|
|
 أنا والشيطان لمَّانا كون
|
ياخي صلاة الصبح مش ركعتين؟؟؟ برضو يقسمن معاي يشيل ركعة ويخلي لي ركعة
مجرد ما الإمام قال الله أكبر يجي الزفت دا يحوم لي قدامي ويبرطم ويشاغل
مرة يقول لي عاين الإمام دا فقرتو قدر شنو والله يلخك بُنية يجيب خبرك
ولاَّ يقول لي هسع عليك الله أكان قطعوا رقبتو دي ما ببقى دولاب؟؟؟
أذكر زمااااااااااااااااان مشيت لي جماعة وما لقيت مصلاية قلت أصلي في جريدة ساكت
أها لمن ركعت عيني وقعت ليها في عنوان كبيييييير (بريمة يتألق وينقذ مرماه بإعجوبة)
أنقر ما قريت الخبر كلو؟؟؟
قريبةً لينا بتحب الطرب والغنا وجرجرة الكلام (قلت ليييييييييييك .. أصبرييييييييييي)
أها كل ما عينها تقع فيني (البدريييييييييي تعاااااااااال الرسول كما غنيت لي)
مشت الحج وجات مدمدة بالتوب الأبيض والطرحة الظهرية وكان عندها عرس بتها أها قاعدة في نص السرير وتوصف للبنوت سون دا وخلن دا والشفع يغنوا هناااااك وهي خرمانة للغنا لكن الحجة الحجتها مكتفاها وما قادرة تقول شئ
أها عينها وقعت فيني وصاحت البدريييييييي تعااااااااال الرسول (وبسرعة إستدركت) جوكن ضيوف كتاااااااار؟؟؟
وأنا كاشف نومتها بقيت الف وأجي ماري قدامها وهي روحها مشحتفة في الغنا
غايتو في الآخر صاحت صيحتها المعروفة
البدرييييييييييي تعاااااااااااال قلت لييييييييييك البنوت الضيفات ديييييييلك شايفن؟؟؟
قالن ليك غني لينا
|
|
 
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
بدر الدين
بدر السماء
بدرالحسن
بدر التمام
بدرنا نحن
ولا أقول ليك
يا القمرا الماك شهير
يا الراس يا الماك صغير
كونك تسعد الناس يا بدر وتخلق الإبتسامة مش على الشفاه وبس، لكين جواهم
ده شى ما أى زول بدر يسويهو
عشان كده إنت زول خلاّق ومبدع وحلو
بالله هسه الشيطان ذاتو ما بقى حلو
| |
|
|
|
|
|
|
|
|
|
Re: أنا والشيطان لمَّانا كون (Re: أبوذر بابكر)
|
بدر الدين
والله انت مش You made my day انت You made my day والايام الجاية كمان
قال (الخك)( وطرحة ظهرية) والله يا بدري ديل بالذات لما قريتم (اتفنقلت)
عديييييييييل من الضحك..
تسـلم يازول يا سـمح.
| |
|
|
|
|
|
|
|
|
|
Re: أنا والشيطان لمَّانا كون (Re: أبوذر بابكر)
|
صديقي الجميل أبوذر بابكر
مطري السبب لي سعادتي وفخري
ياخي السلام عليك والرحمة والبركة وتاني حمداً لله على سلامتك وربنا يحفظك لينا
Quote: عشان كده إنت زول خلاّق ومبدع وحلو
بالله هسه الشيطان ذاتو ما بقى حلو |
وإنت ما تراك بتخلق وتبدع زمنك دا كلو في زول سعلك
لك وللزوجك وآمنة وكل من حولك سلام وحب
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
أبو أواب
ليك وحشه يا راجل يا جميل ، وبصراحة أنا ذاتي الما شفت الإمام سرحت معاك وبعدين أتخيلت الفقرة والعنقره وهلم جرا، وكابتن شوشو طبعاً قالوا إنو أبونا آدم هو السبب في لعنته عشان كده حالف أى واحد من سلالة آدم إن شاء الله يكون معدل وراثياً أو مستنسخ ما حا يخليهو وحا يدخلنا النار كلنا إلا عباد الله الصالحين أها أنا شوشو الموكل بي بخليني اتأمل في سجادة الصلاة وأعاين المناظر الفيها والأشكال الهندسية ودقة الرسومات وجمالها وتناسق الألوان بالرغم من أنني لا أفقه أى شئ في فن الرسم لكين أهو بعد مليون سنه ضوئية من آدم يصر أولاد الأبالسه أن يقعدوا لنا كل مقعد ويقولو هو ده السبب في الإنقلاب العكسري المشئوم الذي جلب فلان للسلطه ، ده غير أنني أحياناً بسرق النظر يمين ويسار وبعاين لأظافر كرعين المصلين الذين يرميهم حظهم التعيس بجواري وتشوف نوعيات بتاعت أظافر تحاكي أو تماثل الظلف المشقوق بتاع البقر والواحد تشوف جلابيتو وعربيتو ما تشوف كرعينو من الشقوق والغبشه والله يا بدر الدين قبل كم شهر كده أنا قايل نفسي بصلي جمب سمبرية ولا طير من طيور الباز يا أخي الضفور تقول مسامير مصديه وده ممكن تعمل منو كيلو ضفره عديل كده.
