|
Re: شلاقة فحص الايدز في السودان (Re: banadieha)
|
أخونا بناديها ..
تصدق ما عندي أيدز !! طبعاً أنا ما قصدت أعمل فحص للأيدز بس ، الفحص شامل القلب والضغط ، والخلو من الأمراض الوراثية ، وغيرها والتي قد تؤثر في قصة الزواج والأطفال والانجاب ، وغيرها .. والتبرع بالدم ما بيخوف اذا كان خارج السودان ، بالعكس نتائجه ممتازة جداً على الصحة العامة ، الى جانب أنه بيعملوا لك فحص دوري للتأكد من خلوك من أي مرض مانع للتبرع .. وفحص الايدز واحد من الفوحصات المفروض نجريها قبل الزواج ، وحسب علمي هو فحص روتيني ، يعني ما فيهو مشاكل .. ورغم ثقتي من أنني (نظيف) وأبيض ناصع ، لكن الخُلعة الدخلوها فيني الناس ديل ، لي يومك بهلوس بيها .. نسأل الله السلامة ..
تحياتي
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
الأخ صلاح عبد الله قدرتك الفذة على السرد جعلت من تجربتك المريرة قطعة أدبيه رائعة يمكن تدريسها في المدارس وأتمنى أن تجد حظها بالنشر في الصحف السودانية . بل أرجوك نشرها للقارئ السوداني حتى يعي حجم الكارثة المحيطة به
| |
|
|
|
|
|
|
Re: شلاقة فحص الايدز في السودان (Re: عاطف عبدالله)
|
الأخ عاطف ..
شكراً على كلماتك المشجعة ، يا زول أنا بقوم أصدق كلامك ده وأطلق على نفسي ( الكاتب الأديب الأريب الغريب الـ......) .. تصدق يا عاطف أنا نقلت التجربة دي زي ما حصلت لي بالضبط لا زدت فيها ول نقصت .. هسي زول شليق زيي كده ، وعارف أهمية الفحوصات القبل الزواج ، يمشي كده بكامل قواه العقلية عشان يعمل فحص للأيدز ؟؟؟ يا خ ده مكان ما عندو أي علاقة بالطب والصحة.. والمصيبة أنه في حالات كتيرة جداً حاملة الفبيروس ده وما عارفين انهم مصابين .. شفت المصيبة دي ؟؟ غايتو الله يستر على الناس القاعدين هناك ديل ..
شكراً مرة تانية .. وتسلم .
تحياتي
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
عيشتني لحظات مشاهدة أفلام الرعب خليك إنت أنا من السرد بتاعك عشت رعباً لم أعشه من قبل وكنت متعاطفاً جداً معك وفرحت معك وكدت أصيح هو ما عنده إيدز وهنا اشيد بقمة فنياتك في مجال السرد ، حاول كتابة القصة بالله البتحكي فيه ده واقع السودان والبرلمان يعترض على إستخدام اساليب الوقاية (الكوندوم) عجباً ***** وتخلفاً آها ,.....، عشان كده ماعايزين نعرس وما عايزين نفحصه بلى يخمهم بالمناسبة وفقاً للإحصاءات السودان يمثل ثاني دولة عربية في الإصابات بعد جيبوتي فلا ندري هل لتقاريرنا الصحيحة أم لحياء بقية الدول العربية ورغبة في إظهار نفسها بالعفيفة.
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
الحبيب صلاح عبد الله
تعرف انا مرة بي تجربتك دي لكن هنا في الامارات
وانا الحمد للهواثق من نفسي فت اجدد الاقامه وقالوا عاوزين الفحص رحت الطب الوقائي وهاك يا فحص وكان معاي تلاته مصريين اصغرهم عمروا لا يقل عن الستين سنة
المهم شالت السودانيية الدم ورحنا ولانو حضرتها خلت العينات بره وما دخلتها التلاجه خربت طبعا ونادونا تاني لاعادة الفحص وتعال شوف الجرسة رحت لقيت المعاي المصريين التلاته كل واحد بقول انو عمرو ما لمس غير زوجتوا وانا كمان اتزكرنا الحلاقين الهنود يمكن
المهم النتيجه لفت معامل الامارات كلها وانا قاعد علي اعصابي وما كلمت اي شخص طبعا وخاصه انو اولادي معاي ويوم ظهرت النتيجه كان يوم فرح بالنسبة لي
| |
|
|
|
|
|
|
Re: شلاقة فحص الايدز في السودان (Re: abas)
|
عزيزنا عبس ..
