|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
نوريت سلامات.
ماعندي فكرة عن الحاصل بالضبط، ولكني مريت علي بعض العناوين، اوحتي من غير كده، انا فاهم سلفا، العداء لي تراجي كقـــاعدة، اودي مهمة للبنصبو شراك فرية التعميم، هو اصلا عداء مشفر لماتمثلو تراجي كصوت لي زرقة مقهوري دارفور.
ده بي دورو برجعنا لي مربع كراهية زرقة السودان عامة بواسطة "عربته" حسب الوهم!. لاحظو لي تعبير زرقة، اوسودان هنا، او حتلاحظو كيف مفردة سودان "زرق" سلفا افرغت من معناها تماما، لتعني بقدرة قادر "عربة"!
من دون مااعرف الحصل في حمرة الشيخ اوموقف تراجي بالضبط من الحصل، ممكن بي بساطة شديدة اقول الاتي مقدما:
انو البتباكو علي سفك دماء المدنيين والعزل في حمرة الشيخ، في الاساس يااما جلابة، يا مجولبين، بالذات مواهيم العروبة من ذنوجة "الغرابة"، ذي ناس كبر، بريمة، اورزقة عجرم!
علي كده الموضوع اصلا من يومو ماعايز قميص عثمان الابرياء هذا في حمرة الشيخ، الا كتبرير وتمرير ومنصة اطلاق لي صواريخ كراهية وعداء لي زرقة تراجي الفروخ الماعرب اواشراف، اي احرار. الصواريخ اصلا منصوبة اومزودة بكل اصناف الرؤوس الجرثومية، محمولة علي الاكتاف اوجاهزة للاطلاق لاي سبب وبدون سبب!
ياخي ملايين الضحايا الابيدو كما الذباب، في الجنوب والغرب، بواسطة الدولة نفسها، مش قطاع الطرق كمايصورون ثوار دارفور، ماناس؟
مامدنيين؟
ماعزل؟
وين دموع التماسيح علي ضحايا حمرة الشيخ، هنا؟
ااكد ليك تماما عزيزي القارئ، انك حتجد المتباكين علي ضحايا حمرة الشيخ، هم نفسهم الصامتين دهرا، ليهم عيون بتاعين من بعيد، لي جبال الظلم، انهار الدموع، اوشلالات الدم الفي بلدنا بطول وعرض نصف قرن من الزمان!
طبيعي جدا كيف نفس التامرو بالصمت، علي ظلامات السنين هم نفسهم المتباكين علي ضحايا حمرة الشيخ.
كان جلابة ولامجولبين، وبالذات ممثلي الجنجويد بالمنبر.
ده كلو وانا ياداب ده تاني بوست لي ادخلو، مما يدل كيف كومين الصراع في بلدنا من الوضوح، الواحد ممكن بالتحسس فقط يتعرف علي عضوية الكومين، وهو معصوب العينين تماما.
بعد ده كمبشرين بسودان جديد، لواخطأت تراجي فوالله لقومناها بسيوفنا، لاننا ابدا ماشلة ولاقبيلة، ولاعشيرة، رغم الخندق الواحد.
ياهاشم
ورينا البوستات دي دربها وين، عشان مانبد ننضف من طرف.
دوام دواسنا بدا تب!
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: عبدالله)
|
الأخ هاشم نوريت دبايوا
Quote: 1/ هل البعض يكره الغرابة كبشر ويحاول النيل منهم فى شخص تراجى مصطفى؟ 2/ هل البعض يرى ان قتل الدارفوريين لا يرقى الى الجريمة التى يجب ان تدان؟ 3/لماذا لم تجد هذه الجريمة ادانة من البعض؟ 4/ لماذا يمر قتل الجنجويد للدارفوريين دون مبالاة من البعض؟ |
يا هاشم منطق الاستنباط عندك بقى زي منطق استنباط الشيوعيين في بوسطينك داك! ____________________ رجعت مرة من السودان فقصصت على الزملاء بالسعودية أني قد زرت الأبيض وكسلا , فسألني أحد الجالسين: إنت صوفي ولا شنو ؟ ____________ دحين يا هاشم الرابط شنو بين: Quote: هل البعض يكره الغرابة كبشر |
وبين Quote: :ويحاول النيل منهم فى شخص تراجى مصطفى؟ |
بصراحة المقايسة عجيبة تلاتة حبات
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: omarmahdi)
|
omarmahdi دبايوا فى الحقيقة انك اثلجت صدرى بردك الجميل الذى يعبر عن اصلك الطيب وانا اتفق معك تماما بان ما حدث فى حمرة الشيخ امر لايمكن تبريره وكذلك ما يقوم به الجنجويد امر مقيت لانه يعبر عن نفس مريضة . لست هنا للدفاع عن اراء تراجى وقناعاتها السياسية ولم اتداخل فى خلافاتها مع الناس ولكن انتابنى شعور غريب بان البعض كراهيتم للغرابة اى الدارفوريين كجنس واحببت طرح اسئلتى حتى لا اقع فريسة للظن. اكرر شكرى لك اخى الكريم وردك مهذب مع تقديرى لشخصك
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
الأخ هاشم نوريت تحياتي
للأمانة وللإجابة علي سؤالك بكل شفافية يمكن أن تكون الإجابة تحمل الإثنين معاً من خلال المتابعة الدقيقة لواقع السودان ماضي وحاضر وهذا يقودنا لسوء الفهم الحاصل منذ أمد طويل لقضية الهوية السودانية وكيف أنها كانت محفزاً لصراعات سودانية علي مختلف المستويات تبدأ من العامة وتتدرج حتي النخب السودانية . ولعل ذلك ما أفرز كل هذه الصراعات التي جسمت علي صدر السودان حتي اللحظة. ثانياُ لا أحد يمكن أن يجيز القتل من غير سبب شرعي إلا إذا كان هذا الإنسان يحمل في دواخلة جينات عدوانية إنتقامية والتالي لن يراعي حرمة النفس التي صانها الكريم .