لكين حكاية الجريدة دي ما في واحد سبقك عليها وإنت ما تصلي في الأرض ساكت يعني لازم تصلي في جريدة.
| |
|
|
|
|
|
|
|
|
|
Re: أنا والشيطان لمَّانا كون (Re: almulaomar)
|
صاحبي المتعة عمر
سلام ليك ولي أم أحمد وأخوان أحمد (إخوة) خليناها المرة دي
| Quote: عشان كده حالف أى واحد من سلالة آدم إن شاء الله يكون معدل وراثياً أو مستنسخ ما حا يخليهو |
هههههههههههههههه
| Quote: أها أنا شوشو الموكل بي بخليني اتأمل في سجادة الصلاة وأعاين المناظر الفيها والأشكال الهندسية ودقة الرسومات وجمالها وتناسق الألوان |
حاولتها أنا لكن ما نجحت لأنو بقى يشبه لي أشكال المصلاية بي أشكال تخِّوف وما حلوة
| Quote: والله يا بدر الدين قبل كم شهر كده أنا قايل نفسي بصلي جمب سمبرية ولا طير من طيور الباز يا أخي الضفور تقول مسامير مصديه وده ممكن تعمل منو كيلو ضفره عديل كده. |
الله يجازي محنك ياخي دي كتلتني عدييييييييييييل بالضحك
| |
|
|
|
|
|
|
|
|
|
Re: أنا والشيطان لمَّانا كون (Re: لؤى)
|
لؤي حبيبي كيفك
يمين مشتاقين
Quote: زي ما قالت حبّوبتي
وحاة النّبي إنت أظنّيتك ما براك |
أنا والشيطان لمَّانا كون
| Quote: الرّسول كان ما غنّيت لي |
الرسول كان ما عزفت لي
| |
|
|
|
|
|
|
|
|
|
Re: أنا والشيطان لمَّانا كون (Re: لؤى)
|
لؤي الظريف
Quote: إنت راجل عشان ما تتأخر
وأنا بجي مراجلك بعد شويّة |
والله لكن مرجال عديل كدا
ربي تحفظ لؤي النضيف الظريف العفيف الحقاني (دا إسم القبيلة)
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
Quote: أذكر زمااااااااااااااااان مشيت لي جماعة وما لقيت مصلاية قلت أصلي في جريدة ساكت
أها لمن ركعت عيني وقعت ليها في عنوان كبيييييير (بريمة يتألق وينقذ مرماه بإعجوبة)
أنقر ما قريت الخبر كلو؟؟؟
|
بدرالدين الما شين
عارف حكاية الصلاة فوق جريدة دي قطع شك معناها الركعات كلها اخبار الجريدة
عندنا خالنا بيبدا الصلاة من حوض الوضوء ، يعني قبل ما يصل المصلاية بكون خلص الركعة الاولى ، وصلاته كلها بينهيها في ظرف دقيقتين قرا شنو قال شنو ... علمه عند ربه
لكن غايتو دي مرة حصلت لي ، اكتشفت اني بقرا التشهد بطريقة الية يعني قريته كيف ما بعرف ، للتعتر لي قلت انتبه في التشهد شوية ، ما عرفت غير الكلمة الاولى ، زي دقيقة كدا لقيت نفسي بكرر في الكلمة الاولى بس .. نهائييييييييي ما عرفت اقول شنو تاني
عدت الصلاة ..وسرحت .. تخيل قريته زي الما حاصلة حاجة!!!