بالله أنت برضو مرت عليك اللحظات دي ؟؟ مع الفارق طبعاً , وين الامارات ووين بلدنا الطيب .. لكن ما ممكن زول يحس بالموت الا يدخل تجربة زي دي ،، الايدز ما ياهو الموت زاتو مش كده ؟.. والمشكلة أنك تكون قاعد منتظر يومك ، وشوية شوية وزنك ينخفض ، وأجهزتك تبدأ في الضعف ، لحدي ما تتلحس .. بالله قول لي منو البينتظر يموت بالبطء الشديد ده ؟؟ .. غايتو في السودان القصة ( غير ) زول قاعد في أمان الله ، يتشالق ويقوم يدخلو ليهو وهم بتاع ايدز في راسو ؟؟ وتقوم الدلائل تشير لأنو مصاب ، أها تجري وين وتعمل شنو ؟؟ غايتو دي أيام .. الله لا وراها لأخو ..
تسلم .. ومبروك النتيجة ..
تحياتي
| |
|
|
|
|
|
|
Re: شلاقة فحص الايدز في السودان (Re: محمد أبوعاقلة الطريفي)
|
شلاقة ؟؟ هسه في زول نصيح بيعمل عمليتك دي ؟؟ و انا كا عارفك مشيت دخلت جوه الكترابة ديك , كنت قالدتك بعد العرس ؟؟؟
أتاريك .. جنك و جن المستشفيات .. و أنا أقول هااااع .. أنا أخو الكلس , الما بيخاف من المرض .. و بيركز ليهو , وما محتاج لدكاترة و دوا !!!! الحكاية تراها وسوسة ...
إنت لغتك السمحة دي , و تويرة نفسنا الدخلتها فينا دي , ما لقيت ليها غير الإستبالية الوسخانة دي ؟؟؟
| |
|
|
|
|
|
|
Re: شلاقة فحص الايدز في السودان (Re: Emad Abdulla)
|
الاخ الفاضل صلاح عبد الله
شكرا لك لفتحك هذه النافذه.
تجربتي مع عالم الايدز,جاءت من واقع اهتمامنا بالاستفاده من كل الخدمات الموجوده هنا.
استعان بي زميل كنغولي,يعلم انني امرأه ناشطه,فطلب عوني في اقتحام عالم المسلمين,هو موظف
(بشبكة الايدز) ومهمته تثقيف القادمين الجدد لكندا عن هذا المرض وعن الخدمات المتاحه,اشتكى انه
لم يجد طريقه للوصول للمسلمين ,وانه ذهب للمساجد وحاول ان يشرح للامام ضرورة عقد ندوات للمسلمين
بكل اللغات,لكنه لم يجد تعاون بل قيل له اذهبوا انتم وامراضكم(وكأنهم يعنوا امراض غير المسلمين).
المهم قلت له يدي في يدك وانا مستعده ان اجمع لك نساء مسلمات من مختلف الجنسيات لتلقي معلومات
عن الايدز وكيفية الوقايه وكيفية حماية ابنائهن وبناتهن.
لاننا للساف نحظر على بناتنا الحريه ونطلق عنانها للاولاد,وفي النهايه وبعد حياة ماجنه للشباب المسلم
يعودوا ليتزوجوا من بناتنا المصانات حاملين معهم مثل هذه الفيروسات القاتله,ولاننا اغبياء لا نطالب
اي شاب متقدم للزواج من بناتنا ان يقدم لنا اوراق فحصه.
المهم عشان ابث مثل هذه المعلومات واصير (مشرفة مجموعه كان لابد ان اتلقى دورة تدريبيه حول الايدز
والدوره في مركز الايدز وهنالك موظفين كثار مصابين(جزء من مبادئ المركز عدم التمييز العنصري تجاه مرضى الايدز)
اي عزلهم او الخوف منهم او عدم التعامل معهم).
وطبيعي ان احضر واحي موظف او موظفة الاستقبال والتي من شكلها (يبدو عليها انها مصابه) واجدطبق امامها
(ممتلأ بالعازل الطبي) يوزع مجاننا,وهنالك صور لرجال رعاة يقبلون بعضهم ونساء عراة يقبلن بعضهن ورجال
ونساء يقبلن بعصهم,وهذا معناه ايضا ان المركز يرفض التمييز العنصري بسبب الميول الجنسيه,,انهم ملزمين
بتقديم خدماتهم لكل اصناف البشر!!!!
