|
|
 كل سنه وأنتي طيبه يا سلمى داوود ..
|
كل سنه وإنتي طيبه يا سلمى ، والحياة قدامك
مفرودة في كامل حلاوتها وبهاءها ..
حياه ندية وعفارم عليها ..
طبعاً ما هأقدر في المقام العجيب ده أوصف للناس
قدر كيف إنك إنسانة بتخلي أثرك العميق والمحب
في حياة الشخص البتلاقيهو ، ولا أعتقد إنو من السهل
الواحد يتكلم عن روحك الإيجابية والرؤومة ..
أظن ان وجودك من الحاجات الجميلة في حياة أي زول ،
وعليه نتمنى لك طول العمر والسعادة والعيش الهانيء
المجدول بمحبة الناس لك ..
كل سنة وإنتي جميله كده وحلوة كده ..
لأنك إنسانه حقيقية وإضافة في الدنيا دي ..
...
طلال
|
|
 
|
|
|
|
|
|
|
|
Re: كل سنه وأنتي طيبه يا سلمى داوود .. (Re: Hussein Mallasi)
|
حسين..
تسلم يا سيدي...
تعرف يا حسين.. زمان وخصوصاً أيام الجامعة
كان موضوع عيد ميلادي ده كان موضوع كبير جداً بالنسبة لي..
كنت أباهي أصدقائي بأعداد المهنئين التي تأتي إلى "السنتر" من جميع مجمعات الجامعة
وكمية الكروت البطلع بيها نهاية اليوم
كانت بمثابة مقاس لكم الأصدقاء.. وكيف المحبة..
كنت أتناسى إنه الليله عيد ميلادي.. وأعمل فيها ما شغالة بالموضوع..
لكن يلحق زول ما يقول لي "كل سنة و انتي طيبة"
الله قال بي قولو!!
هسه الواحد بقى يجلي اليوم
ما السنين بقن كتااااااار! 
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
شهوة لبلاد تطالب ابناءها
باقل من الموت جيلا فجيلا
وفيها من الوقت وقت نخصصه
للخطايا الحميمه والغلط الادمى البسيط
شهوة ان تكون الخصومة فى عزها
واضحة
غير مخدوشه بالعناق الجبان
شهوة لغموض العتب
شهوة لاعتذار العيون الذكى
شهوة للضمير الانيق
شهوة ليد فى يدى فى الزحام
شهوة ان نغف الحياة كابريق ماء
تبلل فخاره بالندى
_________________________
من كتابة مطولة بإسم الشهوات
لـ مريدالبرغوثي .
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
سلمى داؤود:
الوعي
والنبل
والذوق
والجمال
بل الإنسانية
فصلت على مقاسها تمامآ
يلتف حولها الفنانين والمصوراتية والرجال الوسيمين ويدورون
كالكواكب والأنجم حول الشمس
ليلتمسوا منها بعض ضوء ، دفء ،وما بتبخل عليهم
تزودهم- بحضورها الطاغي- مايعينهم على الإبداع
وماينفكوا يبدعون
نحت ورسم وكتابة طاعمة وذوق رفيع
سلمى
بنتي التي لم تنجبها رشيدة
وأختي التي لم تنجبها أمي
كل سنة وانت أحلى
و
أغلى
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: أبو ساندرا)
|
Quote: إنسانة بتخلي أثرك العميق والمحب
في حياة الشخص البتلاقيهو ، ولا أعتقد إنو من السهل
الواحد يتكلم عن روحك الإيجابية والرؤومة ..
أظن ان وجودك من الحاجات الجميلة في حياة أي زول ،
وعليه نتمنى لك طول العمر والسعادة والعيش الهانيء
المجدول بمحبة الناس لك .. |
إن قال طلال ذلك , فالنضم كمل ..
لأن للرجل بوصلته الإنسانية عالية الدقة .. تشير فنعلم أن ثمة جمال إنساني هناك , جدير بالإحتفاء و التقدير ..
و سلمى ترتقي سنام ذلك .. و جديرة بأكثر .
العمر المديد الجميل يا سلمى داوود لك ..
و الأماني الحلوة ..
شكرا طلال ..
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
كان فيه قمر كأنه فرخ الحمام
علي صغره دق شعاع شق الغمام
أنا كنت حاضر، قلت له ينصرك
إشحال لما حتبقي بدر التمام
عجبي !!
______________
كعادتك يا طلال..
كتابتك بتحل علي زي خبر سعيد..
شكراً يا طلال..
شكراً على اللفته الرقيقة..
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
سلمى يا سلامة ..........
كل يوم وانت طيبة .... انت مولودة فى الذكرى الثالثة
ل 19 يوليو؟؟؟ يعنى سنة 74 مش كدا؟؟؟ يدسوا السنة دى بقت حركات سودان قديم !!!
ودعينا نردد مع طلال ونكمل شهوات البرغوتى ..........
شهوة لوجود النساء اللواتى يخفن قليلا
ولكن يقفن طويلا بجفن الردى وهو نائم
وطرحاتهن الغيوم واقدامهن الجنان
وفى روحهن الأساور والماس
لا فى المعاصم
يطرز أثوابهن العجاج الكريم
فيخدشن خوذة عصر الغزاة
ويسقطن عصر الهوانم
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: خالد عبد الله محمود)
|
كل سنة وانتى طيبة يا سلمى
واحسن حاجة حصلت لى فى الشهور الاخيرة انى عرفتك
واظرف ما عرفتو فيك انك زوجة اخو اسما عبد الحليم صديقتى الجميلة اللطيفة..وهى زاتها طبعا طلعت اخت هميمة صديقتى الاسفيرية ..اللطيفة "ما حأقول الالطف..لأنو حاجات زى دى بتعمل مشاكل عائلية"
"لكن الحموات مااااااا عندك ياختى .."