| |
|
|
|
|
|
|
|
|
|
Re: أنا والشيطان لمَّانا كون (Re: maia)
|
أووووووووووووووووه ميَّا
وينك إنتي الطال غيابك
مشتاقيييييييين وكيف اهلك؟؟؟
| Quote: عندنا خالنا بيبدا الصلاة من حوض الوضوء ، يعني قبل ما يصل المصلاية بكون خلص الركعة الاولى |
هههههههههههههههههههه
Quote: لكن غايتو دي مرة حصلت لي ، اكتشفت اني بقرا التشهد بطريقة الية يعني قريته كيف ما بعرف ، للتعتر لي قلت انتبه في التشهد شوية ، ما عرفت غير الكلمة الاولى ، زي دقيقة كدا لقيت نفسي بكرر في الكلمة الاولى بس .. نهائييييييييي ما عرفت اقول شنو تاني
عدت الصلاة ..وسرحت .. تخيل قريته زي الما حاصلة حاجة!!! |
إنتي وكت وصلتي للتشهد ما خلاص دربك مرق لكن بيني وبيك دي زي القون البجي في آخر الدقائق ما بتعادل
تحياتي
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
بدر الدين شنا
أحمد وإخوته قربو يكسروا شاشة الكمبيوتر قال شنو قال دايرين يقرو عم بدر الدين شنا كاتب شنو المهم عملت لي كل واحد printout من مقالك حفاظاً على الكمبيوتر والترابط الأسري القائم حتى قبيل نزول مقالكم وشماراتي مع أم أحمد وإستراق أحمد وأخوته للخبر ومن ثم هجومهم الكاسح على لاب توبي الذي بعد أن كان ماركة Dell قرب يبقى ماركة طرق أو زراق (وهي أنواع من الأقمشة الرخيصة كما تعلم.
Quote: أذكر زمااااااااااااااااان مشيت لي جماعة وما لقيت مصلاية قلت أصلي في جريدة ساكت
أها لمن ركعت عيني وقعت ليها في عنوان كبيييييير (بريمة يتألق وينقذ مرماه بإعجوبة)
أنقر ما قريت الخبر كلو؟؟؟
|
بالله يا بدر الدين يا أخوي لو كانت الجريدة البتصلي فيها دي جريدة Le Monde الفرنسية كان تكون لي هسع راكع ولا شنو
| |
|
|
|
|
|
|
|
|
|
Re: أنا والشيطان لمَّانا كون (Re: almulaomar)
|
المتعة عمر صاحبي
تحيات تسع الجميع
دائما تجدني حيران في الرد على مداخلتك فأنت أجمل مني ياخي
وتملك شيطان مميز يساعدك في ترويض الحروق وبوتقة المواقف الطريفة
| Quote: لو كانت الجريدة البتصلي فيها دي جريدة Le Monde الفرنسية كان تكون لي هسع راكع ولا شنو |
هههههههههه أها هسع دي غير أضحك أسوي شنو؟؟؟
لك حبي
| |
|
|
|
|
|
|
|
|
|
Re: أنا والشيطان لمَّانا كون (Re: طارق جبريل)
|
طارق جبريل حبيبي
كيف حالك وحال أسرتك وأطفالك الحلوين (ما شاء الله)
| Quote: الله اكبر... يا الله لي يا الله لي منكن (الركبة) |
ههههههههههه
الله يديها العافية وزي ما بتقول تماضر
بختك إنت عندك حبوبة
تقديري
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