المختلف هنا سرية المعلومه,ممنوع ان يخبرك احد وانت موظف او متطوع عن حالة فلان او علان,الا اذا
اخبرك صاحب الشأن.
الناس شكلها اصحاء جدا مقارنه بناس الايدز عندنا,حيث توفر لهم كل الادويه مجاننا.
هنالك حليب خاص غالي جدا (كمية علبة الكارنيشن الصغيره تعادل 70 دولار)يوزع مجاننا لهم.
يوفرون لهم فرص عمل ,ينظمون لهم رحلات ,يعاملون بأدب,يلتقون فيمراكز جميله,لا يسربون
معلومات عنك ولكن بنفس القدر يتوقعون ان تبادر انت لاعلان اصابتك لاي انسان تدخل في علاقه
خاصه معه,وفعلا لا يغدر (خواجه بشؤيكه او شريكته),ولكن حدثت حوادث مخجله ان نقل سوداني
المرض لاكثر من 40 امرأه كنديه,ورجل افريقي آخر فعل نفس الشيئ,فاحضروا صورهم في االاخبار!!!!
غير كده حسب سياسة البلد لا يتحدثون عن خصوصيتك ولكن يتوقعون الامانه منك,فهل توجد اخلاق افضل من ذلك!!!
ساعود مرة آخرى لو سمح زمني لاكمل لكم ماعرفته عن عالم الايدز.
لفت انتباهي هذا التفكير.....
Quote: يا ود قوم اتخارج قبل ما واحد من الجماعة ديل تهف ليهو يقوم يديك (عضة) مقصودة ويديك شوية من
دمو وتروح في حق الله ..
|
لماذا يمكن ان يكتسبوا تلك الشراسه في بلادنا؟؟؟؟
اعتقد للمعامله الشيئه وقة المعلومه وارتباط مفهوم الاصابه بالممارسه الجنسيه,وما نحمله من مفاهيم
متحفظه عن الجنس عموما.لكن الواقع يقول ان هنالك اصابات كثيره نتجت عن طريق النواحي الطبيه.
ساعود لكم.
تراجي.
| |
|
|
|
|
|
|
Re: شلاقة فحص الايدز في السودان (Re: Tragie Mustafa)
|
اخي صلاح
لفت انتباهي ايضا هذا الجزء:
Quote: و ما تحاول تتصل بالتلفون لأنه ما ح يقولوها ليك الا تجي بنفسك .. شكراً .. ثلاثة ايام !!! وأنا حنتي بكرة !!! طيب وبعدين ، المفروض أعرف النتيجة قبل كده عشان كان في حاجة لا قدر الله مشيت ، قابلت شباب حلوين زي الورد ، منتظرين ، طبعاً أفتكرتهم جايين يستلموا نتيجة السجم دي زيي أنا ، أها بعد الونسة اكتشفت أنهم حاملين للبلوة دي .. إذا صادفك احدهم في الشارع فلن تستطيع (وأن فعلت) أن تتصور أنه مصاب بالايدز ... هنا ( الجن ركبني ) خاصة بعد أن رأيت أحدهم وهو من دولة مجاورة مصاب (باسهال شديد) ووجهه يبعث في أعتى الفرسان رعباً قاتلاً .. الباقين (سودانيين) عديل وشباب والله لم يتجاوزوا الثلاثين .. الشباب ديل قصتهم شنو ؟؟ حكت لي ( وليتها لم تفعل ) معقول ، الشباب ديل شايلين البلوة دي وحايمين بيها ؟؟ داخل المكتب ثلاثة شباب في منتهى الفتونة والعنفوان .. ورابع في نفس عمرهم ، بدأت تظهر على ملامحه آثار الكارثة .. هزال واضح ، ووجه يخلو من الحياة ، يشكو (برعب واستجداء) من الاسهال الشديد .. الاخرين يشكون من أعراض أخرى .. من أين جاءوا بها ، وعلى من وزعوها ؟؟ |
انت سألت:
Quote: الشباب ديل قصتهم شنو ؟؟
|
وهي اجابتك:
Quote: حكت لي ( وليتها لم تفعل ) معقول ، الشباب ديل شايلين البلوة دي وحايمين بيها ؟؟ |
هذه هنا تعني خيانة الامانه.
هذه الممرضه افشت اسرار مرضاها,وحسب القوانين العالميه ممنوع عليها ذلك.
