|
|
|
 Re: كل القصـة لـو عارفـه .. (Re: ibrahim barssi)
|
حكايتي بتغلب الهداي ..
الله يعينك يا إبراهيم أخوي ..
الريدة يقسمنا لينا الله ..
والله صورتك دي قدر ما حاولت أتخيله ..
وأدخل فيها زول كده ما قدرت ..
غايتو الله يعين بس ..
يديك العافية يا شفيف ..
كن بخير ..
| |
 
|
|
|
|
|
|
|
 Re: كل القصـة لـو عارفـه .. (Re: Deng)
|
حكاية الريدة بيناتنا .. حنينه بجيبه ليك غناي .. وزي ما قالوا ليك رياد .. حكايتي بتغلب الهداي .. دينق يا جميل .. حكايات الريدة دي .. بتوجع شديييييييد .. الله يعينك ..
| |
|
|
|
|
|
|
|
|
|
Re: كل القصـة لـو عارفـه .. (Re: انعام عبد الحفيظ)
|
مرات بتاوق في داخلي .. تلقاني مليان مليون سؤال .. دي من عندي ناجره براي .. كيفك يا انعام .. غايتو شيلي شيلتك .. أنا ما عملت أي حاجة .. براكم الألم بتجيبوهو لي روحكم .. عايزين تلفقو لي تهمة ساي ..  كوني بخير ..
| |
|
|
|
|
|
|
|
|
 Re: كل القصـة لـو عارفـه .. (Re: معتصم دفع الله)
|
معتصم
سلام وود
Quote: مرات بتاوق في داخلي ..
تلقاني مليان مليون سؤال ..
|
قلته لي دي نجره
Quote: غايتو شيلي شيلتك ..
أنا ما عملت أي حاجة ..
براكم الألم بتجيبوهو لي روحكم ..
|
هو شيلتي دي ما اصلا شايلاها من زماااااااااااان
الله غالب بس 
| Quote: عايزين تلفقو لي تهمة ساي .. |
مش اخير ليك تهمتي دي من شيل الحال بتاع السفنجات
غايتو حاله صعبه خلاص
مودتي واحترامي
| |
|
|
|
|
|
|
|
|
 Re: كل القصـة لـو عارفـه .. (Re: انعام عبد الحفيظ)
|
إنعام ..
صباحك ود ..
Quote: هو شيلتي دي ما اصلا شايلاها من زماااااااااااان
الله غالب بس |
أها في داعي لي جنس دا ..
Quote: مش اخير ليك تهمتي دي من شيل الحال بتاع السفنجات
غايتو حاله صعبه خلاص |
سجن سجن غرامة غرامة ..
شايلين حالنا شايلنها يا انعام؟
يعني نقع في رقبتنا دي نكسره ولا كيف ..
كوني بخير ..
| |
|
|
|
|
|
|
|
|
|
Re: كل القصـة لـو عارفـه .. (Re: نادية عثمان)
|
كيفك يا ندوية ..
ألف حمداً لله على السلامة ..
بركة الجيتي طيبة ..
افتقدناك كثيراً في الفترة الماضية ..
وجيتك عطرت المكان ودواخلنا ..
تخريمة ..
معليش لم أرى ردك أمس ..
كنا سهرانين والشباب ..
يديك العافية ..
| |
|
|
|
|
|
|
|
|
|
Re: كل القصـة لـو عارفـه .. (Re: 3mk-Tango)
|
شكراً يا عمك للمعلومة ..
ووجودك هنا معانا ..
معظم أغاني الراحل خوجلي كانت من أشعار تاج السر الحسن ..
وهذه من أجملها وأروعها ..
تعرف دي من الحاجات الداسنها في الجراب ..
أها قلنا نمرقه شوية شوية نشحتفكم بيها ..
تحياتي للمعاك ..
كن بخير ..
| |
|
|
|
|
|
|
|
|
|
Re: كل القصـة لـو عارفـه .. (Re: Sidig Rahama Elnour)
|
| Quote: أنا عارف نزلت السودان دي ما بتريحنا |
أها دا المقوم الضرس على صاحبي زاتووو ..
| Quote: نسوي شنو بس ؟؟؟ أعملي أنت زي نائمة من الراجل دا |
عليك الله هي ناقصة يا صديق أخوي ..
أنا هسي الفيني مكفيني ..
بس لو في طريقه كلمه عليك الله ..
