كتب الكاتب الفاتح جبرا المتوفرة بمعرض الدوحة
|
|
 هل من مرحب؟؟؟؟؟؟؟؟؟؟
|
الى اهلي في كل بقاع الارض,, القاصي والداني,, من هم في وطني السودان او خارجه
الى كل من جمعهم هذا المنبر,, هذا الوطن الصغير,, هل من مرحب بي بينكم؟؟؟؟
بعد العربي الفوق دة,, بالسوداني كدة ازيكم وفرحانة شديد اني بينكم,,
همسة
عضو جديد لكن ما دايش,, يعني متابعة من فترة وما بتبرلم.
منتظراكم
|
|
 
|
|
|
|
|
|
|
|
Re: هل من مرحب؟؟؟؟؟؟؟؟؟؟ (Re: Nasser Mousa)
|
الاعزاء
ابو جهينة
احمد الشايقي
محمد عبدالله
الصادق سليمان
علي محمد علي
ناصر موسى
اشكركم كثيرا على هذا الترحيب واتمنى ان اكون عند حسن الظن
همسة
ما تقولوا علي فرازة لكن ابراهيم عدلان كان اول المرحبين فكان لازم نفرد ليهو رد وسيد الحوش طبعا مستحيل ارد عليهو مع الناس يعني لازمانا القومة.
| |
|
|
|
|
|
|
|
|
|
Re: هل من مرحب؟؟؟؟؟؟؟؟؟؟ (Re: ثابت محمد)
|
| Quote: ابقو رقاق وفجـو لدينـا |
| Quote: شكلي اتبرلمت يا ابو الريش,, والله ما فهمت الجملة |
معليش يا دينـا انا اصلى بديت تعلم العربيـة من سن سبعـة..
بس بعـد داك (أعمى وادوه عصـايـة)!!
العبارة دى خلينى اشرحها ليك.
زمان الناس تأكل فى شكل دائرى فى الأرض.. وقدح اللقمـة يكون فى النص.. تلاقيهـم مرات قاعـدين سـيافى، يعنى كل إتنين مشتركين فى كليـة واحـدة زى الشفـع الفصلوهـم الليلـة. بعـد شويــة يجى واحـد زائـر جديـد.. طبعـا بدون مواعيـد وبدون تلفونـات واللا بتاع.. طوالى بس يفتح الباب ويقلع جلابيتـو يعلقهـا فى مسمـار فى الحيطــة ويفضل بالعراريق وهو يلعن السخانـة.. والجماعـة كلهـم يكوركـو: يازول أرح دا ما وكت غييـر هدوم.. يا جماعـة أبوقو رقاق.. وهى تعنى كونوا نحيفين حتى تظهـر مسـاحـة ارض يمكن أن يستغلهـا القادم الجديـد ويأخـذ نصيبـه من العصيـدة..
نحيفين معناهـا يعنى Slim Fast.. ودى لو عرفوهـا ناسنـا هنا كانوا كلهـم بقـوا رقاق.
ومرحب بك مـرة أخـرى فى دارك بين اخوانك واخواتك.
| |
|
|
|
|
|
|
|
|
 Re: هل من مرحب؟؟؟؟؟؟؟؟؟؟ (Re: ثابت محمد)
|
اهـــــلا بيك دينـا ,,,,,,,
مليون مراحب ,,, وبيتنا نور والله نور كل زينه
| |
|
|
|
|
|
|
|
|
|
Re: هل من مرحب؟؟؟؟؟؟؟؟؟؟ (Re: Dina Faisal)
|
في واحدة من دقسات العمر
وبعد ما ظنيت أن الولية الأسمها رشيدة تابت
إذا بها تفاجئني بحمل غير محسوب
كنت حينها { تحت الأرض }
وأشاعت رشيدة نبأ خروجي من السودان
وعندما بانت كرشها فاضحة حملها وكذبتها
أو
ورطتها
كان لزامآ علي بضغط منها أن اظهر في الحي
قلت لها قد يعتقلوني وانت عارفة حايجري ايه في بيوت الأشباح
كان دم علي فضل لسع طازج وحار
ودماء 28 كوكب سالت أنهار في رمضان
قالت لي الخايفة على عرضها
ماشغلتي بيك كان كتلوك كان سحلوك
لازم تجي تحلني من ورطتك ، أو بكلم ناس الأمن
طبعآ الدبيب طلع وتخير يوم عرس في الحي ، دخل الصيوان والفنان يغني
ومباشرة للعروسين
بارك وإتخارج
وتنفست رشيدة الصعداء
ونفس حملها عن
دينا عبدالرحمن بركات
دي أكبر مقلب تعرض له المدعو بركات في حياتو
بت مجرمة
موسمة اولاد الحلة كلهم بقبضتها القوية
تأبى أن تنوم في غرفتها وتصر على أن تكون بيني وبين أمها
أحسن من يتآمر على وجه الأرض
يوم مات قرنق
صوتت و ولولت وعملت مأتم في الحلة
وأخر في المدرسة حتى إندهشن زميلاتها الجنوبيات
وسألنها : انت امك دنكاوية ؟
فدينا طويلة وقوية
الآن انا عزابي بسبب دينا
التي أخذت أمها معها للخرطوم للتحضير للشهادة السودانية
وقالت مصممة على النجاح عشان تدخل الجبهة الديمقراطية
والآن أنا حا أستقيل من البورد
برضو بسبب
دينا.