انا لو أضمن حموات زى ديل ..بعرس طوالى
ههههههه
محبتى
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: Tumadir)
|
تُماضِر
| Quote: واحسن حاجة حصلت لى فى الشهور الاخيرة انى عرفتك |
يا سلاااااام ياخ...
أدّردق أنا يعني هسه ولا شنو!!!
أما بخصوص الحموات وكده..
فقولي ما شاء الله وما تسحرونا!!
وبشجعك... لو لقيتي زي ديل..
go for it tawali!!!
تسلمي يا حبيبة وخليكي دايماً قريبة
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: هميمة)
|
| Quote: يعنى سنة 74 مش كدا؟؟؟ يدسوا السنة دى بقت حركات سودان قديم !!! |
20 يوليو 1974
تعرفي يا هالة من كم يوم كنت بقول لي زول كده بدون ذكر أسماء - عدى الخمسين بجدارة واقتدار يحسد عليهما، إنه الخمسين دي سن جميل وقوي..
بتحس إنك متحكر في الدنيا دي و سيدا..
تسلمي حبيبتي على مرورك.. وعلى إقتباس مقطع جميل و"عصيب" من شهوات البرغوثي..
الله يلبسنا "الأساور والماس" في "الأرواح"
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
Quote: أظن ان وجودك من الحاجات الجميلة في حياة أي زول ،
وعليه نتمنى لك طول العمر والسعادة والعيش الهانيء
المجدول بمحبة الناس لك ..
كل سنة وإنتي جميله كده وحلوة كده ..
لأنك إنسانه حقيقية وإضافة في الدنيا دي ..
|
سلمي كل عام والدنيا احلي
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: بهاء بكري)
|
بهاء بكري...
وانت في عز اغترابك وغربتك..خد كمان المقطع ده من الشهوات..
شهوتى لمطار رحيم
ولذاك الطرازالذى لم اجربه
من سفر للسفر
حيث لايغرس الضابط الوحش
نابيه فى روح روحى
ويجلس فى كامل الاعتزاز بسلطانه
مثل ضبع وسيم
شكراً بهاء...
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
العزيزه سلمى ................
سنه حلوه وعقبال الشمعة ال100
(وكل سنه وانت الخير لكل الناس )
سلمى داؤد الانسانه التى تشع الانسانية من جنباتها وتطفى حيوية وضياء
واشراق لكل موقع تكون فيه ...
تسلمى ياوريفه ....
( بهديك الفوضى شجار طفلين
فى ساحة روضه
بهديك احساسى حديث عابر ...
فى مركبة عامه بصوت واطىْ
بهديك كل شى ....)
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
اقول الكلمه ما تاهة خلاص فى الضلمه
واعاتب الليل ده ماليلاً طويل ياسلمه
ده كلام ستنا يا سلمى ما كلامى انا، انا لابعاتب الليل ولا حاجة ههههه
وهى بتشكر فيك جداً وبتقول ليك
يا سلمى يا روعه يا ايه .. انت الشموخ انت الاصاله بتمنى ليك فى كل خطواتك
فرح ...
( وانشاء الله طول ما فرحى بيك ما تنجرح عزه هواك )
ده كلام ستنا ليك انتها ..........
*************************************************
ولى الماعارفين ....
اول مره التقى الاستاذه سلمى داؤد فى مبانى تحصين الاطفال ...
والتقيتها مره اخرى فى التحضير للاحتفال بيوم التطعيم السودانى 17/7 الذى تم تطعيم
اول طفله سودانية فيه ده كان فى عام 76 .
المهم انه سلمى انشاء الله ما يجى يوم شكرا وقفت معنا موقف ما بجى من زول عادى
وما داير اقول اكتر من كده ....
شكراً كتير سلمى لانك هنا .......
وتانى كل سنه وانتاطيب واحلى واروع وانقى وبس
| |
|
|
|
|
|
|
|
|
|
Re: كل سنه وأنتي طيبه يا سلمى داوود .. (Re: طلال عفيفي)
|
سلمى ...
لم أكن أعلم أنه كثيرون غيري قد عرفوا سر روعتك
ولم أظن أنني آخر المنضمين لصفوف المهنئين فوصلت آخر الوفد لكنه أول الحفل فما زال هناك "متسع من الإصغاء فينا والفضول"
لك المنى بأجمل الأيام سيما وهذا الكم الهائل من جموع المحبين يحيطون بشمعتك الجديدة
دومي لي ...لنا... لهم .... لك ... وله
سامر
| |
|
|
|
|
|
|
| |
طلال عفيفي
Hussein Mallasi
Muna Khugali
Asma Abdel Halim
معتصم دفع الله
Omayma Alfargony
انعام عبد الحفيظ
فيصل محمد خليل
Adil Osman
أبو ساندرا
Emad Abdulla
بكرى ابوبكر
Ahmed Daoud
willeim andrea
خالد عبد الله محمود
Tumadir
بهاء بكري
غادة عبدالعزيز خالد
Samer Osman
فيس بوك
تويتر
انستقرام
يوتيوب
بنتيريست