قول ليهو نحن ..
على العهد ما زلنا ..
بعدين انت وين ياخ ..
اتصلت عليك ما بترد ..
أظهر وبان عليك الأمان ..
| |
|
|
|
|
|
|
|
|
 Re: كل القصـة لـو عارفـه .. (Re: Dr. Abdalla Siddig)
|
معتصم دفع الله ..
يا أيها الوجع المقيم فينا .. مالك يازول .. مالك علينا ...
أولاً دعني أقول لك أنو واحده من أجمل ما طلعت بيهو من انتمائي لسودانيز أونلاين .. تخيل يا معتصم وكماتعرف إني أكتب الشعر من زمن .. والواحد والحمد لله نشر كثير جداً .. ولكن هنا وفي لحظة واحده ممكن يقراك عشرين ألف عضو متصفح ... لو فرصنا أنو أعضاء المنبر أكثر من أربعة آلاف .. فهناك أضعافهم من المتصفحين .. وطبعاً دي حاجه بتسعد شديد .. دي واحده من المزايا .. لكن والله العظيم أجمل هذه المزايا أن يتعرف الشخص بأمثالكم من النبلاء الخلص .. أنت .. وتامبا الغالي .. وبقية الناس الحلوين .. وعيز أقول ليك يا معتصم أعرف دي لو ما بتعرفها .. لحد اليوم ما لاقني زول رمي عليك حتى حبة لوم .. يعني راجل محبوب من الجميع رضيت أم أبيت وخاصة هذا الحميـــد الذي يناكفك دائماً .. راجل دمو عسل .. أنا شفته مره واحده بس .. سألتو القميص السمح اشتريتو من وين .. اتغاتت عليً وما وراني .. زطبعاً أخوك ماشي السودان داير يتأنق شويه .. يمكن نلقه لينا واحده ترضي بالتدبيل ..
Quote: كتير بتناسى إيديه ..
وأسيبن عنيه فوق إيدك ..
وأدي عيونك أحلى كلام ..
تعيد بيهو يوم عيدك .. |
عليك الله يا معتصم شفت روعة التعبير .. بساطه وتلقائيه وجمال .. وإبداع يشبه صاحب هذا البوست .. الجميل أبداً معتصم دفع الله ...
وبالمناسبه .. واحده من الزميلات رشحتك في بوست عزاز إنك تكون العريس القادم .. لو الخبر ده صحيح عليك الله أجل العرس لمن أجي من السودان يا معتصم .. عشان نفرح معاك يا فرده ...
كن كما كنت دائماً .. زول موجوع وصابر .. مع خالص حبي وتقديري ؛؛؛
| |
|
|
|
|
|
|
|
|
|
Re: كل القصـة لـو عارفـه .. (Re: إدريس محمد إبراهيم)
|
شكراً جميلاً أستاذنا إدريس على كلامك الطيب ..
ودا فعلاً الشئ الجميل الطلعنا بيهو من الدينا دي ..
علاقتنا بيكم ومحبتنا ليكم ..
فعلاً المنبر أتاح فرصة طيبة للجميع أعضاء وقراء ..
للاستفادة والاستزادة من المعلومات الموجودة فيه ..
وكذلك العلاقات الواسعة بين الكثير من أعضائه إن لم يكن كلهم ..
وكذلك استفدنا من الأفكار المطروحة ومن تباين الآراء في المنبر ..
ودا فعلاً بيصب في مصلحة الجميع ..
وكذلك الفائدة الأدبية والقراءة ومتابعة ما يطرح على الساحة السودانية والعالمية ..
| Quote: وعيز أقول ليك يا معتصم أعرف دي لو ما بتعرفها .. لحد اليوم ما لاقني زول رمي عليك حتى حبة لوم .. يعني راجل محبوب من الجميع رضيت أم أبيت وخاصة هذا الحميـــد الذي يناكفك دائماً .. راجل دمو عسل .. أنا شفته مره واحده بس .. سألتو القميص السمح اشتريتو من وين .. اتغاتت عليً وما وراني .. زطبعاً أخوك ماشي السودان داير يتأنق شويه .. يمكن نلقه لينا واحده ترضي بالتدبيل .. |
شكراً على كلام الجميل دا ..
حميدة دا زول أخوي وأنا بحبه لله ..
ومناكفاتي معاهو دي لا يمكن تنتهي ..
