|
Re: عضو جديد فهل من مرحب (Re: Adrob abubakr)
|
الأخ عبدالعظيم عثمان
ألف مرحب بيك ، وحوش بكري يسع الجميع ، و(ابتسم أنت في سودانيزاون لاين) يا ود الامارات . وأردد مع ود الفكي وأدعو أن ترزق بعروسة (منضمة) من خلال هذا المنتدى .
تخريمة :
عبرك أخي ود عثمان نقول ألف مرحب كذلك بالأخ مبشر إبراهيم أنور ، (ويا ود إبراهيم كلنا في الجدة سوا (بكسر وتشديد الجيم) .. وكل جديد ليهو شدة ، (بدون تشكيل) ؟!
تحياتي لكما وألف مراحب بوجودكم بيننا .
( ليمو )
| |
|
|
|
|
|
|
Re: عضو جديد فهل من مرحب (Re: عبدالعظيم عثمان)
|
الجديد الشديد
اوعه تكون ظلامى او مستنير!
اوعه تكون شايت يمين او بتهدف بكلتا القلمين
القلمين واحد حبرو موية وضوء، والتانى موية زهور
المويه الاولى مرجعيتك دينيه ،والثانيه تاسيساتك ليبراليه إياك وتكون جهوى !!
شمالى = جلابى جنوبى =إنفصالى غرابى =عنصرى شراقى =سيد تراب (بالاصاله) ولا جاى بالدغاله
اوعه تقول لى وسطى ؟ (بس إنت من المركز، وما ادراك ما المركز)
شوف يا لنج إنت البورد دا قالو بيت !يلا شوف إنت داخل من وين؟؟
ياخى دا كلو بس ترحيب بسعادتك
ما تفهم غلط مرحب بيك وإقامه بدون خروج لحدى ما جنسيتك تبقى بوردابى وهويتك تبقى من الشتراب فارس بوردابى هامشى (اوعه تقراها هاشمى تجيب لينا الهوى) هامشى : يعنى قليل العطاء ما عندو قراء !!
الانترفيو بتاعك خلى ناذر يعمل ليك بوينت منت لحدى ما سعادتو بشاشا يجى !!! اوعه ترقد رقيق خلينا نقراك
| |
|
|
|
|
|
|
Re: عضو جديد فهل من مرحب (Re: عبدالعظيم عثمان)
|
Quote: الجديد الشديد
اوعه تكون ظلامى او مستنير!
اوعه تكون شايت يمين او بتهدف بكلتا القلمين
القلمين واحد حبرو موية وضوء، والتانى موية زهور
المويه الاولى مرجعيتك دينيه ،والثانيه تاسيساتك ليبراليه إياك وتكون جهوى !!
شمالى = جلابى جنوبى =إنفصالى غرابى =عنصرى شراقى =سيد تراب (بالاصاله) ولا جاى بالدغاله
اوعه تقول لى وسطى ؟ (بس إنت من المركز، وما ادراك ما المركز)
شوف يا لنج إنت البورد دا قالو بيت !يلا شوف إنت داخل من وين؟؟
ياخى دا كلو بس ترحيب بسعادتك
ما تفهم غلط مرحب بيك وإقامه بدون خروج لحدى ما جنسيتك تبقى بوردابى وهويتك تبقى من الشتراب فارس بوردابى هامشى (اوعه تقراها هاشمى تجيب لينا الهوى) هامشى : يعنى قليل العطاء ما عندو قراء !! |
Quote: الانترفيو بتاعك خلى ناذر يعمل ليك بوينت منت لحدى ما سعادتو بشاشا يجى !!! اوعه ترقد رقيق خلينا نقراك |
الأخوة الاعزاء:
عبد العظيم ومبشر وعبد الحليم
ما حأالقى كلام أظرف من كلام أخونا فارس
للترحيب بكم ..
أخونا عبد العظيم شايفاك دخلت طوالى على بوستات المشاكل
انت غوى نكد ولا شنو ؟
| |
|
|
|
|
|
|
|