بدرالسمح ، ازيك وما مستنياك في السودان عاد كان ما جيت القطاااااعة ، خسمتك ان ما جيت ، موعودة بحفلة منك ( حفله ليك ) الليلة دى كنا في سيرتك بكل خير معاي حعفر سعيد وود المهدي ، اشحتفك ، وبعدين ماشه المسرح عبد المنعم عندو مسرحية ، وكل يوم من ايام الشهر الفات كنا في سيرتك مع نعيم سعد والله في البال يا حبيب ضرورى تجى ( فى مطار ابوظبي ) سربعه خالس ، وحات ابو ادريس ان ما جيت يا نى الناطة ليك فى بلاد العرب ، رغم انى مكجناهن لكين حبا فيك يا جميل تعرف اغرب حاجة لمن جيت السنه الفاتت الدوحة كتبوا لي فى التاشيرة ( يسمح لها بالدخول الى مسقط ) قلت امكن بقت الهوادة مسقط ، حاولت اجى لكيييين الله ياخد الفلس ود امي ، المهم ، كان لقيت لى شغل ، بجيك ، خايفة منك ؟ لاقيت فى الدوحة الشاعر الجميل سيف الرحبى صاحب مجلة نزوي ، واتفق معاى لكنه زاغ يا الحاج ، برى من جنس ناس الزمن ديل ، الراجل بقينا ما عارفين نقبضو من يا تو حته ؟ المهم لسانو طلع زفر ، وما رد علي ، ووحات ابو ادريس ، نشر لى علي التعترو ، وما رسل لى لغاية اليوم ، اها كان لاقيتو ( باسم ) اساله ( هل يدرى ؟ ) كان نعسان كان صاحى ؟ودعتك الله ود امي وصلاتي علي محمد روحك لسه يا ها زاتا نفس الالق ونفس الحلاوة بحسدك علي حضورك الجميل يا اجمل الناس
| |
|
|
|
|
|
|
|
|
|
Re: أنا والشيطان لمَّانا كون (Re: سلمى الشيخ سلامة)
|
بدر الدين
يااااااااااااااه
والله واحشني موووووووووت يا حبيب
وينك ووين أراضيك
الشيطان جابني ليك جاري جري
عليك الله ما أخير من يجيبني تلاتين حشرة؟؟!
أها
عيييييييييييك
وين الحي بيك
في هذه المدة الطويلة التي لم أراك فيها
أنشاء الله تكون بخير وصحة جيدة
...........
هميم السلام الرصاص!!
وبعد................!
| |
|
|
|
|
|
|
|
|
|
Re: أنا والشيطان لمَّانا كون (Re: حبيب نورة)
|
الحبيب الغالي حبيب نورة
تبادل بالشياطين؟؟؟
أتخيل يجيك واحد يقول ليك
عايز لي شيطان أحضر بيهو حفلة الليلة دي
Quote: وين الحي بيك
في هذه المدة الطويلة التي لم أراك فيها
أنشاء الله تكون بخير وصحة جيدة |
دي بجي بعدها طوالي
الولد طردوهو من المدرسة عشان الرسوم وسيد الدكان ....
تحيات تملأ رئة الود البينا
| |
|
|
|
|
|
|
|
|
|
Re: أنا والشيطان لمَّانا كون (Re: سلمى الشيخ سلامة)
|
| Quote: موعودة بحفلة منك ( حفله ليك ) الليلة دى كنا في سيرتك بكل خير معاي حعفر سعيد وود المهدي ، اشحتفك ، وبعدين ماشه المسرح عبد المنعم عندو مسرحية ، وكل يوم من ايام الشهر الفات كنا في سيرتك مع نعيم سعد والله في البال يا حبيب ضرورى تجى |
سلمى بي طريقتك دي بتبكي ليك بدرالدين شنا
أجمل مافي الكلام الفوق دا إنك طمئنتي على العم نعيم سعد الرجل الجميل
عليك الله كان عندك رصيد سلام سلمي لي على جميع الإصدقاء والصديقات وقولي معاي إن شاء الله كدا ناوي أجي السودان في عيد الأضحى وإجازة واسعة كمان