مرات كتيرة بنكون قاعدين و(بنتكاوي) ونتناكف لدرجة المغصة ..
عشان كده ما تاخد في بالك بالكلام البتكتب هنا دا ..
الأغنية جميلة حد التطريب ..
والراحل خوجلي أبدع فيها ..
وكلمات أستاذنا تاج السر الحسن رائعة رائعة ..
| Quote: وبالمناسبه .. واحده من الزميلات رشحتك في بوست عزاز إنك تكون العريس القادم .. لو الخبر ده صحيح عليك الله أجل العرس لمن أجي من السودان يا معتصم .. عشان نفرح معاك يا فرده ... |
قلت لي عرس عدييييل كده ؟
يا زول ولا يهمك بس انت تصل بالسلامة وتبل شوقك في الأهل والوطن ..
وتجينا أكثر إبداع ..
شكراً جميلاً ..
ولك محبتي وتقديري ..
| |
|
|
|
|
|
|
|
|
|
Re: كل القصـة لـو عارفـه .. (Re: عثمان عبدالقادر)
|
كيفك يا أبوحمد ..
طمنا عنك والأولاد ..
| Quote: شوف يامعتصم قول لي تمبس بتجيب الأغنية دي وإلا حا أبلغ عنك الشرطة، |
خلاس بقول لي تمبس شيل شيلتك ..
الحكاية جابت ليها بوليس ويمكن يكون فيها محاكم ..
الروح دي كمان فيها لعب ؟
| Quote: وإنت تاني مرة لمن تحب خليك قدر المسئولية وما تكب الجاز بالطريقة دي. |
شنو يا جماعة الواحد أصلو ما ينزل ليهو أغنية عاجباهو ..
الشكية لي أب إيداً قوية ..
| |
|
|
|
|
|
|
|
|
|
Re: كل القصـة لـو عارفـه .. (Re: عادل فقاد)
|
الحبيب عادل فقاد ..
تحياتي وسلامي ..
تعرف الأغاني السودانية جميلة وشعرائنا كتابين ..
وقد تجد شعراء عاصروا بعضهم البعض والفكرة تكاد تكون متقاربة ..
ولأن الإنسان السوداني مرهف وذواق مثل هذه الأغاني بتهز وجدانه ..
لذلك يعقد المقارنة بين كثير منها ..
أظنك عرفتي..وكل القصة لو عارفة..وعارفني منك لا الزمن..بتعرف يوم في دنيا غيابك ..
شوف الشبه هنا باين كيف ..
شكراً جميلاً يا ذوق ..
خليك معانا ..
دم بخير ..
| |
|
|
|
|
|
|
|
|
|
Re: كل القصـة لـو عارفـه .. (Re: معتصم دفع الله)
|
الاخ معتصم
ايه الجمال ده ياراجل
اغنية في غاية الروعة ..
عرفناك بهذه الشفافية المطلقة ...
والروح الحلوة دمت والله يحميك ...
بسألك ايهما اقوى الريدة والله الحب ،،،
اصلها دنيا الريد غريبة ،،،
دمت ،،،
| |
|
|
|
|
|
|
|
|
|
Re: كل القصـة لـو عارفـه .. (Re: خالدة البدوي)
|
العزيزة خالدة البدوي ..
تحيات المحبة ..
الرائع وجودك هنا يا ذوق ..
| Quote: بسألك ايهما اقوى الريدة والله الحب ،،، |
الواحد ما عارف يقول ليك شنو ما بين الريدة والحب ؟
هي في النهاية مسألة تبادل مشاعر وأحاسيس ..
المهم الإنسان يكون صادق فيها والثقة متوفرة لدى الطرفين ..
وكل واحد ممكن يفسرها بطريقته أيهما أعمق ..
ممكن الواحد يقول ليك الزول دا رياد ..
وممكن واحد يقول لي الزول دا حبيب ..
وهما وجهان لعملة واحدة ..
ربنا يحبب خلقه فينا ..
ويقسم لينا الريدة ..
شكراً جميلاً يا خالدة ..
محبتي ..
| |
|
|
|
|
|
|
|
|
|
Re: كل القصـة لـو عارفـه .. (Re: Sana Khalid)
|
سناء كيفك ..
عايز أصدق الكلام دا ..
والله العرس ما بناباهو ..
لكن كدي الأول خلونا نكمل الريدة دي ..
Quote: لو طلعت انت..