ثالثاُ: لم يطلب أحد من الجنجويد أو الحكومة نفسها أن تأخذ آخرين بجريرة غيرهم بل نطالب بإحقاق الحق ورد المظالم وأن ينال كلٍ من تعدي جزاءة العادل . رابعاً : العلاقة بين كردفان ودار فور لا أحد سوف يدعي تأثرها بأي حدث مهما كان لكن الإدانة ومحاسبة من إعتدي علي الناس في منطقهتم تظل واجبة وهذه هي وسيلتنا لتصفية خلافاتنا الطبيعية منذ الأزل .
بحيراوي
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
Quote: نوريت اتق الله فالفتنة اشد من القتل في سبيل كسب رخيص لعنوان جاذب لا يهمك مقدار الفتنة التي يثيرها العنوان |
الطائفي الجهوي الجلابي عبدالله:
بعد موت الملايين وعلي مدي نصف قرن الفتنة دي ياداب جاية تنفض النعاس من عيونا اوتجي دافرة؟
طبعا ماكده.
الحاصل انك كجلابي بتدافع وعلي نحو غريزي عن مكاسب هيمنتك الحالية علي مقدرات البلد!
كيف؟
لانو في فهمك اومنطقك المشفر، نشر وعي مقهوريك بي واقع قهرهم، هو حقيقة فتنة ستؤدي في النهاية الي كنس امثالكم الي مزبلة التاريخ، اوعشان كده انتو عايزين الاغلبية المنبوذة والملفوظة تظل في ثباتا العميق ده، مغيبة وعيها ومستلبة تماما، بل مجولبة بالكامل!
حكاية كراهية الجلابة "للغرابة" واضطهادهم لهم، واقع معاش بي صورة يومية، بل في كل ثانية من كل دقيقة من عمر "الغرابي" في السودان.
لوماكده تقدر تقول لي ليه كل الموت ده كلو في بلدنا، حاضرة اكبر ماساة انسانية علي وجه الارض في اللحظة دي؟
بعد ده انت مصر تحجر حتي مجرد الكلام حول الماساة دي باعتبارا فتنة؟
الفتنة فعلا هو مثل تعاميك وتسترك هذا، اللي في حد ذاتو جريمة!
بدل الاصرار علي الباطل باعتماد النكران بدفن الراس في الرمال، جا الوكت احنا الجلابة نعترف بمااغترفته ايادينا الملطخة بدماء الابرياء، كحل اوحد ومخرج وحيد من دوامة الموت المليوني والدمار الشامل.
ذي اسلوبك العقيم ده جربناهو علي مدي نصف قرن، ماذا كانت النتيجة يااتحادي؟
الحذر كل الحذر من الثعابين امثالك ذوي الملمس الناعم والمظهر الوديع المسالم، وليس امثال عمر الفاروق اوالسنجك اوالساحر اوعلاء!
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
صديقي هاشم.. حبابك
اول حاجة ماذا تعني بمفهوم الغرابة؟الحدود؟الناس؟الإثنيات..الخ تاني حاجة..و بكل صراحة..انت..و تراجي.. و بقية ائمة الجهل..ما عندكم فكرة عن الغرب الكبير.. كردفان..و دارفور.. و زي ما الجبهة الإسلامية.. قدرت تركب السودان.. بسياسة فرق تسد.. فأيضا طابورها الخامس لا يقل خبث عنها.. و كل الأطراف ما عندها أيتها تقدير للدم السوداني.. احييك على حسن النية..و لكن لا استطيع ان اقنع نفسي بعدم خبث الآخرين.. خصوصا قرادة الخيل..و امام الجهاليل.. لأنو ديل الإتنين.. ما عندهم فكرة عن وهم اسمو جمهورية السودان.. المشكلة يا صديقي ..ما هي مشكلة ناس الغرب مع الحيكومة..لكنها ..و على مستواها في هذا المنبر.. مشكلة الغرابة الأصليين مع الغرابة المنبتين.. ما فعلته مليشيا الجنجويد مدان بكافة اللغات..و مرفوض..لكن قبله.. يجب أن تدين خزي حركة تحرير دارفور (قطاع مني اركوي)..التي عماها حب السلطة من الدفاع عن اهل قريضة و كلمــا.. و تركتهم نهب للجنجويد.. بدعوى توقيعها اتفاق سلام مع الحكومة..و هو نفس الخزي الذي مارسته قوات الإتحاد الأفريقي ( و هو بالمناسبة يا سيدنا بشاشا – امام الجهاليل.. كل قواته من امم ام زرقة التي تتبجح بها هنا)بدعوى اتهام الأهالي ( و معظمهم من المساليت) بأنهم ارتكبوا اغتصابات في حق نساء المنطقة.. لم تكن المأساة هي الجهل يا هاشم يا اخوي.. لكن المأساة هي جبهات الخبث التي تتناسل كحيتان الضلام..
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: Kabar)
|
محمد كبر دبايوا.
Quote: اول حاجة ماذا تعني بمفهوم الغرابة؟الحدود؟الناس؟الإثنيات..الخ
|
طبعا الاثنيات. واثنيات دارفور تحديدا وفى دارفور اثنيتين
Quote: تاني حاجة..و بكل صراحة..انت..و تراجي.. و بقية ائمة الجهل..ما عندكم فكرة عن الغرب الكبير.. كردفان..و دارفور.. |
استاذ كبر الاسئلة المطروحة الهدف منها معرفة ما اذا كان البعض يكره الدارفوريين كبشر ام انهم يختلفون مع تراجى .لاننى لم اجد سكوت البعض عن ادانة قتلى دارفور على ايدى الجنجويد. والامر ليس فيه اكثر من هذا وكنت اتمنى ان تنحصر ردود المتداخلين فى هذا.