| Quote: تعرف اغرب حاجة لمن جيت السنه الفاتت الدوحة كتبوا لي فى التاشيرة ( يسمح لها بالدخول الى مسقط ) قلت امكن بقت الهوادة مسقط |
ههههههههههههههههه
| Quote: ودعتك الله ود امي وصلاتي علي محمد روحك لسه يا ها زاتا نفس الالق ونفس الحلاوة بحسدك علي حضورك الجميل يا اجمل الناس |
عايزاني أجي السودان إنتو تسربعوا قدامي وأنا (أسربع) يديني وأقعد؟؟؟
لازم أحتفظ بي شئ أقدر أواجه بيهو سربعاتكم دي
سؤال
العسووووولة سوميتة وين ما شايفها؟؟؟
| |
|
|
|
|
|
|
|
|
|
Re: أنا والشيطان لمَّانا كون (Re: sharnobi)
|
Quote: ابو البدور اتخيل فى اللحظة دى بس انت وانا
Quote: sharnobi
»بدرالدين شنا |
في حاجة في التلاجة ولا نجيب لينا فول؟؟؟
تعال نسرق المواضيع الفيها مداخلين كتار
ولا نحول المداخلين لبوستاتنا
أنا فرحان بوجودي معك يا شرنوبي
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
البدرى حبيبنا
اتخيل انك جاى من الشغل
تعبان فى السودان والفلس
ضارب وقلتا اصلى العصر وبعدين
اتغدى وانت اثناء بتصلى جات كديسة
ماشة فى الحيطة شايلة فرخة بتاعت
العربى والكديسة ماشة وانت متابعة
بعيونك اها فى اللحظة دى كان قطعت
الصلاة فيها حاجة ولا تعمل شنو داير
لى فتوة لانو الحاجات دى بتحصل طوالى
| |
|
|
|
|
|
|
|
|
|
Re: أنا والشيطان لمَّانا كون (Re: ali elhassan)
|
علي الحسن ابو الصُحب
شنو يازول لسع بعيد؟؟؟
Quote: دى كان قطعت
الصلاة فيها حاجة ولا تعمل شنو داير
لى فتوة لانو الحاجات دى بتحصل طوالى |
قلت لي فرخة عديييييييييل كدا؟؟؟
والله ياخي الفتوى صعبة
فرخــــــــــــــــــــــــــــــــة؟؟؟
| |
|
|
|
|
|
|
|
|
|
Re: أنا والشيطان لمَّانا كون (Re: انعام عبد الحفيظ)
|
الغالية إنعام عبدالحفيظ
سلام بطيب خاطر
Quote: معقول لكن بعد القصص الظريفة دي
تجيب لينا صور مخيفة زي دي
انت ما عايزنا نخش البوست ده تانى ولا شنو؟ |
كُر علي خفتي؟؟؟
خشي ساي ما بسوي ليك حاجة إلاَّ صلي
أنا ذاتي
| |
|
|
|
|
|
|
|
|
|
Re: أنا والشيطان لمَّانا كون (Re: عنيده)
|
عنيدة يااااااااااااااااه
سلام وترحاب بعد طول غياب
Quote: يسعد صباحك اخ بدرالدين
بوست جميل جدا |
وصباحك إنتي ويبعد عنك الشيطان والعند
شكرررررررررن على الكلام الطيب
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
البدري - سلامات يا الحبيب
تعرف يا بدر في جماعة كانوا بيصلوا في صلاة الضهر والظاهر عليهم بإمامهم كانوا لاحقنك كدي
بعد نهاية الصلاة الجماعة دخلوا في مغالطة شديدة هل الإمام صلى بيهم 4 ركعات وللا 3 ركعات؟؟ قام واحد فيهم أكد بكل ثقة إنهم صلوا 4 ركعات. فالجماعة كلهم إلتفتو عليه وسألوه عرفته كيف!!!؟ قال ليهم والله أنا عندي 4 دكاكين في كل ركعة جردت لي دكان.