حقّ الفنانين علي! |
خلاس من هسي خليهم جاهزين ..
شكراً يا ذوق ..
محبتي ..
| |
|
|
|
|
|
|
|
|
|
Re: كل القصـة لـو عارفـه .. (Re: لؤى)
|
Quote: وجع ضُرس شنو ؟
بطّل حركات !!
إنت ما قلت فليتة عديـــــــــــــــــــل ...
جابت ليها قطايع كمان |
والله يا أبواللول أخوي ..
الظاهر الكبر دخل علينا ..
مره وجع ضرس ..
ومره فليتة ..
بعد دا إلا يدخلونا الورشة عديل كده ..
الأغنية الجاية النمشي نفتش ليها حاجة تانية ..
| |
|
|
|
|
|
|
|
|
|
Re: كل القصـة لـو عارفـه .. (Re: Dr. Abdalla Siddig)
|
الحبيب دكتور عبدالله صديق ..
تحياتي يا زول يا زين ..
دائماً ما كنت أراهن على الأغنية السودانية وأنها ستكون الأولى بلا منازع ..
لجمال كلماتها وروعة موسيقاها ..
ولكن متى يتم ذلك ؟
وكيف ننفض منها غبار المحلية وننقلها بقالب جميل للعالمية ؟
أغنية سودانية تعكس الوجه الثقافي السوداني وتراثه وتعبر عننا جميعاً ..
أتمنى أن يكون ذلك عما قريب ..
شكراً لحضورك الجميل ..
محبتي وتقديري ..
| |
|
|
|
|
|
|
|
|
|
Re: كل القصـة لـو عارفـه .. (Re: Deng)
|
| Quote: دائماً ما كنت أراهن على الأغنية السودانية وأنها ستكون الأولى بلا منازع |
الغزيز معتصم
تحياتي
طفنا الدنيا شرقها وغربها ، شمالها و جنوبها و سمعنا موسيقي و غني معظم شعوب الدنياولكن لا نطرب
الا لجيل الخليل ومن تلاه من حملة المزمار و الوتر.
لك ولكل من يعشق الطرب السوداني الآصيل الف تحيه
| |
|
|
|
|
|
|
|
|
|
Re: كل القصـة لـو عارفـه .. (Re: Dr. Abdalla Siddig)
|
أخي معتصم
(( كل القصة لو عارفه ..
أنا الزول الصحي بريدك )) ..
وإنت كمان يا معتصم الزول الصحبي نحنا بنريدو كمان وكمان ، عشان حاجات كتيرة حلوة فيك ومنها اختياراتك الساحرة للاغنيات .. ورحم الله سيد النغم خوجلي عثمان .
الله يديك العافية والعروس .. خاصةً و وزيرك(تيمبس) جاهز .. ياالله شد حيلك بس .
Quote: ولكن متى يتم ذلك ؟
وكيف ننفض منها غبار المحلية وننقلها بقالب جميل للعالمية ؟
أغنية سودانية تعكس الوجه الثقافي السوداني وتراثه وتعبر عننا جميعاً ..
أتمنى أن يكون ذلك عما قريب .. |
وعما قريب هذه تفسيرها عند مفسري الأحلام هو :
(( لمن تشوف حلمة ودنك وإنت تتفرج على منتخبنا القومي في نهائي كأس العالم ضد المانيا بأستاد أم ضريوة الدولي بولاية الخرطوم والذي يسع لـ 100 ألف متفرج ، بعد 50 سنة فقط لاغير )) ؟!؟!
شفتها هانت إزاي ؟!
أخليك بعافية ، أخي العزيز ود دفع الله .
( ليمو )
| |
|
|
|
|
|
|
|
|
|
Re: كل القصـة لـو عارفـه .. (Re: عبدالحليم خالد التلب)
|
الحبيب عبدالحليم ليمو ..
تحياتي يا زول يا جميل ..
وإنت كمان ليك معزة خاصة في القلب يعلم الله ..
أول حاجة خلينا نعرس للكاشف أخوي دا تمبس بعدين أنا هين ..
صدقني الغناء السوداني مافي حاجة بتعوقه سواء أعداء الجمال ..
خليهم يدونا (فرقة) شبر معاهم ومساحة للإبداع أو ح نقتلعا منهم بالقوة ..
أكيد ح ننطلق وح نشوف فن سوداني أصيل ..