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
الاستاذ / هاشم نوريت
تحية طيبة
نعم مهما اختلفنا , فالدماء التى سالت فى حمرة الشيخ ( رغم الحزن على دماء الابرياء فى كل مكان ) لها وجيع فهى دماء نقية وطاهرة وحمراء ( لهم الرحمة ولالهم الصبر وحسن العزاء ) بينما ناس كورما ومن قبلهم قوافل الشهداء من اهل دار فور والسودان قاطبة , دماءهم ملوثة ونجسةودماء حشرات .
نعم , لك ان تقول ذلك , فهناك حملة موجهة ضد الاخت / تراجى مصطفى , اولا , وهم فى اطار حملتهم ضدها , يسعون لابراز بغضهم للثوار ولكل ماهو غرابى , وللاسف يحاولون الباس بغضهم ذلك فى ثوب النقد والسفسطة , بقولهم انها تورة همباتة ومرتزقة و وقطاع طرق , ... , الخ....., بغض النظر عن اختلاف الحركات والتوجهات , فللأسف لم نجد عين تدمع او كلمة تعبر عن الحزن , الا , من قلة قليلة من الشرفاء فى هذاالمنبر
ان الاخطاء والهفوات , بمكن معالجتها , لكن ان نتناسى ان هنالك من يموت فى المعسكرات من جراء الهجمات ونقص العلاج والاغذية , فهذا هو الشيءالمؤسف والمخزي.
ان تراجى مصطفى , ليست بحاجة لاحد ان يدافع عنها , وهى ماضية في طريقها الذي اختارته لا يضيرها نبح الجراء
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: شرف الدين آدم إسماعيل)
|
الاخ شرف الدين ادم دبايوا. يسعون لابراز بغضهم للثوار يمكن يكون هنالك خلاف فى طرح القضايا وطريقة تحقيق الاهداف فهذا امر جائز. ولكل ماهو غرابى هذه هى الكارثة والسكوت عنها سيفاقمها ولن يزيلها كراهية اخوة لبعضهم البعض امر يجب ان نستهونه لان هذه الكراهية ان تطورت الى ثقافة عامة كيف سيتثنى لنا كشعب سودانى العيش فى وطن واحد بحدود واحدة. فهناك حملة موجهة ضد الاخت / تراجى مصطفى , هنا كان سؤالى هل الحملة ضد تراجى فى شخصيها ام لانها دارفورية؟ ان الاخطاء والهفوات , بمكن معالجتها , لكن ان نتناسى ان هنالك من يموت فى المعسكرات من جراء الهجمات ونقص العلاج والاغذية , فهذا هو الشيءالمؤسف والمخزي. شكرا لك اخى الكريم
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: Bashasha)
|
Quote: Quote: مشكلة الغرابة الأصليين مع الغرابة المنبتين..
الذنجي مدعي العروبة، المجولب، المتمسح بالجلابي كبر.
ومن هم "الغرابة" الاصليين، ومن هم هؤلاء المنبتين يامسكين؟
ياما قشرة الاستنارة دي تحتها بلاوي مفاهيم اكل الدهر عليها وخري فيها!
من بعد اعتدادك المعلن بعشيرتك البقارية ياقبلي، هاانت تميط اللثام عن جانب مظلم اخر في عقليتك المعتتة، بي ذي كلامك ده عن "غرابة" اصلاء، او "غرابة" تايوانيين اومنبتين!
ماهذا ياهذا؟
عايز تقول تراجي مثلا ماغرابية اصيلة؟
يالطريقة تفكيرك المتخلفة دي!
ابدا ماغريبة، القبلية والعشائرية عن ذهنية مدعي العروبة!
لوتعلم اسيادك الجلابة لايفرقون اويميزيون مابين "غرابي" و"غرابي"، كان زرقة كان عربة! |
سيدك وسيد سيدك..عامل فيها بتاع تاريخ وانت راسك كلو فيهو كلمتين ياخ اخجل على باقى عمرك ده.. واحد جلابى وعنصرى كمان.. وبجيك عشان اوريك سيدك كيف..
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
هاشم..حبابك
انت .. في عنوان بوستك.. ساويت بين تراجي و الغرابة..لاحظ.. المساواة بين فرد و شعوب بحالها.. و دي اسمها الحقارة يا هاشم يا اخوي..
المسألة التانية.. ذكرت في ردك على أن .. المقصود كراهية الناس للدارفوريين.. و كان ممكن من البداية تخطها صريحة.. من غير ما تقرنها باسم فرد..
المسألة التالتة.. لمن قلت ليك ما عندكم فكرة عن غرب السودان.. كنت جادي جدا.. لأنك في النهاية المسألة ما هي حرص على غرب السودان..ولا حتى طيبة الذكر دارفور..و انما القصة و ما فيها.. شوية مجاملة..و ليك الحق تجامل زي ما تقدر.. لكن قصة تدخل ليك شعوب بحالها في مقايطة خسرانة.. دي عوجة كبيرة..يا صديقي
المسألة الرابعة.. قصة دارفور فيها اثنيتين دي.. ما قدرت افهمها خالص..و يا ريت تزيد شرحها..
المسألة الخامسة.. مش غريبة انك يا دوبك تتذكر انو الغرابة الناس بتكرهم..و لا عشان المسألة فيها زولتكم؟
المسألة السادسة.. يا اخي هي مش منكم (يعني من الشرق) ..طيب ما تشيلوها عليكم..و لا قضايا الشرق دي ما محتاجة لخبرات دولية؟..و شفت قصة الخبرات الدولية النضالية هي اللي طلعت عين قضايا الغرب.. ليه؟ لأنو أي واحد ولا واحدة .. جاي فاكر البلد خلا..و العالم الهناك (الغرابة) ما عندهم التكتح في النضال..عشان كده يرفدوهم بدماء نضالية..