| |
|
|
|
|
|
|
|
|
|
Re: هل من مرحب؟؟؟؟؟؟؟؟؟؟ (Re: محمد ادم ابوكيفو)
|
العزيزة دينا,
(الى اهلي في كل بقاع الارض,, القاصي والداني,, من هم في وطني السودان او خارجه
الى كل من جمعهم هذا المنبر,, هذا الوطن الصغير,, هل من مرحب بي بينكم؟؟؟؟
دينا وحاة كلامك السمح الفوق داك و خاصة كلمة (اهلى) العزيتينا بيها شديد و قدرتينا و وحاتك انت يا العديلة بقول ليك حبابك مليون و المنبر ان ما شالك تشيلك عيونا .
لك الود ,
نادية السر
| |
|
|
|
|
|
|
|
|
|
Re: هل من مرحب؟؟؟؟؟؟؟؟؟؟ (Re: Dina Faisal)
|
الاخت الكريمة دينا اهلا وسهلا بك اضافة حقيقة للمنبر الحر -ونتوقع منك الكثير والكثير واهلا بك بين اهلك واخوانك واخواتك و )عرب ممزوجة بدم الزنوج الحارة ديل اهلي.
ونصيحة من اخوك: فليكن طرحك قويا حاسما واضحا لا مجاملة فيه والذي يحاول استفزازك تجاهليه وان لم يرعوي، قفي ضده بقوة المنطق والحجة حتى يعرف ان الله حق.
| |
|
|
|
|
|
|
|
|
 Re: هل من مرحب؟؟؟؟؟؟؟؟؟؟ (Re: Dina Faisal)
|
| Quote: بعد العربي الفوق دة,, بالسوداني كدة ازيكم وفرحانة شديد اني بينكم,, |
أهلاً أختنا دينا حللتي أهلاً ونزلتي سهلاً بين إخوتك
نورتي البورد بطلتك البهية
أها فتك بعافية تب 
| |
|
|
|
|
|
|
|
|
|
Re: هل من مرحب؟؟؟؟؟؟؟؟؟؟ (Re: Dina Faisal)
|
.. مرحب بيك ..
Quote:
مرحبا بالباحثة فى اكبر قناة فضائية انه لشرف كبير لنا
|
بس سؤال لو سمحتي : ممكن نعرف في أي قناة فضائية ؟! خصوصا انو البروفايل بتاعك فاضي !!
| |
|
|
|
|
|
|
| |
ابو جهينة
أحمد الشايقي
الصادق صديق سلمان
على محمد على بشير
بكرى ابوبكر
فيصل نوبي
دورنقاس
محمد عكاشة
Abureesh
abas
gamal elsadig
ثابت محمد
wedzayneb
Muna Khugali
nadus2000
أيزابيلا
محمد الامين محمد
Ahmed Daoud
محمد عادل
Adil Osman
خالد عبد الله محمود
aosman
سامي عبد الوهاب إدريس
saadeldin abdelrahman
أبو ساندرا
kamalabas
nour tawir
محمود الدقم
عبدالكريم الامين احمد
Yassir Tayfour
القلب النابض
Wathig Makki
عاطف عمر
صديق الموج
عمران بابكر بدري
لؤى
غادة عبدالعزيز خالد
تولوس
الجندرية
hatim
Dr.Ahmed Boasch
ابوعسل السيد احمد
بشير جبريل علي
عبد المطلب خضر عبد المطلب
Tragie Mustafa
HOPEFUL
فيس بوك
تويتر
انستقرام
يوتيوب
بنتيريست