|
|
 ..... الهمباتة .....
|
يا جماعه الهمباته جمع - مفردها همباتي - والهمباتي الذي يقلع حاجاتك بالرجاله
والمهنبت الفاعل فيك البلاوي) بكسر الميم وفتح لهاتك)
والمهنبت المفعول به (بضم الميم وفتح لهاتك برضو) الله يكفينا شر المصائب
هنضبه . وطبعا دي كلمه انجلتريه (hand up) وبقت
والهمباته الزمان وهم ساكت تلقاه وسخان ومبشتن وبعد كده اسكتك ولا علي كيفك . ناس الضراع والسكين
الموضوع المهم همباتة الزمن ده .... عيييييك
والله في كترة همباته. عيبن ما فيهم رجاله ولا نخوه. ديل ناس تحت الطرابيز الجوه البروايز
ما بتعرف عليهم اي حاجه. بتاعين لحس وكسير طلس. لحس الخزنه الكبيره لصالح الجيوب الكبيره والكروش اللابره. والمصيبه لابس الجلابيه ديك . وناطين في ليلي علوى لا مواخذه.)
وده برضوا ما موضوعنا
السيد الهمباتي الوزير الحالي لدفع الظلم (علي) المظالم
لا طاب ليلك والدخلت فيك بالدشره كان خمسه كان عشره. انت قايل نحن ما عارفنك. لكن طلع ايمانا ضعيف والقلب متوك ومعوق في الأنكل. هم خلو فينا قلب. والله قولة جاك. كلنا واطه
وبيني وبينكم نحن ما قادرين نشيل روحنا وداك شايل كلاش (المابرقدك شنو
وده برضوا ما موضوعنا
السيد الهمباتي رقم صفر
لك التحيه عندما سرقت السلم التعليمي وخليتنا في راس البيت لي يوم الليله. يا تنط تكسر رقبتك يا ترجي الله فوق, وفي الحالتين ضايعين
همبته بتطوير من مركز الدراسات والبحوث
الموضوع المهم
الهمباتي الصغير
والله ده همباتي شفت شفتنه والمشكله بتوقف عليه مستقبل بلد (وهمباتي صغير وفي منهم خلوهم ساي) طبعا ديل ناس الكضب وهمباتي القلب.
والله ديل موضوعم طويل لانو ليه علاقه ـ بالجكس)
البنات المزمبعات. الداقسات .المهضربات. بالله الواحده تسمع ليها كلمه حلوه العافيه ترجع ليها العافية. نحن ما دايرين العافيه تفارقن لكن ما يتهمبتن وياكلو راسن وعشان شنو(حريقه في الـ ......) الواحد مما يلاقيها والله عيونك خطيره وبلوزتك فلا وشعرك حرير ومنطقك جميل وكان ناقله بوست (يا الله عليك ابداع والله) اتحفينا, و قبل كده اتلاقينا وين. وزي الشفتك. ومداخل قديمه اقدم من خزان سنار وانت يا المهجومه. تقعدي تتبسمي علي البعجب والمابعجب وكمان معاها تدنقره. البنت خلاص بتخجل. وطبعا لم تقعدي معاه في مكان عام (شراب الببسي ده ما زي شراب البيت) والله في البيت تقرطيها قرطعه لمن تبلي هدومك. لكن معاه بقه بقه . والزمن ده بجري كده ليه. عليك الله اقلع ساعتك دي واجدع الموبايل ده بعيد (ما كل دقيقتين برن) هناك ضحيه تانيه في انتظار التأبين
يا جماعه جنس كضب اصلو الموضوع مما يبدا بالبطاقه الشخصيه اعتبره فشنك.
اسمك وسنك وعنوانك .انشاء الله السم اللسمك.
اها وتبقي المسألة حسابيه فيها سبعتاشر أس وحداشر نق نقه ده غير التربيعات والداله الناقصه كتير. والله بتمني اتنين يكونوا قاعدين بتكلموا عن الطقس وجغرافية المكان وتاريخ النضال الوطني ده في وجود عاطفه حقيقيه بين اتنين.
وكان ميغناطيس الدهشه من الأول قطبين شمال لكن الدفره بالكضب هو القطب التاني وكان نضال همباتي شاق مجرد من اي شي حقيقي
يا بنات السودان فتحو المكحله وكان ما فتحتوها الاندراوه بتتداوي
الهمباته قاعدين يسمعوا في كلامكم وبكره خلو ساي
أها النقول ليكم.
آخر همباتي
انت ما زولنا
|
|
 
|
|
|
|
محمد أبوعاقلة الطريفي
فيس بوك
تويتر
انستقرام
يوتيوب
بنتيريست