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
بدر الدين شنا أو كما كما تقول الغالية نادية (وين الزولة الرايعة دي)
بدرالدين حلا
الله يجازي محنك
انشالله تعود والعود احمد
وتكون الاجازة طويلة عشان تلاقي الناس كلهم ونسعد بيك وتسعد الناس تاني وتاني
و رايكم شنو با بورداب الداخل لو عمالنا جلسة جميلة لاخونا النضر بدرالدين
وخليناهو اعزم كل حبانو اصدقاؤه من فرقة الاصدقاء و كل الحبان
ورونا رايكم خاصة انو في وكت عشان الترتيب يكون مكرب و الكلام دة ليك يا سلمى الشيخ سلامة
سلوم الما بجيه اللوم
و السلام
عاطف حسن
| |
|
|
|
|
|
|
|
|
|
Re: أنا والشيطان لمَّانا كون (Re: عاطف حسن)
|
أخي (صحي صحي) عاطف حسن
كيفك وكيف الأهل يا أعز صديق
Quote: انشالله تعود والعود احمد
وتكون الاجازة طويلة عشان تلاقي الناس كلهم ونسعد بيك وتسعد الناس تاني وتاني |
والله أنا كمان زهجت خلاااااااااص وياريت أعود والاقي الناس الحلوة ونعيد الأيام الطيبة يا عاطف
شنو ما خلاص نويت؟؟؟
أنتظرني لمن أجي
تحياتي
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
صديقي الحبيب بدر الدين
Quote: ياخي صلاة الصبح مش ركعتين؟؟؟ برضو يقسمن معاي يشيل ركعة ويخلي لي ركعة
مجرد ما الإمام قال الله أكبر يجي الزفت دا يحوم لي قدامي ويبرطم ويشاغل
مرة يقول لي عاين الإمام دا فقرتو قدر شنو والله يلخك بُنية يجيب خبرك
ولاَّ يقول لي هسع عليك الله أكان قطعوا رقبتو دي ما ببقى دولاب؟؟؟ |
ياخي يابدر الله يجازيك ويجازي شيطانك زاتو .. والله انا بضحك زي الاهبل والناس اتلموا فيني والسفير قرّب ينزل من فوق وانا ما قادر اسكت .
وبعدين شيطانك ده عندو تزأم حايم معاي انا هنا لكن ده بجيني في الركوع لاني بكون مغمّض منو واول ما اركع يدنقر معاي بس يشبكني ليك شوف ده ضفورو طوال كيفن ودييييييييناك عاين ده كراعو قدر شنو والله طالوش بس والله تلقاهو شوات شوت .. والله بالغت عديل غايتو يا بدر
(انت الشياطين دي ما قالوا ما بتخش المساجد) طلع كضب ساكت ..
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
بالله يابدر شوف شيطان الجن قاسمك فى الصلاة ، بينما شيطان الإنس سرق كمر البيت كلو ، وضحكتا لمن عرفتا انك عامل كمين للشيطان فى صلاة التراويح ، بس الخوف انهم اربطوهم فى رمضان ، يعنى كمينك ح اطلع فشنك .
| |
|
|
|
|
|
|
|
|
|
Re: أنا والشيطان لمَّانا كون (Re: أبوبكر حامد الأمين)
|
بدرالدين حلا بيك
واحد من اهلنا الرباطاب بيصلي الجمعة في المسجد وعند اقامة الصلاة الشخص الواقف جنبو انصار سنة قال ليهو سد الفراغ بينا وعفصوا عفصة شديدة مرتين فسالوا ياخوي سادي الفراغ في شان شنو فقال ليهو عشان الشيطان ما يدخل بيناتنا فرد ليهو الرباطابي هو الشيطان لمن وصل لي هنا ماتخلي ال يصلي معانا
ودمت ياصديقي ولك الشكر بقدر ما زرعت وتزرع الفرح والبسمة في قلوبنا
| |
|
|
|
|
|
|
|
|
|
Re: أنا والشيطان لمَّانا كون (Re: أبوبكر حامد الأمين)
|
العزيز أبوبكر حامد الأمين
سلام عريييييييض
| Quote: وضحكتا لمن عرفتا انك عامل كمين للشيطان فى صلاة التراويح ، بس الخوف انهم اربطوهم فى رمضان ، يعنى كمينك ح اطلع فشنك . |
فعلاً الشياطين موصدة الأبواب أمامها في رمضان لكن في ناس بنتظروها جنب الباب ويحنسوا البواب عشان يدخلها
غايتو هو كان خلو ليهو الباب فاتح ما بدخل لأنو التراويح صلاتها طويلة وشيطاني أنا بتاع صبح ومغرب بس
لك حبي وتقديري
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
بدر الدين
سلام تاني
عارف عندنا حبوبه ما حافظه قرآن
لما تجي تصلي ترفع ايدينا وتقول الله اكبر
وبعدها تقعد تقول صلاه صلاه صلاه وبعدها تركع وتسجد
وهكذا حتى تتم ركعاتها والاغرب انها بتقرأ التشهد
صلاتها دي ما ظنيتها قايمة من مصلايتها دي
غايتو ناس زمان ديل صلاتهم براها :D
مودتي واحترامي
| |
|
|
|
|
|
|
|
|
|
Re: أنا والشيطان لمَّانا كون (Re: انعام عبد الحفيظ)
|
إنعام عبدالحفيظ الغالية
سلام في ريحة حبوباتنا الطيبات
Quote: وهكذا حتى تتم ركعاتها والاغرب انها بتقرأ التشهد
صلاتها دي ما ظنيتها قايمة من مصلايتها دي |
صدقيني زي ناس حبوبة ديل صلاتهم ممكن تكون مقبولة أكتر من صلاتنا بعامل الخشوع نحن صاح حافظين لكن مشاغل الدنيا ممكن تخصم كتير جداً من رصيدنا
الله يحفظلك حبوبة يا إنعام يا حبوبة
أنا ذاتي
| |
|
|
|
|
|
|
|
|
 Re: أنا والشيطان لمَّانا كون (Re: بدرالدين شنا)
|
اهلين أبو البدور
واحد صاحبنا يعتقد انه هو والشيطان مش لاميهم كون بس ! اكتر من كدا ..