هنالك طرق آخرى للوقايه من المرض بدلا عن (الثرثره) نشر المعلومات باقامة السمنارت و التوعيه
وبدلا عن برامجهم السخيفه في بلاد مثل السودان يفترض يوميا يتحدث التلفزيون عن الايدز,فهو كارثه.
ممرضه مثل هذه تمنع من ممارسة مهنة التمريض للابد في كندا.
وتخيل هؤلاء كانو بالصدفه هناك ,اما من لم تعرفهم فهم كثر قد يكونوا اولاد جيرانكم,او حتى بعض اقاربنا
صدقني الكارثه في السودان تفوق الوصف خاصه مع (عادة الخفاض الفرعوني) وعاداة المتزوجات السخيفه
فيما يعرف (بالعدل).
وساعود ان وجدت زمن.
تقديري.
تراجي.
| |
|
|
|
|
|
|
Re: شلاقة فحص الايدز في السودان (Re: Tragie Mustafa)
|
السلام عليكم اضحكتني جدا و سردك جميل بس اجمل حاجة مكنة اخو البت العرفتوا دا لوووووووووول و فكرة الفحص تدل علي وعي كبير و تسامح بس لو كنت خطيبي و قلت ليك نفحص الايدز كنت ح توافق؟؟ تساؤلي هذا حين كنت اعمل مع جمعية ايداز و هي تعني بتوعية الشباب بالجامعات السودانية حول المرض وقلنا ليهم البنات لازم يكلموا العريس بفحص الايدز قاموا ضحكوا و قالوا هو عرسان مافي ونطيرهم بالفحص كمان
اتلموضوع جد بخوف
و انا بناشد تابيتا تعمل فحص مجاني و طوعي للشباب
المشكلة انو طرق النقل المعروفة دي هينة
بس حاجات خارجة من ارادتك ترميك في التهلكة
زي في بعض الدول الاخري المرضي بعملوا دبابيس ملوثة في الاماكن العامة
و لا في اهمال السودان طبيب الاسنان بقي مشكلة
و ناس الحقن القديمة
و البنات في الداخلية و شيل الحواجب
و الحلاقة عند الاولاد
الاهمال كلوا ممكن يرميك
هسي لو كنت في شارع مدني الخرطوم وواحد طلب قلامة اظافرك بتديها ليهو و لا بتقول ليهو يا حالولي
المجاملة واحدة من المشاكل برضو
| |
|
|
|
|
|
|
Re: شلاقة فحص الايدز في السودان (Re: sudania2000)
|
Quote: تخيلوا أن فحص الأيدز يتم بحقنة معدنية تستعمل أكثر من مرة!!!!) وناولها قطعة مطاطية شفقافة ، وحاوية صغيرة لأخذ العينة .. وهنا كان أول اعتراض .. طوالي وقفت على حيلي وقلت ليهم ( أنتو دايرين تشيلوا دمي بالحقنة دي ؟؟ ) .. يا أستاذ نحن عارفين بنعمل في شنو .. يعني أنت بتعرف شغلنا أكتر مننا ؟؟ . حاشا لله ، أنتو أعرف ناس في الدنيا ، لكمن البعرفو أنا أنكم ما ح تاخدوا دم مني بي حقنتكم دي .. يا فلانة بالله استعملي حقنة بلاستيك خلينا نخلص .. |
حالتهم ديل الفنيين الشغالين فى المستشفيات والمفروض فيهم يكونوا عارفين طرق انتقال الفيروس الأخرى غير الجنس، بتصرفوا باللامبالة دى !!! الناس الباقين يعملوا شنو؟ حسبى الله ونعم الوكيل
ومبروك الزواج يا أخ عبد الله وحمدالله على السلامة
وشكرا للسرد الممتع
تحياتى
| |
|
|
|
|
|
|
Re: شلاقة فحص الايدز في السودان (Re: محمد الامين محمد)
|
الأخ محمد الأمين محمد ..
سلام ..
برضو إنت شغال في نفس مجال أخونا أمبدة ، والبروفايل بتاعك بيدل على كده ( تقني مختبرات طبية) وقالوا شكارتها دلاكتها ،أمها وخالتها.. وبرضو بقول ليك ، أمشي شوف الحاصل شنو ، وتعال اتنوس معانا أنا وأخوي أمبدة في موضوع الايدز ده ..