و حليلك يا عبد الرحمن دبكة..
كبر
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
الأخ هاشم نوريت .. تحياتي ..
شئ مؤسف ما يحدث هنا من معارك وهمية لا تفضي إلى شئ .. والمؤسف أيضاً ظهور مصطلحات غريبة أضرت بالحوار وأصحابه .. يجب أن نعي تماماً بأن هناك وطن يتمزق وإنسان ضائع .. ويجب تحديد من هو العدو الحقيقي الذي يجب أن نواجه دون خلط الأوراق .. ودون المرور على جثث بعضنا البعض للوصول لهدفنا .. ولو تلاحظ أخ هاشم هنا في المنبر تياران مع أو ضد لذلك يلجأ المتحاورون لشخصنة الموضوع .. واللجو لأسلوب المهاترات وسب البعض والتعرض لأعراضهم .. أنا من الرافضين تماماً لهذا السلوك .. واضعين في الإعتبار بأن هناك قضايا تهمنا جميعاً ويجب أن نناقشها .. وأيجاد طرق لعلاجها والخلاص منها ..
ودي ..
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: معتصم دفع الله)
|
معتصم دفع الله دبايوا. شئ مؤسف ما يحدث هنا من معارك وهمية لا تفضي إلى شئ .. والمؤسف أيضاً ظهور مصطلحات غريبة أضرت بالحوار وأصحابه .. يجب أن نعي تماماً بأن هناك وطن يتمزق وإنسان ضائع .. ويجب تحديد من هو العدو الحقيقي الذي يجب أن نواجه دون خلط الأوراق .. ودون المرور على جثث بعضنا البعض للوصول لهدفنا .. ولو تلاحظ أخ هاشم هنا في المنبر تياران مع أو ضد لذلك يلجأ المتحاورون لشخصنة الموضوع .. واللجو لأسلوب المهاترات وسب البعض والتعرض لأعراضهم .. أنا من الرافضين تماماً لهذا السلوك .. واضعين في الإعتبار بأن هناك قضايا تهمنا جميعاً ويجب أن نناقشها .. وأيجاد طرق لعلاجها والخلاص منها .. بارك الله فيك اخى فعلا ان البعض يشخصن الموضوع والبعض لا يعير اهتماما للدماء التى تسكب. نسال الله ان يحفظ الوطن.
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
هاشم.. حبابك
زعل شنو يا حبوب..رايق و الهبوب (النسيم العليل) فوق راسي.. لكن الشغلانة زي ما قلت انت جابت ليك هوا.. المهم يا زول.. انا قريت العنوان كويس.. و هو كالآتي:
هل مشكلة البعض مع تراجي مصطفى أم انهم يبغضون الغرابة كبشر..الخ
شفت كلمة ام.. دي عندها كم دلالة.. منها:
اولا: تعني المفاضلة..بين ما قبلها و ما بعدها.. ثانيا: تعني البدل.. يعني ما بعدها يكون بديل ما قبلها.. او العكس و لأن المفاضلة ما واردة حسب فهمي..اذن يكون المسألة مسألة بدل.. يعني المشكلة مع تراجي تعني البغض للغرابة.. يعني يا هاشم.. ام دي زي الميزان..ابو كفتين.. وقعت ليك قصة المساواة ؟ بعدين.. قصة الخم دي ما جايبة حقها..و المنتدى ده زي الضرا..و الضرا سوق.. عشان كده.. ما تلخبط الكيمان ساكت.. انا ما عندي مشكلة لا مع معيط..ولا زعيط..ولا حتى نطاط الحيط.. ام قصة اثنيات دارفور .. دي يبدو لي ح نكون فيها في حالة توازي.. عشان كده اكتفى بسؤالي..و كتر خيرك على الإجابة.. شكرا يا صديق..
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
هاشم..بعد اذنك و وزوارك الكرام
امام الجهاليل سأل:
Quote: ومن هم "الغرابة" الاصليين، ومن هم هؤلاء المنبتين يامسكين؟ |
سؤال وجيه جدا..
الغرابة الأصليين..معروفين..و عارفين روحهم كويس..و انت ذاتك عارفهم كويس..كن احفاد عقبة بن نافع..او احفاد سيدي دورشيت.. سيد الضر..
لكن الغرابة(مش هؤلاء ) المنبتين.. ييييييييييييييك.. ديل كتيرين خلاص..لكن نديك امثلة شوية.. مثلا..واحدة.. تقول ليك الزغاوي الذي احببت..و تقول ليك امي من برتي..و شفت الغرب كن مرة كن مرتين..و يكون عندها خط رجعة.. وكت الزرة تعتد بأصلها التركي (يا ربي الأتراك ديل وين للجلابة؟)..شفت زي النوع ده منبت..(و انت عارف كويس يعني شنو منبت)..
المثال التاني..يجيك واحد.. مثلا.. متشعلق في اسبنوزا..و و بيعبر عن كراهيتو لذاتو الأفريقية في الونسة مع الخواجيات ايام الجامعة(يعني من باب التعويض السيكلوجي و الهوية البديلة)..و يكون خاطف لونين..لا اخضر قيافة لحق..و لا ابيض لحق..و يكون في نفس الوكت.. بيشجع في الحركة الشعبية لتحرير السودان(سابقا) من منازلهم..و بيشجع في دارفور من منازلهم(و يتحسر على المظاهرات الماقادر يحضرها حتى لو كانت في نورث امريكا)..و يفتخر بأن القيم السودانية ما اكتشفها الإ لمن وصل نورث امريكا(يعني على كبر و كده..و معاهو حلاوة اسمهاالمركزية الأفريقية)..في هجرات الرق المعاصرة..و يتكلم مع ناس ولياب بأدب و زوق (لأنو الدم للدم بيحن)..و يقول كده يتشعبط ليك في ثورة الأفركان امريكان الخاصة بالحقوق المدنية..و يعملها حقتو ملك حر..زيها و زي اسم كوش المقدس.. البتحول بقدرة قادر اداة من ادوات الإستثمار التجاري ثورة العالم القادمة.. شفت عينة ديل يا صديقي..مكانهم المرافئ الباردة.. حينما يكون من ضمن فصول السنة ..فصل اسمو الربيع..عشان كده هم منبتين..و متشعلقين في بردعة القضايا الهاملة..