اها قام مرة ناس الحكومة ودوهو الحج ( يعمل شنو ؟) لمن مشي رمي الجمرات قال الشيطان صرّ ليهو وشو وقال ليه حتى انت يا عبدو ؟
| |
|
|
|
|
|
|
|
|
|
Re: أنا والشيطان لمَّانا كون (Re: ملكة سبأ)
|
شقيقي أبو البدور
سلام كبير
Quote: أذكر زمااااااااااااااااان مشيت لي جماعة وما لقيت مصلاية قلت أصلي في جريدة ساكت
أها لمن ركعت عيني وقعت ليها في عنوان كبيييييير (بريمة يتألق وينقذ مرماه بإعجوبة)
أنقر ما قريت الخبر كلو؟؟؟ |
| |
|
|
|
|
|
|
|
|
|
Re: أنا والشيطان لمَّانا كون (Re: ملكة سبأ)
|
ملكتنا الجميلة
سلام وشووووووووووق وإحترام
| Quote: اها قام مرة ناس الحكومة ودوهو الحج ( يعمل شنو ؟) لمن مشي رمي الجمرات قال الشيطان صرّ ليهو وشو وقال ليه حتى انت يا عبدو ؟ |
ههههههههههههههههههههههه
ياخي والله العظيم يا حليلك
ووالله العظيم هههههههههههههههههههههههههههههههههههههههه
مودتي وإحترامي
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
اها وعكس كدا ناس كرّهو الشيطان زاتو
قالو مرة لاقوهو جماعة لامي عفشو في المطار قال ليهو وييين يا أبو الشوش ؟
قال ليهم (الجماعة) ديل كرهوناالبلد ! الواحد تجتهد معاهو وتتعب وتوسوس .. أسرق .. انهب .. اخطف .. اقلع !
لما خلاااص يغتني يبني ليه عمارة ويكتب برة : ( هذا من فضل ربي)
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
واحد بلدياتنا بيشرح لزوجتو الحج وعند ذكر رمي الجمرات قال تعرف الجمرات بيرمو بيها مين فقالت ليهو مش عارفة فقال ليها الشيطان وحقو بدل ما نمشي الحج نرميك انتي ونرتاح من السفر والتعفص
| |
|
|
|
|
|
|
|
|
|
Re: أنا والشيطان لمَّانا كون (Re: Mutwali Malik)
|
متولي مالك كل جميل
سلامي وإعتذاري للتأخير (ما شفت مداخلتك دي إلاَّ الليلة دخلت أجيب لي حاجة من جوة)
| Quote: واحد بلدياتنا بيشرح لزوجتو الحج وعند ذكر رمي الجمرات قال تعرف الجمرات بيرمو بيها مين فقالت ليهو مش عارفة فقال ليها الشيطان وحقو بدل ما نمشي الحج نرميك انتي ونرتاح من السفر والتعفص |
زولك دا مكَّار ذكرني واحد من العرب المكَّارين نسيبو سألو سؤالين
النسيب : أمك كيف؟؟؟
العربي : حيَّة تُرزق
النسيب : مرتك كيف؟؟؟
العربي : حيَّة تسعى
طبعاً أنا صادفني حجر في عيني أثناء رمي الجمرات لكن الظاهر أنا كنت مغطي الشيطان أثناء تنفيذ المخالفة والفاول كان في راس خط 18 وجات فيني
أكرر أسفي يا حبيبي
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
| Quote: أنا والشيطان لمَّانا كون |
اغرب شى المرة دى ما كنت ثالثكما!!