تحياتي
| |
|
|
|
|
|
|
Re: شلاقة فحص الايدز في السودان (Re: ombadda)
|
أمبدة .. السبيل..
يا دكتور طبيعي تدافع عن المرافق الصحية باعتبارك تعمل في هذا الحقل .. ولكن على افتراض أنه شغلي ده (جاكــــــــــــــــات) يا جاك .. كدي أمشي شوف بي نفسك ، وبعدين تعال نتونس ، عشان نعرف منك ناس الصحة عملوا شنو في القصة دي ..
تحياتي
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
الأعزاء المتداخلون جميعاً ..
تحياتي . آسف لتأخري في الرد .. وسارد عليكم جميعاً هنا .. فارجو المعذرة ..
أخونا وصاحبنا أبو عاقلة ، شكراً على الطلة ، وفعلاً كان لا بد من لبس النضارة عشان تعرف الحاصل شنو ..
newbie: يا حليلهم الاشقدي وأب عديلات ، تصدق زمنهم كان زمن سمح ، وياها الامراض البنعرفها .. تعال شوف هسى ناس ايدز ، وحمى الوادي المتصدع ، وانفلونزا الطيور ، وقومة نفس القرود .. وصدقت يا حليل أمراضنا البنعرفهم ( وبيعرفونا ) ..
عماد عبدالله : والله بصراحة فعلاً ما في زول نصيح بيعمل عمليتي دي ، لكن الفحص واجب يا فردة .. تصدق لو عايز أعرس تاني ، برضو ح أمشي أفحص ،، بس بعيداً عن السودان (حمانا الله).. الدكاترة (مع احترامي لهم جميعاً) ما بحب أقابلهم ، ليس لعيب فيهم ، ولكن لأنه هم بالنسبة لي (آخر العلاج الكي) في واجبات مفروض يقوم بيها المريض وح تشفيهو ، وإذا ما حصل ،، أها يقوم سريع يقابل ناس بروف معز .. والله الموضوع حق الايدز ده كان حارقني بالحيل ، ووكت الله فتحها علي نزلتو هنا (ده عشان إطراءك للغة الكتابة) .. تسلم ،، ومبروك لتسنيم ..
الأستاذة تراجي : شكراً لمداخلتك القيمة ،، وأخلع قبعتي احتراماً لمجهودك في هذا المجال .. كل يوم بنكتشف فيك حاجة جديدة .. يديك العافية .. أتعشم دائماً في شبابنا ، وأؤمن تماماً بأمكانياتهم ومجهوداتهم في مجال الأيدز وقد لمست ذلك بنفسي ، كما أن على المستنيرين أن يحثوا الشباب المقدم على الزواج على ضرورة إجراء الفحوصات اللازمة ، ويبدأوا بأنفسهم .. وأؤكد لك أن مصابي الايدز الذين قابلتهم ، لم يكونوا شرسين أبداً ، بل على العكس كانوا في غاية الوداعة ، ولكن رغم علمي بمسالمتهم ، فقد انتابني ذلك الاحساس فعلاً ن وهو طبيعي جداً ، لأي زول عادي .. ولم أقصد الاساءة اليهم أو الانتقاص من انسانيتهم .. آمل أن نسمع منك بعضاً من تجاربك في هذا المجال .. ومرحب بيك , أي وقت ..
سودانية الفين وستة : الستة دي من عندي عشان كأس العالم .. مرحب بيك.. تصدقي البت فعلاًُ بتشبه أخوها (شبه القرود) وطبعاً (للحق) أخوها كان مساهر معاي في الليل ، لأنه فعلاً فردة .. طبعاً أنا أتمنى أكون خطيبك (بس المرة ما تسمعني وتطين عيشتي) وصدقيني أنا طلبت من زوجتي إجراء فحوص شاملة قبل الزواج ، ولو كان الطلب جاء من عندها بأني أعمل فحوص كنت ح أكون سعيد جداً ، وح أمشي طوالي أعمل الفحوص المطلوبة .. وبعدين قصة الدبابيس دي فعلاً تخوف ، بس الحمد لله ناسنا طيبين ومابيعرفوا الحاجات دي .. دائماً الفكرة أنه ناس الجامعات هم الأكثر فهماً وإدراكاً بخطورة هذا المرض ، ويقع عليهم عبء التنوير بخطورة هذا المرض لغيرهم .. ولو ده حالهم ، فعلينا وعليهم السلام .. تسلمي ..
