة المكر بتاعتك دى ...انت اليومين ديل لاجئ فى بيت ود الامير وعندك اكسيس لى بيتو وكومبيوترو والمسكين ختيت ليهو فيروس فى جهازو خربتو ليهو ووصلت بيك الجراه انك تغير قفل باب بيتو عشان ما يقدر يدخل واصبح مشرد زيك (استعمار عديل) ... اتصل علينا انا وكيكي يطلب مننا ايقافك عند حدك وقد وعدناه خيرا ...
ان كان كل ما كتب على لسانك وانت تتدعى انو ود الامير فنحن نطلب منك الانسحاب فورا من الحزبين والنفى الى جزيرة سرنديب
ايها القوم ... ما تظنون انا فاعلون بود القريش ... والله ليس خيرا.
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: ودرملية)
|
| Quote: ودالقريش دا الليلة مالو ياجماعة ؟!!!!! |
والله ود القريش ما كتب اي حاجة من المداخلات الفاتت دي .
فقد قام المدعو ود الأمير الشيطان الأكبر باستغلال وجودي معه في شقته وكنت أكتب مداخلة أبين فيها كذب الكهل ود الأمير على العزيز معاوية (قام المدعو بمسحها) . ونسيت أن أخرج من البورد وقام الشيطان الأكبر بكتابة تلك المداخلات الغريبة باسمي .
زبدة الكلام : هل أنا جنيت عشان أشكر ود الأمير ـ هل الراكوبة تشكر في الخريف .
ود الأمير : أنا مستعد للطرد .
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: kamalabas)
|
سلامات
وعوافي
استاذ فضيلي اول شي مشتاقين طبعا .. تانيا يااستاذ ماتجي تلحق معانا الخروف دا .. والله اخوك ح يخش ليهو في مشروع حلة وشية جمر الله اعلم اكان فوتهم تاني تلقاهم وين ..
وانت كيف اخبارك واخبار العيال .. واليومين دي معاكم صاحب الغياب .. محسن خالد بالله يا استاذ بلغوا تحياتنا واشواقنا واكان جيتونا سوا خفسة سريعة كدا تكونوا ماقصرتو ..
ياشباب بالله الخروف دا مايبقا لينا زي خروف نجاح تسنيم بت عماد عبدالله .. خلوهو يكون خروف اصلي ما اسفيري .. ونحن في ذلك لمجتهدون...
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: بدر الدين الأمير)
|
الله .. الله
من غير معتصم ..
وحده هو كلية للهندسة ..
يهندس كل شي ..
أول هندسته اللغة ..
اللغة العالية الحريفة ..
دارجة أو فصحى .. فهو لها .
ثم يهندس علاقاته بالكون .. ناسا و تخاريم أخرى .
و بعد فهو ضحّاك المحيا .. طلق الروح ..
ووناس .. و راس مليء بحكايا أطراف المعرفة .
و فنان ..
و ذاك لعمري ضرب من الهندسة .
أظنهم تأخروا في إيفاءه حقه ..
مبروك يا صديقي .. لهم .
نبارك لهم هم ..
وليك معزتنا القدرك .
أما الخرفان الإسفيرية .. أنسى .
( حشاش بي دقنو صاحبك عدة الديك ) ..
إذ ما زال خروفي الذي وعدوني به في طور الميقا بايت ..
إن جاءك خروف من بدر أو معاوية أو صلاح عبدالله ..
فأبشر بـ ( كسره بي مويه .. و اتكرع ) ..
مبروك يا خليل ..
مبروك معتصم
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: Elmosley)
|
| Quote: المسؤل من المرارة الانسان النفنان وسلوكاوابداعا ود رملية |
ودرملية ..
يا حليلك ..
بالله أتاري زمنك ده كلو و إنت النفنان وسلوكاوابداعا ؟؟؟
علي الطلاق ما عندي خبر ..
أنا قايلك نصيح ..
أتاريك عيان قدر ده ؟؟
إنت من زمان عندك - حمانا الله - النفنان و سلوكابداعا دي ؟؟
يا زول إن شا الله أجر و كفارة ..
بدر ..
شكيتك علي الله ..
ياخ و الله مشتاق ليك شديد ..
ولما يجيك تلفون غريب من السعودية رد ..
بطل الدغالة بتاعت لبنانيين أربجي دي .
B]
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: Elmosley)
|
شكرا..
معاوية الطيب علي التضامن..
وهذه هي اخلاق حزب الجمال والابداع...