بدر الدين عندنا عمنا امام جامع مرة نحن بايتين فى بيته قام على الصلاة
وصحانا معاه انا وولد عمى التانى ،قلنا ليه ان شاء الله نلحقك وحاتك صلى
وجاء لقانا ممدين ،جاب الشاى صحانا،قال الله انعل الشيطان ما تسمعوا كلامو
قال:انا دلوقت الحمد لله بصلى لى اربعين سنة والشيطان ما خلانى ،والله مرات
يلولينى عشان انوم برضو بقوم..
ودعمى قال ليه انت بلوليك وبرضو بتقوم.والله نحن الشيطان ولابتعب معاناولاشى
بس يقول ليك نوم اتخمد واندمس هسع ده برد صبح وحاتك ما بزيدنا معانا
طوالى نتكرفس..الله يهدينا،،،
| |
|
|
|
|
|
|
|
|
|
Re: أنا والشيطان لمَّانا كون (Re: صديق الموج)
|
صديق الموج يا صديقي
سلام سمين وثمين
| Quote: اغرب شى المرة دى ما كنت ثالثكما!! |
ينطبقوا إتنين شيطان وصديق الموج دا ما شروع في الفاحشة عديل كدا؟؟؟ هههههههههههههههههه
Quote: ودعمى قال ليه انت بلوليك وبرضو بتقوم.والله نحن الشيطان ولابتعب معاناولاشى
بس يقول ليك نوم اتخمد واندمس هسع ده برد صبح وحاتك ما بزيدنا معانا
طوالى نتكرفس..الله يهدينا،،، |
أنا حكمة الله بصحيني ويغسل لي وشي ويوصلني لغاية الجامع وبعد داك يقعد يوصف لي في جزلان داك وضفر دا وعنقرة داك
مودتي وإحترامي
| |
|
|
|
|
|
|
|
|
|
Re: أنا والشيطان لمَّانا كون (Re: عبد المنعم سيد احمد)
|
أهلاااااااااااااان صديقي وحبيبي الأديب الأريب عبدالمنعم سيد أحمد
وكيفك وكيف أخبار الحصاحيصا على حسك؟؟؟
| Quote: وحليل زمن الحنان يابا |
ما أجملها تلك الأيام يا عبدالمنعم حسي أعتقد نحن الإتنين بقينا (يابا) مش؟؟؟
أعشم في لقاء قريييييب يا حبيب
| |
|
|
|
|
|
|
|
|
|
Re: أنا والشيطان لمَّانا كون (Re: بدرالدين شنا)
|
توقف البص في محطة الخياري علي طريق مدني كسلا و تهيأ الجميع لاداء صلاة الظهر
اها الامام قال يا جماعة واسو الصفوف و ضموا الفرقة عشان الشيطان ما يدخل في الصف
واحد عمك شليق قال للامام هي يا ولدي وكت الله هداهو و داير يصلي ما تخلو
| |
|
|
|
|
|
|
|
|
|
Re: أنا والشيطان لمَّانا كون (Re: Ibrahim Adlan)
|
العزيز إبراهيم عدلان
سلامي وإحترامي وترحيبي وفرحتي بالمشاركة
| Quote: واحد عمك شليق قال للامام هي يا ولدي وكت الله هداهو و داير يصلي ما تخلو |
ههههههههههههههههه
والله ما قدرت أعلق أي تعليق
الله يديدك العافية يا شفيف
| |
|
|
|
|
|
|
| |
بدرالدين شنا
sharnobi
المسافر
أبوذر بابكر
الخير محمد عوض
almulaomar
لؤى
الزاكى عبد الحميد
طارق جبريل
سلمى الشيخ سلامة
حبيب نورة
ibrahim barssi
انعام عبد الحفيظ
عنيده
صديق حمدتو
امير عوض الجمري
أبوبكر حامد الأمين
Mutwali Malik
ملكة سبأ
ابو جهينة
صديق الموج
عبد المنعم سيد احمد
فيس بوك
تويتر
انستقرام
يوتيوب
بنتيريست