المهيرة.. وعقد الجلاد : تصدقي ده حال البلد ، وحال المرافق الصحية عندنا .. يعني تخش وأنت تمني نفسك بنتيجة تبين أنك مية المية وما في مشاكل ، يقوم يوهموك بالأيدز . يعني الناس المفروض إنهم يطمنوك يقوموا يبهدلوك .. أها تاني تمشي لي منو عشان ترجع تطمن تاني ؟؟ غايتو البلد ماشة على وين ،، ما عارف ، ولو الناس ما انتبهوا للكارثة دي ، بعد سنين ح تلقي البلد (خلاء).. شكراً على كلامك الطيب .. تسلمي ..
أخونا النصري : شكراً على الاشادة بالبوست ، ونتمنى أن نكون عندحسن الظن دائماً .. شكراً تاني ..
noon والقلم : Actually i'm not sure, but my wife gave me a nice baby girl nine month ago, and she is OK
تحياتي لكم جميعاً
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
الاخ عماد ،، كيف الحال
ورائك شنو فى مستوصف يعد من الفايف استارز انه يسحب عينه دم
ويقول ليك شيلها وديها المعمل الفلانى ،،،
مع العلم بانه يوجد معمل داخل المستوصف ،،
مع العلم بانه من المفترض العينة دي تكون محفوظة بشكل جيد ،،
مع مراعاة كل سبل الحماية ليها ،، من تلوث ،،ضياع ،،تلف ،،
ومن المسؤل اذا حصل شئ لهذه العينة ،،
الشئ البضحك ،، انه سالت طبيب ،،بقول ليه من المفترض المعمل هو ياخد
العينة ويبعتها لى اي معمل تانى لانو هم بكونو عارفين كيف يحافظوا عليها ،،
الطبيب بقول لى ،، انت مش المرافق مع المريض ،،انت تشيل العينة توديها ؟؟؟!!!
هل يعقل ،،،
| |
|
|
|
|
|
|
Re: شلاقة فحص الايدز في السودان (Re: ودالعباسية)
|
الأخ الفاضل: صلاح عبد الله:
أهنّّئك صادقا بالزواج.
سردك للأوضاع الصحية المزرية في معمل استاك السوداني للاشعّة سلس، مشوّق، و يدعو للأسف في ذات الوقت,
اّّمل ألا تسيئ فهمي، أخي صلاح. بس العبارات التالية في رد الأخت السودانيّة خبيرة الأشعّة:
مبروك النتيجة ايجابية ..
حيّرتني خالص خالص. قصدها طبعا معروف و نيتها سليمة. لكن من ناحية لغوية الكلام دا خطأ شنيع. باللغتين: الانجليزيّة و العربيّة، و في السياق المستعمل أعلاه، حينما تكون نتيجة تحليل الدم للكشف عن فيروس الايدز : : " ايجابيّة", أو : " positive ", فذلك يعني أنّ التحليل أثبت وجود الفيروس الناقل لمرض االايدز في الدم. و في حالة عدم وجود الفيروس الناقل لمرض الايدز في الدم، فانّ نتيجة التحليل تكون: سلبيّة، أو " negative ".
و الله من وراء القصد.
طارق الفزاري
ود زينب
| |
|
|
|
|
|
|
Re: شلاقة فحص الايدز في السودان (Re: wedzayneb)
|
والله أنـا لو مـرضـت في السـودان ما بأمشي مستشـفي..قبل ايـام فكـرت أجـي أعـالج أسـناني في السـودان وطبعا في عيادة خـاصـة.... لأنه العلاج هنـا في لنـدن هايكلفني فـوق الطـاقة ..لكـن وحـياتكم أبـدا...ولـو حـتي جـاتني ملاريا ما هأعمـل فحص...دي حـاجـة تخـوف..ربنـا سـتر عليك يا صـلاح أخـوي سـاكت! الحمـدلله..