لكن ده كلو هين.. الحق سودانك الجديد..و شوف البشتنة اللحقتو..
و دمتم كبر
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
هاشم نوريت عنوان البوست جاب هوي لكثيرين ما كان لك أن تزج بإسم تراجي فيه!
Quote: هلا بيها المارحلت عننا وخلتنا ونحن قناعتنا بان الانسان حر يختار لغتو وسلاحو ومواقفو وما نحدد للناس اختياراتهم وقناعاتهم. ونحن لا نمتلك اختام وزارة الداخلية لنصنف الناس ونفرزهم حسب اللون والعرق واللغة. |
أعجبني جدا تعقيبك هذا وكلام في قمة العقل وده لوحده يوضح الفرق بينك وبين عقلية العنصري كبر! المجولب كبر
Quote: مشكلة الغرابة الأصليين مع الغرابة المنبتين.. الغرابة الأصليين..معروفين..و عارفين روحهم كويس.. |
لا حول ولا قوة إلا بالله! هل وصل بك الجهل إلي هذا المستوي من العنصرية يا كبر! كلامك ينم عن مخذونك الثقافي الضحل وعن عقلية الراعي المتخلف وقد أعماك الحقد وكشف عنك قناع الثقافة المزيف!
فعلا يا ما تحت السواهي دواهي!
تراجي رغم أنفك وأنفي تنتمي بالدم للشرق والغرب فليس لك أي أحقية أكثر منها في الحديث عن الغرب وسلاح السكان الأصليين ممكن أن ينقلب عليك يا كبر!!
Quote: اذن يكون المسألة مسألة بدل.. يعني المشكلة مع تراجي تعني البغض للغرابة.. |
تفسيرك مغرض وخاطئ البدل يا سيدي يعني إما هذا أو ذاك يعني واحد من إحتمالين وهاشم نوريت هنا يتساءل هل عداة الناس لتراجي لشخصها أم لأنها من الغرب....وهذا يعني أنه كان مدرك قبل الآن كراهية البعض للغرابة
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: Adrob abubakr)
|
Quote: نوريت اتق الله فالفتنة اشد من القتل في سبيل كسب رخيص لعنوان جاذب لا يهمك مقدار الفتنة التي يثيرها العنوان نوريت اتق الله في هذا الوطن فالوطن اكبر وابقي من عصابة الجبهة وتراجي وغير تراجي |
هاشم نوريت. كما قال الاخ العزيز هذا بوست مثير للفتنة ولا أي داعي لكتابته في هذه الظروف.. اي غرابة تقصد يا هاشم وماهة تعريف المصطلح والحدود الجعرافية التي بذهنك في هذه اللحظة بالذات. وما عهدناك هكذا تطلق الكلام على عوانه ليجدوا امثال الحثالة بشاشا ضالتهم ويستنطقوك بما لم تقله من قبل عن مفهم العرب والزرقة ..ياخي بدلا من أن تلعن الظلام أوقد شمعة اشجب ودين الهجوم وتكون بذلك وفرت على نفسك عناء البحث عن أسباب ليست موجودة إلا في أذهان المرضى...
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: محمد حسن العمدة)
|
ود العمدة دبايوا. لماذا يكره الانسان اخاه الانسان ولماذا البغض ؟؟ فعلا دا السؤال ولكن اعتقد الاجابة تاتى الكراهية عندما تتغلب الغريزة الشيطانية على الانسانية عند البعض وهنا يريد ان يثبت البعض بانهم افضلا من الاخرين ثقافيا ونسبيا من حيث القبيلة والاصل هنا يكون الصدام . وايضا البعض يتخوف من العنصرية والحديث عنها ويفضل نموها عن الحديث عنها لماذا نسكت حتى نكره اخواننا الدارفوريين فينا ماذا حصدنا من عنصريتنا تجاه الجنوب والبعض بجهله يعتقد انفصال الجنوب راحة له ونفس الرجرجة تدعوا خلو الغرابة يطيرو كانهم من كوكب اخر يعنى كل من يمتلك كى بورد يشظى السودان ويتقيع عنصرية بغيضة. سلمت اخى
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
هاشم نوريت تحياتي
قرأت البوست من البارحه وقلت خليه يمشي شويه وبعدين نشوف اراء القراء.
اولا انت وصلت او اكدت حقيقه مهمه
وهي (رخص (دماء اهل دارفور وهذا اضطهاد واضح
لانك زي ما قت نزلت بوست مضت عليه 12 ساعه تتحدث فيه عن موت (5 دارفور
وكأنهم نعاج لم يدخل احد.
خاصه المتاباكين على الانسانيه من امثال:
احمد الشايقي
والشفيع ابراهيم
وحديثا (المعز ابونورا)
وحاتم
والقائمه طويله....
وقد توصل البحيراوي للحقيقه,الموضوع ليس تراجي,هي بقت عندهم شماعه لنقد اسلوبها
او غيره ,لكن يظل 58 من اهل دارفور وباعتبارهم (زرقه) حيث المعتدي جنجويد
اذن( او (1 من اهل الحمره اقيم منهم,رغم انهم عندي لهم سواء
ويكذب كل من يقول لم تترحمي على موتاهم,فقبل معرفة الموت كتبت اني ارفض حتى (قتل
افراد الجيش و البوليس و الامنجيه) ولابد من المحكمات.