في فترة ليست قريبة كان هناك مهرجان الخرطوم للغناء والموسيقى ..
وكانت تحضر فيه فرق عالمية وكذلك فنانين عالميين ..
ودا في حد زاته احتكاك بلغة الكورة ومهرجان للإبداع بيرفع معنويات فنانينا ..
في إجازتي السابقة استمعت لفنانين ناشئين ويمكن يكونوا ما معروفين ..
غنوا لجميع الفنانين وأطربونا وديل منتظرهم مستقبل كويس ..
بس لازم يلقوا فرصتهم وتتاح لهم وسائل الاعلام عشان ينطلقوا ليبدعوا ويتحفونا ..
عشمي أن لا ننتظر 50 سنة لنرى فريقنا القومي في مودنيالات العالم ..
يجب أن نسعى لأن نكون بعد 4 سنوات في جنوب أفريقيا ..
وسودانا ينعم بالسلام والرخاء والطمأنينة ..
شكراً يا جميل ..
مع خالص محبتي ..
| |
|
|
|
|
|
|
|
|
|
Re: كل القصـة لـو عارفـه .. (Re: Dr. Abdalla Siddig)
|
الحبيب دكتور عبدالله ..
تحياتي ..
تعرف أنا قاعد أقول للناس أنا في مسألة الغناء دي عنصري جداً ..
ولأبد أن نحافظ على تراثنا وغنانا القديم مع دعم الجديد وتجويده ..
وزي ما قلت الفن السوداني وأغنياتنا لها طعم ومذاق خاص ..
ومهما استمعنا لغناء الغير بنرجع لغنانا الحنين والكلمات الجميلة ..
ودا البميزنا عن الآخرين ..
شكراً لهذه الإضافة الرائعة ..
وكن معنا في هذه السياحة ..
لك حبي وتقديري ..
| |
|
|
|
|
|
|
|
|
|
Re: كل القصـة لـو عارفـه .. (Re: معتصم دفع الله)
|
وجلس الفيل جلسته المعهودة
قدم مبسوطة على الأرض والأخرى معقوفة إلى جانبها
ومد يده مشيرا بنشوة وردد بصوت عميق:
"صغيرة 26 سنة بس"!!
قوموا إلى شئونكم يرحمكم الله
قوموا ...
...
وتفرق الجمع وكلهم يردد "26، 26، 26"
....
ازيك يا معتصم
شكرا ياخي لهذه الهدية
"وزي ما قالو ليك رياد
حكايتي بتغلب الهداي".
محبتي
| |
|
|
|
|
|
|
|
|
|
Re: كل القصـة لـو عارفـه .. (Re: عبد الله عقيد)
|
ود عقيد ..
كيفك يا قريبي ..
والله ضحكتني لمن قربت أقع في الواااطة دي ..
قلت لي 26 سنة ؟..
وهو معتدل في جلسته يهمهم بكلمات غير مفهومة ؟
ياخي الفيل دا عندو تجليات كده غريبة خلاس ..
هسي أنا بقيت أخاف عليهو ..
مرات ألقاهو قاعد على الكمبيوتر وبيضحك براهو ..
أقوم أكتم ليك ضحكة في سري ..
أقرررب (أكورك) وأقول (أنعل) أبو الحنان زاتوووو ..
وعاد القوم وهم يتسألون عن سر الـ 26 سنة ؟؟
ولسان حالهم يقول معقولة بس ..
شكراً يا ودعقيد ..
حضورك دائماً يسعدني ..
كن بألف خير ..
| |
|
|
|
|
|
|
|
|
|
Re: كل القصـة لـو عارفـه .. (Re: شتات)
|
معتصـــــم..
أقول ليك بصراحــة:
اريته ما تعرف ..
لا تصالح يا صديق لا تصالح....
اقعد حب لي كدا .. أنت اصلك كملان من لحم الدنيا .. خايف يوم اجي اللقاك .. ( حسيت ) زي الشاي بتاع المرة الفاتت الحرقتو لينا داك
| |
|
|
|
|
|
|
|
|
|
Re: كل القصـة لـو عارفـه .. (Re: tmbis)
|
Quote: اريته ما تعرف ..
لا تصالح يا صديق لا تصالح.... |
إذاً لا تصالح يا صديقي ..
فلتسقط كل الرآيات المرفوعة والتي سترفع ..