مـني
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
Salah Abdulla
تحياتي و أنت تعيش هذه اللحظات الرهيبة
أنا عشتها لكن ما مع فحص الأيدز و إنما مع فحص إلتهاب الكبد الوبائي كان لازم نعملوا عشان الكشف الطبي للدولة التي سنرحل إليها المهم بحكم المهنة و التعامل مع المرضى و الواحد خاتي في باله إن المرض ممكن بنسبة بسيطة ينتقل عن طريق شكة إبرة من المريض للطبيب ( طبعاً في الوقت داك النسبة البسيطة دي بتبقى كبيرة جداً) و الفحص نتيجته عشان تظهر بتاخد وقت المهم يا زول لما كنت طالعة في معمل إستاك في السلالم ضربات القلب وصلت 200/الدقيقة و العرق يتصبب و لما دخلت على الدكتور و وراني إن النتيجة سالبة حتى عيوني فتحوا
المهم بالنسبة لفحص الأيدز حتى المرضى الذين يشك الطبيب في أنهم قد تكون هناك احتمالية أن يكونوا مصابين بهذا المرض يعمل لهم Councelling أي جلسات تحاور و توعية بأهمية المرض و أهمية التعرف على الإصابة مبكراً و للتعامل مع الجابن النفسي و المخاوف التي قد تؤثر سلباً على حياة المريض حتى أثناء الفحص ناهيك عن كون ظهور النتيجة إيجابية ( حمانا الله و إياكم) و في اعتقادي أن هذا الجانب مهم جداً قبل اللجوء إلى الفحص و حقيقة أحيي فيك شجاعتك
تحياتي
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
صلاح عبد الله
حمد الله على السلامة!
Quote: الشابة الفنية عارية اليدين (بدون قفازات) |
من حقك أن ترفض سحب الدم اذا لاحظت أن الممرضة أو التقنية لا ترتدي قفازات, وأستغرب من اهمالك لحقك الواضح هذا
نصيحة قلبية, حتى اذا رأيت الممرضة ترتدي قفاز, فاطلب منها أن تخلعه وتردي قفاز جديد وتراقبها وهي تخرجه من علبة القفازات وتلبسه الكثير من الممرضات للأسف (وهذا ليس في السودان وحده) بل في بلدان تحسبها متطورة مثل الامارات, الكثيرات يعتقدن أن القفازات وجدت لحماية أنفسهم من العدوى وليس حماية المريض.
فهل تتخيل انها مسحت نقطة دم لشخص مصاب بالتهاب الكبد الوبائي, وبنفس القفاز تمشك قطعة قطن وتمسح يدك بالسبيرتو استعدادا لاحداث ثقب في يدك يمر من خلاله الفايرس لك؟!!!
Quote: حكت لي ( وليتها لم تفعل ) معقول ، الشباب ديل شايلين البلوة دي وحايمين بيها ؟؟
|
دي المفروض جريمة يحاسب عليها القانون في كثير من دول العالم( لا أعرف عن ذالك الأمر في السودان)
وأعتقدأنه حتى عند معرفتك بنتيجة فحص الايدز الايجابية لمرضاك في السودان, فان الأطباء يتركون أمر اخبار المريض لما يسمونهم بالباحثات الاجتماعيات( Social workers) للاعتقاد بأن الأمر يحتاج لمهارة تواصل ليست متوافرة حتى لدى الأطباء وكنت معجبة بهذا الاجراء حتى قرائتي لسطورك قلت لي بتتونس بنتيجة المرضى؟؟؟
| |
|
|
|
|
|
|
Re: شلاقة فحص الايدز في السودان (Re: zola123)
|
الأخت zola123
تحياتي واحترامي
مادام رفعتي البوست ده ، خليني أول حاجة أشكر الاتداخلوا قبلك وأولهم الأخ : ودالعباسية ، ناس المستوصفات ديل كمان قصة تانية ، الله يشفى جميع المسلمين .. ( همسة ) يا ودالعباسية أنا صلاح ما عماد ، وألا تشابهت عليك ( الشنبات ) .. wedzayneb : إنت صاح ، وأنا غلط ، ويرجع الأمر ( لشلاقتي ) ومفروض أكتب النتيجة سلبية ، مش ايجابية ، البنية برئية من التهمة .. شغلك ده بتاع محترفين صحافة ( بالجد ) يعني كان في جريدة وقعت تحت يدك تكتب عليها طوالي ( أعد ) .. شكراً يا زعيم .. رديت عليك بالماسينجر ... Muna Khugali و noha_g ، إزيكم .. رديت عليكم بالماسينجر ونقيت فيه بالتفصيل ، لآنه البوست كان مشى بعيد شوية ، وما حبيت ارفعو تاني ونتيح الفرصة لبوستات تانية . zola123 ، أماأنت يا زولتنا، تصدقي أول مرة انتبه لقصة تغيير القفازات دي ؟؟ ومنكم نستفيد . وطبعاً الجهل بالامور الطبية مصيبة .. وأنا بصراحة ثقافتي الطبية محدودة .. وبعدين البنية ما حكت لي قصصهم (بالتفصيل) قالت أنه حاملين الفيروس ، ومراحل مرضهم مختلفة ، ومعظمهم أصيبوا في الخارج ، وطبعاً بيتابعوا علاجهم هناك ،، وهو زاتو كان في وكت للونسة مع الحنة والخوف والشلاقة دي؟؟ يا NOON غايتو عليك جنس غتاتة ، قلتي النتيجة ايجابية ، دايرة تكتليني ، بدل ما تصلحي لي غلطتي ؟؟ يعني عشان أنا ما دكتور تقومو تعملوا فيني كده ؟؟ أها الغلطة صلحناها وعلمنا النتيجة سلبية ، كيتاً فيكم .. وكتر خير ود زينب .. رسلت ليك ماسينجر .. sudania2000 شكراً ليك ، وانشاء الله نبرى كلنا من الأمراض ، وأنا بعد كده ح أعمل بي نصيحتك وأخلى الشلاقة الحتوديني في ستين داهية دي ..