لكن والذين نصبوا انفسهم اقرب للكبابيش مني لهم ان يضربوا رأسهم بالحيط
فهم اهلي قبلهم,ولكن لو شاء الثوار بالعبر من خلال منزلي لاستئصال الكيزان
(مع اعتبار كل ما قد يجره مرورهم من خراب وقتل لاهل بيتي ,لقلت مرحبا) ايضا.
اما (كبر) هذا تيس البقاره فلي عودة له.
تراجي.
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: Tragie Mustafa)
|
كتب كبر (تيس البقاره)
Quote: المسألة السادسة.. يا اخي هي مش منكم (يعني من الشرق) ..طيب ما تشيلوها عليكم..و لا قضايا الشرق
دي ما محتاجة لخبرات دولية؟..و شفت قصة الخبرات الدولية النضالية هي اللي طلعت عين قضايا الغرب.. ليه؟
لأنو أي واحد ولا واحدة .. جاي فاكر البلد خلا..و العالم الهناك (الغرابة) ما عندهم التكتح في النضال..
عشان كده يرفدوهم بدماء نضالية..
و حليلك يا عبد الرحمن دبكة..
|
عارف يا كبر يا تقدمي مداخلتك دي فيها فهم (ذكوري ) شديد بالوصايه على المرأه كأنك تطلب من رجال
الاقاليم التي سمعت او قرأت اني انتمي اليها ان (يلموا نسوانهم).
يا استاذ
انا اعمل مع من اشاء ووقت اشاء لا احتاج منك اذنا ولا من البشير ولا الجن الاحمر لاعرف اين اوجه قدراتي.
تراجي.
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
الأخ هاشم نوريت..
تحياتي..
Quote: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان |
قرأت عنوان البوست و مداخلتك الأولى و سأجيب بناء عليه..
(نسبة لضيق زمني و عدم مقدرتي على قراءة المداخلات التالية أتمنى ان اكون متناغمة مع مسار البوست).
كأحد من هاجموا تراجي في بوست حمرة الشيخ.. أؤكد لك أنني لا ابغض تراجي ..بل كثيراً ما أتعاطف معها و
أشعر أنني ربما إذا التقيتها أقول كما قالت تماضر.. تراجي امرأة لطيفة لكن ليه بتكتب كده؟
أختلف مع تراجي بشدة..في خطابها السياسي.. و هذا ما يجعلني أهاجمها بشدة أيضاً ..
لا أبغضها..ليس سمواً مني فأنا أحب و أبغض..و لكن ليست تراجي ممن ابغضهم. بالرغم من الإختلاف الشديد أحياناً!
.......................
حصرك للغرابة في شخص تراجي غريب و غير مفهوم..
و قل لي بناء عليه كيف تفسر خسارة تراجي لرصيدها من أبناء الغرب أنفسهم ..لو كان الموضوع كما تصوره بغضاً للغرابة!!
و لماذا لا يتعرض غيرها من الغرابة لمثل ما تتعرض هي له..لو كانت القصة جهوية؟
بما أن أصدقاء أعزااااااااء جداً لي من أبناء الغرب..
و بما أنني أقدرهم و أحترمهم جداً..
فإنني أجد توجيه مثل هذا السؤال (لي) إهانة لي شخصياً..!!
أرجو أن لا تسعى في منحى تعميق الجهوية يا أخ هاشم ..
فالمشاكل في هذا البورد تحدث للناس من جميع الإتجاهات..
(بيان) ..(نور تاور)..(آمنة مختار) ..
و أخيراً أكرر..
تراجي تشعل النار حولها..
و لا بد في مثل هذه الحالة أن تلسعها هي أولاً!!
نقاط سريعة..
لم أستطع فتح اللنك المرفق و لم اجد البوست المعني ..
أنا دخلت بوست حمرة الشيخ بعد أيام و ليس ساعات .. و استفزني تبرير تراجي لنهب و ترويع و قتل الأبرياء..
كون الحكومة مجرمة ليس في هذا شك و لن احتاج ان أجد البوست لأتأكد..
فهذه لن تكون اولى و لا آخر..جرائمها..
و لكن البقية و الباقية على الجايين يخلصونا من إجرامها و هم ماشين فوق دمنا!!!!!!!
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
Quote: 1/ هل البعض يكره الغرابة كبشر ويحاول النيل منهم فى شخص تراجى مصطفى؟ |
ج- شخصيا اود اهل الغرب جدا ..كما وان السؤال به خلل ..فتراجي نفسها لاتمثل اهل الغرب فجزء منها من الشرق وبتقول انو جدها تركي ..اوكما قالت.. وشخصيا ما قريت انو هي من اهل الغرب او تنتمي لقبيلة من غرب السودان..
Quote: ويحاول النيل منهم فى شخص تراجى |
المثل الصيني بقول : (انك لاتستـفـز النمر لانه مُـستَـفَـز بطبعة) مع الاعتذار للنمورفلا احد ايضا يحاول النيل من شخصية تراجي لانها تنال من نفسها بنفسها..
Quote: 2/ هل البعض يرى ان قتل الدارفوريين لا يرقى الى الجريمة التى يجب ان تدان؟ |
ج- قتل الابرياء جريمة ولايقول بغير ذلك إلا ادمي غير سوي..اياً كان الادمي ..من دارفور ام من دار صباح..
Quote: 3/لماذا لم تجد هذه الجريمة ادانة من البعض؟ |
لانها وجدت ادانة ادانة من البعض الاخر..من ناحيةاخرى ليس من العدل ان تصف من اسميتهم بالبعض انهم ما ادانو جرائم دارفور..انما هي مظنة ..وظنونك -مع احترامي ليها- ليست مناط تكليف للاخرين.. فان صورت لك الظنون من خلال مطالعاتك في هذا المنبر ان الكثيرين لم يدينو اعمال العنف ..فانك مخطي .. فاهل دارفور لم يتفقوا على ان الادانة في المنبر هو معيار التضامن معهم..والعنف مسالة مدانة بالفطرة السليمة .. عدم توضيحها لايعني بالضرورة انها ليست موجودة..
