|
|
 متر من الواطه ( طيب ما تسقفوا خلاص )
|
سافرت للسودان بعد غيبه إمتدت لثلاث سنوات ، وكان هدف السفر هو زيارة الأهل وبدء بنيان
منزل الأحلام الذى كنزنا له لأكثر من 10 سنوات كل غالى ، أنا ورفيقة دربى . وكنا قد اشترينا
قطعة أرض فى أم درمان قبل 5 سنوات وحددنا هذا الصيف لبدء هذا المشروع العملاق فى نظرنا
كنزنا له حوالى 40 مليون جنيه سودانى ينطح الجنيه ، وبعد حسابات دقيقه هنا فى دار الغربه
عندما وصلنا للخرطوم فى نصف شهر مايو الفايت فوجئنا أن حساباتنا هذه غير دقيقه والواقع
يقول غير ما حسبناه وحددناه وكان ذلك بعد كمية تلفونات للأهل والأصدقاء للسؤال عن الأسعار
البقت نار ، المهم عملنا حساباتنا الجديده ووجدنا أننا محتاجون لمبلغ 12 مليون جنيه إضافى حتى نشطب منزل أحلامنا ، وبدأ العمل فى المشروع فى اول يونيو وعندما إنتصف هذا
الشهر إختلفت كل الحسابات واسعار مواد البناء لهلبت نار . قررت أنا العوده قبل إنتهاء
إجازتى حتى أستطيع أن أوفر مبلغ أستطيع به دعم المشروع ودعم تقلب الأسعار ، بعد وصولى
لجده ولعملى هنا بدأت المسد كولات تردنى وهاك يا إتصالات من طرفى ، اليوم وصلنى تلفون
من الشخص المشرف على المبانى من طرفى وقال لى أنهم فى حوجه لمبلغ 15 مليون على الأقل
وذلك غير التشطيب الذى خرج من التصفيات الأولى للمشروع العملاق ، تصوروا كيف ستكون حساباتى الجديده ، قلت للمشرف على المبانى ... البنيان وصل وين حسع .. قالى متر من
الواطه .... قلت ليه خلاص أسـقف وريحنا .....
|
|
 
|
|
|
|
|
|
|
 Re: متر من الواطه ( طيب ما تسقفوا خلاص ) (Re: بشير حسـن بشـير)
|
بشير حسن
دبايوا
ربنا يتم المراد وان شاء الله يكتمل بيت الاحلام.
صدقنى اسقف على كدا ما بتطلعك الحكاية بعد شوية حا يقولوا ليك اولا الحلة شخبطوا فى الحيط
واخرين حفروا مش عارف ايه دا غير ناس مش عارف ايه ربنا يكون فى عونك انت فتحت ليك جبهة صعبة.
| |
|
|
|
|
|
|
|
|
|
Re: متر من الواطه ( طيب ما تسقفوا خلاص ) (Re: بشير حسـن بشـير)
|
ربنا يتم المراد وان شاء الله يكتمل بيت الاحلام
صدقنى اسقف على كدا ما بتطلعك الحكاية بعد شوية حا يقولوا ليك اولا الحلة شخبطوا فى الحيط
واخرين حفروا مش عارف ايه دا غير ناس مش عارف ايه ربنا يكون فى عونك انت فتحت ليك جبهة صعبة.
الأخ / هاشم نوريت تحياتى .... فعلا معادله صعب حلها وبراى دخلت نفسى فيها ، دعواتك
والأخوه البورداب لى بالتوفيق ... مع شكرى وتقديرى الشديدين لك ....
| |
|
|
|
|
|
|
|
|
|
Re: متر من الواطه ( طيب ما تسقفوا خلاص ) (Re: بشير حسـن بشـير)
|
الاخ بشير والله ضحكتني شديد وشر البلية ما يضحك .. أنا زول ذكي خلي بالك .. اشتريت قطعة في أطراف أمدرمان من سنة 85 ولسع ولا فكرته أخت فيها طوبة .. ولم تغازلها عيني إلا مرتين طوال هذه السنوات .. حيث كنت أذهب لمعرفة سعرها بغرض أنو أبيعها وافرجه على نفسي .. وكنت أضيق بحركات السماسرة .. واتكل على الحي الذي لا يموت واكمل الاجازة بسلفيات من جاي وجاي .. وأعودإلى غربتي لأبدأ مشوار حل الديون .. وهكذا دواليك .. وكنت أستبطن إحساساً بالفشل (طيب ما تسقفوا خلاص) .. إلهي هذا حالنا لا يخفى عليك!
| |
|
|
|
|
|
|
|
|
|
Re: متر من الواطه ( طيب ما تسقفوا خلاص ) (Re: بشير حسـن بشـير)
|
الأخ / محمد عبد الجليل ، تحياتى يا غالى .......