ونعم..لا خروف دون الريس رندوك
ونطالب باعتذار اسفيري وهاتفي..والا سيكون لنا كلام كثير في هذا الخروف
الذي يريد الكهل الاربجي ان يعاقب خصومه الذين ركعوه طيلة الايام السابقة
وجعلوه يقول (التوبة يا حبوبة)...
واني اراه قد دبت فيه الروح الشريرة مرة اخرة..
وهذا الخروف لابد ان يكون تحت رعاية الريس (رندوك)..وهي ابرع من يدير
امر (الخرفان)...
نطالب باعتذار واضح..ومسبب والا سيكون لنا جميعا شانا اخر..
ذبدة كلام...قد يوكل الخروف دون رندوك واعوانها..ولكن قد ياكل بدر الدين
نيما مرة اخري..واللبيب بالاشارة بفهم..
| |
|
|
|
|
|
|
|
|
 Re: مبروك معتصم .. مبروك خليل .... معكم وبكم نحتفى. (Re: بدر الدين الأمير)
|
Quote: أما الخرفان الإسفيرية .. أنسى .
( حشاش بي دقنو صاحبك عدة الديك ) ..
إذ ما زال خروفي الذي وعدوني به في طور الميقا بايت ..
إن جاءك خروف من بدر ..
فأبشر بـ ( كسره بي مويه .. و اتكرع ) .. |
( مجبر اخاك لا بطل )
الاربجى وجد نفسة مورط فى الخروف بعد عملية
( مابعد مابعد حيفا )
وانت عارفو جعلى بقت ليهو الزوغة صعبة
وتسلم ايدكم ياشباب المقاومة ،،،،،
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: عبدالكريم الامين احمد)
|
Quote:
ودرملية ..
يا حليلك ..
بالله أتاري زمنك ده كلو و إنت النفنان وسلوكاوابداعا ؟؟؟
علي الطلاق ما عندي خبر ..
أنا قايلك نصيح ..
أتاريك عيان قدر ده ؟؟
إنت من زمان عندك - حمانا الله - النفنان و سلوكابداعا دي ؟؟
يا زول إن شا الله أجر و كفارة ..
|
والله عماد حليلك...وفاقدنك هنا كتير..
قلت لي الراجل طلع عندو (نفنان)...والله اول مرة اسمع بالكلام ده..!!!
ما كان يقولوا لينا كده من زمان...نفنان ..والله تعبت معاي يا ودرملية يا( نفنان)
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: معتز تروتسكى)
|
سلامات
وعوافي
استاذ فضيلي ..
Quote: وبعدين شنو حكاية خروف العمدة دي؟ هو عماد حصل وعدكم بخروف أصلا وللا دي سلبطة ساي؟ بقيتو في الدوحة الواحد يتعافى من نزلة تقولوا ليهو الخروف متين ووين؟ تسنيم نجحت والعمدة قال لينا يا اخوانا أنا مبسوط من البت الشاطرة دي ..لا قال خروف لا يحزنون.
فكرة نجيكم أنا ومحسن..والله فكرة غاية في الروعة ، وطبعا أنا ومحسن الكسبانين لأننا نحن الإتنين أصبحنا من عشاق الدوحة..لكن العين بصيرة والإيد قصيرة..وعلى كل حال ينظر ويفاد زي ما بقولوا أفندية المكاتب. |
والله في نجاح تسنيم زولك ودالامير دقا سدرو وقال مني خروف وصلاح عبدالله دقا سدرو قال مني خروف .. اها لي هسي خرفانم زي ماقال عماد "طور الميغا-بايت" .. والارشيف يسمع في ها الحكي ..
بالنسبة ليك ولي محسن ليه ماتعملوها وتجونا بي جاي قبل رمضان يعني جية تكون خالية من البروتوكولات وكدا ناااس ونسة سااااااكت لا ندوة ولا جلسة استماع عاوزين نشبع فيكم شوف وكلام ونسة ..لو عملتوها تكونوا ماقصرتو تب .. وعداكم العيب .. ولو ماعملتوها بهديكم "وش تلاليشو مورما من الزعل" اها"اني خيرتكم فاختارو مابين العيب العداكم والوش الكجاكم" ..
بعدين يااستاذ فضيلي ياخي معقول تسال "كيكي" عن صوتي الغنائي دي مازي الحدرتا لي في الضلمة انت قايل شنو .. بعدين ابوساندرا زاتو شهادتو مجروحة لانو متضامن مع "كيكي" يعني قطع شك يقولك الزول دا في وادي والغنا في وادي .. لكن بنصحك بي زول وسطي ومحايد والوسطية هي ام الاشياء واقصد بها ودالامير .. فهو له اذن ملك وحس فنان .. وبيديك الاكيدة ..