Quote: 4/ لماذا يمر قتل الجنجويد للدارفوريين دون مبالاة من البعض؟ |
لانو لقت مبالاة من البعض ... كما وماعندك حق تصف مااسميتهم (بالبعض )بانو قتل اهل دارفور مر عليهم دون مبالاة .. الكتابة في المنبر والتوقيع على كشوفات الادانة التي يستعرضها البعض ليست معيارا للمبالاة من عدم المبالاة.. المبالي والغير مبالي لايمكن ليس بالضرورة معرفتهم فقط من خلال بوستات دارفور.. ولئن كان قتل الابرياء جريمة كما اسلفت فان المبالاة في حد ذاتها ليست مصدرا للتجريم ..يعني كونك ما بتبالي فذلك ليس جرما.. البالى حياهو الله والما ببالي برضو الله يحييهو .. المبالاة في المنابر السايبر عمومها لاتمنع الاذى عن البسطاء هناك ولابترقع ليها جلابية.. لذا فسؤالك فيه حرج .. ولو سئل الناس وجرموا في مبالاتهم من عدمها لتحولت الدنيا الى منضمة كبيرة..
Quote: ارجو لمن يجد اجابات لهذه الاسئلة بسطها هنا ولست مستعد للدخول فى معارك وساتجاهل كل من يتعدى حدود الاسئلة |
. نامل ان نكون اجبنا على اسلئك بموضوعية اخي هاشم..
Quote: واخيرا ان من له مشكلة شخصية مع تراجى عليه ان لا يخلط بين تراجى وشعب دارفور الذى تحصده الانتينوف والجنجويد الذين تدعمهم حكومة المؤتمر اللاوطنى المجرمة |
. شخصيا ما عندي مشكلة مع ام ضراع.. بيد انها درجت على خلط العام بالشخصي والاسترجال في كثير من مداخلاتها خروجا عن الفطرة الادمية السليمة.. ولولاء مقتي نقل الكوتات لنقلت لكم مشاهد من عموم هرجلتها..
Quote: لا يمكن احتماله اكثر من هذا |
كل مالايمكن احتماله اولى لك تركه.. هامش التحمل في الدنيا دي يا هاشم ياخوي ليس ضيقا الى هذا الحد .. الدنيا دي فيها مايكفي من (مالايمكن تحمله) - المجبورين عليه - فلا تزد عله حمل سودانيز اونلاين ان ثقل عليك ولست مجبورا عليه..
Quote: .لاننى اريد فرز بعض الكيمان. |
لاتقل لانني اريد ..فتلك بداية شخصنة المواضيع
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: DKEEN)
|
ويواصل كبر (تيس البقاره )سقوطه:
Quote: صديقي هاشم.. حبابك
اول حاجة ماذا تعني بمفهوم الغرابة؟الحدود؟الناس؟الإثنيات..الخ تاني حاجة..و بكل صراحة..انت..و تراجي.. و بقية ائمة الجهل..ما عندكم فكرة عن الغرب الكبير.. كردفان..و دارفور.. و زي ما الجبهة الإسلامية.. قدرت تركب السودان.. بسياسة فرق تسد.. فأيضا طابورها الخامس لا يقل خبث عنها.. و كل الأطراف ما عندها أيتها تقدير للدم السوداني.. احييك على حسن النية..و لكن لا استطيع ان اقنع نفسي بعدم خبث الآخرين.. خصوصا قرادة الخيل..و امام الجهاليل.. لأنو ديل الإتنين.. ما عندهم فكرة عن وهم اسمو جمهورية السودان.. المشكلة يا صديقي ..ما هي مشكلة ناس الغرب مع الحيكومة..لكنها ..و على مستواها في هذا المنبر.. مشكلة الغرابة الأصليين مع الغرابة المنبتين.. ما فعلته مليشيا الجنجويد مدان بكافة اللغات..و مرفوض..لكن قبله.. يجب أن تدين خزي حركة تحرير دارفور (قطاع مني اركوي)..التي عماها حب السلطة من الدفاع عن اهل قريضة و كلمــا.. و تركتهم نهب للجنجويد.. بدعوى توقيعها اتفاق سلام مع الحكومة..و هو نفس الخزي الذي مارسته قوات الإتحاد الأفريقي ( و هو بالمناسبة يا سيدنا بشاشا – امام الجهاليل.. كل قواته من امم ام زرقة التي تتبجح بها هنا)بدعوى اتهام الأهالي ( و معظمهم من المساليت) بأنهم ارتكبوا اغتصابات في حق نساء المنطقة.. لم تكن المأساة هي الجهل يا هاشم يا اخوي.. لكن المأساة هي جبهات الخبث التي تتناسل كحيتان الضلام..
|
يدعي (كبر) الاممي الشيوعي السابق او عضو الجبهه الديمقراطيه
التي يبدو انه لم يستوعب من فكرها ما يخرجه من فهمهم الرجعي القبلي...
Quote: مشكلة الغرابة الأصليين مع الغرابة المنبتين..
|
ويدعوني باسم الغرابه المنبتين...؟؟؟؟؟
واذا تعاملنا بهذا الفهم فانت لست سوداني يا كبر بل سوداني منبت ايضا...
لانك تدعي الانتماء للقبائل العربيه التي وفدت للسودان....
ورغم انه (هدينا فيك) اي صبغناك بوننا الزنجي وباركناك بملامحنا
الا انه يمكن ان تواصل ادعائك بعروبتك والذي لا يهمني في شيئ ولكن يهمني
مثالك الذي سقته هنا....