شكراً للجميع ..
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
والله يا صلاح عبد الله ..ذكرتنى روحى لمن اشتغلت الشغلة دى ..
قالو اعملوا فحص لشنو كده ولشنو ولشنوو للتبى .. وللايدز...
ياخ الزول سيرتو زاتها بتكشش شعرة جلدو خلى يفحصو..
وكان متأكد من نفسو شن وشنو داك .. الاوهام بتلعب بى دماغو..الا قاتل الله تلك التلاتة يوم.."والله ما متذكراها كانت كم يوم"
اها اوريكم النتيجة ولا تمشو الجنوبى؟؟
سردك جميل..زى بسمتك.
| |
|
|
|
|
|
|
Re: شلاقة فحص الايدز في السودان (Re: Salah Abdulla)
|
لقد عشت نفس التجربه في العام الماضي عند زيارتي للسودان ولكن بمنحي اخر والحصل كالتالي.. عندما دعيت من اصدقائي لزيارتهم في المتشفي و تعريفي بالزملاء و الزميلات و فعلا الا ان وصلت هناك ووجدت الشخص الذي مفروض ان يستقبلني بدون بالطو و بدون قفازات وكان حين ذاك طبيبا على قسم الاطفال..والامهات و الاطفال تشوتم من الشارع !!مع حر شهر 8!!متخيلين عندما اراني العنبر من بعيد بان هناك الاطفال المصابين بمرض السل و والزكام و غيرها من امراض اطفال مع راحئه الاستفراغ المنتشره في العنبر و الملايه القريبه بوصفها للشاش الخفيف الاصفر المهترئ الذي يقسم سرير عن سرير..مستطردا صديقي الطبيب ..تعالي اعرفك بمرضاي و اهاليهم..ولم تكن رده فعلي غير اني تفاجات و قلت ليهو كمااان !! وبوجود الاصدقاء الكثر هناك و كانو في زحمه الدوام لم اشاهد اي طبيب او طبيبه بقفازااااااااات !! اما البالطو فبعضهم يلبسونه ما اعنيه ان هناك حاله من الاهمال الطبي الامحدود..مع كثره الاطباء الا ان الفقر هدم ابسط احتياجاتنا ..التامين الصحي و ان وجد فلا ضمان و لا امان لسلامته.. هذا هو عنبر الاطفال حيث الخليط من الامراض..ومن هذه الحادثه الصغري اتوقع معامله مرض الايدز في السودان كيف تكون.. احترم فيك اصرارك على الفحص الطبي قبل الزواج و اتمني ان يتبع هذا النظام من قبل كل فتاه و شاب.. ثاينا:اشفق على فتاياتنا اللاتي يتعاملن بالموس او الشفره في شيل الوش والحواجب كما قالت سودانيه فهذا شي حصل امام عيني تشيل وش دي و تمشي لي دي و تشيل وش ديك وتمشي للبعدا و هكذا !!.. الخصوصيه التي تكلمت عنها تراجي لمرضي الايدز.. صفائح علب الصلصه المرميه في الشوارع و البلعبو بها الازلاد الصغار دون مراقب! دي ما شلاقه فحص الايدز دي شلاقه الصحه في السودان
وحاليا انا ينتظرني فحص ايدز لتجديد الاقامه !!ان شاءالله خير
تحياتي
| |
|
|
|
|
|
|
|