" قوى الشعب "المعذب" أقصد "العزابة" "..
| Quote: اقعد حب لي كدا .. أنت اصلك كملان من لحم الدنيا .. |
غايتو عالم جبانة بشكل ..
عايزين تلبسوها لي ؟
ليكم يوم يا ظلمة ..
إنت يا تامبا الحصل شنو يوم داك للشاي صحي اتحرق ؟
| |
|
|
|
|
|
|
|
|
|
Re: كل القصـة لـو عارفـه .. (Re: شتات)
|
يا سلاااام عليك يا صلاح ..
وأنت تجمل دواخلنا بحضورك الأنيق ..
تعرف اللوحة ما اشتغلت عندي هنا في المكتب ..
لما مشيت البيت لقيته شغالة على البوربوينت ..
قمة في الروعة والإبداع ..
كلمات حلوة زيك ولوحة رائعة ومعبرة ..
ما عارف أشكرك كيف ..
دائماً أنيق وجميل ..
محبتي وشكري العميق ..
| |
|
|
|
|
|
|
|
|
|
Re: كل القصـة لـو عارفـه .. (Re: Alsa7afa_30)
|
وأنت أجمل يا الصحافة 30 ..
تحياتي يا ذوق ..
الراحل خوجلي عثمان كانت له لونية خاصة في الغناء والتطريب ..
أغنياته عذبة تسري في الوجدان لذلك نحبها ..
عندي له تسجيل نادر مع المجموعة ..
الراحل الشفيع .. الراحل العميري .. زيدان إبراهيم .. عثمان مصطفى ..
وكل الأغنيات على آلة العود ..
طرب أصيل ونغمات شجية وهذه كانت واحدة منها ..
شكراً مرة أخرى على حضورك الأنيق ..
كن بألف خير ..
| |
|
|
|
|
|
|
|
|
|
Re: كل القصـة لـو عارفـه .. (Re: معتصم دفع الله)
|
العزيز معتصم
Quote: عندي له تسجيل نادر مع المجموعة ..
الراحل الشفيع .. الراحل العميري .. زيدان إبراهيم .. عثمان مصطفى ..
وكل الأغنيات على آلة العود ..
.. |
استحلفك بالغالين تنزيلهم
مع خالص التحايا
| |
|
|
|
|
|
|
|
|
|
Re: كل القصـة لـو عارفـه .. (Re: الصادق خليفة)
|
الحبيب الصادق خليفة ..
تحياتي ..
كيفك يا زول يا زين ..
| Quote: ما هذه الرومانسية يا معتصم |
قلنا نسمعكم شوية من غناء الزمن الجميل ..
ما أجمل ما غنوا ..
وما أجمل ما كتبوا ..
كن بخير يا صديق ..
| |
|
|
|
|
|
|
|
|
|
Re: كل القصـة لـو عارفـه .. (Re: Dr. Abdalla Siddig)
|
أنا الزول ..
الصحي بريييييدك ..
دكتور عبدالله كيفك ..
تعرف الكلام الزي دا أنا بجيب لي الهواء ..
عشان كده بقعد أرواغ في الناس ديل زي جعفر عبدالرزاق في الهلال ..
والله ما أنزل لي أغنية يجوك شائلين عكاكيزهم ..
يجو يختوها ليك هنا ..
محبتي وتقديري يا زول يا جميل ..
| |
|
|
|
|
|
|
|
|
|
Re: كل القصـة لـو عارفـه .. (Re: Dr. Abdalla Siddig)
|
الحبيب دكتور عبدالله ..
صباحك ود ..
طلتك تنعش الروح ..
و ..
من بعيد لبعيد ..
وري العين جمالك ..
لو لحظات قليلة ..
دا الكلام الجميل البيرد الروح ..
خليك دوماً في الجوار يا دكتور ..
وعلى الوعد إن شاء الله ..
محبتي وتقديري ..
| |
|
|
|
|
|
|
| |
معتصم دفع الله
Soumeta
ibrahim barssi
Deng
انعام عبد الحفيظ
humida
Omayma Alfargony
Sidig Rahama Elnour
إدريس محمد إبراهيم
عثمان عبدالقادر
Mohamed Abdelgaleel
Muna Khugali
خالدة البدوي
لؤى
عبدالحليم خالد التلب
عبد الله عقيد
شتات
tmbis
Alsa7afa_30
الصادق خليفة
فيس بوك
تويتر
انستقرام
يوتيوب
بنتيريست