اقول ليك حاجة والله العظيم مشتاقين كان ترضا كان تزعل ..
.....
ياعماد ..
مشتاقين وانشاء الله الرسالة وصلتك في الموبايل .. بلغ سيدنا النبي شديد محبتنا واشواقنا ياعماد ..
بعدين شايفك بقيت "مني مني" يعني "نفنان" مسكتا فيها بي ايديك وكرعيك .. معقول ياعمدة نحن اولاد شريحة واحدة"الفنانين المبدعين" وكدا ...
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: عبد المطلب خضر عبد المطلب)
|
سلامات
وعوافي
كيكي
Quote: والله عماد حليلك...وفاقدنك هنا كتير..
قلت لي الراجل طلع عندو (نفنان)...والله اول مرة اسمع بالكلام ده..!!!
ما كان يقولوا لينا كده من زمان...نفنان ..والله تعبت معاي يا ودرملية يا( نفنان) |
عماد عبدالله فاقدنك .. علي الطلاق مافاقدو ولا شي لكن فاقد "نفنان" دي واهي لقيتا في صمة خشمك يامحظوظ ...
ودالامير صلح لينا "نفنان" دي عشان كيكي ومشايعوه ما يعملوها لينا شغلا ..
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: Muna Khugali)
|
سلامات
وعوافي
مني خوجلي بجلالة قدرها في ربوعنا ..
امانة اخوك مازول فرح سااااكت .. لكن فنان برضو .. امانة ماغناي غنا بس لو ختيت كيكي دا بتسمعي بي في قناة النيل الازرق .. يازولة قدر ما اقول امشي اقدم نفسي لمكتشفي المواهب كيكي الحاقد يقول لي لو انا سمعتا صوتك في صباح ما .. فلن اخرج من بيتي حتي يغسل هذا الصباح صباحا جديد .. بالله شوفي ليك جنس حسادة .. مكجني ساااي كدا ماعارف ليه ..
اما المرارة والله جماعتك خليتم ليك هسي في حالة تانية .. ظبطا ليك ليهم حلة وشية بالله قصرتا معاهم وكلهم اندهشوا من الحلة والشية لكن واحد فيهم بيجي هنا يقول الحلة والشية سمحات مافي يعني الشكر حدو باب البيت .. شكر اسفيري يخربن ..
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: ودرملية)
|
وأخيرا وكيتا عليك يا عماد عبد الله ـ ود الأمير صدق وضربنا الخروف ـ خلي ناس الرياض ينفعوك .
ود رمليه حلتك رهيبة بس ما أرهب من حلتي .
شكرا يا ود الأمير ـ وبرضو مش ح نضمك لحزب الجمال مش كان ضبحت خروف ، كان جبته تور ما في ليك .
نكتة الخروف يا عماد عبد الله
مشينا أنا وكي كي وعمران والحنكوش معاوية ـ اخترنا خروف ماشاء الله عيني باردة .
نط معاوية وقال لي يا ود القريش الخروف دا غيروه ـ قلت ليه قال لي الخروف دا عندو نزلة .
ظلامي لكن فنان[
من خلف الأبواب .
1- قام الكهل الأربجي بدس باقي حلة ود رملية وباقي حلتي وملاح تقلية مستورد وحشا الناس لحمة ساي/B]
| |
|
|
|
|
|
|
|
|
 Re: مبروك معتصم .. مبروك خليل .... معكم وبكم نحتفى. (Re: بدر الدين الأمير)
|
Quote: نكتة الخروف يا عماد عبد الله
مشينا أنا وكي كي وعمران والحنكوش معاوية ـ اخترنا خروف ماشاء الله عيني باردة .
