|
الخرطوم:من تحت نيمة ومن فوق عنقريب هبابي تحياتي لكم اصدقائي واحبتي بالرياض
|
احبتي واصدقائس بمدينة الرياض
لكم تحياتي الحارة
سافرت منكم منذ 1/6/2006 الي السودان بدون وداع فلكم المعذرة. سكان الخرطوم لاحديث لهم غير الحر ...الحر ..الحر والكتاحة ...الكتاحة وقطوعات الكهرباء في عز النهار ومعها الموية حتي لو كانت موجوده في المواسير وذلك لضرورة رفعها في الصهاريج بالموتور وهنالك احياء قد لاتدخلها الموية لمدة 10 ايام.
انت زول محظوظ لو عندك كرقة في الحوش او نيمة في الشارع عشان تجيك لفحة نسمة من بحر ابيض او بحر ازرق.برضو تقول لي توجه حضاري ياود الباوقة.
الخرطوم غالية غالية نار جهنم . الأسعار في السماء اسعار الكهراء 4 او 5 اضعاف السعر في السغودية اسعار البنزين 3 أضعاف في السعودية .
علاء في المواد الغذائية والخضروات والفواكهة والأيجارات للمنازل والشقق المفروشة. ارتفاع قيمة الدينار السوداني وتصاعد الأسعار في كل شئ.
الحرطوم مزدحمة جدا كل الافاليم جاءت الخرطوم .برافو الحكم الفدرالي نقل مواطني الأقاليم الي الخرطوم بانعدام الخدمات وترديها وغياب مشارع الأعاشة وجيوش الوزراء الي الاقاليم. اشتكييني ياود الباوقة لي نافع انا هنا معاه.
الحباه السياسة والثقافية في موات والرياض احسن منها نشاطا 10 مرات في هذا الجانب. فعلت خير ياصلاح غريبة لمان جدعت بطاقة جماعة نافع علي الرض بس كان تبصق عليها كما.
سأواصل ومستعد للردود علي اسئلتكم
|
|
|
|
|
|
|
|
Re: الخرطوم:من تحت نيمة ومن فوق عنقريب هبابي تحياتي لكم اصدقائي واحبتي بالرياض (Re: عبدالقادر علي عبدالرحيم)
|
الأخ الأستاذ عبدالقادر علي
لك التحايا وأنت بين أهلك وأحبابك ، رغم الكتاحة والحر الشديد والقطوعات في الكهرباء والمياه . ما زمان سمعنا إنو القطوعات المبرمجة دي راحت في حق الله ، خاصةً بعد ظهور الجمرة الخبيثة !؟ ده كان كلام تخديري ساكت واللا شنو ؟ وبعد ده كلو كمان غلاء أسعار !
بصراحة عملتي احباط وجبت لي اكتئاب وأنا بحزم في شنط العيال عشان الاجازة الحلوة المنتظرانا بي غادي . معنى كلامك ده ، ننسى بيوتنا في (الخرتوم) ونتكامل عند أهلنا الحنان تحت شجر النيم والجوافة والمنقة والليمون داخل حيشاناالواسعة في (الجيلي) ، حيث الهمبريب والبحر في طرف البيوت .. وخرتوم السجم والرماد والكتاحة والسموم دي نخليها لي ناسا (للفضاء)؟! . وكمان ما أظن مع وجود المصفاة عندنا ، إنو الكهرباء أو الموية ممكن تقطع زي الخرطوم .
غايتو .. لابد من (الإجازة) وإن طال الحر وتمدد القطع .. تحياتي ليك ولأخينا الطبيب الإنسان دكتور عبدالجبار ود إبراهيم لحدي ما نتلاقى بي هناك ، مع أمنياتي لك باجازة سعيدة رغم المنغصات . وشكراً على التنوير السريع .
( ليمو )
| |
|
|
|
|
|
|
Re: الخرطوم:من تحت نيمة ومن فوق عنقريب هبابي تحياتي لكم اصدقائي واحبتي بالرياض (Re: عبدالقادر علي عبدالرحيم)
|
Quote: انت زول محظوظ لو عندك كرقة في الحوش او نيمة في الشارع عشان تجيك لفحة نسمة من بحر ابيض او بحر ازرق.برضو تقول لي توجه حضاري ياود الباوقة. |
اخي عبد القادر .. اراك قد رجعت بنا الى عهد القرون الوسطي . والذي يسمع حديثك هذا يظن ان لك من السودان خمسون عاما .. لدينا العديد من الاسر نزلت قبلك السودان بقليل . لم تشتكي ممـــــا اشتكيت انت منه . اللهم اجعله خير يا رب ...