واشفق عليك وانت المقيم في بلد متحرضه تهبك الجنسيه بعد ثلاثه سنوات من اقامتك
ان تحلم بطريقه مختلفه لبلادك التي تتنظر الكثير ممن اتيح لهم تجربة مثلك...
من تعليم وهجره وغيرها....
واعطيك مثالا من بيئتك التي تفهمها هي فقط....
(اختك الفاضله نورتاور)...تدعي ان خطابها الملخبط في داخلها سببه انها تحمل دماء البقاره و النوبه
وانت وغيرك ادعى تفهم هذه الناحيه,واعتبرتوها (منكم)....
فما الذي جعل تراجي متلصقه في دارفور...وهي امها من دارفور....
بل ومن اعمدة دارفور....
فجدي على الشريف آدم (عم امي) ممثل دائرة نيالا جنوب لاكثر من عشرة سنوات...
وجدي والد أمي (محمد الحسين الشريف)....هو من تحدى حزبه (حزب الامه) ورفض ان
يرشح عبد خليل ابن امدرمان في دائرته (ام كداده) وهو ليس من ابناء المنطقه
وترشح ضده...
خسر جدي الانتخابات ولكنه كتب اسمه باحرفا من ذهب..بانه لا يتبع الطائفيه
وليس هو من يقول لاهل الخرطوم سمعا وطاعا...حتى ولو كان (انصاري على السكين)
هذه تراجي التي لا تعرفها يا كبر....
والتي تطاولت عليها واسميتها (قرادة الخيل)....
هذه تراجي التي قد لا يعرفها ابناء قرى دارفور ولكن اهل المدن يعرفونها ويعرفون
اهلها وحسبها ونسبها....
ورأسنا قوي وراثه من ذلك العظيم الشريف محمد الحسين الذي لم تنطفيء نار مسيده الي ان توفاه الله.
وسبحان الله ان جمعنا الزمن بأمثالك لكي تآتي وتقول (قرادة خيل)
وتوصمني بالخبث....
والاستفاده من قضية دارفور....
واستغرب ان يقال عليك (مناضل ..ولو قيل سابقا...استكثرها عليك...
..اعتقد انت من الذين تاجروا بهمومه حتى حصوا على منفى بامتيازات...
انمجوا في عالم الهجره ويمارسون الكتابه كترفا فكريا....
ولكني اقول وللمرة المليون لست كاتبه
واكره الكتابه....
ولكن نزيف الدم في بلادي جعلني انطق ولا اقوى على الصمت...
يا( تيس البقاره)....
تراجي.
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: هاشم نوريت)
|
الاخت تراجي مع أنني لم أدخل في هذا البوست إطلاقا، أصبحنا (كالنعاج) - الله يسامحك - ومقبولة - وسوف لن أجرؤ أو أقدم على الرد اللفظي المثلي لكون البورد مكان عام - الأمر الذي يحتم علينا مراعاة حقوق الآخرين كاملة - بإنتقاء الحروف والكلمات التي تحفظ الود والتواصل مع الآخرين - لكوننا لا نعرف تفاصيل التفاصيل عن كثير من الأعضاء - لا شيء إذا يدعونا للعنف اللفظي بالسب أو الشتم ونحن لسنا تجار حروب ولسنامثيري فتن طائفية أو عنصرية أو دينية - نحن ضد الأصوات (النشاز) التي تصول وتجول بهذا البورد والتي ترفض و تكره و تبغض الآخرين سواء كان ذلك على أساس عرقي، أو جهوي ، أو قبلي أو أو أو - وبالضرورة كذلك ضد العنف اللفظي وشتم وشب الآخرين بدون أدنى معرفة عنهم لك مودتي الشفيع
| |
|
|
|
|
|
|
Re: هل مشكلة البعض مع تراجى مصطفى ام انهم يبغضون الغرابة كبشر؟ لابد من فرز الكيمان (Re: Alshafea Ibrahim)
|
الاخ الشفيع
طبعا لا احد يرغب في العنف اللفظي
ولكني لست مخترعته في هذا البورد
ولكن صمتكم عن تطاول البعض يجعلني
ارد بنفس اللهجه بل واعنف
فكبر هذا مدعي الاخلاق و التهذيب
في تعرضه لتراجي خرج عن طوره
ولي دواء لمثل هذه الاشكال:
Quote: الاخت تراجي
مع أنني لم أدخل في هذا البوست إطلاقا، أصبحنا (كالنعاج) - الله يسامحك - ومقبولة - وسوف لن أجرؤ أو أقدم على
الرد اللفظي المثلي لكون
البورد مكان عام - الأمر الذي يحتم علينا مراعاة حقوق الآخرين كاملة - بإنتقاء الحروف والكلمات التي تحفظ الود
والتواصل مع الآخرين - لكوننا لا نعرف تفاصيل التفاصيل عن كثير من الأعضاء - لا شيء إذا يدعونا للعنف اللفظي
بالسب أو الشتم
ونحن لسنا تجار حروب ولسنامثيري فتن طائفية أو عنصرية أو دينية - نحن ضد الأصوات (النشاز) التي تصول وتجول
بهذا البورد والتي ترفض و تكره و تبغض الآخرين سواء كان ذلك على أساس عرقي، أو جهوي ، أو قبلي أو أو أو -
وبالضرورة كذلك ضد العنف اللفظي وشتم وشب الآخرين بدون أدنى معرفة عنهم
لك مودتي
الشفيع |
تكلمت بصيغة الجمع,وجمعا هنا يمارس العنف اللفظي من معظم الاعضاء.
قلت انه مكان عام وهذا معلوم ,ومنذمتى تخلى السودانين عن العنف في الاماكن العامه او غيره....
الا يكفيك كل العنف منذ الاستقلال وحتى الآن كم الدماء الذي سالت يفضح عنفنا المغتغت.
تراجي.
| |
|
|
|
|
|
|
|