نط معاوية وقال لي يا ود القريش الخروف دا غيروه ـ قلت ليه قال لي الخروف دا عندو نزلة . |
الاخ معتز
اولا اخوك خبير فى الخراف
واكثر مكان ازورة عند تواجدى فى السودان زريبة المواشى
ويستحيل اكرر يستحيل ان تخلو زريبة منزلنا من وجود خروف فى اى وقت من الاوقات
واعرف جميع انواع الخراف السودانية من شكلها ومدى جودة لحمها واهم
الامراض التى تصيبها ،،،،،،
نرجع لموضوعنا
اثناة انشغالكم بفاوضات قيمة الخروف مع صاحبة
اكتشفت بقعة مياة كبيرة فى الارض تحت الخروف
وبمتابعة مصدرها ومحاولة معرفة نوعها اكتشفت
ان مصدرها انف الخروف وهى سائل ( مخاطى ) متواصل السيلان من الخروف
وهذا ليس مرضا بل مؤشر لوجود مرض ما ،،،،
وفى حالة اصابة الخراف بالالتهاب الرئوى الحاد ( وهو مرض غير خطير )
واعراضة التنفس السريع للاغنام وكثرة الافرازات من الانف ( وقد تتذكر يا معتز
ما قلتةعن لهث الخروف بسبب حرارة الطقس )
اصابة الخراف بالالتهاب الرئوى الحاد وهو مرض فيروسى غير خطير كما ذكرت
واماكن اصابتة فى الخروف الراس والقصبة الهوائية وفيروسة ضعيف جدا يقتل
باقل طهو او الغسيل الجيد بالماء والحامض .
ولكن تنبع خطورة هذا المرض فى اضعاف المقاومة المناعية للخراف مما تكون
عرضة لامراض كثيرة ،،،،،
وهذة امثلة اخرى لبعض الامراض التى تشابة اعراض صاحبنا الخروف طيب الذكر
مرض اللسان الأزرق Blue tongue
مرض فيروسى معدى ينتشر فى المناطق الرطبة ينتقل بواسطة البعوض .
الأعراض :
حمى – فقدان الشهية – إفرازات من الأنف – تقرحات فى الفم – تدلى اللسان
ويزرق لونه – أوديما بالرأس والعين , واحتقان شديد حول الحافر وتظهر على شكل
حلقة حول الحافر وبين الاظلاف وتعتبر من العلامات المميزة للمرض
جدرى الضأن Sheep pox
مرض جلدى شديد العدوى يسببه فيروس مختص بالأغنام وينتقل عن طريق التلامس المباشر
وغير المباشر .
الأعراض :
حمى شديدة وأفرازات من العين والأنف والأعراض المميزة لهذا المرض هو وجود
طفح جلدى و بثرات بحجم حبة العدس فى الأماكن الخالية م الصوف تنفجر هذه البثرات مكونة قشور وتستمر وهذه الحالة لمدة ثلاثة أسابيع وتتأثر الحملان وتنفق فى الحالات الشديدة .
يمكنك مراجعة هذا الكتاب وهو مفيد جدا ،،،
( واحتفظ بمكتبتى بنسخة مترجمة من الكتاب ويمكننى اعارتة لك )
كتاب امراض الماشية ( الخراف ) Sheep Diseases
http://ianrpubs.unl.edu/sheep/ncr379.pdf
------------------------------------------------------
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُوْلُوا الْأَلْبَابِ
(9) سورة الزمر
| |
|
|
|
|
|
|
|
|
|
Re: مبروك معتصم .. مبروك خليل .... معكم وبكم نحتفى. (Re: معتصم الطاهر)
|
الله يا معاوية
والله ما كنت قايلك خرفاني بالشكل دا ، يا ود انت طبيب بيطري وانحنا ما عارفين عموما شكرا على المعلومات القيمة ونقدر لك اجتهادك في جمعها وكتابتها .
بس لو كنت بتاع ماشية (قال ماشية) يا أخوانا من الله ما خلقكم شفتو ليكم عربي قال ماشية ولا شفتو ليكم عربي عندو كلب في الشقة (كلب خواجات) واسمه رافاييل.
ما سمعتو رافاييل بهوهو كيف (هاو خاو هاااو) ـ حتى كلبك حنكوش نسأل الله السلامة.
لو كنت بتاع ماشية كان حكيت لينا عنها بالسوداني مش بالمراجع الفي مكتبتك .
هاي باي قاي أيها الحنكوش المستعرب .
ممكن تقول لينا انت من وين ومولود في اي مستوصف ـ طبعا أكيد مش داية .
| |
|
|
|
|
|
|
| |
بدر الدين الأمير
ابوبكر الامين يوسف
عبدالكريم الامين احمد
ابوعسل السيد احمد
khaleel
saif khalil
Abd Alla Elhabib
ودرملية
أبو ساندرا
فضيلي جماع
معتز القريش
معتصم الطاهر
يوسف سعد
kamalabas
القلب النابض
Emad Abdulla
nadus2000
-1.jpg)
معاوية الطيب
Elmosley
معتز تروتسكى
عبد المطلب خضر عبد المطلب
Muna Khugali
فيس بوك
تويتر
انستقرام
يوتيوب
بنتيريست