إذا إنت إشتريتها من سنة 85 وحتى الآن ما قادر تعمل فيها حاجه ، يعنى أنا غلطان للشلاقه يا خوى ، والله يستر علينا وعليك وعلى البقيه من السقف البعد متر من الواطه ،،،،
الله يستر ، والله ورطه شديده ، رايك شنو يا محمد انا عندى فكره خطرت ببالى الآن إنه نعمل
لينا جمعيه من أعضاء سودانيز اونلاين الذين تعدوا ال 3000 عضو ( ما شاء الله ) الفكره تتلخص
فى الآتى ننادى نحن الإثنين بجمعيه يكون نصيب الفرد البدفعه شهريا 20 دولار أميريكى ( ما كثيره مش كده ؟؟ ) يعنى بحسبه بسطه جدا جدا لو فرضنا إشتركوا على أسوأ الإفتراضات 1000
نفر بس يكون الحاصل فى الشهر 20000 دولار ، يمكنها أن تبنى بيت مكون من غرفتين وصاله وحمامات ومطبخ وحوش بالتشطيب الكامل ، أها........ أنا متنازل ليك من الصرفه الأولى لأنك
سـنـير قديم ، وأنا بصبر لصرفة الشهر الجاى ..... إ يـــه رأيــك ؟؟؟؟ فى الفكره
القرديه ده ؟؟؟؟؟ المهم ترد على عشان نبدأ فى الإعلان للجمعيه العموميه وبعداك نصدر قانون الجمعيه .....
| |
|
|
|
|
|
|
|
|
|
Re: متر من الواطه ( طيب ما تسقفوا خلاص ) (Re: بشير حسـن بشـير)
|
البشير اخوي الحكايه شنو
غايتو لو مسلح بعذرك لكن لوحاجه تانيه
انا خشيت المعمعه دي يوم 13 مارس الفات دا
وبنيت في حي الجامعه امدرمان زاتا
البنيان لوود بيرنج
مابيوصل كلامك دا ولله الحمد باقي القليل
البيت مكون من ثلاث غرف وهول كبيروصالون برنده ومطبخ وحمام داخلي واحد وحمامين خارجيات
التكلفه لغاية الانتهاء من المباني لم تصل خمسين مليون
ولو عايز افصل ليك ابشر بالخير
والمبدي متوم يااخوي والبنيان من طوبه
| |
|
|
|
|
|
|
|
|
|
Re: متر من الواطه ( طيب ما تسقفوا خلاص ) (Re: بشير حسـن بشـير)
|
أخوى زول ساكت ، تحياتى .....
بنيانى فى أول صالحه بأم درمان يعنى جيرانك بديت البينيان فى أول يونيو وكانت
التكلفه لعدد 3 غرف وصاله كبيره ال 8 فى 8 متر مع سطوح وسلم داخلى زائدا الحوش لمساحة
600 متر والسايفون تقريبا حوالى ال 50 مليون جنيه ، الآن وبحسابات اليوم مع ملاحظة إنه بنيانى ارتفع متر فوق سطح الأرض التكلفه ستزيد عن ال 65 مليون جنيه سودانى ، بنيانى أيضا
لود بيرنق يعنى نفس الشغل العندك ، المهم الحسبه كل يوم تتغير ، وده الخلانا قطعنا الإجازه وجينا ساكين الريال بوين !!!! الله يستر لكن مهما تحسبها فى السودان قطعا تكون الحسابات غير صحيحه .
أ هــا يا خوى كدى أدينا موافقتك وأدخل معانا فى الجمعيه الدعيت ليها ده !!!!
| |
|
|
|
|
|
|
| |
بشير حسـن بشـير
هاشم نوريت
Mohamed Abdelgaleel
زول ساكت
فيس بوك
تويتر
انستقرام
يوتيوب
بنتيريست