Quote: لحرطوم مزدحمة جدا كل الافاليم جاءت الخرطوم .برافو الحكم الفدرالي نقل مواطني الأقاليم الي الخرطوم بانعدام الخدمات وترديها وغياب مشارع الأعاشة وجيوش الوزراء الي الاقاليم. اشتكييني ياود الباوقة لي نافع انا هنا معاه. |
كلامك صحيح .. ولكن الا تتفق مع ان كل عواسم العالم ازدحام . وما الرياض ببعيدة عنك ...
اشتكييني ياود الباوقة لي نافع انا هنا معاه
الشكية لي البيدن قوية يا عبد القادر يا اخوي.
فعلت خير ياصلاح غريبة لمان جدعت بطاقة جماعة نافع علي الرض بس كان تبصق عليها كما.
صلاح غريبة ما زال عضوا بالمؤتمر الوطني ويتمتع بكافة الحقوق والواجبات صحح معلومتك ..
أجمل التهاني للآخ صلاح غريبة بمناسبة إنسلاخه من ألمؤتمر الوطني
بعدين انت كيفن تسافر لا حس لا خبر والله الختيتا رقدت ..
سلم لي على جعفر سلك وكل اهلنا طرفكم ..
ود الباوقة
| |
|
|
|
|
|
|
Re: الخرطوم:من تحت نيمة ومن فوق عنقريب هبابي تحياتي لكم اصدقائي واحبتي بالرياض (Re: عبدالقادر علي عبدالرحيم)
|
الشقيق عبدالقادر
كيفك والأهل .. كنت بضحك لما حد يقول لي والله البلد اتصلحت .. انا زيك شفت بعيني وأزفت كمان .. الناس بتموت من الهم والاهمال والحاجة .. الخرطوم بقت مكتظة بالمواطنين بعد أن هجروا مناطقهم بحثاً عن لقمة عيش يسدون بها رمقهم .. الريف أصبح خالياً بعد أن كان مصدر خيرات لأهله والعاصمة .. الحر والكتاحة دي بقت حاجة عادية .. والجمرة بتحرق الواطيها الما قادر على سداد فواتيرها ..
نتمنى ليك اجازة سعيدة خالية من العكننة ..
كن بألف خير ..
| |
|
|
|
|
|
|
Re: الخرطوم:من تحت نيمة ومن فوق عنقريب هبابي تحياتي لكم اصدقائي واحبتي بالرياض (Re: عبدالقادر علي عبدالرحيم)
|
الأخ ود الباوقة
تحياتي ياود البلد السودان كلو بسشتكي سيبني من الاسر التي نزلت السودان ولم تشتكي تعال انت زاتك وانا بفسحك في الخرطوم بي نفسي عشان تشوف كمية المعاناة لاهل السودان .
لايمكن مقارنة ازدحام الخرظوم بالرياض فالرياض فيها ازدياد طبيعي في معدلات النمو السكاني . ولكن الذي يحدث في الخرطوم يعني فشل الحكم الفدرالي فس تحقيق اهدافه والمنمثلة في تقديم المزيد من الخدمات والمشاريع الأعاشية للاقاليم ولكن اهداف نظام الأنقاذ كانت بغرض التمكين السياسي والامني ونوفير وظائف لكوادره.
تقصد بالشكية لي اب ايدا قوية منو....يعني تقصد ايد نافع بقت ضعيفة
اما بخصوص اخونا صلاح غريبة ارجو ان تتركه لوحده ليرد خاصة وهو صاحب باس وورد
| |
|
|
|
|
|
|
Re: الخرطوم:من تحت نيمة ومن فوق عنقريب هبابي تحياتي لكم اصدقائي واحبتي بالرياض (Re: ahmed haneen)
|
بسم الله الرحمن الرحيم
وين ياريس كده بس والله عفيت منك تب قلت راقت تحت العنبة الرامية
فى بيتكم وتتنسم نسايم الليل من الابيض والازرق ومجتمعات والله بختك
انا قايل البتعمل فيه فى الرياض ده هطرقة غربة ساكت وحيحوشك !!
لكن العنيد عنيد من شب على شئ شاب عليه وحب الوطن غالى والحكم للشديد القوى !!
وصفك عجيب ونغمك غريب وما فيك شيئا تب مريب اللهم الا اذا
لك حماية وحنا ماندرى .. والله ماتدرى وين ربي حاطك فيه!!
عموما نتمنى لك مع الأهل اجازة ميمونة وونسة مزيونة وبالله ياطير وأنت راجع
بعد ما تكمل ونستك جيب لينا معاك بعض الشمارات اللهى هي .......
| |
|
|
|
|
|
|
|